എഴുത്തുകുത്ത്

ക​ടു​വ​ക​ൾ ‘നീ​തി പാ​ലി​ച്ചാ​ലും’ നാം നീ​തി പാ​ലി​ക്കില്ലെ​ന്നോ?

ഉ​രു​ൾ​പൊ​ട്ട​ൽപോ​ലു​ള്ള പ്ര​കൃ​തി​ദു​ര​ന്ത​ങ്ങ​ൾ നമുക്ക്​ ചി​ല​ മു​ന്ന​റി​യി​പ്പു​ക​ൾ ന​ൽ​കു​ന്നു​ണ്ട്. അ​ത് ക​ടു​വ​ക​ൾ നീ​തി പാ​ലി​ക്ക​ണ​മെ​ന്ന​ല്ല;​ പ​രി​സ്ഥി​തി സം​ര​ക്ഷ​ണ പ്ര​വ​ർ​ത്ത​ന​ങ്ങ​ൾ​ക്കെ​തി​രെ ജാ​ലി​യ​ൻ​ വാ​ലാ​ ബാ​ഗ് ആ​വ​ർ​ത്തി​ക്ക​ണ​മെ​ന്നു​മ​ല്ല.​ മ​റി​ച്ച്, ന​മ്മ​ൾ മ​ന​ുഷ്യ​ർ പ്ര​കൃ​തി​യോ​ടും ആ​വാ​സവ്യ​വ​സ്ഥ​യോ​ടും നീ​തി​യു​ക്ത​മാ​യ രീ​തി​യി​ൽ ഇ​ട​പെ​ട​ലു​ക​ൾ ന​ട​ത്തി​യി​ല്ലെ​ങ്കി​ൽ ഇ​നി​യും ന​മ്മ​ൾ പ​ല ദു​ര​ന്ത​ങ്ങ​ൾ​ക്കും ദൃ​ക്സാ​ക്ഷി​യാ​കേ​ണ്ടിവ​രും എ​ന്ന മു​ന്ന​റി​യി​പ്പാ​ണ​ത്.

2018 -പ്ര​ള​യം, 2019 -പു​ത്തു​മ​ല, ക​വ​ള​പ്പാ​റ ഉ​രു​ൾ​പൊ​ട്ട​ൽ (വ​യ​നാ​ട്, മ​ല​പ്പു​റം ജി​ല്ല​ക​ൾ), 2020 -പെ​ട്ടി​മു​ടി ഉ​രു​ൾ​പൊ​ട്ട​ൽ (ഇ​ടു​ക്കി ജി​ല്ല), 2021 -കൂ​ട്ടി​ക്ക​ൽ ഉ​രു​ൾ​പൊ​ട്ട​ൽ (കോ​ട്ട​യം ജി​ല്ല) എന്നിങ്ങനെ ചെ​റു​തും വ​ലു​തു​മാ​യ പ്രകൃതിദുരന്തങ്ങൾ എ​ത്ര​യോ ജീ​വ​നു​ക​ൾ കൊ​ണ്ടു​പോ​യി. ഇ​പ്പോ​ഴി​താ, വ​യ​നാ​ട് ജി​ല്ല​യു​ടെ ഒ​രു പ്ര​ദേ​ശ​ത്തെ ത​ന്നെ ന​ക്കിത്തുട​ച്ച് വി​ല​പ്പെ​ട്ട അ​നേ​കം ജീ​വ​നു​ക​ൾ അ​പ​ഹ​രി​ച്ചി​രി​ക്കു​ന്നു.​ വ​യ​നാ​ട് ദു​ര​ന്തം എ​ഴു​ത്താ​യും ചി​ത്ര​മാ​യും ആ​ഴ്ചപ്പതി​പ്പി​ൽ (ല​ക്കം: 1381) കെ.​എ.​ ഷാ​ജി ‘വ​യ​നാ​ട് എ​ന്ന പാ​ഠ​വും ജീ​വി​ത​വും’ എ​ന്ന ത​ല​ക്കെ​ട്ടി​ൽ അ​വ​ത​രി​പ്പി​ച്ച​ത് ഏ​റെ ഗൗ​ര​വ​മു​ള്ള​താ​യി.​ ദു​ര​ന്ത​ത്തി​ന്റെ കാ​ര്യ​കാ​ര​ണ​ങ്ങ​ളെ​യും വ​രും​വ​രാ​യ്ക​ക​ളെ​യും വി​സ്താ​രഭ​യ​ത്താ​ൽ എ​ന്ന​വ​ണ്ണം വി​ശ​ദീ​ക​രി​ക്കാ​തെ ഒ​രു ചെ​പ്പി​ല​ട​ച്ച​തുപോ​ലെ കാ​ച്ചി​ക്കു​റുക്കി അ​വ​ത​രി​പ്പി​ച്ചി​രി​ക്കു​ന്ന​ത് മ​നഃ​പാഠമാ​ക്കാ​ൻ പോ​ന്ന​വ​ണ്ണം സ്പ​ഷ്ട​വും വ്യ​ക്ത​വു​മാ​ണ്.

