എഴുത്തുകുത്ത്

ഭാ​ര​ത​ശി​ൽ​പി​ക​ൾ റ​സ്റ്റ്ഹൗ​സി​ലേ​തോ?

ശ്രീ​കു​മാ​ര​ൻ ത​മ്പി എ​ഴു​തി​വ​രു​ന്ന മ​ല​യാ​ള ച​ല​ച്ചി​ത്ര​ഗാ​ന ച​രി​ത്ര​മാ​യ ‘സം​ഗീ​ത​യാ​ത്ര​ക​ളി’​ൽ (ല​ക്കം: 1314) ‘റ​സ്റ്റ് ഹൗ​സ്’ എ​ന്ന ചി​ത്ര​ത്തി​ലെ ഗാ​ന​ങ്ങ​ളെ​ക്കു​റി​ച്ചെ​ഴു​തു​മ്പോ​ൾ ഒ​രു ഓ​ർ​മ​ത്തെ​റ്റു വ​ന്നു​പോ​യി​ട്ടു​ണ്ട്. ‘‘ശി​ൽ​പി​ക​ൾ ന​മ്മ​ൾ, ഭാ​ര​ത ശി​ല്പി​ക​ൾ ന​മ്മ​ൾ’’ എ​ന്ന ദേ​ശീ​യോ​ദ്ഗ്ര​ഥ​ന​ഗാ​നം ആ ​ച​ല​ച്ചി​ത്ര​ത്തി​ലു​ള്ള​ത​ല്ല, 1975ൽ ​പു​റ​ത്തി​റ​ങ്ങി​യ ‘പി​ക്‌​നി​ക്’ എ​ന്ന ഹി​റ്റ് സി​നി​മ​യി​ലെ തു​ട​ക്ക​ത്തി​ലു​ള്ള​താ​ണ്. ‘റ​സ്റ്റ് ഹൗ​സും’ ‘പി​ക്നി​ക്കും’ കോ​ള​ജ് വി​ദ്യാ​ർ​ഥി​ക​ളു​ടെ വി​നോ​ദ​യാ​ത്ര​യു​ടെ പ​ശ്ചാ​ത്ത​ല​ത്തി​ൽ പ​റ​യു​ന്ന ക​ഥ​ക​ളാ​യ​തു​കൊ​ണ്ട് പാ​ട്ടു​ക​ൾ​ക്കും ചി​ല സാ​മ്യ​ങ്ങ​ളു​ണ്ട്. ആ​ണു​ങ്ങ​ളും പെ​ണ്ണു​ങ്ങ​ളും പ​ര​സ്പ​രം ക​ളി​യാ​ക്കി​ക്കൊ​ണ്ടു പാ​ടു​ന്ന “മാ​ന​ക്കേ​ടാ​യ​ല്ലോ നാ​ണ​ക്കേ​ടാ​യ​ല്ലോ മാ​ളി​ക​പ്പു​റ​ത്ത​മ്മ​മ്മാ​രേ/ കാ​ലു​തെ​റ്റി​യ കൊ​മ്പ​ൻ​മാ​രേ” എ​ന്ന ‘റ​സ്റ്റ്ഹൗ​സി​’ലെ പാ​ട്ടും “കു​ടൂ കു​ടു പാ​ടി​വ​രാം കു​വ​ല​യ മി​ഴി​മാ​രേ/ പി​ടി​വാ​ശി​ക്കാ​രേ” എ​ന്ന ‘പി​ക്‌​നി​ക്കി​’ലെ പാ​ട്ടും ഉ​ദാ​ഹ​ര​ണം. ശ്രീ​കു​മാ​ര​ൻ ത​മ്പി - എം.​കെ. അ​ർ​ജു​ന​ൻ ടീ​മാ​യി​രു​ന്നു ‘പി​ക്‌​നി​ക്കി’​ലെ​യും ഗാ​ന​ങ്ങ​ൾ ഒ​രു​ക്കി​യ​ത്. അ​ഭി​നേ​താ​ക്ക​ളും ഏ​റ​ക്കു​റെ ഒ​രേ ആ​ൾ​ക്കാ​ർ (‘പി​ക്‌​നി​ക്കി’​ൽ ഉ​മ്മ​ർ ഉ​ണ്ടാ​യി​രു​ന്നി​ല്ല). സം​വി​ധാ​യ​ക​ൻ ശ​ശി​കു​മാ​ർ. ഒ​രു​പ​ക്ഷേ, അ​തൊ​ക്കെ​ക്കൊ​ണ്ടാ​ക​ണം ശ്രീ​കു​മാ​ര​ൻ ത​മ്പി​ക്ക് പാ​ട്ടി​ന്റെ സാ​ഹ​ച​ര്യം മാ​റി​പ്പോ​യ​ത്.

