എഴുത്തുകുത്ത്

മൂ​ന്നു ക​വി​ത​ക​ൾ, മൂ​ന്നു അ​നു​ഭ​വ​ങ്ങ​ൾ

അ​ർ​ഥ​വ​ത്താ​യ ക​വി​ത​ക​ളാ​ൽ ല​ക്കം: 1274 സ​മ്പ​ന്ന​മാ​യി. വൈ​ധ​വ്യം സ​മ്മാ​നി​ക്കു​ന്ന ഏ​കാ​ന്ത​ത​യി​ൽ സ്ത്രീ ​നേ​രി​ടു​ന്ന പ്ര​തി​സ​ന്ധി​ക​ളു​ടെ ആ​ഴം ബാ​ല​ഗോ​പാ​ല​ൻ കാ​ഞ്ഞ​ങ്ങാ​ടി​ന്റെ 'കെ​ട്ട്യോ​ൻ ച​ത്ത​വ​ളു​ടെ ക​ട്ടി​ൽ' വ​ര​ച്ചു​കാ​ട്ടി. ഭ​ർ​ത്താ​വി​ന്റെ മ​ര​ണ​ത്തോ​ടെ സ്ത്രീ ​പ​ല​രാ​ലും പി​ന്തു​ട​ര​പ്പെ​ടു​ന്നു​വെ​ന്നും പ്രാ​യ​ഭേ​ദ​മി​ല്ലാ​ത്ത കാ​മ​ക്ക​ണ്ണു​ക​ൾ അ​വ​ളെ തു​റി​ച്ചു​നോ​ക്കു​ന്നു​വെ​ന്നു​മു​ള്ള യാ​ഥാ​ർ​ഥ്യം ക​വി അ​നാ​വ​ര​ണംചെ​യ്യു​ന്നു. കോ​ള​ജി​ൽ പ​ഠി​ക്കു​ന്ന മ​ക​ളു​ടെ കൂ​ട്ടു​കാ​ർപോ​ലും വി​ധ​വ​യാ​യ അ​മ്മ​യി​ൽ കാ​മം തി​ര​യു​ന്ന ദു​ര​വ​സ്ഥ ക​വി പ​റ​ഞ്ഞു​വെ​ക്കു​ന്നു​ണ്ട്. ചേ​ർ​ന്നി​രി​ക്ക​ലു​ക​ളി​ലും ചേ​ർ​ത്തി​രു​ത്ത​ലു​ക​ളി​ലും കാ​മം മാ​ത്രം കാ​ണാ​ൻ ശ്ര​മി​ക്കു​ന്ന യു​വ​ത​യെ ക​വി​ത​യി​ൽ കാ​ണാം.

സാ​ഹ​ച​ര്യ​ങ്ങ​ളോ​ടും ജീ​വി​തപ​രി​സ​ര​ങ്ങ​ളോ​ടും ഇ​ണ​ങ്ങി​ച്ചേ​രു​ന്ന​തി​ന്റെ മ​നഃ​ശാ​സ്ത്ര​മാ​ണ് ഇ​ണ​ക്ക​മെ​ന്ന ക​വി​ത​യി​ലൂ​ടെ സു​ജീ​ഷ് ചി​ത്രീ​ക​രി​ക്കു​ന്ന​ത്. പ്ര​തീ​കാ​ത്മ​ക​മാ​യ അ​വ​ത​ര​ണം വാ​യ​ന​ക്കാ​രെ ഇ​രു​ത്തി ചി​ന്തി​പ്പി​ക്കു​ന്നു.

ക​ഥ പ​റ​ഞ്ഞും താ​രാ​ട്ടു പാ​ടി​യും പ​ല​ഹാ​ര​ങ്ങ​ൾ വീ​തം​വെ​ച്ചും വീ​ട​ക​ങ്ങ​ളി​ൽ നി​റ​ഞ്ഞു​നി​ൽ​ക്കു​ന്ന വ​ല്യ​മ്മ​യെ രഗി​ല സ​ജി​യു​ടെ ക​വി​ത​യി​ൽ കാ​ണാം. 64ാം വ​യ​സ്സി​ലും പൊ​ക്കി​ൾ​ക്കൊ​ടി വീ​ഴാ​ത്ത കു​ഞ്ഞാ​യി ജീ​വി​ച്ച വ​ല്യ​മ്മ​യു​ടെ ചി​ത്രം വാ​യ​ന​ക്കാ​ർ​ക്ക് അ​നു​ഭ​വ​വേ​ദ്യ​മാ​കു​ന്നു. ''വ​ല്ല്യ​മ്മ മ​രി​ച്ച​പ്പോ കു​ട്ടി​ക​ളോ മു​തി​ർ​ന്ന​വ​രോ ക​ര​ഞ്ഞി​ല്ല'' എ​ന്ന വ​രി​യി​ൽ പ്രാ​യം​ചെ​ന്ന​വ​രോ​ട് സ​മൂ​ഹം കാ​ണി​ക്കു​ന്ന അ​വ​ഗ​ണ​ന​യു​ടെ ആ​ഴം പ്ര​ക​ട​മാ​ണ്.