ഹൈ​െ​ട​ക് ഇ​ന്ത്യ, സ്മാ​ർ​ട്ട് കേ​ര​ള എ​ന്ന​തി​ലൊ​ക്കെ ന​മുക്ക് അ​ഭി​മാ​നി​ക്കാ​മെ​ങ്കി​ലും കൃ​ത്യസ​മ​യ​ത്ത് ഇ​ന്ന ദി​വ​സം ഇ​ന്ന​യി​ട​ത്ത് ഉ​രു​ൾ​പൊ​ട്ട​ൽ, മ​ണ്ണി​ടി​ച്ച​ിൽ, കൊ​ടു​ങ്കാ​റ്റ്, പേ​മാ​രി, ക​ട​ൽ​ക്ഷോ​ഭം പോ​ലു​ള്ള​വ ഉ​ണ്ടാ​കു​മെ​ന്ന് മു​ൻ​കൂ​ട്ടി പ​റ​യാ​ൻ മാ​ത്രം ശാ​സ്ത്രം വ​ള​ർ​ന്നി​ട്ടി​ല്ല എ​ന്ന​താ​ണ് യാ​ഥാ​ർ​ഥ്യം. മ​നു​ഷ്യ​ൻ പ്ര​കൃ​തി​യെ യ​ഥാ​വി​ധി മ​ന​സ്സി​ലാ​ക്കി സ​മീ​പി​ക്കാ​ത്തി​ട​ത്തോ​ളം ഉ​രു​ൾ​പൊ​ട്ട​ൽപോ​ലു​ള്ള പ്ര​കൃ​തി​ദു​ര​ന്ത​ങ്ങ​ൾ ആ​വ​ർ​ത്തി​ക്കു​കത​ന്നെ ചെ​യ്യും. ഉ​രു​ൾ​പൊ​ട്ട​ലി​നു കാ​ര​ണ​മാ​കു​ന്ന പ്ര​വ​ർ​ത്ത​ന​ങ്ങ​ൾ പ​ര​മാ​വ​ധി ചു​രു​ക്കു​ക എ​ന്ന​തു മാ​ത്ര​മാ​ണ് പോം​വ​ഴി.​

