എഴുത്തുകുത്ത്

ശ​ത​ശാ​ഖി​യാ​യ പൂ​മ​രം

പ്രി​യക​വി സു​ഹൃ​ത്ത് ബാ​ല​ഗോ​പാ​ല​ൻ കാ​ഞ്ഞ​ങ്ങാ​ട് കവി കുരീപ്പുഴയുമായി (ലക്കം: 1378) ന​ട​ത്തി​യ സം​ഭാ​ഷ​ണ​ം ഹൃദ്യമായി. ആ​ധു​നി​ക​ത​യു​ടെ ഉ​ർ​വര​മാ​യ ഭൗ​മപ​രി​സ​ര​ത്തുനി​ന്ന് ഊ​ർ​ജ​മാ​വാ​ഹി​ച്ച് കാ​ലാ​തി​വ​ർ​ത്തി​യാ​യ സ്വ​ന്തം നി​ല​പാ​ടു​ക​ളി​ൽ ഒ​ത്തു​തീ​ർ​പ്പു​ക​ൾ​ക്ക് വി​ധേ​യ​നാ​കാ​തെ മ​ല​യാ​ള​ ക​വി​ത​യി​ൽ ഏ​കാ​ന്ത​പ​ഥി​ക​നാ​യ അ​വ​ധൂ​ത​നെ​പ്പോ​ലെ വേ​റി​ട്ടൊ​രു സ​ഞ്ചാ​ര​പാ​ത​യി​ൽ ഭ്ര​മ​ണം ചെ​യ്യു​ന്ന ക​വി​യാ​ണ് കു​രീ​പ്പു​ഴ ശ്രീ​കു​മാ​ർ.

ജീ​വി​ത യാ​ഥാ​ർ​ഥ്യ​ങ്ങ​ളി​ലെ മൃ​ദു​ല​മ​ല്ലാ​ത്ത ബിം​ബ​ങ്ങ​ൾ​ക്കു നേ​രെ പി​ടി​ച്ച ദ​ർ​പ്പ​ണ​ങ്ങ​ളാ​യി​രു​ന്നു കു​രീ​പ്പു​ഴ​യു​ടെ ക​വി​ത​ക​ൾ. വൈ​യ​ക്തി​ക​മാ​യ തീ​ക്ഷ്ണാ​നു​ഭ​വ​ങ്ങ​ളെ സ​മൂ​ഹ മ​ന​സ്സാ​ക്ഷി​യാ​കു​ന്ന പ്ര​ത​ല​ത്തി​ൽ ക​വി അ​ട​യാ​ള​പ്പെ​ടു​ത്തി​യ​പ്പോ​ൾ ഉ​ത്ഭൂ​ത​മാ​യ രേ​ഖാ​ചി​ത്ര​ങ്ങ​ൾ ഭാ​ഷ​യു​ടെ പു​ത്ത​ൻ ദി​ശാനി​ർ​ണ​യ സൂ​ച​ക​ങ്ങ​ളു​ടെ സ​ര​ണി തു​റ​ന്നി​ട്ടു.​ ഹൈ​ക്കു പാ​ര​മ്പ​ര്യ​ത്തി​ന്റെ പി​ൻ​പ​റ്റി​യ ന​ഗ്ന​ക​വി​ത​ക​ൾ മാ​ത്ര​മ​ല്ല, ആ​ശ​യ​സ​മ്പു​ഷ്ട​തകൊ​ണ്ടും പ​ദ​വി​ന്യാ​സ ചാ​രു​ത​കൊ​ണ്ടും സാ​ഹി​ത്യ ന​ഭോ​മ​ണ്ഡ​ല​ത്തി​ൽ ഒ​ളി​മ​ങ്ങാ​തെ വി​ല​സു​ന്ന നെ​ബു​ല​ക​ളി​ൽനി​ന്ന് നി​ര​വ​ധി താ​ര​ങ്ങ​ൾ​ക്ക് പി​റ​വി​യേ​കി ഈ ​ക​വി.