വ​രി​ക​ളി​ലെ ലാ​ളി​ത്യ​വും ആ​ശ​യ വൈ​പു​ല്യ​വുംകൊ​ണ്ട് ശ്ര​ദ്ധേ​യ​മാ​യ ക​വി​ത​ക​ൾ വാ​യ​ന​ക്കാ​ർ​ക്ക് സ​മ്മാ​നി​ച്ച ആ​ഴ്ച​പ്പ​തി​പ്പി​നും എ​ഴു​ത്തു​കാ​ർ​ക്കും ഭാ​വു​ക​ങ്ങ​ൾ നേ​രു​ന്നു.

റു​മൈ​സ് ഗ​സ്സാ​ലി, കെ​ല്ലൂ​ർ

ആ​ദി​വാ​സി​ക​ളെ കാ​ട്ടി​ലേ​ക്ക് ത​ന്നെ വി​ട​ണ​മെ​ന്നാ​ണോ?

ഡോ. ​ര​മേ​ഷ് കെ, ​രാ​ജ​ഗോ​പാ​ൽ കെ ​എ​ന്നി​വ​ർ ചേ​​ർ​ന്നെ​ഴു​തി​യ 'ആ​ഘോ​ഷ​ങ്ങ​ൾ​ക്കി​ട​യി​ൽ ആ​ദി​വാ​സി​ക്ക് അ​ക്ഷ​രം നി​ഷേ​ധി​ക്കു​മ്പോ​ൾ' (ല​ക്കം: 1273) എ​ന്ന ലേ​ഖ​നം വാ​യി​ച്ചു. വാ​യു​വും വെ​ള്ള​വുംപോ​ലെ മ​നു​ഷ്യ​ന് ജീ​വി​ക്കാ​നാ​വ​ശ്യ​മാ​യ മൂ​ല​ധ​ന​മാ​ണ് വി​ദ്യാ​ഭ്യാ​സം. മ​നു​ഷ്യ​ന് അ​ത്യ​ന്താ​പേ​ക്ഷി​ത​മാ​യ ഈ ​അ​വ​കാ​ശം ത​ട​യു​ന്ന​തി​ലൂ​ടെ അ​വ​ന് ജീ​വി​ക്കാ​നു​ള്ള അ​വ​കാ​ശംത​ന്നെ​യാ​ണ് സ​ർ​ക്കാ​ർ നി​ഷേ​ധി​ക്കു​ന്ന​ത്. ആ​രോ​ഗ്യ​ത്തെ​യും വി​ദ്യാ​ഭ്യാ​സ​ത്തെ​യും വി​ൽ​പ​ന​ച്ച​ര​ക്കാ​ക്കു​ന്ന കോ​ർ​പ​റേ​റ്റ് ക​മ്പ​നി പാ​ർ​ശ്വ​വ​ത്കൃ​ത വി​ഭാ​ഗ​ങ്ങ​ളെ ചൂ​ഷ​ണം ചെ​യ്യു​ക​യാ​ണ് ചെ​യ്യു​ന്ന​ത്. പാ​വ​പ്പെ​ട്ട ജ​ന​ങ്ങ​ൾ​ക്ക് മോ​ഹ​ന​വാ​ഗ്ദാ​ന​ങ്ങ​ൾ ന​ൽ​കി അ​ധി​കാ​ര​ത്തി​ലെ​ത്തു​ന്ന സ​ർ​ക്കാ​ർ ഇ​തി​ന് കൂ​ട്ടു​നി​ൽ​ക്കു​ന്നു എ​ന്ന​താ​ണ് കൂ​ടു​ത​ൽ ഖേ​ദ​ക​രം. വി​ദ്യാ​ഭ്യാ​സം നി​ഷേ​ധി​ക്ക​പ്പെ​ടു​ന്ന ആ​ദി​വാ​സി വി​ഭാ​ഗ​ങ്ങ​ളെ മു​ൻ​നി​ർ​ത്തി വി​ദ്യാ​ഭ്യാ​സ അ​വ​കാ​ശ​ങ്ങ​ൾ​ക്കു​വേ​ണ്ടി പു​തി​യ സ​മ​ര​മാ​ർ​ഗ​ങ്ങ​ൾ സം​ഘ​ടി​പ്പി​ക്കേ​ണ്ട​ത് കാ​ല​ഘ​ട്ട​ത്തി​ന്റെ ആ​വ​ശ്യ​മാ​ണ്.