ശി​വ​കു​മാ​ർ ആ​ർ.​പി, തി​രു​വ​ന​ന്ത​പു​രം

അ​വ​സാ​നി​ക്കാ​ത്ത ബ്ര​ണ്ണ​ൻ കോ​ള​ജ് ക​ഥ​ക​ൾ

ബ്ര​ണ്ണ​ൻ കോ​ള​ജി​ലെ വീ​ര​ഗാ​ഥ​ക​ൾ പാ​ടി മു​ഖ്യ​മ​ന്ത്രി പി​ണ​റാ​യി വി​ജ​യ​നും കെ.​പി.​സി.​സി പ്ര​സി​ഡ​ന്റ് കെ. ​സു​ധാ​ക​ര​നും ത​മ്മി​ൽ പോ​ര​ടി​ച്ച​ത് കേ​ര​ളം ക​ണ്ട​താ​ണ​ല്ലോ. എ.​കെ. ബാ​ല​ൻ മാ​ധ്യ​മം ആ​ഴ്ച​പ്പ​തി​പ്പി​ൽ ന​ൽ​കി​യ അ​ഭി​മു​ഖ​ത്തി​ൽ ബ്ര​ണ്ണ​ൻ കോ​ള​ജി​ലെ പ​ല പ​ഴ​യ ക​ഥ​ക​ളും പ​റ​യു​ന്നു​ണ്ട്. എ.​കെ. ബാ​ല​നെ തെ​ര​ഞ്ഞെ​ടു​പ്പി​ൽ വി​ജ​യി​പ്പി​ച്ച​തി​ലും ചെ​യ​ർ​മാ​നാ​യ​തി​നും പി​ന്നി​ൽ സം​ഘ​ട​ന കോ​ൺ​ഗ്ര​സി​ന്റെ വി​ദ്യാ​ർ​ഥി വി​ഭാ​ഗം നേ​താ​വാ​യി​രു​ന്ന കെ. ​സു​ധാ​ക​ര​ൻ ഉ​ണ്ടാ​യി​രു​ന്നു​വെ​ന്ന​ത് കൗ​തു​ക​മാ​യി തോ​ന്നി. അ​തു​പോ​ലെ കാ​മ്പ​സി​ൽ കെ.​എ​സ്.​യു​ക്കാ​രാ​ൽ കു​ത്തേ​റ്റ അ​ഷ്റ​ഫി​നെ ആ​ശു​പ​ത്രി​യി​ലെ​ത്തി​ച്ച​ത് കെ. ​സു​ധാ​ക​ര​ൻ ആ​ണെ​ന്ന ബാ​ല​ന്റെ തു​റ​ന്നു​പ​റ​ച്ചി​ലും കൗ​തു​കം സൃ​ഷ്ടി​ക്കു​ന്നു. അ​തേ​സ​മ​യം, അ​ഷ്റ​ഫി​നെ കു​ത്തി​യ​ത് കെ. ​സു​ധാ​ക​ര​ൻ ആ​ണെ​ന്ന​ത​ര​ത്തി​ലു​ള്ള പ​ല പ്ര​ചാ​ര​ണ​ങ്ങ​ളും സ​മൂ​ഹ​മാ​ധ്യ​മ​ങ്ങ​ളി​ലും മ​റ്റും ക​ണ്ടി​ട്ടു​ണ്ട്. അ​ഷ്റ​ഫി​നെ ര​ക്ത​സാ​ക്ഷി​യാ​യാ​ണ് ബാ​ല​ൻ അ​വ​ത​രി​പ്പി​ക്കു​ന്ന​ത്. എ​ന്നാ​ൽ, മു​തി​ർ​ന്ന മാ​ധ്യ​മ​പ്ര​വ​ർ​ത്ത​ക​നും ബ്ര​ണ്ണ​ൻ കോ​ള​ജ് വി​ദ്യാ​ർ​ഥി​യു​മാ​യി​രു​ന്ന എ​ൻ.​പി. രാ​ജേ​ന്ദ്ര​ൻ പ​റ​യു​ന്ന​ത് മ​റ്റൊ​രു ക​ഥ​യാ​ണ്. കു​ത്തേ​റ്റ സ​മ​യ​ത്ത് ഗൗ​ര​വ​മു​ള്ള പ​രി​ക്ക് അ​ഷ്റ​ഫി​ന് പ​റ്റി​യി​രു​ന്നി​ല്ലെ​ന്നും ആ​ശു​പ​ത്രി​വാ​സം അ​വ​സാ​നി​പ്പി​ച്ച് അ​ഷ്റ​ഫ് കോ​ള​ജി​ൽ തി​രി​ച്ചെ​ത്തി​യെ​ന്നും ഫു​ട്ബാ​ൾ ക​ളി​ക്കാ​ര​നാ​യ അ​ദ്ദേ​ഹം ക​ളി​ക്കി​റ​ങ്ങി​യെ​ന്നും അ​ദ്ദേ​ഹം എ​ഴു​തു​ന്നു. പി​ന്നീ​ട് കു​റ​ച്ചു​കാ​ല​ങ്ങ​ൾ​ക്കുശേ​ഷം അ​പ്പന്റി​സൈ​റ്റി​സ് ആ​ണെ​ന്ന് മ​ന​സ്സി​ലാ​ക്കി ശ​സ്ത്ര​ക്രി​യ ന​ട​ത്തി​യെ​ങ്കി​ലും അ​ഷ്റ​ഫ് മ​ര​ണ​പ്പെ​ടു​ക​യാ​യി​രു​ന്നു​വെ​ന്നു​മാ​ണ് അ​ദ്ദേ​ഹം എ​ഴു​തു​ന്ന​ത്. സ​ത്യം എ​ന്തെ​ന്ന് ആ​ർ​​ക്ക​റി​യാം?

ജ​യ​ൻ, കാ​സ​ർ​കോ​ട്

വ​ട്ട​പ്പേ​ര്: നാ​ട്ടി​ൻ​പു​റ​ക്കാ​ഴ്ച​ക​ൾ

ജേ​ക്ക​ബ് എ​ബ്ര​ഹാം എ​ഴു​തി​യ ‘വ​ട്ട​പ്പേ​ര്’ (ല​ക്കം: 1313) എ​ന്ന ക​ഥ വാ​യി​ച്ചു. ഫ​ലി​ത​ത്തി​ൽ ചാ​ലി​ച്ച ചി​ല നാ​ട്ടു​ഭാ​ഷ​ക​ളും (തി​രു​വ​ന​ന്ത​പു​ര​ത്തെ നാ​ട്ടി​ൻ​പു​റ​ങ്ങ​ളി​ൽ ഇ​ന്നും ഉ​പ​യോ​ഗി​ക്കു​ന്ന ചി​ല സം​സാ​ര​രീ​തി​ക​ൾ) വ​ട്ട​പ്പേ​രു​ക​ളും നാ​ട്ടി​ൻ​പു​റ​ക്കാ​ഴ്ച​ക​ളു​മെ​ല്ലാം ക​ഥ​യി​ലെ ഓ​രോ ക​ഥാ​പാ​ത്ര​വും സം​ഭ​വ​ങ്ങ​ളും ക​ൺ​മു​ന്നി​ൽ കാ​ണു​ന്ന​തു​പോ​ലുള്ള വാ​യ​നാ​നു​ഭ​വ​മാ​ണ് ന​ൽ​കി​യ​ത്. എ​ന്ത​ര​ണ്ണാ മു​ഖ​ത്തൊ​രു വാ​ട്ടം...​ കാ​പ്പി അ​ന​ത്ത​ട്ടെ, ഇ​ത്തി​രി​പ്പൂ​ലം, അ​ണ്ണ​ന്റെ പേ​ര് എ​ന്ത​ര​ണ്ണാ തു​ട​ങ്ങി​യ നാ​ട്ടു​പ്ര​യോ​ഗ​ങ്ങ​ൾ ക​ഥ​യി​ൽ ഫ​ലി​തം പ്ര​തി​ഫ​ലി​പ്പി​ച്ചു.