മാ​ധ​വ് ഗാ​ഡ്ഗി​ൽ റി​പ്പോ​ർ​ട്ടും, തീ​ര​ദേ​ശ മേ​ഖ​ല നി​യ​ന്ത്ര​ണ നി​യ​മ​ങ്ങ​ളും, നെ​ൽ​വ​യ​ൽ ത​ണ്ണീ​ർ​ത്ത​ട നി​യ​മ​ങ്ങ​ളും, പാ​രി​സ്ഥി​തി​ക ആ​ഘാ​ത വി​ല​യി​രു​ത്ത​ൽ റി​പ്പോ​ർ​ട്ടു​ക​ൾ ഒ​ക്കെ എ​ന്താ​യി എ​ന്നേ ചോ​ദി​ക്കാ​നു​ള്ളൂ. പ​ശ്ചി​മ​ഘ​ട്ടം ആ​കെ ത​ക​ർ​ക്ക​പ്പെ​ട്ടി​രി​ക്കു​ന്നു​വെ​ന്നും ഇ​നി​യും ന​ട​പ​ടി​യെ​ടു​ത്തി​ല്ലെ​ങ്കി​ൽ കേ​ര​ള​ത്തെ കാ​ത്തി​രി​ക്കു​ന്ന​ത് വ​ൻ ദു​ര​ന്ത​മാ​യി​രി​ക്കു​മെ​ന്നും അ​തി​ന് ന​മ്മ​ൾ വി​ചാ​രി​ക്കു​ന്ന​തുപോ​ലെ​ യു​ഗ​ങ്ങ​ൾ വേ​ണ്ട, നാ​ലോ അ​ഞ്ചോ വ​ർ​ഷം മ​തി​യെ​ന്ന് ഗാ​ഡ്ഗി​ൽ പ​റ​ഞ്ഞ​ത് ഇ​ന്ന് സം​ഭ​വി​ച്ചി​രി​ക്കു​ന്നു.

ഇ​തുകൊ​ണ്ടെ​ന്നും ന​മ്മ​ൾ പ​ഠി​ക്കി​ല്ല എ​ന്നുമാ​ത്രം. കാ​ടും മ​ല​യും കൈ​യേ​റി പ​രി​സ്ഥി​തി ലോ​ല പ്ര​ദേ​ശ​ങ്ങ​ളി​ല​ട​ക്കം ന​ട​ക്കു​ന്ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് ത​ട​യി​ടാ​ൻ നാ​ളി​തു​വ​രെ ഒ​രു ഭ​ര​ണാ​ധി​കാ​രി​യും ത​യാ​റാ​യി​ട്ടി​ല്ല; ദു​ര​ന്ത​ങ്ങ​ൾ ഇ​നി​യെ​ത്ര ക​ണ്ടാ​ലും ആ​രും അ​തി​ന് ത​യാ​റാ​കു​മെ​ന്ന് ക​രു​തു​ന്നു​മി​ല്ല. വി​ക​സ​ന ‘ഭ്രാ​ന്തി’ലും ​ധ​ന​മോ​ഹ​ത്തി​ലും ആ​ർ​ത്തി​പൂ​ണ്ട ഒ​രു ശ​രാ​ശ​രി കേ​ര​ളീ​യ​ൻ ഇ​ത്ത​രം നി​യ​ന്ത്ര​ണങ്ങ​ൾ അം​ഗീ​ക​രി​ച്ചെ​ന്നും വ​രി​ല്ല. ശാ​സ്ത്രീ​യ​മാ​യ ഒ​രു പഠന​ത്തി​ന്റെ​യും പി​ൻ​ബ​ല​മി​ല്ലാ​ത്ത എ​ല്ലാ നി​ർ​മാ​ണ പ്ര​വ​ർ​ത്ത​ന​ങ്ങ​ളും നി​ർത്തി​വെ​ക്കേ​ണ്ട സ​മ​യം അ​തി​ക്ര​മി​ച്ചു​വെ​ന്ന് വ​യ​നാ​ട് ദു​ര​ന്തം ന​മ്മോ​ട് പ​റ​യു​ന്നു​ണ്ട്.