ഈ ​ലേ​ഖ​ന​ത്തി​ലു​ള്ള വ​സ്തു​താ​വി​രു​ദ്ധ​മാ​യ ചി​ല കാ​ര്യ​ങ്ങ​ൾ ചൂ​ണ്ടി​ക്കാ​ണി​ക്കാ​തെ വ​യ്യ. വി​ദ്യാ​ഭ്യാ​സം ഇ​രു​ട്ടി​ൽ​നി​ന്നും വെ​ളി​ച്ച​ത്തി​ലേ​ക്കും സ്വാ​ത​ന്ത്ര്യ​ത്തി​ലേ​ക്കു​മു​ള്ള മോ​ച​ന​മാ​ണ്. സാം​സ്കാ​രി​ക ചൈ​ത​ന്യം തേ​ട​ലാ​ണ് വി​ദ്യാ​ഭ്യാ​സ​ത്തി​ലൂ​ടെ ന​ട​ക്കു​ന്ന​ത്. അ​തൊ​രു പ​രി​ഷ്ക​ര​ണം കൂ​ടി​യാ​ണ്. ആ​ദി​വാ​സി​ക​ളെ കാ​ട്ടി​ലേ​ക്കുത​ന്നെ വി​ട​ണം, അ​വ​ർ​ക്ക് കാ​ട്ടു​ജീ​വി​തംത​ന്നെ അ​നു​വ​ദി​ക്ക​ണ​മെ​ന്ന അ​ഭി​പ്രാ​യ​ത്തോ​ട് യോ​ജി​ക്കാ​ൻ വ​യ്യ. ഔ​ദ്യോ​ഗി​ക രം​ഗ​ത്തും രാ​ഷ്ട്രീ​യ രം​ഗ​ത്തും ആ​ദി​വാ​സി​ക​ൾ വ​രു​ന്ന​തി​നോ​ട് അ​സ​ഹി​ഷ്ണു​ത കാ​ണി​ക്കു​ന്ന ഒ​രു വി​ഭാ​ഗം ഇ​ന്നും ന​മു​ക്കി​ടയി​ലു​ണ്ട്. ആ​ദി​വാ​സി സ​മൂ​ഹ​ത്തെ സ​മു​ദ്ധ​രി​ക്കാ​ൻ പ​റ്റു​ന്ന ആ​ളു​ക​ളെ അ​വ​രി​ൽ​നി​ന്ന് ത​ന്നെ വ​ള​ർ​ത്തി​ക്കൊ​ണ്ടു​വ​ര​ലാ​ണ് അ​വ​രു​ടെ പ്ര​യാ​സ​ങ്ങ​ൾ തീ​ർ​ക്കു​ന്ന​തി​നു​ള്ള ഏ​റ്റ​വും ഉ​ചി​ത​മാ​യ ന​ട​പ​ടി. എ​ല്ലാ മ​നു​ഷ്യ​രും ആ​ദ്യം കാ​ട്ടി​ലാ​യി​രു​ന്നു ജീ​വി​ച്ചി​രു​ന്ന​തെ​ന്ന​ല്ലേ സ​ത്യം. വി​ദ്യാ​ഭ്യാ​സം അ​വ​രെ സാം​സ്കാ​രി​ക സ​മ്പ​ന്ന​രാ​ക്കി മാ​റ്റു​ക​യാ​യി​രു​ന്നു.

ആ​ദി​വാ​സി​ക്ക് അ​വ​ന്റെ ഭാ​ഷ​യി​ൽ ത​ന്നെ വി​ദ്യാ​ഭ്യാ​സം ന​ൽ​ക​ണ​മെ​ന്ന​ത് ശ​രി​ത​ന്നെ. അ​ധ്യാ​പ​ക​രാ​യി അ​വ​രി​ൽ​നി​ന്നുത​ന്നെ യോ​ഗ്യ​ത​യു​ള്ള​വ​രെ നി​യ​മി​ക്ക​ലാ​ണ് കൂ​ടു​ത​ൽ ന​ല്ല​ത്. ആ​ദി​വാ​സി കു​ട്ടി​ക​ളു​ടെ വി​കാ​ര വി​ചാ​ര​ങ്ങ​ളെ മ​ന​സ്സി​ലാ​ക്കാ​ൻ അ​വ​രി​ൽ​ത​ന്നെ​യു​ള്ള അ​ധ്യാ​പ​ക​ർ​ക്ക് അ​നാ​യാ​സം സാ​ധി​ക്കും. ഇ​ന്ന് പ​ല അ​ധ്യാ​പ​ക​രും കാ​ട്ടി​ലൂ​ടെ കി​ലോ​മീ​റ്റ​റു​ക​ൾ താ​ണ്ടി വ​ന്യ​മൃ​ഗ​ങ്ങ​ളെ പേ​ടി​ച്ച് ന​ട​ന്നെ​ത്തി ഏ​കാ​ധ്യാ​പ​ക വി​ദ്യാ​ല​യ​ത്തി​ൽ കു​ട്ടി​ക​ളെ പ​ഠി​പ്പി​ക്കുന്നതിന് പ്രേരിപ്പിക്കുന്നത് അ​വ​രോ​ടു​ള്ള സ്നേ​ഹ​മോ സേ​വ​ന താ​ൽ​പ​ര്യ​മോ ഒ​ന്നും കൊ​ണ്ട​ല്ല. അ​വ​രു​ടെ ജോ​ലി​യാ​യ​തു​കൊ​ണ്ട് മാ​ത്ര​മാ​ണ്.

കെ.​എ. റ​ഹീം കു​ള​ത്തൂ​ർ

തെ​റ്റി​യ​ത് എ​നി​ക്കാ​യി​രു​ന്നു!