ക​ഥ വാ​യി​ച്ച​പ്പോ​ൾ നേ​രി​ട്ട് കാ​ണു​ന്ന രം​ഗം​പോ​ലെ വാ​യ​നാ​നു​ഭ​വം ന​ൽ​കി​യ നാ​ട്ടി​ൻ​പു​റ​ത്തെ കാ​ഴ്ച​യാ​യി​രു​ന്നു ഒ​രു പെ​ൺ​കു​ട്ടി മു​റ്റം തൂ​ക്കു​ന്ന​തും അ​വ​ളു​ടെ രീ​തി​ക​ളു​മൊ​ക്കെ (ഉ​ദാ: എ​ടു​ത്തു കു​ത്തി​യ പാ​വാ​ട അ​ഴി​ച്ചി​ട്ട്... തൊ​റ​പ്പ ഒ​ന്നു​കൂ​ടി അ​ടി​ച്ചു​കൂ​ട്ടി അ​ണ്ണോ... അ​ണ്ണാ എ​ന്ന് അ​ക​ത്തേ​യ്ക്ക് നോ​ക്കി വി​ളി​യ്ക്കു​ന്ന​തും). നാ​വ് കൊ​ണ്ട് പ​ഴ​ങ്ക​ഞ്ഞി ക​ല്ല് തു​ഴ​ഞ്ഞെ​ടു​ക്കു​ന്ന വി​വ​ര​ണ​വും കൃ​ഷി​പ്പ​ണി ക​ഴി​ഞ്ഞ് വ​ന്ന വീ​ട്ടു​കാ​ര​നെ വ​ർ​ണി​ച്ചി​രി​ക്കു​ന്ന​തും തു​ട​ങ്ങി ധാ​രാ​ളം നാ​ട്ടു​ചി​ത്ര​ങ്ങ​ൾ നി​റ​ഞ്ഞ ഈ ​ക​ഥ വ​ള​രെ ര​സ​ക​ര​മാ​യി ഒ​റ്റ​യി​രി​പ്പി​ൽ വാ​യി​ച്ചു​തീ​ർ​ത്തു.

നാ​ട്ടി​ൻ പ്ര​ദേ​ശ​ങ്ങ​ളി​ലാ​ണ് വ​ട്ട​പ്പേ​ര് (ഇ​ര​ട്ട​പ്പേ​ര്) കൂ​ടു​ത​ൽ പ്ര​ചാ​ര​ത്തി​ലു​ള്ള​തെ​ന്നാ​ണ് തോ​ന്നു​ന്ന​ത്. ഓ​രോ​രു​ത്ത​രു​ടെ വൈ​ക​ല്യം സൂ​ചി​പ്പി​ച്ചു​കൊ​ണ്ട് വ​ട്ട​പ്പേ​ര് ചേ​ർ​ത്ത് വി​ളി​ക്കാ​ൻ ചി​ല​ർ​ക്ക് ഒ​രു മ​ടി​യു​മി​ല്ല. ന​മ്മു​ടെ പ്ര​ദേ​ശ​ങ്ങ​ളി​ലൊ​ക്കെ വ​ട്ട​പ്പേ​ര് (ഇ​ര​ട്ട​പ്പേ​ര്) പ​റ​ഞ്ഞാ​ലേ ചി​ല​രെ​യൊ​ക്കെ അ​റി​യാ​ൻ ക​ഴി​യൂ. നാ​ട്ടി​ൻ​പു​റ ചി​ത്ര​ങ്ങ​ളു​ടെ ഒ​രു ത​നി​പ്പ​ക​ർ​പ്പാ​യ ക​ഥ വ​ള​രെ ഇ​ഷ്ട​പ്പെ​ട്ടു.

ഷീ​ജ ഷാ​ഫി

വേ​റി​ട്ട ര​ണ്ടു ക​ഥ​ക​ൾ

നി​ഷ്ക​ള​ങ്ക​മാ​യ ഒ​രു ക​ഥ​യാ​ണ്‌ കെ.​എ​സ്‌. ര​തീ​ഷി​ന്‍റെ ‘നി​റം’ (ല​ക്കം: 1314). ക​റു​പ്പു നി​റ​ത്തെ അ​വ​ജ്ഞ​യോ​ടെ നോ​ക്കി​ക്കാ​ണു​ന്ന സ​മൂ​ഹ​ത്തെ കൊ​ഞ്ഞ​നം​കു​ത്തി കാ​ണി​ക്കു​ന്ന ഇ​തി​വൃ​ത്ത​ത്തെ പ്രൊ​ജ​ക്ട് ചെ​യ്യും​വി​ധം ചി​ത്രീ​ക​ര​ണം ന​ട​ത്തി മ​റി​യം ജാ​സ്മി​നും ക​ഥാ​കാ​ര​നെ സ​ഹാ​യി​ച്ചി​രി​ക്കു​ന്നു. ചെ​റി​യ ക്ലാ​സി​ല്‍ പ​ഠി​ക്കു​ന്ന മൂ​ന്നു ക​റു​ത്ത കു​ട്ടി​ക​ളു​ടെ മേ​ല്‍ സ്കൂ​ളി​ല്‍ ന​ട​ക്കു​ന്ന എ​ല്ലാ തോ​ന്ന്യാ​സ​ങ്ങ​ളും ആ​രോ​പി​ച്ച് ശി​ക്ഷി​ച്ചി​രു​ന്ന പ​പ്പ​നാ​ഭ​ന്‍ മാ​ഷു​ടെ അ​തി​ക്ര​മ​ങ്ങ​ള്‍ക്ക് പ​ക​രം വീ​ട്ടാ​ന്‍ വ​ര്‍ഷ​ങ്ങ​ള്‍ക്കു​ശേ​ഷം ഇ​റ​ങ്ങി​ത്തി​രി​ക്കു​ന്ന​വ​രു​ടെ ക​ഥ​പ​റ​യു​ക​യാ​ണ് ക​ഥാ​കൃ​ത്ത്‌. ത​ങ്ങ​ളു​ടെ ആ​ത്മാ​ർ​ഥ സു​ഹൃ​ത്തും ഇ​പ്പോ​ള്‍ തെ​ങ്ങി​ല്‍നി​ന്നും വീ​ണ് പ​രി​ക്ക് പ​റ്റി കി​ട​ക്കു​ന്ന​തു​മാ​യ മ​ണ്ടേ​ല ബി​നു​വി​നു​വേ​ണ്ടി​യാ​ണ് അ​വ​ര്‍ ഈ ​ദൗ​ത്യം ഏ​റ്റെ​ടു​ത്ത​ത്. എ​ന്നാ​ല്‍, പ​പ്പ​നാ​ഭ​ന്‍ മാ​ഷു​ടെ വീ​ട്ടി​ലെ​ത്തി​യ​പ്പോ​ള്‍ ആ​ത്മ​ഹ​ത്യാ​മു​ന​മ്പി​ല്‍ നി​ല്‍ക്കു​ന്ന മാ​ഷെ​യും ഭാ​ര്യ​യെ​യു​മാ​ണ്‌ അ​വ​ര്‍ കാ​ണു​ന്ന​ത്.

ഈ ​ക​ഥ വാ​യി​ക്കു​ന്ന ചി​ല​രി​ലെ​ങ്കി​ലും ഗ​ത​കാ​ല​സ്മ​ര​ണ​ക​ള്‍ ഉ​ണ​ര്‍ന്നേ​ക്കാം. വ​ലി​യ വാ​ച​ക ക​സ​ര്‍ത്തു​ക്ക​ള്‍ ഒ​ന്നും ഇ​ല്ലാ​തെ തെ​ളി​മ​യു​ള്ള ഭാ​ഷ​യി​ല്‍ പ​റ​ഞ്ഞി​രി​ക്കു​ന്ന ഈ ​ക​ഥ എ​നി​ക്ക് ഇ​ഷ്ട​പ്പെ​ട്ടു.