സ​ത്യം വി​ളി​ച്ചുപ​റ​യു​ന്ന​വ​നെ കു​രി​ശും വെ​ടി​യു​ണ്ട​ക​ളും ഹെം​ലോ​ക് വി​ഷ​വും ന​ൽകി​യാ​ണ് ച​രി​ത്രം സ്വീ​ക​രി​ച്ച​ത്. ഏ​കാ​കി​യു​ടെ സ​ന്ദേ​ഹ​ങ്ങ​ൾ​ക്ക് മ​റു​മൊ​ഴി ന​ൽകി​യ​ത് മ​ര​ണ​വാ​റ​ന്റി​ലൂ​ടെ​യാ​ണ്. കാ​ലം അ​വ​രെ​യാ​ണ് വജ്രശോ​ഭ​യോ​ടെ എ​തി​രേ​റ്റ​ത്. വ​രാ​നി​രി​ക്കു​ന്ന അ​ശ​നി​പാ​ത​ങ്ങ​ളെ പ്ര​വാ​ച​കസ​ദൃ​ശം വി​ളി​ച്ചുപ​റ​ഞ്ഞ ഈ ​ക​വി കേ​ര​ള​ത്തി​ലാ​യ​തുകൊ​ണ്ടു മാ​ത്ര​മാ​ണ് ഇ​ന്നും ജീ​വി​ച്ചി​രി​ക്കു​ന്ന​ത്.​ നി​ര​ന്ത​ര​മാ​യ പോ​രാ​ട്ട​ത്തി​ലൂ​ടെ സ​ത്യ​ത്തി​ന്റെ മു​ഖ​ത്തി​നുനേ​രെ പി​ടി​ച്ച ദ​ർ​പ്പ​ണ​വു​മാ​യി ന​ട​ന്നുനീ​ങ്ങു​ന്ന ഈ ​ക​വി ന​മ്മു​ടെ സ്വ​കാ​ര്യ അ​ഹ​ങ്കാ​ര​മാ​യി മാ​റു​ന്ന​തും അ​തി​നാ​ൽത​ന്നെ.

ഏ​തൊ​രു എ​ഴു​ത്തു​കാ​ര​നെ​യും (വ്യ​ക്തി​യെ​യും) കാ​ലം ഓ​ർ​മി​ക്കു​ന്ന​ത് അ​വ​ർ അ​പ​ര​ന് പ​ക​ർ​ന്നേ​കി​യ സാ​ന്ത്വ​ന സ്പ​ർ​ശ​ത്താ​ലാ​ണ്. രാ​ഹു​ല​ൻ ഉ​റ​ങ്ങു​ന്നി​ല്ല, ജെ​സ്സി, അ​മ്മ​മ​ല​യാ​ളം, ഇ​ഷ്ട​മു​ടി​ക്കായ​ൽ, ഫാ​ത്തി​മ​ത്തു​രു​ത്ത്... മ​ന​സ്സി​ന്റെ അ​ഗാ​ധ​ത​യി​ലേ​ക്ക് വേ​രു​ക​ൾ പ​ട​ർ​ത്തി സ​ർ​ഗ​ചേ​ത​ന​യു​ടെ പ്ര​യാ​ണ​ത്തി​ന്റെ പു​തു​വ​ഴി​ക​ൾ വെ​ട്ടു​ന്ന​തി​നു​ള്ള മൂ​ല​ധ​ന സ്വ​രൂ​പ​ണം ക​വി നി​ർ​വ​ഹി​ച്ചെ​ടു​ക്കു​ന്ന​ത് അ​ന​ന്യ​സാ​ധാ​ര​ണ​മാ​യ മെ​യ് വ​ഴ​ക്ക​ത്തി​ലൂ​ടെ​യാ​ണ്.

കു​രീ​പ്പു​ഴ പ​റ​ഞ്ഞ​പോ​ലെ, ‘‘എ​ഴു​ത്തു​കാ​രന്റെ ഇ​ടം ഒ​ട്ടും ഭ​ദ്ര​മ​ല്ല.’’ വെ​ല്ലു​വി​ളി​ക​ൾ നി​റ​ഞ്ഞ​താ​യി മാ​റു​ന്നു​ണ്ട് എ​ഴു​ത്ത്. പ്ര​തി​ഷേ​ധി​ച്ചും പ്ര​തി​ക​രി​ച്ചും നി​ല​നി​ൽക്കുന്ന ഭ​ര​ണവ്യ​വ​സ്ഥ​യു​ടെ നെ​റി​കേ​ടി​ന് നേ​രെ തൂ​ലി​ക ച​ലി​പ്പി​ക്കു​മ്പോ​ൾ എ​ഴു​ത്തു​കാ​ര​ന്റെ നി​ല​നി​ൽപിനുത​ന്നെ ഭീ​ഷ​ണി ഉ​യ​രു​ന്നു. ചെ​റു​ത്തു​നിൽപി​ന്റെ പോ​രാ​ട്ടവീ​ഥി​ക​ളി​ലേ​ക്ക് സാം​സ്കാ​രി​ക നേ​തൃ​ത്വം മു​ന്നേ​റു​കത​ന്നെ വേ​ണം.