'പൂ​ക്കാ​ര​ൻ' എ​ന്ന ക​ഥ​യാ​ണ് സ​ലീം ഷെ​രീ​ഫ് എ​ന്ന പേ​ര് കേ​ൾ​ക്കാ​ൻ ഇ​ട​യാ​ക്കി​യ​ത്.​ വെ​ട്ടി​ച്ചെ​റു​താ​ക്കാ​വു​ന്ന ക​ഥ പ​ര​ന്നുപോ​യി എ​ന്നൊ​രു ദൂ​ഷ്യം അ​ത് വാ​യി​ച്ച​പ്പോ​ൾ തോ​ന്നി​യി​രു​ന്നു. മാ​ധ്യ​മം ആ​ഴ്ച​പ്പ​തി​പ്പി​ൽ സ​ലീമി​ന്റെ പു​തി​യ ക​ഥ 'ഒ​രു മ​ഹാ​വൃ​ക്ഷ​ത്തി​ന്റെ ഹൃ​ദ​യ​ത്തി​ൽ ധ്യാ​നം​പോ​ലൊ​രു കോ​ഴി' വാ​യി​ച്ച​പ്പോ​ൾ സ​ലീ​മി​ന്റെ ക​ഥ​യെ​ഴു​ത്തി​നെ​ക്കു​റി​ച്ചു​ള്ള എ​ന്റെ വ്യാ​ക​ര​ണം തെ​റ്റാ​യി​രു​ന്നു​വെ​ന്ന് തോ​ന്നി.​ കാ​ട​റി​യു​ന്ന ഒ​രാ​ൾ കു​റു​ക്കുവ​ഴി ഒ​ഴി​വാ​ക്കി​പ്പോ​കു​ന്ന ഒ​രു പോ​ക്കാ​ണ​ത്. വാ​യ​ന​ക്കാ​ര​നുവേ​ണ്ടി തേ​ച്ചുമി​നു​ക്കി​ ആറ്റിക്കു​റുക്കുക എന്നതിനപ്പുറം എ​ഴു​ത്തു​കാ​ര​ന്റെ തൃ​പ്തി കൂ​ടി എ​ഴു​ത്തി​ന്റെ ഭാ​ഗ​മാ​ണ്.​ ഓ​ർ​ഹാ​ൻ പാ​മു​ക് ചു​രു​ക്കി​യെ​ഴു​തി​യാ​ൽ വാ​യ​ന​ക്കാ​ര​ന് ഒ​ന്നും കി​ട്ടി​ല്ല. അ​തൊ​രു നി​ലതെ​റ്റി​യു​ള്ള പോ​ക്കാ​ണ്. സ​മൃ​ദ്ധ​മാ​യ കാ​ഴ്ച​ക​ളാ​ലും സലീമിന്റെ കഥ അനുഭവമാകുന്നു. ഒ​രു സി​നി​മകൂ​ടി​യാ​ണ​ത്. ആ ​ത​ല​ക്കെ​ട്ടി​ൽപോ​ലും അ​തു​ണ്ട്.

അ​ജി​ത് നീ​ലാ​ഞ്ജ​നം (ഫേസ്ബുക്ക്)

ഇൗ ​ക​ഥ വാ​യ​ന​ക്കാ​രെ ചൂ​ഴ്ന്നെ​ടു​ക്കു​ന്നു

''എ​​​​ല്ലാ മ​​​​നു​​​​ഷ്യ​​​​ർ​​​​ക്കും ര​​​​ഹ​​​​സ്യ​​​​ങ്ങ​​​​ളു​​​​ണ്ടെ​​​​ന്ന് ഞാ​​​​ൻ വി​​​​ശ്വ​​​​സി​​​​ക്കു​​​​ന്നു. ആ ​​​​ര​​​​ഹ​​​​സ്യ​​​​ങ്ങ​​​​ളാ​​​​ണ് മ​​​​നു​​​​ഷ്യ​​​​രു​​​​ടെ വ്യ​​​​ക്തി​​​​ത്വ​​​​ത്തെ സൃ​​​​ഷ്ടി​​​​ക്കു​​​​ന്ന​​​​തു​​പോ​​​​ലും. അ​​​​തി​​​​ലേ​​​​ക്ക് നു​​​​ഴ​​​​ഞ്ഞു​​ക​​​​യ​​​​റാ​​​​ൻ ആ​​​​രെ​​​​യും അ​​​​നു​​​​വ​​​​ദി​​​​ക്കേ​​​​ണ്ട​​​​തി​​​​ല്ല. അ​​​​തി​​​​പ്പോ​​​​ൾ സ്വ​​​​ന്തം ഭാ​​​​ര്യ​​​​യാ​​​​ണെ​​​​ങ്കി​​​​ലും''! സ​ലീം ഷെ​രീ​ഫ് മാ​ധ്യ​മം ആ​ഴ്ചപ്പ​തി​പ്പിൽ (ല​ക്കം: 1274) ​എ​ഴു​തി​യ 'ഒ​രു മ​ഹാ​വൃ​ക്ഷ​ത്തി​ന്റെ ഹൃ​ദ​യ​ത്തി​ൽ ധ്യാ​നം പോ​ലൊ​രു കോ​ഴി' എ​ന്ന ക​ഥ വാ​യി​ച്ചു. ഒ​രു ഉ​മ്മ​യും അ​ലി എ​ന്ന മ​ക​നും ത​മ്മി​ലു​ള്ള ര​ഹ​സ്യ​ങ്ങ​ളി​ലേ​ക്കു കൊ​ണ്ടു​പോ​യി വാ​യ​ന​ക്കാ​രു​ടെ ഹൃ​ദ​യ​ത്തി​ൽ ക​ന​ൽ വാ​രി​യെ​റി​ഞ്ഞി​രി​ക്കു​ന്നു.

