ധനുഷിന്​ ശേഷം സൂര്യ; വെട്രിമാര​െൻറ വാടിവാസൽ

തമിഴിലെ മുൻനിര സംവിധായകൻ വെട്രിമാരനും നടിപ്പിൻ നായകൻ സൂര്യയും ആദ്യമായി ഒന്നിക്കുന്നു. വാടിവാസല്‍ എന്ന്​ പേരിട്ടിരിക്കുന്ന പുതിയ ചിത്രത്തി​​െൻറ ക്യാരക്​ടർ ഡിസൈൻ പോസ്റ്റർ സൂര്യക്ക്​ പിറന്നാൾ സമ്മാനമായി അണിയറ പ്രവർത്തകർ പുറത്തുവിട്ടു.

ധനുഷിന്​ അസുരൻ എന്ന സൂപ്പർഹിറ്റ്​ ചിത്രം സമ്മാനിച്ചതിനു ശേഷം വെട്രിമാരൻ പ്രഖ്യാപിച്ച ചിത്രങ്ങളിലൊന്നാണ്​​ സൂര്യയുടെ വാടിവാസൽ​. ഏറെ നാളായി മികച്ച വിജയ ചിത്രത്തിനായി കാത്തിരിക്കുന്ന സൂര്യക്ക്​ പുതിയ കൂട്ടുകെട്ട്​ ഒരു തിരിച്ചുവരവ്​ കൂടിയാകുമെന്നാണ്​ ആരാധകർ പ്രതീക്ഷിക്കുന്നത്​.

കലിപ്പ്​ ലുക്കിലുള്ള സൂര്യയുടെ ക്യാരക്​ടർ പോസ്റ്റർ വെട്രിമാര​​െൻറ തനത്​ ശൈലിയിലുള്ള മറ്റൊരു ലോക്കൽ ചിത്രമായിരിക്കും വാടിവാസൽ എന്ന​ സൂചനയാണ്​ നൽകുന്നത്​. പോസ്റ്റർ ഇതിനകം സമൂഹ മാധ്യമങ്ങളിൽ വൈറലായിട്ടുണ്ട്​. സി.എസ്​ ചെല്ലപ്പയാണ്​ ചിത്രത്തിന്​ വേണ്ടി രചന നിർവഹിച്ചിരിക്കുന്നത്​. കലൈപുലി എസ്​. തനുവാണ്​ നിർമാണം.

സൂര്യയുടേതായി പുറത്തിറ​ങ്ങേണ്ടിയിരുന്ന ചിത്രം സുധ കൊങ്ങരയുടെ സൂരൈ പൊട്ര്​ എന്ന ചിത്രമായിരുന്നു. മലയാള നടി അപർണ ബാലമുരളി നായികയായ ചിത്രത്തി​​െൻറ റിലീസ്​ കോവിഡി​​െൻറ റിലീസ്​ നീട്ടിയിരിക്കുകയാണ്​.