ഐ​ക്യ​രാ​ഷ്ട്ര​ സ​ഭ 2030ഓ​ടു​കൂ​ടി കൈ​വ​രി​ക്കാ​മെ​ന്ന് പ്ര​തീ​ക്ഷി​ക്കു​ന്ന സു​സ്ഥി​ര വി​ക​സ​ന​ ല​ക്ഷ്യ​ങ്ങ​ൾ (Sustainable development goal) എ​ങ്ങ​നെ കൈ​വ​രി​ക്ക​ണ​മെ​ന്ന് പ​റ​യു​ന്നി​ട​ത്ത് ഊ​ന്ന​ൽകൊ​ടു​ക്കു​ന്ന ഒ​രു കാ​ര്യ​മു​ണ്ട്. വാ​യു, മ​ണ്ണ്, ജ​ലം, ജൈ​വ​സ​മ്പ​ത്ത് എ​ന്നി​വ​ക്ക് കോ​ട്ടംത​ട്ടാ​തെ​യു​ള്ള വി​ക​സ​ന​മാ​യി​രി​ക്ക​ണം അ​തെ​ന്നാ​ണ്. എ​ന്നാ​ൽ, ഇ​ന്ന് ന​ട​ക്കു​ന്ന​തോ? മാ​വൂ​രി​ലെ ഗ്രാ​സിം​ ഗ്വാ​ളി​യ​ർ റ​യോ​ൺ​സ് ക​മ്പ​നി​യി​ലേ​ക്ക് വ​ർ​ഷ​ങ്ങ​ൾ​ക്കുമു​മ്പ് വ​യ​നാ​ട​ൻ മ​ല​നി​ര​ക​ളി​ൽനി​ന്ന് വെ​ട്ടി​യി​റ​ക്കി​യ മു​ള​ക​ളു​ടെ വി​വ​രം മു​ത​ൽ വ​യ​നാ​ട് മ​ല​യ​ടി​വാ​ര​ങ്ങ​ൾ കു​ത്തി​ത്തു​ര​ന്ന് തു​ര​ങ്കപാ​ത നി​ർ​മി​ക്കാ​ൻ പോ​കു​ന്ന കാ​ര്യ​ങ്ങ​ൾ വ​രെ പ​ല​തും ലേ​ഖ​ന​ത്തി​ൽ ആ​ശ​ങ്ക​യോ​ടെ രേ​ഖ​പ്പെ​ടു​ത്തി​യി​ട്ടു​ണ്ട്.​

ഇ​തി​ന്റെ ര​ണ്ടി​ന്റെ​യും ഇ​ട​യി​ൽ ഇ​ക്കാ​ല​മ​ത്ര​യും വ​യ​നാ​ട​ൻ മ​ല​നി​ര​ക​ളി​ൽ ന​ട​ന്ന​തെ​ന്താ​​െണന്ന് വി​ല​യി​രു​ത്തി​യാ​ൽ പ്ര​ശ്ന​ത്തി​ന്റെ ചി​ത്രം ഏ​റക്കു​റെ വ്യ​ക്ത​മാ​കും. വ​യ​നാ​ട്ടി​ലെ ഉ​രു​ൾ​പൊ​ട്ട​ൽ ദു​ര​ന്ത​ത്തി​ന്റെ ആ​ഘാ​തം കേ​ര​ള​ത്തി​ന്റെ ആ​ക​മാ​ന​മു​ള്ള നി​ല​വി​ളി​യാ​യി കാ​തി​ൽ വ​ന്ന​ടി​ക്കു​മ്പോ​ൾപോ​ലും പാ​രി​സ്ഥി​തി​ക ആ​ഘാ​ത​ങ്ങ​ളെക്കുറി​ച്ച് ഒ​ന്നും മി​ണ്ടി​പ്പോ​ക​രു​ത് എ​ന്നാ​ണെ​ങ്കി​ൽ ദു​ര​ന്ത​ങ്ങ​ൾ ഒ​ന്നി​നു പിറ​കെ മ​റ്റൊ​ന്നാ​യി വ​രു​മ്പോ​ൾ ന​മുക്ക് ഒ​രു​മി​ച്ചി​രു​ന്ന് ക​ണ്ണീ​ർ വാ​ർ​ക്കാം. അ​ല്ലാ​തെ എ​ന്തുപ​റ​യാ​ൻ?