എ​ത്ര മ​നോ​ഹ​ര​മാ​യാ​ണ് ഉ​മ്മ​യു​ടെ​യും മ​ക​ന്റെ​യും ജീ​വി​തം സ​ലീം നൊ​മ്പ​ര​മൊ​തു​ക്കി എ​ഴു​തി​യി​രി​ക്കു​ന്ന​ത്. ജീ​വി​ത​ത്തി​ന് നി​റ​വും സു​ഗ​ന്ധ​വും പ​ക​രു​ന്ന​ത് ഓ​ർ​മ​യാ​ണ്. അ​ത് ന​ഷ്ട​പ്പെ​ട്ടാ​ലോ? ഓ​ർ​മ ന​ഷ്ട​പ്പെ​ട്ട ഉ​മ്മ മ​ക​ൻ ചെ​യ്ത തെ​റ്റ് വി​ളി​ച്ചു പ​റ​യു​മോ?

മൊ​റാ​ലി​റ്റി ഇ​ല്ലാ​യി​രു​ന്നെ​ങ്കി​ൽ ര​ഹ​സ്യ​ങ്ങ​ൾ ഉ​ണ്ടാ​കു​മാ​യി​രു​ന്നോ​? മൊ​റാ​ലി​റ്റിയാണ് ര​ഹ​സ്യ​ങ്ങ​ളു​ടെ ഫാ​ക്ട​റി. സ്വ​പ്ന​ങ്ങ​ൾ ന​മ്മു​ടെത​ന്നെ സ​മാ​ന്ത​ര ജീ​വി​ത​ങ്ങ​ളാ​ണ​ല്ലോ... ക​ണ്ണ​ട​ച്ചാ​ൽ യാ​ഥാ​ർ​ഥ്യ​ത്തി​ലേ​ക്കും ക​ണ്ണു​തു​റ​ന്നാ​ൽ സാ​ധാ​ര​ണ​ത​യി​ലേ​ക്കും ന​മ്മ​ൾ ക​ണ്ണു തു​റ​ക്കു​ന്നു എ​ന്ന് സ​ലീം പ​റ​യു​മ്പോ​ൾ ക​ഥ വാ​യ​ന​ക്കാ​രു​ടെ ഉ​ള്ള​ത്തി​ലേ​ക്ക് നോ​ക്കു​ന്നു. വ​ള​ഞ്ഞും തി​രി​ഞ്ഞു​മാ​ണ് ഈ ​ക​ഥ​യു​ടെ വ​ഴി. പ​ക്ഷേ, ക​യ​റി ന​ട​ന്നാ​ൽ വേ​ദ​ന​യോ​ടെയേ ഇ​റ​ങ്ങാ​ൻ ക​ഴി​യൂ. അ​ഭി​ന​ന്ദ​ന​ങ്ങ​ൾ, പ്രി​യ സ​ലീം ഷെ​രീ​ഫ്. മ​നോ​ഹ​ര ചി​ത്രീ​ക​ര​ണ​ത്തി​ന് അ​​ഞ്ജു പു​​ന്ന​​ത്തി​നും അ​ഭി​ന​ന്ദ​ന​ങ്ങ​ൾ.

സ​ന്തോ​ഷ് ഇ​ല​ന്തൂ​ർ (ഫേസ്ബുക്ക്)

സമൂഹത്തോട് കലഹിക്കുന്ന ചൂ​ണ്ടു​വി​ര​ൽ

നി​ല​നി​ൽ​പി​നാ​യു​ള്ള തീ​ക്ഷ്ണ സ​മ​ര​ങ്ങ​ളു​ടെ നേ​ർ​സാ​ക്ഷ്യ​ങ്ങ​ൾ വ​ര​ച്ചി​ടു​ന്ന​താ​യി​രു​ന്നു ല​ക്കം 1273 ആ​ഴ്ച​പ്പ​തി​പ്പ് എന്ന് ഏ​തൊ​രു വാ​യ​ന​ക്കാ​ര​നും ബോ​ധ്യ​പ്പെ​ടും. തി​രു​വ​ന​ന്ത​പു​രം കി​ളി​മാ​നൂ​ർ തോ​പ്പി​ൽ കോ​ള​നി, കോ​ഴി​ക്കോ​ട് ആ​വി​ക്ക​ൽ തോ​ട്, വ​യ​നാ​ട് മ​രി​യ​നാ​ട് -ഇ​തെ​ല്ലാം ചേ​ർ​ത്തു​വാ​യി​ക്കു​മ്പോ​ൾ എ​ല്ലാം നി​ല​നി​ൽ​പി​ന്റെ പ്ര​ശ്നംത​ന്നെ​യാ​ണെ​ന്ന് ആ​ർ​ക്കും മ​ന​സ്സി​ലാ​ക്കാ​വു​ന്ന​തേ​യു​ള്ളൂ. 'വി​ര​ൽ ചൂ​ണ്ടു​ന്ന സ​മ​ര​ങ്ങ​ൾ' എ​ന്ന മു​ഖ​ചി​ത്രംത​ന്നെ തീ​ക്ഷ്ണ​മാ​യ സ​മ​ര​ങ്ങ​ളു​ടെ ചൂ​ടും ചൂ​രും പ്ര​ഥ​മ​ദൃ​ഷ്ട്യാ വാ​യ​ന​ക്കാ​രി​ൽ സ​ന്നി​വേ​ശി​പ്പി​ക്കു​ന്നു. ജീ​വി​ക്കാ​ൻ അ​നു​വ​ദി​ക്കി​ല്ലെ​ന്ന് വാ​ശിപി​ടി​ക്കു​ന്ന​വ​രെ വ​ര​ച്ചവ​ര​യി​ൽ നി​ർത്തു​മെ​ന്ന ഉ​റ​ച്ച പ്ര​ഖ്യാ​പ​ന​മാ​ണ് മു​ഖ​ചി​ത്ര​ത്തി​ലെ സ​മ​ര​പോ​രാ​ളി​യു​ടെ ചൂ​ണ്ടു​വി​ര​ൽ സ​മൂ​ഹ​ത്തോ​ട് വി​ളി​ച്ചു​പ​റ​യു​ന്ന​ത്.