സ​മൂ​ഹ​മാ​ധ്യ​മ​ത്തി​ൽ ‘ഇ​ന്ന് വാ​യി​ച്ച ക​വി​ത’ എ​ന്ന മ​ല​യാ​ള ക​വി​ത​ക​ളെ സൂ​ക്ഷ്മ​ത​ല​ത്തി​ൽ വി​ശ​ക​ല​നംചെ​യ്യു​ന്ന പം​ക്തി മു​ട​ങ്ങാ​തെ ചെ​യ്യു​ന്ന​തി​ലൂ​ടെ ഈ ​ക​വി വ​ർ​ത്ത​മാ​ന​കാ​ല സാ​ഹി​ത്യ​ലോ​ക​ത്ത് അ​ദ്വി​തീ​യ​നാ​യി നി​ല​കൊ​ള്ളു​ന്നു. വി​വ​ർ​ത്ത​ന ക​വി​ത​ക​ളും, മ​ൺ​മ​റ​ഞ്ഞ ക​വി​ക​ളു​ടെ ക​വി​ത​ക​ളും, പു​തു​കാ​ല ക​വി​ത​ക​ളും ആ​സ്വാ​ദ​ക​ന് പ്ര​ദാ​നംചെ​യ്ത് ഊ​ർ​ജ സ്രോ​ത​സ്സി​ന്റെ നി​റസാ​ന്നി​ധ്യ​മാ​യി നി​ല​കൊ​ള്ളു​ന്നു. ഈ ​സ​ഞ്ചാ​ര​ത്തി​ൽ വ​ർ​ഷ​ങ്ങ​ളാ​യി എല്ലാ ദിവസവും വൈകുന്നേരം ക​വി​ക്കൊ​പ്പം സ​ഞ്ച​രി​ക്കാ​ൻ ക​ഴി​യു​ന്ന​ത് ഭാ​ഗ്യ​മാ​യി ക​രു​തു​ന്നു.

എ​ഴു​ത്തി​നോ​ടും ക​വി​ക​ളോ​ടും വാ​യ​ന​ക്കാ​രോ​ടും ക​വി പ്ര​ക​ടി​പ്പി​ക്കുന്ന അ​നി​ത​ര​സാ​ധാ​ര​ണ​മാ​യ ആ​ത്മാ​ർ​പ്പ​ണം മ​റ്റു​ള്ള​വ​ർ​ക്ക് വ​ഴി​കാ​ട്ടി​യാ​യി നി​ല​കൊ​ള്ളു​ന്ന ദീ​പ​സ്തം​ഭ​മാ​യി പ്ര​കാ​ശം ചൊ​രി​ഞ്ഞുകൊ​ണ്ടി​രി​ക്കു​ന്നു.

(ജ​യ​പ്ര​കാ​ശ് എ​റ​വ്, തൃ​ശൂ​ർ)