ഇ​തേ ല​ക്ക​ത്തി​ൽ ക​റു​ത്ത​വ​രെ ചൂ​ഷ​ണം ചെ​യ്യു​ന്ന ഇ​തി​വൃ​ത്ത​ത്തി​ല്‍ ജി​തേ​ഷ് ആ​സാ​ദ് എ​ഴു​തി സ​ന്തോ​ഷ്‌ ആ​ര്‍.​വി ചി​ത്രീ​ക​ര​ണം നി​ര്‍വ​ഹി​ച്ചി​രി​ക്കു​ന്ന ‘കാ​ല്‍ബേ​ലി​യ’ എ​ന്നൊ​രു ക​ഥ​യും വാ​യി​ച്ചു. രാ​ജ​സ്ഥാ​ന്‍ മ​രു​ഭൂ​മി​യി​ലെ ജി​പ്സി​ക​ളു​ടെ ജീ​വി​ത​ത്തി​ലേ​ക്ക് വെ​ളി​ച്ചം വീ​ശു​ന്ന ഈ ​ക​ഥ​യി​ല്‍ ആ​ധു​നി​ക ലോ​ക​ത്തി​ന്‍റെ ച​തി​യാ​ണ് പ​രാ​മ​ര്‍ശി​ച്ചി​രി​ക്കു​ന്ന​ത്. സ​പേ​ര എ​ന്ന ജി​പ്സി​യു​ടെ സ്‌​നേ​ഹം പി​ടി​ച്ചെ​ടു​ക്ക​ന്ന ഏ​തോ ഫാ​ര്‍മ​സ്യൂ​ട്ടി​ക്ക​ല്‍ ക​മ്പ​നി​യു​ടെ ദ​ല്ലാ​ളാ​യ ക​ഥാ​നാ​യ​ക​ന്‍ പ​തി​യെ മ​രു​ഭൂ​മി​യി​ലെ വി​ഷ​പ്പാ​മ്പു​ക​ളെ പി​ടി​ക്കു​ന്ന​തെ​ങ്ങ​നെ​യെ​ന്നും ആ ​പാ​മ്പു​ക​ളു​ടെ വി​ഷം അ​വ​രെ​ന്തു ചെ​യ്യു​ന്നു​വെ​ന്നും മ​ന​സ്സി​ലാ​ക്കു​ന്നു.

ആ​വ​ര്‍ത്ത​ന​വി​ര​സ​ങ്ങ​ളാ​യ ക​ഥ​ക​ള്‍ വാ​യി​ച്ച് ബോ​റ​ടി​ച്ചി​രി​ക്കു​ന്ന എ​ന്നെ​പ്പോ​ലു​ള്ള​വ​ര്‍ക്ക്‌ ഈ ​ക​ഥ ഒ​രു ആ​ശ്വാ​സ​മാ​ണ്.

സ​ണ്ണി ജോ​സ​ഫ്‌, മാ​ള

ഈ ​പൊ​ലീ​സ് എ​ന്നു ന​ന്നാ​കും?

കേ​ര​ള​ത്തി​ൽ ആ​ദി​വാ​സി​ക​ൾ​ക്ക് നേ​രെ ന​ട​ക്കു​ന്ന അ​ക്ര​മ​ങ്ങ​ൾ ദി​നേ​ന പെ​രു​കി​വ​രു​ന്നു എ​ന്ന​തി​ന്റെ സൂ​ച​ന​ക​ൾ ഇ​ന്നോ ഇ​ന്ന​ലെ​യോ ക​ണ്ടു തു​ട​ങ്ങി​യ​ത​ല്ല. എ​ൻ.​സി.​ആ​ർ.​ബി​യു​ടെ ക​ണ​ക്ക​നു​സ​രി​ച്ച് ദേ​ശ​വ്യാ​പ​ക​മാ​യി പ​ട്ടി​ക​വി​ഭാ​ഗ​ങ്ങ​ളു​ടെ നേ​ർ​ക്കു​ള്ള കു​റ്റ​കൃ​ത്യ​ങ്ങ​ളി​ൽ 26.71 ശ​ത​മാ​നം വ​ർ​ധ​ന​യാ​ണ് 2018-2020 കാ​ല​യ​ള​വി​ൽ രേ​ഖ​പ്പെ​ടു​ത്തി​യ​ത്. 2020ൽ ​മാ​ത്രം 39,138 കു​റ്റ​കൃ​ത്യ​ങ്ങ​ൾ പ​ട്ടി​ക​വ​ർ​ഗ​ക്കാ​ർ​ക്ക് നേ​രെ ഉ​ണ്ടാ​യെ​ങ്കി​ലും, 19,825 കേ​സു​ക​ൾ (50.65 ശ​ത​മാ​നം) ഇ​ന്നും തീ​ർ​പ്പാ​കാ​തെ കി​ട​ക്കു​ന്നു. ഇ​തൊ​ക്കെ സൂ​ചി​പ്പി​ക്കു​ന്ന​ത്, ആ​ദി​വാ​സി​ക​ളെ ഇ​ന്ത്യ​ൻ ജ​നാ​ധി​പ​ത്യ വ്യ​വ​സ്ഥ​യി​ൽ​നി​ന്നും പ​ടി​ക്കു പു​റ​ത്തു നി​ർ​ത്താ​നാ​ണ് നാം ​നി​ര​ന്ത​രം ശ്ര​മി​ച്ചു​കൊ​ണ്ടി​രി​ക്കു​ന്ന​തെ​ന്നാ​ണ്.