പോ​രാ​ട്ട​ത്തി​ന്റെ പ​ല​വി​ധ മാ​തൃ​ക​ക​ൾ സൃ​ഷ്ടി​ച്ച് സ്വ​ന്തം പേ​രി​നൊ​പ്പം 'സ​മ​ര​വും' വി​ള​ക്കി​ച്ചേ​ർ​ത്ത് പോ​രാ​ട്ട​നാ​യ​ക​ൻ സേ​തു 'സേ​തു​സ​മ​ര'​മാ​യ​തി​ന്റെ പ​ട​വു​ക​ൾ വാ​യി​ച്ചെ​ടു​ക്കാം. കി​ളി​മാ​നൂ​ർ തോ​പ്പി​ൽ കോ​ള​നി​യി​ലെ ചെ​റു​ത്തു​നി​ൽ​പി​ന്റെ സ​മ​ര​ഭൂ​മി​യി​ൽ​നി​ന്നും എ​ക്കാ​ല​വും മേ​ലാ​ള​നാ​ൽ പ​ലാ​യ​നം ചെ​യ്യ​പ്പെ​ട്ട ദ​ലി​ത് ജ​ന​ത​യെ കാ​ല​മേ​റെ ക​ട​ന്നു​പോ​യി​ട്ടും മ​നു​ഷ്യ​രാ​യി കാ​ണാ​ൻപോ​ലും ഭ​ര​ണാ​ധികാരി​ക​ൾ ത​യാ​റാ​കു​ന്നി​ല്ല എ​ന്നു പ​റ​യു​ന്നി​ട​ത്താ​ണ് സേ​തു​സ​മ​ര​ത്തി​ന്റെ​യും കൂ​ട്ട​രു​ടെ​യും സ​മ​രം എ​ത്ര​ക​ണ്ട് നി​ല​നി​ൽ​പി​നു​വേ​ണ്ടി​യാ​കു​ന്നു​വെ​ന്ന് ചി​ന്തി​ക്കേ​ണ്ടി​വ​രു​ന്ന​ത്.

സ​മാ​ധാ​ന​ത്തോ​ടെ ശു​ദ്ധ​വാ​യു ശ്വ​സി​ച്ച് ജീ​വി​ച്ചു​പോ​ന്ന കോ​ഴി​ക്കോ​ട് ആ​വി​ക്ക​ൽ തോ​ട്ടി​ലെ ജ​ന​ങ്ങ​ളു​ടെ സ്വൈ​ര​ജീ​വി​ത​ത്തി​ൽ ക​ന​ൽ കോ​രി​യി​ടാ​ൻ വ​ന്ന​​വ​രോ​ട് പോ​രാ​ടാ​ൻ തു​ട​ങ്ങി​യ​പ്പോ​ഴാ​ണ് 'തീ​വ്ര​വാ​ദി'​ക​ളാ​യി മു​ദ്ര​കു​ത്ത​പ്പെ​ടു​ന്ന​ത്. അ​തും ഉ​ത്ത​ര​വാ​ദി​ത്ത​പ്പെ​ട്ട​വ​രി​ൽ​നി​ന്നു​ത​ന്നെ​യാ​ണെ​ന്ന് അ​റി​യു​മ്പോ​ഴാ​ണ് അ​ത്ഭുതം തോ​ന്നു​ന്ന​ത്. ര​ക്ഷി​ക്കേ​ണ്ട​വ​ർത​ന്നെ ശി​ക്ഷി​ക്കു​ക​യാ​ണോ എ​ന്ന് ചോ​ദി​ച്ചു​പോ​കേ​ണ്ടി​വ​രു​ന്നു. അ​തു​കൊ​ണ്ടു​ത​ന്നെ​യാ​ണ് സ​ർ​ക്കാ​ർ സം​വി​ധാ​ന​ങ്ങ​ളേ​ക്കാ​ൾ ക​രു​ണ കാ​ണി​ക്കു​ന്ന ക​ട​ലി​നെ​യാ​ണ് തങ്ങൾക്ക് വി​ശ്വാ​സ​മെ​ന്ന് ആ​വി​ക്ക​ൽ​തോ​ട് നി​വാ​സി​ക​ൾ​ക്ക് പ​റ​യേ​ണ്ടി​വ​രു​ന്ന​ത്.