ക​ടു​വ​ക​ൾ നീ​തി പാ​ലി​ക്ക​ണ​മെ​ന്ന് പ​റ​ഞ്ഞ് മു​ദ്ര​ാവാ​ക്യം വി​ളി​ക്കു​ന്ന​വ​രോ​ട് ഒ​രു ചോ​ദ്യം, ക​ടു​വ​ക​ൾ നീ​തി പാ​ലി​ച്ചാ​ലും ന​മ്മ​ൾ മ​നു​ഷ്യ​ർ നീ​തി പാ​ലി​ക്കു​മോ? പ്ര​കൃ​തി​യോ​ടും ആ​വാ​സ്ഥവ്യ​വ​സ്ഥ​യോ​ടും നീ​തി​കേ​ട് കാ​ട്ടി​യ​തി​ന്റെ ഫ​ല​മ​ല്ലേ വ​യ​നാ​ട് പോ​ലു​ള്ള ദു​ര​ന്ത ചി​ത്ര​ങ്ങ​ൾ? പ​രി​സ്ഥി​തി സം​ര​ക്ഷ​ണ പ്ര​വ​ർ​ത്ത​ന​ങ്ങ​ൾ ന​ട​ത്തി​യാ​ൽ ജാ​ലി​യ​ൻ​ വാ​ലാ ​ബാ​ഗ് ആ​വ​ർ​ത്തി​ക്കു​മെ​ന്ന് ഭീ​ഷ​ണി മു​ഴ​ക്കു​ന്ന​വ​ർ സ്വാ​ത​ന്ത്ര്യ​ത്തി​നുവേ​ണ്ടി ജീ​വ​നും ജീ​വി​ത​വും ന​ൽ​കി​യ​വ​രെ അ​വ​ഹേ​ളി​ക്കു​ക​യ​ല്ലേ? അ​നേ​കം പേ​ർ ജീ​വ​ൻ ഹോ​മി​ച്ച സ്വാ​ത​ന്ത്ര്യസ​മ​ര പ്ര​സ്ഥാ​ന​ത്തി​ലെ ര​ക്ത​പ​ങ്കി​ല​മാ​യ ഒ​ര​ധ്യാ​യ​മാ​ണ​ല്ലോ ജാ​ലി​യ​ൻ​ വാ​ലാ​ ബാ​ഗ്.

അ​തെ​ന്താ​ണെ​ന്നുപോ​ലും അ​റി​യാ​ത്ത​വ​രാ​ണോ ഇ​ത്ത​രം ആ​ക്രോ​ശ​ങ്ങ​ൾ ന​ട​ത്തു​ന്ന​തെ​ന്ന് ആ​ലോ​ചി​ച്ചുപോ​കു​ന്നു. ക​ടു​വ​യെ നീ​തി പ​ഠി​പ്പി​ക്കാ​ൻ ഇ​റ​ങ്ങി പു​റ​പ്പെ​ടു​ന്ന​വ​രും ജാ​ലി​യ​ൻ​വാ​ലാ ​ബാ​ഗ് ഭീ​ഷ​ണി മു​ഴ​ക്കു​ന്ന​വ​രുമൊ​ക്കെ​യും കാ​ര്യ​ങ്ങ​ൾ യ​ഥാ​വി​ധി മ​ന​സ്സി​ലാ​ക്കി​യാ​ൽ അ​ത്ര​യും ന​ല്ല​ത്.

മ​ണ്ണി​ടി​ച്ച് റി​സോ​ർ​ട്ടു​ക​ൾ പ​ണി​ഞ്ഞ​വ​ർ​ക്കോ പ​ണി​ഞ്ഞുകൊ​ണ്ടി​രി​ക്കു​ന്ന​വ​ർ​ക്കോ കാ​ര്യ​മാ​യി​ട്ട് ഒ​ന്നും സം​ഭ​വി​ച്ചി​ല്ല. തോ​ട്ടം തൊ​ഴി​ലാ​ളി​ക​ളും, ക​ർ​ഷ​ക​രും സാ​ധാ​ര​ണ​ക്കാ​രു​മൊ​ക്കെ​യാ​ണ് ഒ​രു നാ​ടി​നൊ​പ്പം ഒ​റ്റ രാ​ത്രികൊ​ണ്ട് ഒ​ലി​ച്ചു​പോ​യ​ത്, അ​വ​ർ നി​റം പി​ടി​പ്പി​ച്ച സ്വ​പ്ന​ങ്ങ​ളും. സ​ന്ധ്യ മ​യ​ങ്ങി​യാ​ൽ ഒ​ന്നു ത​ല ചാ​യ്ക്കാ​ൻ ആ​കാ​ശം മേ​ലാ​പ്പാ​ക്കി​യി​രു​ന്ന​വ​ർ എ​ങ്ങ​നെ​യെ​ങ്കി​ലും ഒ​രു കി​ട​പ്പാ​ടം ക​ണ്ടെ​ത്തി​യ സ്ഥ​ല​മാ​ണ് ഉ​രു​ൾ എ​ടു​ത്ത​ത്. അ​തി​നൊ​ക്കെ ഒ​രു വ​ലി​യ പ​രി​ധി വ​രെ കാ​ര​ണ​ക്കാ​ർ ന​മ്മ​ൾ അ​ല്ലാ​തെ മ​റ്റാ​ര്?