ത​ല​കു​നി​ക്കാ​ത്ത യൗ​വ​നം

ജെ​സ്സി ചാ​ർ​വാ​ങ്ക​ൻ, ഇ​ഷ്ട​മു​ടി​ക്കാ​യ​ൽ, കീ​ഴാ​ള​ൻ, അ​മ്മ​മ​ല​യാ​ളം, രാ​ഹു​ല​ൻ ഉ​റ​ങ്ങു​ന്നി​ല്ല, ന​ടി​യു​ടെ രാ​ത്രി, അ​സ​ഹ്യ​ൻ, സ്കൂ​ൾ​ബാ​ർ, ഫാ​ത്തി​മ​ത്തു​രു​ത്ത് തു​ട​ങ്ങി​യ ഉ​ൾ​ക്കാ​മ്പു​ള്ള ക​വി​ത​ക​ൾകൊ​ണ്ടും എ​ഴു​ത്തി​ലും ജീ​വി​ത​ത്തി​ലും പു​ല​ർ​ത്തു​ന്ന നി​ല​പാ​ടു​ക​ളി​ലെ സ്ഥൈ​ര്യംകൊ​ണ്ടും വേ​റി​ട്ടു​നി​ൽ​ക്കു​ന്ന ക​വി​യാ​ണ് കു​രീ​പ്പു​ഴ ശ്രീ​കു​മാ​ർ. സ​ഹ​ക​വി​ക​ളെ ഇ​ത്ര​യേ​റെ ചേ​ർ​ത്തു​പി​ടി​ക്കു​ന്ന മ​റ്റൊ​രു ക​വി മ​ല​യാ​ള കാ​വ്യ​ലോ​ക​ത്തി​ല്ല.

യു​വ​ക​വി ബാ​ല​ഗോ​പാ​ല​ൻ കാ​ഞ്ഞ​ങ്ങാ​ടു​മാ​യി കു​രീ​പ്പു​ഴ ശ്രീ​കു​മാ​ർ ന​ട​ത്തി​യ സം​ഭാ​ഷ​ണം (മാ​ധ്യ​മം ആ​ഴ്ച​പ്പതി​പ്പ് ല​ക്കം: 1378) ക​വി​ത​യി​ലും സാ​മൂ​ഹി​ക ജീ​വി​ത​ത്തി​ലും രാ​ഷ്ട്രീ​യ മ​ണ്ഡ​ല​ത്തി​ലു​മു​ള്ള അ​ദ്ദേ​ഹ​ത്തി​ന്റെ നി​രീ​ക്ഷ​ണ​ങ്ങ​ളും ഉ​ത്ക​ണ്ഠ​ക​ളും പ​ങ്കു​വെ​ക്ക​ലു​ക​ളാ​ൽ ശ്ര​ദ്ധേ​യ​മാ​യി. കേ​ര​ള​ത്തി​ൽ​പോ​ലും എ​ഴു​ത്തു​കാ​രു​ടെ ഇ​ടം ഒ​ട്ടും ഭ​ദ്ര​മ​ല്ലെന്ന് സ്വാ​നു​ഭ​വ​ങ്ങ​ളു​ടെ പ​ശ്ചാ​ത്തല​ത്തി​ൽ അ​ദ്ദേ​ഹം വി​ശ​ദീ​ക​രി​ക്കു​ന്നു. എ​ഴു​പ​തി​ലേ​ക്ക് ക​ട​ക്കു​ന്ന ‘ത​ല​കു​നി​ക്കാ​ത്ത ശീ​ല​മെ​ൻ യൗ​വ​നം’ എ​ന്ന് ഉ​ദ്ഘോ​ഷി​ക്കു​ന്ന ക​വി​ക്ക് അ​ഭി​വാ​ദ്യ​ങ്ങ​ൾ. ബാ​ല​ഗോ​പാ​ല​ന് ന​ന്ദി.

(സ​തീ​ശ​ൻ മോ​റാ​യി കോ​യ്യോ​ട്,ക​ണ്ണൂ​ർ)