വ​യ​നാ​ട് മ​രി​യ​നാ​ട്ടി​ലെ ആ​ദി​വാ​സി ജ​ന​ത കിടക്കാൻ ഭൂ​മി​യി​ല്ലാ​തെ​യാ​ണ് സ​മ​ര​മു​ഖ​ത്ത് 'നി​ൽ​ക്കു​ന്ന​തെ​ന്ന' വ​ലി​യ യാ​ഥാ​ർ​ഥ്യം ന​മ്മെ തു​റി​ച്ചു​നോ​ക്കു​ന്നു. കേ​റി​ക്കി​ട​ക്കാ​ൻ ഒ​രു​തു​ണ്ടു ഭൂ​മി​ക്കു​വേ​ണ്ടി മു​ത്ത​ങ്ങ, ചെങ്ങ​റ പോ​ലു​ള്ള നി​ര​വ​ധി സ​മ​ര​ങ്ങ​ൾ കണ്ട നാ​ടാ​ണി​ത്.​ വ​യ​നാ​ട്ടി​ലെ മ​രി​യ​നാ​ട് എ​ത്തു​മ്പോ​ഴും സ്ഥി​തിക്ക് ഒ​രു മാ​റ്റ​വു​മി​ല്ല എ​ന്ന വാ​സ്ത​വ​മാ​ണ് നാം ​തി​രി​ച്ച​റി​യു​ന്ന​ത്. സ​മ​ര​ത്തെ പ​ക​ർ​ത്തി​യ എ​ഴു​ത്തു​കാ​ർ​ക്കും അ​തി​ന് ത​ട്ട​ക​മൊ​രു​ക്കി​യ മാ​ധ്യ​മം ആ​ഴ്ച​പ്പ​തി​പ്പി​നും അ​ഭി​ന​ന്ദ​ന​ങ്ങ​ൾ.

ദി​ലീ​പ് വി.​ മു​ഹ​മ്മ​ദ്, മൂ​വാ​റ്റു​പു​ഴ

സ​മൂ​ഹ​ത്തെ ഒ​പ്പി​യെ​ടു​ത്ത ക​വി​ത

ബാ​ല​ഗോ​പാ​ല​ൻ കാ​ഞ്ഞ​ങ്ങാ​ടി​ന്റെ പ​തി​വുശൈ​ലി​ക​ളി​ൽനി​ന്നും ആ​ശ​യ​ങ്ങ​ളി​ൽനി​ന്നും തീ​ർ​ത്തും വി​ഭി​ന്ന​മാ​യ ക​വി​ത​യാ​ണ് 'കെ​ട്ട്യോ​ൻ ച​ത്ത​വ​ളു​ടെ ക​ട്ടി​ൽ' (ല​ക്കം: 1274). ഒ​രു വി​ധ​വ​യു​ടെ ജീ​വി​ത​ത്തി​ലേ​ക്കു​ള്ള സ​മൂ​ഹ​ത്തി​ന്റെ ഒ​ളി​ഞ്ഞു​നോ​ട്ടം വ​ള​രെ കൃ​ത്യ​മാ​യി ഈ ​ക​വി​ത പ​റ​ഞ്ഞു​വെ​ക്കു​ന്നു.