2022 ഫെ​ബ്രു​വ​രി 11ന് ​കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ന​ടു​ത്ത പ​റ​മ്പി​ൽ മ​ര​ത്തി​ൽ ‘തൂ​ങ്ങി​മ​രി​ച്ച’ നി​ല​യി​ൽ ക​ണ്ട വി​ശ്വ​നാ​ഥ​ന്റെ മ​ര​ണം ആ​ത്മ​ഹ​ത്യ​യ​ല്ല മ​റി​ച്ച് കൊ​ല​പാ​ത​കം ത​ന്നെ​യാ​ണെ​ന്ന് ബ​ന്ധു​ക്ക​ൾ ആ​വ​ർ​ത്തി​ച്ചു പ​റ​ഞ്ഞി​ട്ടും ശ​രി​യാ​യ അ​ന്വേ​ഷ​ണം ന​ട​ന്നി​ല്ല. ആ​ദി​വാ​സി​യു​ടെ കാ​ര്യ​ത്തി​ൽ ന​മ്മു​ടെ പൊ​ലീ​സും നി​യ​മ​സം​വി​ധാ​ന​വും കാ​ണി​ക്കു​ന്ന നി​ഷ്‌​ക്രി​യ​ത്വ​മാ​ണ് ഇ​തി​ൽനി​ന്നെ​ല്ലാം വെ​ളി​വാ​കു​ന്ന​ത്. അ​വി​ടെ ന​ട​ന്ന​ത് എ​ന്തൊ​ക്കെ​യാ​ണെ​ന്ന് അ​പ്പോ​ൾ ഡ്യൂ​ട്ടി​യി​ൽ ഉ​ണ്ടാ​യി​രു​ന്ന സെ​ക്യൂ​രി​റ്റി ജീ​വ​ന​ക്കാ​ർ​ക്ക് അ​റി​യാ​മെ​ന്ന് വി​നോ​ദി​ന്റെ ഭാ​ര്യാ​മാ​താ​വ് പ​റ​യു​ന്നു. സെ​ക്യൂ​രി​റ്റി​ക്കാ​രാ​ണ് പ​ണാ​പ​ഹ​ര​ണ​ക്കു​റ്റം വി​ശ്വ​നാ​ഥ​ന്റെ മേ​ൽ ചു​മ​ത്തി​യ​തെ​ന്നും അ​വ​ർ ആ​വ​ർ​ത്തി​ച്ച് പ​റ​യു​ന്നു​ണ്ട്. വി​ശ്വ​നാ​ഥ​ന്റെ മ​ര​ണ​ത്തെ​ക്കു​റി​ച്ചും പി​ന്നീ​ട് ന​ട​ന്ന പൊ​ലീ​സി​ന്റെ പ്ര​ഹ​സ​ന അ​ന്വേ​ഷ​ണ​ങ്ങ​ളെ​ക്കു​റി​ച്ചും ഡോ. ​പി.​ജി. ഹ​രി എ​ഴു​തി​യ ലേ​ഖ​നം (ല​ക്കം:1306) ഇ​തു​മാ​യി ബ​ന്ധ​പ്പെ​ട്ട അ​നേ​കം വി​ഷ​യ​ങ്ങ​ളി​ലേ​ക്ക് വെ​ളി​ച്ചം വീ​ശു​ന്നു.

വ​യ​നാ​ടി​ന്റെ കാ​ട​ക​ങ്ങ​ളി​ൽ​നി​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ മ​ക​ളു​ടെ പ്ര​സ​വ​ത്തി​നാ​യി വ​ന്ന ഒ​രു ആ​ദി​വാ​സി സ്ത്രീ ​അ​ർ​ധ​രാ​ത്രി​യി​ൽ അ​വി​ട​ത്തെ പൊ​ലീ​സ് സ്റ്റേ​ഷ​നി​ൽ എ​ത്തി മ​ക​ളു​ടെ ഭ​ർ​ത്താ​വി​നെ കാ​ണാ​നി​ല്ല എ​ന്ന് പ​രാ​തി പ​റ​ഞ്ഞ​പ്പോ​ൾ ഒ​രു പൊ​ലീ​സു​കാ​ര​ൻ അ​വ​രു​ടെ കൂ​ടെ ചെ​ന്നു​വെ​ന്നും, എ​ന്നാ​ൽ അ​ദ്ദേ​ഹ​ത്തി​ന്റെ കൈ​യി​ൽ ഒ​രു ടോ​ർ​ച്ച് പോ​ലു​മി​ല്ലാ​യി​രു​ന്നു എ​ന്നും അ​വ​ർ പ​റ​യു​ന്നു. ഒ​ന്നാ​ലോ​ചി​ച്ചു​നോ​ക്കൂ, കൈ​യി​ൽ വെ​ളി​ച്ച​മി​ല്ലാ​തെ അ​ർ​ധ​രാ​ത്രി​യി​ൽ കേ​സ​ന്വേ​ഷ​ണ​ത്തി​ന് നി​യോ​ഗി​ച്ച പൊ​ലീ​സ് അ​ധി​കാ​രി​യു​ടെ​യും ഇ​റ​ങ്ങി​പ്പു​റ​പ്പെ​ട്ട പൊ​ലീ​സു​കാ​ര​ന്റെ​യും മ​ന​സ്സ് എ​ത്ര​മാ​ത്രം വികലമായിരുന്നു എ​ന്ന്! നി​രാ​ലം​ബ​നാ​യ ഒ​രു ആ​ദി​വാ​സി​യു​ടെ മ​ര​ണ​ത്തെ​ക്കാ​ൾ മെ​ഡി​ക്ക​ൽ കോ​ള​ജ് പൊ​ലീ​സ് പ്രാ​ധാ​ന്യം കൊ​ടു​ത്ത​ത് മെ​ഡി​ക്ക​ൽ കോ​ള​ജി​ലെ ഒ​രു പെ​റ്റി കേ​സി​നാ​ണ്. ഇ​തൊ​ക്കെ നോ​ക്കു​മ്പോ​ൾ പൊ​ലീ​സി​ന്റെ മു​ഖ്യ റ​ഫ​റ​ൻ​സ് ഗ്ര​ന്ഥ​മാ​യ പൊ​ലീ​സ് മാ​ന്വ​ൽ മെ​ഡി​ക്ക​ൽ കോ​ള​ജ് പൊ​ലീ​സ് വാ​യി​ച്ചി​ട്ടി​ല്ലേ എ​ന്ന സം​ശ​യം ബ​ല​പ്പെ​ടു​ന്നു. കേ​ര​ള​ത്തി​ലെ മു​ഖ്യ​മ​ന്ത്രി​യും മ​റ്റു മ​ന്ത്രി​മാ​രും ത​ല​ങ്ങും വി​ല​ങ്ങും യാ​ത്ര ചെ​യ്യു​മ്പോ​ൾ അ​വ​രു​ടെ കൂ​ടെ സ​ർ​വ​ച​ട്ട​ങ്ങ​ളും പാ​ലി​ച്ചു​കൊ​ണ്ട് ശു​ഷ്കാ​ന്തി​യോ​ടെ, വി​ധേ​യ​ത്വ​ത്തോ​ടെ പാ​ഞ്ഞു ന​ട​ക്കു​ന്ന കേ​ര​ള പൊ​ലീ​സാ​ണ് ആ​ദി​വാ​സി​യു​ടെ കാ​ര്യ​ത്തി​ൽ ഇ​ത്ര​യും വ​ലി​യ അ​ലം​ഭാ​വം കാ​ണി​ക്കു​ന്ന​തെ​ന്നോ​ർ​ക്കു​ക. ഇ​ത് തി​ക​ഞ്ഞ കൃ​ത്യ​വി​ലോ​പ​മാ​ണ്.