ക​വ​ള​പ്പാ​റ​യി​ലും പു​ത്തു​മ​ല​യി​ലും പെ​ട്ടി​മു​ടി​യി​ലും കൂ​ട്ടി​ക്ക​ലി​ലും ഇ​പ്പോ​ൾ മു​ണ്ട​​ൈക്ക​യിലും ചൂ​ര​ൽ​മ​ല​യി​ലു​മെ​ല്ലാം സം​ഭ​വി​ച്ച​ത് പ്ര​കൃ​തി ദു​ര​ന്ത​ങ്ങ​ളാ​ണ്. അ​തി​ന് ന​മ്മ​ൾ ഒ​രു വ​ലി​യ പ​രി​ധി വ​രെ ഉ​ത്ത​ര​വാ​ദി​ക​ളാ​ണ് എ​ന്ന​ത് ഇ​തി​ന​കം തി​രി​ച്ച​റി​ഞ്ഞുക​ഴി​ഞ്ഞു. എ​ന്നാ​ൽ, അ​ര​ക്കോ​ടി​യി​ലേ​റെ ജ​ന​ങ്ങ​ളു​ടെ ത​ല​ക്കു മു​ക​ളി​ൽ മ​നു​ഷ്യ​ർത​ന്നെ പ​ടു​ത്തു​യ​ർ​ത്തി​യി​രി​ക്കു​ന്ന ജ​ല​ബോം​ബാ​യ മു​ല്ല​പ്പെ​രി​യാ​ർ അ​ണ​ക്കെ​ട്ടോ? ഈ ​വി​ഷ​യ​ത്തി​ൽ ജ​ന​ല​ക്ഷ​ങ്ങ​ൾ പ​തി​റ്റാ​ണ്ടു​ക​ളാ​യി ആ​ശ​ങ്ക​യി​ലാ​ണ്.

ആ ​ഭ​യാ​ശ​ങ്ക​ക​ൾ പ​ല​പ്പോ​ഴാ​യി പ​ലരൂ​പ​ത്തി​ൽ പ്ര​ത്യ​ക്ഷ​പ്പെ​ടാ​റു​മു​ണ്ട്, ഇ​പ്പോ​ൾ കൂ​ടു​ത​ലും സാ​മൂ​ഹിക മാ​ധ്യ​മ​ങ്ങ​ളി​ലാ​ണെ​ന്നു മാ​ത്രം. ഭ​യ​പ്പാ​ടി​ന്റെ നി​ഴ​ലി​ൽ ക​ഴി​യു​ന്ന ജ​നം ആ​ശ​ങ്ക​ക​ൾ പ​ങ്കു​വെ​ക്കു​ക സ്വാ​ഭാ​വി​കം. അ​തി​ന് അ​വ​രു​ടെ മേ​ൽ കു​തി​ര ക​യ​റാ​തെ ഉ​ത്ത​ര​വാ​ദി​ത്തപ്പെ​ട്ട​വ​ർ ചെ​യ്യേ​ണ്ട​ത് ആ​ശ​ങ്ക നീ​ക്കു​ക എ​ന്നു​ള്ള​താ​ണ്, അ​ത് കേ​വ​ലം വാ​യ്ത്താ​രികൊ​ണ്ട് ബോ​ധ്യ​പ്പെ​ടു​ത്തി​യി​ട്ട് കാ​ര്യ​മി​ല്ല. ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ൽ​കു​മെ​ന്ന് പ്ര​തി​ജ്ഞ ചെ​യ്ത് അ​ധി​കാ​ര​ത്തി​ലെ​ത്തു​ന്ന​വ​ർ, മ​നു​ഷ്യ​നി​ർ​മി​ത അ​ണ​ക്കെ​ട്ട് പൊ​ട്ടി​യു​ണ്ടാ​കാ​വു​ന്ന ദു​ര​ന്ത​ങ്ങ​ളു​ടെ വ്യാ​പ്തി എ​ത്ര​യെ​ന്ന് ക​ണ്ടു പ​ഠി​ച്ചി​ട്ടേ എ​ന്തെ​ങ്കി​ലു​മൊ​ക്കെ ചെ​യ്യു​ക​യു​ള്ളൂ എ​ന്നാ​ണെ​ങ്കി​ൽ ‘മു​ല്ല​പ്പെ​രി​യാ​ർ അ​ണ​ക്കെ​ട്ട്’ പൊ​ട്ട​രു​തേ​യെ​ന്ന് പ്രാ​ർ​ഥി​ക്കാ​നേ ന​മു​ക്ക് ക​ഴി​യൂ.