ത​​ല​​ശ്ശേ​​രി​​ക്കാ​​ല​​ത്തെ ദീ​​പ്ത​​മാ​​യ ഓ​​ർ​​മ​

കാ​ളീ​ശ്വ​രം രാ​ജി​​ന്റെ ഓ​ർ​മക്കു​റി​പ്പ് വാ​യി​ക്കു​മ്പോ​ൾ നാ​ൽപ​തു കൊ​ല്ലം മു​മ്പ​ത്തെ ത​ല​ശ്ശേ​രി​ക്കാ​ല​വും ‘പ​രി​സ​രവേ​ദി’ പ്ര​വ​ർ​ത്ത​ന​വും ഇ​വി​ടെ കു​റി​ക്കു​ന്ന​ത് അ​നു​ചി​ത​മ​ല്ലെ​ന്ന് തോ​ന്നു​ന്നു. പ​ഴ​യ ത​ല​ശ്ശേ​രി, മാ​ന്ത്രി​ക​മാ​യ സൃ​ഷ്ടി​പ​ര​ത​യു​ള്ള പ്ര​ദേ​ശ​മാ​യി​രു​ന്നു.​ പാ​റ​ക്കെ​ട്ടു​ക​ൾ നി​റ​ഞ്ഞ മ​നോ​ഹ​ര​മാ​യ ക​ട​ൽത്തീ​ര​വും ച​രി​ത്ര​ശേ​ഷി​പ്പു​ക​ളു​ടെ​യും നി​ർ​മിതി​ക​ളു​ടെ​യും കൂ​ടെ കാ​ല​ങ്ങ​ളി​ലൂ​ടെ ഉ​രു​ത്തി​രി​ഞ്ഞ സാ​ംസ്കാ​രി​ക സ​മ​ന്വ​യ​വും ത​ല​ശ്ശേ​രി​യെ വേ​റി​ട്ടുനി​ർ​ത്തി. മ​റു​പു​റ​മാ​യി, എം.എ​ൻ. വി​ജ​യ​ൻ പ​റ​ഞ്ഞപോ​ലെ പ്രാ​കൃ​ത​മാ​യ ‘ത​മാ​ശ​ക​ൾ’ അ​ര​ങ്ങേ​റിക്കൊ​ണ്ടി​രു​ന്ന സ്ഥ​ല​വും (വ​ർ​ഗീയ ല​ഹ​ള, സി.​പി​.എം x ആ​ർ.എ​സ്.എസ് സം​ഘ​ർ​ഷം).

1980ക​ളി​ൽ ഡി​പ്പാ​ർ​ട്മെന്റ് ഓ​ഫ് ടെ​ലി​ക​മ്യൂ​ണി​ക്കേ​ഷ​നി​ലും പോ​സ്റ്റ​ൽ ഡി​പ്പാ​ർ​ട്മെന്റി​ലും ഉ​യ​ർ​ന്ന മെ​റിറ്റു​ള്ള​വ​ർ ജോ​ലി​ക്ക് ചേ​ർ​ന്ന് എ​ല്ലാ നി​യ​മ​ന ന​ട​പ​ടിക​ളും പൂ​ർ​ത്തീക​രി​ച്ച് ട്രെ​യ്നി​ങ്ങും ക​ഴി​ഞ്ഞ് സ്ഥി​രനി​യ​മ​ന​ത്തി​നാ​യി കാ​ത്തി​രി​ക്കു​ന്ന കാ​ലം. കേ​ന്ദ്ര ഗ​വ​ൺ​മെ​ന്റിന്റെ നി​യ​മ​ന നി​രോ​ധ​ന​മാ​യി​രു​ന്നു ഇ​തി​ന് ത​ട​സ്സ​മാ​യി നി​ന്ന​ത്. ടെ​ലി​ഫോ​ൺ എ​ക്സ്ചേ​ഞ്ചി​ലും പോ​സ്റ്റ് ഓ​ഫിസു​ക​ളി​ലും ദി​വ​സവേ​ത​നാ​ടി​സ്ഥാ​ന​ത്തി​ൽ ഇ​വ​രെ ഉ​പ​യോ​ഗി​ച്ചുകൊ​ണ്ടാ​യി​രു​ന്നു പ്ര​വ​ർ​ത്ത​ന​ങ്ങ​ൾ മു​ന്നോ​ട്ടുകൊ​ണ്ടു​പോ​യ​ത്. നീ​ളു​ന്ന സ്ഥി​രനി​യ​മ​നം നി​രാ​ശ​യി​ലേ​ക്കും മ​റ്റു മേ​ഖ​ല​ക​ൾ തേ​ടു​ന്ന​തി​ലേ​ക്കും​ വ​ഴി​മാ​റി.