പൊ​ലീ​സ് സ്റ്റേ​ഷ​ൻ സേ​ന​യു​ടെ പ്രാ​ദേ​ശി​ക ആ​സ്ഥാ​ന​മാ​ണ്. ഏ​തെ​ങ്കി​ലും ഒ​രു പ്ര​ത്യേ​ക പ്ര​ദേ​ശ​ത്തെ ക്ര​മ​സ​മാ​ധാ​ന പ​രി​പാ​ല​നം നി​ർ​വ​ഹി​ക്കാ​ൻ ചു​മ​ത​ല​പ്പെ​ട്ട ഉ​ദ്യോ​ഗ​സ്ഥ​രു​ടെ കേ​ന്ദ്രം എ​ന്ന സ്ഥാ​ന​മാ​ണ് പൊ​ലീ​സ് സ്റ്റേ​ഷ​നു​ള്ള​ത്. പ​രാ​തി​യു​മാ​യി എ​ത്തു​ന്ന പീ​ഡി​ത​രെ പൊ​ലീ​സ് അ​വ​രു​ടെ ഒ​രു സു​ഹൃ​ത്തി​നെ എ​ന്ന പോ​ലെ കാ​ണു​ക​യും പ​രാ​തി കേ​ൾ​ക്കു​ക​യും അ​തി​ന്മേ​ൽ ന​ട​പ​ടി​ക​ൾ കൈ​ക്കൊ​ള്ളു​ക​യും വേ​ണം. പൊ​ലീ​സി​നെ സം​ബ​ന്ധി​ച്ചി​ട​ത്തോ​ളം പ​രാ​തി​ക്കാ​ര​ന്റെ ദേ​ശ​മോ രാ​ഷ്ട്രീ​യ നി​ല​പാ​ടോ ലിം​ഗ വ്യ​ത്യാ​സ​മോ മ​ത​മോ ജാ​തി​യോ പ്രാ​യ​മോ ഒ​ന്നും ത​ന്നെ പ്ര​ശ്ന​മാ​കാ​ൻ പാ​ടി​ല്ലെ​ന്നാ​ണ് നി​യ​മം അ​നു​ശാ​സി​ക്കു​ന്ന​തെ​ങ്കി​ലും, കൊ​ല്ല​പ്പെ​ട്ട വി​ശ്വ​നാ​ഥ​ന്റെ സ​ഹോ​ദ​ര​ൻ വി​നോ​ദി​നോ​ട് മാ​ന്യ​ത​യു​ടെ സ​ക​ല അ​തി​ർ​വ​ര​മ്പു​ക​ളും ലം​ഘി​ച്ചു. ആ​ദി​വാ​സി​ക​ൾ ക​ള്ള​ന്മാ​രാ​ണെ​ന്നും മ​ദ്യ​പി​ച്ച് സ്ഥി​രം മെ​ഡി​ക്ക​ൽ കോ​ള​ജി​ൽ വ​ന്ന് പ്ര​ശ്ന​മു​ണ്ടാ​ക്കു​ന്ന​വ​രാ​ണെ​ന്നും പ​റ​ഞ്ഞ​ത്രേ!

പൊ​ലീ​സു​കാ​ർ ഇ​തൊ​ക്കെ പ​റ​യു​മ്പോ​ൾ സി.​ഐ​യ​ട​ക്കം മ​റ്റു പൊ​ലീ​സു​കാ​ർ ആ​ദി​വാ​സി​ക​ളെ ക​ളി​യാ​ക്കി ചി​രി​ക്കു​ക​യും അ​ധി​ക്ഷേ​പി​ക്കു​ക​യും ചെ​യ്തു​പോ​ൽ! കേ​ര​ള പൊ​ലീ​സി​ന് മൊ​ത്തം നാ​ണ​ക്കേ​ട് ഉ​ണ്ടാ​ക്കു​ന്ന പെ​രു​മാ​റ്റ രീ​തി​യാ​യി​പ്പോ​യി ഇ​ത് എ​ന്ന് പ​റ​യാ​തെ വ​യ്യ. ഇ​ത്ത​രം പൊ​ലീ​സു​കാ​ർ​ക്കെ​തി​രാ​യി അ​ന്വേ​ഷ​ണം വേ​ണം, അ​വ​ർ ശി​ക്ഷി​ക്ക​പ്പെ​ടു​ക​യും വേ​ണം.

പൊ​തു​സ​മാ​ധാ​ന സം​ര​ക്ഷ​ണ​മാ​ണ് പൊ​ലീ​സി​ന്റെ മൗ​ലി​ക ധ​ർ​മ​മെ​ങ്കി​ലും ഒ​രു സാ​ധാ​ര​ണ പൗ​ര​ന്റെ അ​വ​കാ​ശ​ങ്ങ​ളെ സം​ര​ക്ഷി​ച്ചു നി​ർ​ത്തു​ന്ന​തി​നും പൊ​ലീ​സി​ന് ധാ​ർ​മി​ക ചു​മ​ത​ല​യു​ണ്ട്. ഇ​വി​ടെ ന​ട​ന്ന​ത് തി​ക​ഞ്ഞ അ​ധാ​ർ​മി​ക​ത​യാ​ണ്. വ​യ​നാ​ട്ടി​ൽ​നി​ന്നും സ​ർ​ക്കാ​റി​ന്റെ മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ​ക്ക് വ​ന്ന ആ​ദി​വാ​സി​ക​ൾ മെ​ഡി​ക്ക​ൽ കോ​ള​ജി​ലെ സെ​ക്യൂ​രി​റ്റി ജീ​വ​ന​ക്കാ​രാ​ലും പൊ​ലീ​സു​കാ​രാ​ലും എ​ത്ത​ര​ത്തി​ലു​ള്ള പീ​ഡ​ന​ങ്ങ​ൾ​ക്കൊ​ക്കെ വി​ധേ​യ​രാ​യി എ​ന്ന​റി​യു​മ്പോ​ൾ മ​ല​യാ​ളി അ​വ​കാ​ശ​പ്പെ​ടു​ന്ന ‘മു​ന്നേ​റ്റ’​ത്തി​ന്റെ അ​ള​വു​കോ​ൽ എ​ത്ര​മാ​ത്രം ചെ​റു​താ​ണെ​ന്ന് ചി​ന്തി​ക്കു​ന്ന മ​നു​ഷ്യ​ന് ബോ​ധ്യ​മാ​കും.