ഒ​രു ദു​ര​ന്തം ഉ​ണ്ടാ​യി ക​ഴി​ഞ്ഞാ​ൽ ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കാ​യി അ​തി​ലേ​ക്ക് കൈ​യും മെ​യ്യും മ​റ​ന്ന് ഇ​റ​ങ്ങു​ന്ന മ​ല​യാ​ളി​ക​ളു​ടെ ഐ​ക്യ​ബോ​ധം എ​ക്കാ​ല​വും മാ​തൃ​കാ​പ​ര​വും പ്ര​ശം​സ​നീ​യ​വു​മാ​ണ്. ദു​ര​ന്ത​ഭൂമി​യി​ൽ മാ​ലാ​ഖ​മാ​രെ പോ​ലെ പ​റ​ന്നി​റ​ങ്ങി​യ ന​മ്മു​ടെ സൈ​നി​ക​ർ​ക്കും സ​ന്ന​ദ്ധ പ്ര​വ​ർ​ത്ത​ക​ർ​ക്കും യു​ദ്ധ​മു​ഖ​ത്തെ​ന്ന പോ​ലെ പ്ര​വർത്തി​ച്ച ഓ​രോ​രു​ത്ത​ർ​ക്കും ഈ ​അ​വ​സ​ര​ത്തി​ൽ ന​മു​ക്ക് ഒ​രു ബി​ഗ് സ​ല്യൂ​ട്ട് അ​ർ​പ്പി​ക്കാം.

അ​പ്പോ​ഴും നാം ​മു​ക​ളി​ൽനി​ന്നു കേ​ൾ​ക്കു​ന്ന ആ​ജ്ഞ ഇ​പ്പോ​ൾ ര​ക്ഷാപ്ര​വ​ർ​ത്ത​നം മാ​ത്രം ന​ട​ത്തി​യാ​ൽ മ​തി, ഉ​രു​ൾ​പൊ​ട്ട​ലി​ന്റെ കാ​ര​ണ​മൊ​ന്നും അ​ന്വേ​ഷി​ക്കേ​ണ്ട​യെ​ന്നാ​ണ്. കാ​ലാ​വ​സ്ഥ വ്യ​തി​യാ​ന​മാ​ണ് വ​യ​നാ​ട് ദു​ര​ന്ത​ത്തി​ന്റെ കാ​ര​ണ​മെ​ങ്കി​ൽ അ​ത്ത​രം കാ​ലാ​വ​സ്ഥ വ്യ​തി​യാ​ന​ത്തി​ന് ന​മ്മ​ൾ എ​ങ്ങ​നെ കാ​ര​ണ​ക്കാ​രാ​കു​ന്നു എ​ന്നുകൂ​ടി അ​റി​ഞ്ഞി​രി​ക്കേ​ണ്ട​ത​ല്ലേ? ക​ടു​വ​ക​ൾ വി​ശ​പ്പുമാ​റ്റാ​ൻ ഇ​ര​യെ തേ​ടു​ന്ന സ​മ​യ​ത്ത് നീ​തി​കേ​ട് കാ​ണി​ച്ചാ​ലും വി​ശ​പ്പു മാ​റു​ന്ന സ​മ​യ​ത്തെ​ങ്കി​ലും നീ​തി കാ​ണി​ക്കു​മെ​ന്ന് അ​നു​മാ​നി​ക്കാം.

