സിഡ്നി: ക്രിക്കറ്റ് ഇതിഹാസം സാക്ഷാൽ സർ ഡൊണാൾഡ് ബ്രാഡ്മാൻ 71വർഷം മുമ്പ് ബാറ്റ്ചെയ്യുന്നതിെൻറ കളർവ ീഡിയോ പുറത്തെത്തി. 1949 ഫെബ്രുവരി 26ന് സിഡ്നി ക്രിക്കറ്റ് ഗ്രൗണ്ടിൽ അരങ്ങേറിയ ഫസ്റ്റ്ക്ലാസ് സ്വഭാവമുള്ള മ ത്സരത്തിൽ ബാറ്റ്ചെയ്യുന്ന ദൃശ്യങ്ങളാണ് ഓസ്ട്രേലിയയിലെ നാഷണൽ ഫിലിം ആൻഡ് സൗണ്ട് ആർക്കൈവ് പുറത്തുവിട്ടിരിക്കുന്നത്. ബ്രാഡ്മാൻ ബാറ്റ്ചെയ്യുന്നതിെൻറ ലഭ്യമായ ഏക കളർവീഡിയോ ഫൂട്ടേജാണിത്. മത്സരത്തിന് സാക്ഷിയാകാൻ 41000ത്തിലേറെ കാണികൾ ഗ്രൗണ്ടിലെത്തിയിരുന്നു.
രണ്ടാം ലോകമഹായുദ്ധകാലത്തും ശേഷവും എ.ബി.സി ടി.വിയുടെ കാമറമാൻ ആയിരുന്ന ജോർജ് ഹോബ്സ് ആണ് ദൃശ്യങ്ങൾ ഷൂട്ട് ചെയ്തത്. 16mm കളർദൃശ്യങ്ങളായ ഇവയുടെ ദൈർഘ്യം 66 സെക്കൻഡ് മാത്രമാണ്. അന്താരാഷ്ട്ര ക്രിക്കറ്റിൽ നിന്നും വിരമിച്ചതിന് ശേഷമുള്ള ഈ മത്സരത്തിലാണ് ബ്രാഡ്മാൻ തെൻറ അവസാന ഫസ്റ്റ്ക്ലാസ് സെഞ്ച്വറി കുറിച്ചത്. 52 മത്സരങ്ങളിൽ നിന്നായി 99.94 ശരാശരിയിൽ 6996 റൺസ് കുറിച്ച ബ്രാഡ്മാൻ ക്രിക്കറ്റിലെ ഏറ്റവും മഹാനായ ബാറ്റ്സ്മാൻ ആയാണ് അറിയപ്പെടുന്നത്. 1908ൽ ജനിച്ച ബ്രാഡ്മാൻ 2001ലാണ് മരണമടഞ്ഞത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.