പി.​ടി. വേ​ലാ​യു​ധ​ൻ, ഇ​രി​ങ്ങ​ത്ത്, പ​യ്യോ​ളി

നാ​ട്ടു​സൗ​ന്ദ​ര്യ​മു​ള്ള ക​ഥ

അ​റി​യാ​ത്ത​തു​കൊ​ണ്ടും മ​ടി​കൊ​ണ്ടും റി​വ്യൂ എ​ഴു​ത​ൽ പ​തി​വി​ല്ലാ​ത്ത​താ​ണ്. മാ​ധ്യ​മം ആ​ഴ്ച​പ്പ​തി​പ്പി​ൽ വ​ന്ന ജേ​ക്ക​ബ് എ​ബ്ര​ഹാ​മി​ന്റെ ‘വ​ട്ട​പ്പേ​ര്’ എ​ന്ന ക​ഥ പ്ര​മേ​യം​കൊ​ണ്ടും നാ​ട്ടു​ഭാ​ഷ​കൊ​ണ്ടും വ​ള​രെ​യ​ധി​കം ഇ​ഷ്ട​പ്പെ​ട്ടു. വ​ട്ട​പ്പേ​രി​ല​റി​യ​പ്പെ​ടു​ന്ന നാ​ട്ടു​മ്പു​റ​ത്തെ നി​ര​വ​ധി ക​ഥാ​പാ​ത്ര​ങ്ങ​ളു​ണ്ട് ക​ഥ​യി​ൽ. ചി​ല​ർ ഇ​ര​ട്ട​പ്പേ​ര് കേ​ട്ടാ​ൽ ചി​രി​ച്ചു ക​ള​യും. ചി​ല​ർ​ക്ക് ഭ​യ​ങ്ക​ര കോ​പം വ​രും. എ​ന്ന​താ​യാ​ലും ഇ​ര​ട്ട​പ്പേ​ര് ഉ​റ​ച്ചാ​ൽ ഉ​റ​ച്ച​തുത​ന്നെ. നാ​വ് തു​ഴ​ഞ്ഞെ​ടു​ക്കു​ന്ന പ​ഴ​ങ്ക​ഞ്ഞി ക​ല്ലും അ​ട​ക്ക ഞു​റു​ക്കി ചു​ണ്ണാ​മ്പ് തേ​യ്ക്കു​ന്ന വെ​റ്റി​ല​മു​റു​ക്ക് വി​വ​ര​ണ​വും അ​ക്ക​ന്റെ ‘ഇ​ത്തി​രി​പ്പൂ​ലം’ പ്ര​യോ​ഗ​വും വ​രി​ക​ൾ​ക്കി​ട​യി​ലെ വാ​യ​ന​യി​ൽ കി​ട്ടു​ന്ന നാ​ട്ടു​ഫ​ലി​ത​ത്തി​ന്റെ മേ​മ്പൊ​ടി​യും. ഒ​റ്റ​യി​രി​പ്പി​ൽ വാ​യി​ച്ചാ​സ്വ​ദി​ക്കാ​വു​ന്ന ക​ല​ർ​പ്പി​ല്ലാ​ത്ത നാ​ട്ടു​സൗ​ന്ദ​ര്യ​മു​ള്ള ക​ഥ.

വി​നോ​ദ് ആ​ന​ന്ദ്, ഫേ​സ്ബു​ക്ക്

മ​നോ​ഹ​ര​മാ​യ ക​ഥ

മാ​ധ്യ​മം ആ​ഴ്ച​പ്പ​തി​പ്പി​ൽ വ​ന്ന ജി​തേ​ഷ് ആ​സാ​ദി​ന്റെ ‘കാ​ൽ​ബേ​ലി​യ’ എ​ന്ന ക​ഥ വാ​യി​ച്ചു (ല​ക്കം: 1314).

ചു​വ​പ്പും ക​റു​പ്പും നി​റ​ങ്ങ​ൾ ഇ​ട​ക​ല​ർ​ന്ന ലെ​ഹ​ങ്ക​ക​ള​ണി​ഞ്ഞ്, ബ​ഹു​വ​ർ​ണ​ത്തി​ൽ ചെ​റു​തും വ​ലു​തു​മാ​യ മാ​ല​ക​ളും ക​ടും നി​റ​ത്തി​ലു​ള്ള വ​ള​ക​ളും ചി​ല​ങ്ക​യി​ൽ​നി​ന്ന് വേ​ർ​പെ​ടു​ത്തി​യ ക​ണ്ണി​പോ​ലു​ള്ള ക​മ്മ​ലു​ക​ളും തോ​ട​ക​ളും ധ​രി​ച്ച് മ​ഴ​വി​ല്ലി​ന്റെ സ​പ്ത​വ​ർ​ണ​ങ്ങ​ൾ ഉ​ട​ലി​ൽ വെ​ട്ടി​യൊ​ട്ടി​ച്ച​തു​പോ​ലു​ള്ള സു​ന്ദ​രി​ക​ളു​ടെ മ​നോ​ഹ​ര​മാ​യ കാ​ൽ​ബേ​ലി​യ നൃ​ത്തം​പോ​ലെ മ​നോ​ഹ​ര​മാ​യ ഒ​രു ക​ഥ. അ​ഭി​ന​ന്ദ​ന​ങ്ങ​ൾ ച​ങ്ങാ​യീ.

ഷ​നീ​ബ് കാ​ളി​യ​ത്ത​ൻ  (ഫേ​സ്ബു​ക്ക്)

ഓ​ർ​മ​ക​ളെ തി​രി​ച്ചേ​ൽ​പി​ക്കു​ന്ന ക​ഥ

ജേ​ക്ക​ബ് ​എ​ബ്ര​ഹാ​മി​ന്റെ ‘വ​ട്ട​പ്പേ​ര്’ വാ​യി​ച്ചു. പ​ഞ്ച​വ​ടി ബാ​റി​ൽ തു​ട​ങ്ങി ഗ്രാ​മീ​ണ​ത​യി​ലേ​ക്ക് ചേ​ക്കേ​റു​ന്ന യേ​ശു എ​ന്ന യേ​ശു​വി​നൊ​പ്പം വ​ട്ട​പ്പേ​രി​ൽ വ​ട്ടം ചു​റ്റു​ന്ന ഒ​രു​പ​റ്റം ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ക്കു​ന്ന ക​ഥ. വ​ട്ട​പ്പേ​ര് വ​ന്നു​ചേ​രാ​ൻ ഓ​രോ​രു​ത്ത​ർ​ക്കും ഹേ​തു​വാ​കു​ന്ന​വ​യെ ര​സ​ക​ര​മാ​യി ത​ന്നെ പ​റ​ഞ്ഞു.