അ​ന്യ​ന്റെ ജീ​വി​ത​ത്തി​ലേ​ക്കു​ള്ള ഈ ​ഒ​ളി​ഞ്ഞു​നോ​ട്ടം മ​ല​യാ​ളി​യു​ടെ മാ​ത്രം പൊ​തു​സ്വ​ഭാ​വമാ​ണോ​​? ആ​യി​രി​ക്കാം, അ​ല്ലാ​യി​രി​ക്കാം. എ​ന്തു​ത​ന്നെ​യാ​യാ​ലും ഈ ശീ​ലം മ​ല​യാ​ളി​ക​ൾ അ​നു​വ​ർ​ത്തി​ക്കാ​ൻ തു​ട​ങ്ങി​യി​ട്ട് കാ​ല​ങ്ങ​ളേ​റെ​യാ​യി. ബാ​ല​ഗോ​പാ​ലൻ അ​ത് വ​ള​രെ കൃ​ത്യ​മാ​യി നി​രീ​ക്ഷി​ച്ചി​രി​ക്കു​ന്നു. പ്ര​ത്യേ​കി​ച്ചും സ്ത്രീ​ക​ൾ മാ​ത്രം താ​മ​സി​ക്കു​ന്ന വീ​ടു​ക​ളി​ൽ ഈ ​ആ​ധു​നി​കയു​ഗ​ത്തി​ലും എ​ത്ര​മാ​ത്രം അ​ര​ക്ഷി​ത​രാ​ണ് അ​വ​ർ എ​ന്ന​തോ​ർ​ക്കു​മ്പോ​ൾ പ​രി​ത​പി​ക്കു​ക​യ​ല്ലാ​തെ മ​റ്റെ​ന്താ​ണ് ചെ​യ്യാ​നാ​വു​ക. സ​മൂ​ഹ​മാ​ധ്യ​മ​ങ്ങ​ളും പു​രോ​ഗ​മ​ന പ്ര​സ്ഥാ​ന​ങ്ങ​ളും കൊ​ട്ടി​ഗ്ഘോ​ഷി​ച്ച് രാ​ത്രിന​ട​ത്ത​ങ്ങ​ളും മ​റ്റും സം​ഘ​ടി​പ്പി​ക്കു​ന്നു​ണ്ടെ​ങ്കി​ലും എ​ത്ര സ്ത്രീ​ക​ൾ​ക്ക് രാ​ത്രി​യി​ൽ സു​ര​ക്ഷി​ത​മാ​യി യാ​ത്ര ചെ​യ്യാ​നാ​കു​ന്നു​ണ്ട്​? സൗ​മ്യ​യു​ടെ അ​നു​ഭ​വം ആ​രും മ​റ​ന്നി​രി​ക്കാ​ൻ ഇ​ട​യി​ല്ല. ഇ​ര​ക​ൾ ഇ​പ്പോ​ഴും ബ​ലി​യാ​ടു​ക​ളാ​യി അ​ഭ​യകേ​ന്ദ്ര​ങ്ങ​ളി​ൽ ഒ​റ്റ​പ്പെ​ട്ടു ജീ​വി​ക്കു​ന്നു. പീ​ഡ​ക​ർ നി​യ​മ​ത്തി​ൻ കീ​ഴി​ൽ സു​ര​ക്ഷി​ത​മാ​യി സ​മൂ​ഹ​മ​ധ്യ​ത്തി​ൽ വി​ല​സു​ന്നു. സ്ഥി​രം ക​ണ്ടു​കൊ​ണ്ടി​രി​ക്കു​ന്ന ഈ ​കാ​ഴ്ച​ക​ൾ​ക്ക് എ​ന്നാ​ണ് മാ​റ്റം വ​രുക. ത​നി​ച്ചാ​ക്ക​പ്പെ​ടു​ന്ന സ്ത്രീ​ക​ളു​ടെ ജീ​വി​ത​ത്തെയും അ​വ​രു​ടെ വീ​ടു​ക​ളി​ലേ​ക്കു​ള്ള വ​ര​വുപോ​ക്കു​ക​ളെയും ആ​യി​രം ക​ണ്ണു​ക​ളോ​ടെ​യാ​ണ് സ​മൂ​ഹം കാ​ത്തി​രി​ക്കു​ന്ന​തും ക​ഥ​ക​ൾ മെ​ന​യു​ന്ന​തും. അ​വ​ളോ​ട് കൂ​ട്ടു​കൂ​ടാ​നു​ള്ള പു​രു​ഷ കേ​സ​രി​ക​ളു​ടെ മ​ത്സ​ര​ങ്ങ​ൾ. അ​വ​ളെക്കുറി​ച്ച് ക​ഥ​ക​ൾ മെ​ന​യാ​നു​ള്ള അ​യ​ൽ​ക്കാ​രി​ക​ളു​ടെ/​കൂ​ട്ടു​കാ​രി​ക​ളു​ടെ വ്യ​ഗ്ര​ത, ആ​വ​ശ്യ​ങ്ങ​ൾ നി​റ​വേ​റ്റി കൊ​ടു​ക്കാ​നു​ള്ള യു​വാ​ക്ക​ളു​ടെ ബ​ദ്ധ​പ്പാ​ടു​ക​ൾ എ​ല്ലാം ഈ ​ക​വി​ത​യി​ൽ ന​മു​ക്ക് വാ​യി​ച്ചെ​ടു​ക്കാ​നാ​കും. കാ​ല​മെ​ത്ര ക​ഴി​ഞ്ഞാ​ലും മാ​റു​ക​യി​ല്ല മ​നു​ഷ്യമ​ന​സ്സി​ലെ ഈ ​അ​പ​ഥ​സ​ഞ്ചാ​ര​ങ്ങ​ൾ. അ​വ​ളു​ടെ സ്വ​ത്വ​ത്തെ അ​വ​ർ മ​ന​സ്സി​ലാ​ക്കു​ന്ന​തേ​യി​ല്ല. അ​വ​ളെ സം​ബ​ന്ധി​ക്കു​ന്ന എ​ന്തും അ​വ​ർ​ക്ക് ഊ​ർ​ജസ​ര​ണി​ക​ളാ​ണ്. അ​വ​ളു​ടെ ആ​സ​ക്തി​ക​ൾ അ​വ​രെ സം​ബ​ന്ധി​ച്ചി​ട​ത്തോ​ളം ഒ​ഴു​ക്കു മു​റി​ഞ്ഞ ഒ​രു പു​ഴപോ​ലെ​യ​ത്രേ! സ്വ​പ്ന​ങ്ങ​ൾ​ക്ക് ഇ​രു​മ്പ് താ​ഴി​ട്ട ഇ​ട​ങ്ങ​ളി​ൽ 'കെ​ട്ട്യോ​ൻ ച​ത്ത​വ​ളു​ടെ ക​ട്ടി​ൽ എ​ന്ത് ചെ​യ്യാ​നാ​ണ്' എ​ന്ന് അ​ർ​ഥ​വ​ത്താ​യി ക​വി പ​റ​ഞ്ഞ​വ​സാ​നി​പ്പി​ക്കു​ന്നു.

എ​ക്കാ​ല​ത്തും വി​ധ​വ​ക​ൾ അ​നു​ഭ​വി​ച്ച ജീ​വി​ത​ത്തി​ന്റെ നേ​ർ​ക്കാ​ഴ്ച​യാ​ണ് ഈ ​ക​വി​ത. ന​ഗ​ര​ത്തി​ലാ​യാ​ലും ഗ്രാ​മ​ത്തി​ലാ​യാ​ലും ഒ​രു​പോ​ലെ​യാ​ണ് അ​വ​രു​ടെ അ​വ​സ്ഥ.

ദ​ർ​ശ​ന, വെ​ങ്ങി​ണി​ശ്ശേ​രി