നയന ജെയിംസ്, ആൻസി സോജൻ
ഭുവനേശ്വർ: കലിംഗ സ്റ്റേഡിയത്തിൽ കനത്ത പോരാട്ടം നടന്ന ഇന്ത്യൻ ഗ്രാൻഡ് പ്രി അത് ലറ്റിക്സ് മീറ്റിലെ വനിത ലോങ് ജംപിൽ മലയാളി താരം നയന ജെയിംസിന് സ്വർണം. മറ്റൊരു മലയാളി താരം ആൻസി സോജനുമായി ഇഞ്ചോടിഞ്ച് പൊരുതി 6.37 മീറ്റർ ചാടിയാണ് നയനയുടെ നേട്ടം.
ആൻസിക്ക് (6.35) വെള്ളിയും ഉത്തർപ്രദേശുകാരി ഷൈലി സിങ്ങിന് (6.27) വെങ്കലവും ലഭിച്ചു. ആദ്യ രണ്ട് റൗണ്ടിൽ 6.29 മീറ്റർ പ്രകടനത്തോടെ ആൻസിയായിരുന്നു മുന്നിൽ. ഫൗളിൽ തുടങ്ങിയ നയന രണ്ടാം ശ്രമത്തിൽ 5.99 ചാടി. മൂന്നാം റൗണ്ടിൽ 6.30ലെത്തി ആൻസിയെ മറികടക്കുകയും ചെയ്തു.
എന്നാൽ, ആൻസിയുടെ നാലാം ശ്രമം 6.35 മീറ്ററായി. തുടർന്ന് 6.37 മീറ്റർ ചാടി വീണ്ടും നയന മുന്നിൽ. നയന ഇതേ പ്രകടനം ആവർത്തിച്ചപ്പോൾ ആൻസിയുടെ അവസാന രണ്ട് ശ്രമങ്ങൾ ഫൗളായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.