1984ൽ ​കാ​ളീ​ശ്വ​രം രാ​ജി​നെ പ​രി​ച​യ​പ്പെ​ടു​മ്പോ​ൾ ടെ​ലി​ഫോ​ൺ എ​ക്സ്ചേ​ഞ്ചി​ലെ സ​ഹ​പ്ര​വ​ർ​ത്ത​ക​നെ​ന്ന​തി​ലു​പ​രി പ​യ്യ​ന്നൂ​ർ കോ​ള​ജ് പ​ശ്ചാ​ത്ത​ലം സൗ​ഹൃ​ദ​ത്തി​ന് കാ​ര​ണ​മാ​യി. ‘സൂ​ചി​മു​ഖി’ എ​ന്ന പ​രി​സ്ഥി​തി മാ​സി​ക​യി​ലൂ​ടെ​യും ‘സീ​ക്ക്’ എ​ന്ന സം​ഘ​ട​ന​യി​ലൂ​ടെ​യും പ്ര​ഫ. ജോ​ൺ സി. ​ജേ​ക്ക​ബ് ഉ​ണ്ടാ​ക്കി​യെ​ടു​ത്ത പ​രി​സ്ഥി​തി അ​വ​ബോ​ധം നി​സ്തു​ല​മാ​യി​രു​ന്നു. പ​ക്ഷേ, അ​ന്ന​ത്തെ പൊ​തു​വാ​യ പ​രി​സ്ഥി​തിബോ​ധം കാ​ൽപ​നി​ക​മാ​യ പ്ര​കൃ​തിസ്നേ​ഹ​ത്തി​ലും അ​ക്കാ​ദ​മി​ക​ താ​ൽപ​ര്യ​ത്തി​ലും ഊ​ന്നി​ക്കൊ​ണ്ടു​ള്ള​താ​യി​രു​ന്നു.

പ​രി​സ്ഥി​തി​യു​ടെ രാ​ഷ്ടീ​യം എ​ന്ന വ​സ്തു​തയി​ലൂ​ന്നി ഉ​ട​ലെ​ടു​ത്ത ഒ​രു ചെ​റു ഗ്രൂ​പ്പാ​യി​രു​ന്നു ‘പ​രി​സ​രവേ​ദി’.​ ത​ല​ശ്ശേ​രി​യി​ലെ​യും സ​മീ​പ പ്ര​ദേ​ശ​ങ്ങ​ളി​ലെ​യും പ​രി​സ്ഥി​തി പ്ര​ശ്ന​ങ്ങ​ളി​ലെ ഇ​ട​പെ​ട​ൽ, ‘പ​രി​സ​രവേ​ദി’ ബു​ള്ള​റ്റി​ൻ പ്ര​സി​ദ്ധീ​ക​ര​ണം. എ​ന്നി​ങ്ങ​നെ പ​രി​സ​രവേ​ദി​യു​ടെ എ​ല്ലാ പ്ര​വ​ർ​ത്ത​ന​ങ്ങ​ളി​ലും എ​ളി​യ രീ​തി​യി​ൽ പ​ങ്കെ​ടു​ക്കാ​ൻ ക​ഴി​ഞ്ഞ​ത് ത​ല​ശ്ശേ​രി​ക്കാ​ല​ത്തെ ദീ​പ്ത​മാ​യ ഓ​ർ​മക​ളാ​യി അ​വ​ശേ​ഷി​ക്കു​ന്നു.

(പി.​കെ.​ നാ​രാ​യ​ണ​ൻ​കു​ട്ടി (റിട്ട. അ​സി.​ ജ​ന​റ​ൽ മാ​നേ​ജ​ർ, ബി.എസ്.എൻ.എൽ, പ​ഴ​യ​ങ്ങാ​ടി)

മ​തം​മാ​റി​യ​വ​ർ​ക്കും മാ​റ്റ​ി​യ​വ​ർ​ക്കും ഗു​ണം ല​ഭി​ച്ചി​ട്ടു​ണ്ടോ?