രൂ​പ​സാ​ദൃ​ശ്യം​കൊ​ണ്ടും പേ​ര് കൊ​ണ്ടും യേ​ശു​വി​നെ നി​ര​ന്ത​രം ഓ​ർ​മി​ക്കേ​ണ്ട അ​വ​സ്ഥ​യി​ൽ സ്വ​യം ഭാ​ഗ്യ​മാ​യും ഫ​ലി​ത​മാ​യും പ​രി​ഗ​ണി​ക്ക​പ്പെ​ടു​ന്ന സ​മ​യ​ങ്ങ​ളെ യേ​ശു​ദാ​സ് അ​ഭി​മു​ഖീ​ക​രി​ക്കു​ന്നു. വ​ന്നു​ചേ​രു​ന്ന നി​മി​ഷ​ങ്ങ​ൾ സ​മാ​ശ്വാ​സം പ​ക​രു​ന്ന​പോ​ലെ, മി​ക്ക​വ​രും വ​ട്ട​പ്പേ​രു​മാ​യാ​ണ് എ​ത്തു​ന്ന​ത്. ചി​രി മു​ത​ൽ മ​ര​ണം​വ​രെ സ​മ്മാ​നി​ക്കു​ന്ന വ​ട്ട​പ്പേ​രി​നൊ​പ്പം, നീ​റി​നീ​റി പു​ക​യു​ന്ന തീ​രാ​ത്ത നൊ​മ്പ​ര​മാ​യി ഒ​റ്റ് വീ​ടും വ​ട്ട​പ്പേ​രി​നാ​ൽ നാ​ളു​ക​ൾ തീ​ർ​ക്കു​ന്നു. ‘‘പേ​ര് യേ​ശു​ദാ​സ്, ക്രി​സ്ത്യാ​നി​യ​ല്ല’’ എ​ന്ന് പ​റ​യു​മ്പോ​ൾ ‘‘പേ​ര് ചി​ത്ര, പാ​ടി​ല്ല’’ എ​ന്ന് കേ​ട്ട​ത് ഓ​ർ​മ വ​ന്നു. ഓ​രോ​രു​ത്ത​ർ​ക്കും, വ​ട്ട​പ്പേ​ര് തീ​ർ​ത്ത ഓ​ർ​മ​ക​ളെ തി​രി​ച്ചേ​ൽ​പി​ക്കു​ന്ന ക​ഥ.

ഫെ​ബി​ന പി.​എ​സ്,  ഫേ​സ്ബു​ക്ക്

ഒ​ന്നി​ച്ച് പ്ര​തി​രോ​ധി​ക്കാം

ആ​ഴ്ച​പ്പ​തി​പ്പി​ന്റെ ല​ക്കം 1314 ​ക​വ​ർ​സ്റ്റോ​റി​യാ​യി കൈ​കാ​ര്യംചെ​യ്ത വി​ഷ​യം കാ​ലി​കപ്ര​സ​ക്തി​യു​ള്ള​താ​ണ്. ച​രി​ത്രം തി​രു​ത്തി​യെ​ഴു​തു​ന്ന ഫാ​ഷി​സ്റ്റു​ക​ൾ​ക്കെ​തി​രെ നാം ​ചെ​റു​ത്തു​നി​ന്നേ മ​തി​യാ​കൂ. അ​ധി​കാ​ര​വും അ​ന്ത​സ്സും സ്വാ​ത​ന്ത്ര്യ​വും ജു​ഡീ​ഷ്യ​റി​യും എ​ല്ലാം ന​ഷ്ട​പ്പെ​ട്ട നാം ​ന​മ്മു​ടെ സ​മ്പ​ന്ന​മാ​യ ച​രി​ത്ര​ത്തെ​ക്കൂ​ടി വി​ട്ടു​കൊ​ടു​ക്ക​രു​ത്. 3000 പെ​ൺ​കു​ട്ടി​ക​ൾ സി​റി​യ​യി​ലേ​ക്ക് പോ​യി എ​ന്ന​ത് വെ​റും മൂ​ന്നെ​ണ്ണ​മാ​യി ചു​രു​ങ്ങി​യ ദി​വ​സംകൊ​ണ്ട് തി​രു​ത്തി​ച്ച​ത് ന​മ്മു​ടെ പ്ര​തി​രോ​ധ​മാ​ണ്. അ​സ​ത്യ പ്ര​ചാ​ര​ണ​ങ്ങ​ൾ​ക്കെ​തി​രെ​യും വെ​റു​പ്പി​​നെ​തി​രെ​യും രാ​ഷ്ട്രീ​യഭേ​ദ​മ​ന്യേ ഒ​ന്നി​ച്ചുനി​ൽ​ക്കാം.

മു​ഹ​മ്മ​ദ​ലി, മ​ല​പ്പു​റം

നോ​വ​ൽ പു​ര​സ്കാ​രം

പ്ര​മു​ഖ ച​രി​ത്ര​കാ​ര​നും കോ​ള​ജ് അ​ധ്യാ​പ​ക​നു​മാ​യി​രു​ന്ന പ്ര​ഫ. ടി.​വി.​കെ. കു​റു​പ്പി​ന്റെ സ്മ​ര​ണാ​ർ​ഥം മ​ട്ട​ന്നൂ​ർ പ​ബ്ലി​ക് ലൈ​ബ്ര​റി അ​ദ്ദേ​ഹ​ത്തി​ന്റെ കു​ടും​ബ​ത്തി​ന്റെ സ​ഹ​ക​ര​ണ​ത്തോ​ടെ ഏ​ർ​പ്പെ​ടു​ത്തി​യ പു​ര​സ്കാ​ര​ത്തി​ന് കൃ​തി​ക​ൾ ക്ഷ​ണി​ക്കു​ന്നു.

10,000 രൂ​പ​യും പ്ര​ശ​സ്തി​പ​ത്ര​വും ഉ​ൾ​പ്പെ​ടു​ന്ന​താ​ണ് പു​ര​സ്കാ​രം. 2020 ജ​നു​വ​രി 1 മു​ത​ൽ 2022 ഡി​സം​ബ​ർ 31 വ​രെ​യു​ള്ള കാ​ല​യ​ള​വി​ൽ പ്ര​സി​ദ്ധീ​ക​രി​ച്ച 40ന് ​താ​ഴെ പ്രാ​യ​മു​ള്ള മ​ല​യാ​ള നോ​വ​ലി​നാ​ണ് ഇ​ത്ത​വ​ണ പു​ര​സ്കാ​രം. ജൂ​ൺ 6ന് ​മ​ട്ട​ന്നൂ​രി​ൽ ന​ട​ക്കു​ന്ന അ​നു​സ്മ​ര​ണ സ​മ്മേ​ള​ന​ത്തി​ൽ വെ​ച്ച് പു​ര​സ്കാ​രം സ​മ്മാ​നി​ക്കും. കൃ​തി​യു​ടെ മൂ​ന്ന് കോ​പ്പി​ക​ൾ 2020 മേ​യ് 25ന​കം ക​ൺ​വീ​ന​ർ, പ്ര​ഫ. ടി.​വി.​കെ. കു​റു​പ്പ് സ്മാ​ര​ക പു​ര​സ്കാ​ര സ​മി​തി, മ​ട്ട​ന്നൂ​ർ പ​ബ്ലി​ക് ലൈ​ബ്ര​റി, മ​ട്ട​ന്നൂ​ർ 670702, ക​ണ്ണൂ​ർ ജി​ല്ല എ​ന്ന വി​ലാ​സ​ത്തി​ൽ അ​യ​ക്ക​ണം. വി​വ​ര​ങ്ങ​ൾ​ക്ക്: 8547922020, 8078211093.