ഡോ. ​വി​നി​ൽ​പോ​ൾ എ​ഴു​തി​യ മ​ത​പ​രി​വ​ർ​ത്ത​ന​വു​മാ​യി ബ​ന്ധ​പ്പെ​ട്ട ച​രി​ത്ര​പ​ഠ​നം നി​ര​വ​ധി പു​തി​യ അ​റി​വ് പ്ര​ദാ​നം ചെ​യ്തു (ല​ക്കം: 1378). ഈ​ഴ​വ​രു​ടെ ക്രി​സ്ത്യ​ൻ​മ​ത ആ​ശ്ലേ​ഷ​ണ​ത്തി​ന്റെ കാ​ര​ണ​ങ്ങ​ൾ വാ​യി​ച്ചു​വ​രു​മ്പോ​ൾ വ​രി​ക​ൾ​ക്കി​ട​യി​ൽ കൗ​തു​കം ഉ​ണ​ർ​ത്തു​ന്ന സം​ഭ​വ​ങ്ങ​ൾ കാ​ണാം. ‘‘ഒ​രു ജാ​തി, ഒ​രു മ​തം, ഒ​രു ദൈ​വം’’ എ​ന്ന അ​ധ്യാ​ത്മ​ദ​ർ​ശ​ന​ത്തി​ന്റെ ഉ​പ​ജ്ഞാ​താ​വാ​യ ശ്രീ​നാ​രാ​യ​ണ​ഗു​രു​വി​ന്റെ വി​ചി​ത്ര​മാ​യ പ്ര​വൃ​ത്തി ആ​ശ്ച​ര്യ​ക​ര​മാ​ണ്. ക്രി​സ്തു​മ​തം സ്വീ​ക​രി​ച്ച ഈ​ഴ​വ​രെ തി​രി​കെ ഹി​ന്ദു​മ​ത​ത്തി​ലേ​ക്ക് മ​ട​ക്കി​ക്കൊ​ണ്ടു​വ​രുക​യും പ​ള്ളി​ക​ളു​ടെ സ്ഥാ​ന​ത്ത് അ​മ്പ​ല​ങ്ങ​ൾ പ​ണി​യു​ക​യുംചെ​യ്തു എ​ന്ന​ത് ശ്രീ​നാ​രാ​യ​ണ​ഗു​രു​വി​ന്റെ ആ​ത്മീ​യ കാ​ഴ്ച​പ്പാ​ടി​നെ അ​ന്ധ​മാ​യി വി​ശ്വ​സി​ച്ച​വ​ർ​ക്ക്, ഗു​രു​വി​നോ​ടു​ള്ള ആ​ദ​ര​വി​ന് മ​ങ്ങ​ലേ​ൽ​പി​ക്കു​ന്ന സം​ഭ​വ​മാ​ണ്.

1931 മു​ത​ൽ ജാ​തി തി​രി​ച്ചു​ള്ള സെ​ൻ​സ​സ് രാ​ജ്യ​ത്ത് ഉ​ണ്ടാ​യി​രു​ന്ന​താ​യി ലേ​ഖ​ക​ൻ കൃ​ത്യ​മാ​യി അ​ട​യാ​ള​പ്പെ​ടു​ത്തു​ന്നു. ജാ​തി തി​രി​ച്ചു​ള്ള സെ​ൻ​സ​സ് ന​ട​ത്തു​ന്ന​തി​ന് നി​ല​വി​ലു​ള്ള കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ വി​മു​ഖ​ത പ്ര​ക​ടി​പ്പി​ക്കു​ന്ന​തി​ന്റെ കാ​ര​ണ​മാ​ണ് മ​ന​സ്സി​ലാ​കാ​ത്ത​ത്. 1820 കാ​ല​യ​ള​വി​ൽ തി​രു​വി​താം​കൂ​റി​ൽ ഒ​രു​ല​ക്ഷം ക്രൈ​സ്ത​വ​ർ ഉ​ണ്ടാ​യി​രു​ന്ന സ്ഥാ​ന​ത്ത് 11 വ​ർ​ഷ​ത്തി​നു​ശേ​ഷം ക്രൈ​സ്ത​വ​രു​ടെ എ​ണ്ണം 16 ല​ക്ഷം ആ​യി വ​ർ​ധി​ച്ച​തി​ൽ​നി​ന്നും മ​ത​പ​രി​വ​ർ​ത്ത​ന​ത്തി​ന്റെ സ്വാ​ധീ​നം അ​തി​ശ​ക്ത​മാ​യി​രു​ന്നു​വെ​ന്ന് ഗ്ര​ഹി​ക്കാം! മ​തം​ മാ​റി​യ​വ​ർ​ക്കും മാ​റ്റ​ി​യ​വ​ർ​ക്കും അ​ന്നും ഇ​ന്നും ഏ​തെ​ങ്കി​ലും ത​ര​ത്തി​ലു​ള്ള ഗു​ണം ല​ഭി​ച്ചി​ട്ടു​ണ്ടോ?

(ഫാ. ​ഡാ​ർ​ലി എ​ട​പ്പ​ങ്ങാ​ട്ടി​ൽ,മു​ള​ന്തു​രു​ത്തി)