(ദി​ലീ​പ് ​വി. ​മു​ഹ​മ്മ​ദ്, മൂവാ​റ്റു​പു​ഴ)

മു​റി​വൈ​ദ്യ​ന്മാ​ർ സ്വൈ​രവി​ഹാ​രം ന​ട​ത്തു​മ്പോ​ൾ

‘ദു​ര​ന്ത​വും രോ​ഗ​വും’ എ​ന്ന ശീ​ർ​ഷ​ക​ത്തി​ൽ ഊ​ന്നിനി​ന്നു​കൊ​ണ്ടു​ള്ള മാ​ധ്യ​മം ആ​ഴ്ച​പ്പ​തി​പ്പ് 1381ാം ല​ക്കം ശ്ര​ദ്ധേ​യ​മാ​യി. മ​ല​യാ​ളം ക​ണ്ട ശ്ര​ദ്ധേ​യ​ ആ​രോ​ഗ്യ പ​തി​പ്പു​ക​ളി​ൽ ഇ​ടം നേ​ടാ​ൻ മാ​ത്രം പ​ര്യാ​പ്ത​മാ​ണ് പ്ര​സ്തു​ത ല​ക്കം.​ ആ​രോ​ഗ്യം, പ​രി​സ്ഥി​തി, ശാ​സ്ത്രം, സം​ഗീ​തം, ക​ല തു​ട​ങ്ങി ജീ​വി​ത​ത്തി​ന്റെ വൈ​വി​ധ്യ​മാ​ർ​ന്ന മേ​ഖ​ല​ക​ളെ പ്ര​തി​നി​ധാനംചെയ്യു​ന്ന അ​ക്ഷ​ര​ക്കൂ​ട്ട​മാ​യി മാ​ധ്യ​മം ആ​ഴ്ച​പ്പ​തി​പ്പ് ഇ​തി​ന​കം മാ​റി​ക്ക​ഴി​ഞ്ഞു.

രാ​ജ്യനി​വാ​സി​ക​ളു​ടെ ജീ​വി​ത​ത്തി​നും ആ​രോ​ഗ്യ​ത്തി​നും മു​ഖ്യ പ​രി​ഗ​ണ​ന ന​ൽ​കു​ന്ന യൂ​റോ​പ്യ​ൻ -ഗ​ൾ​ഫ് നാ​ടു​ക​ളെ അ​പേ​ക്ഷി​ച്ച് ഇ​ന്ത്യ​യി​ലെ ശ​രാ​ശ​രി മ​നു​ഷ്യ​രു​ടെ ജീ​വി​തനി​ല​വാ​രം എ​ത്ര​യോ താ​ഴെ​യാ​ണ്.​ പൗ​ര​ന്മാ​രു​ടെ സ്വ​ത്തി​നും ജീ​വ​നും ഏ​റെ വി​ല​ക​ൽ​പിക്കു​ന്ന രാ​ജ്യ​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ ഇ​ന്ത്യ​ൻ പൗ​രസ​മൂ​ഹ​ത്തിന്റെ നി​ല​യും വി​ല​യും ഏ​റെ പ​രി​താ​പ​ക​രംത​ന്നെ!

കൂ​ൺപോ​ലെ മു​ള​ച്ചുപൊ​ന്തു​ന്ന ഭ​ക്ഷ​ണ​ശാ​ല​ക​ളും ക്ലി​നി​ക്കു​ക​ളും കൊ​ണ്ട് നി​ബി​ഡമാ​ണ് ന​മ്മു​ടെ സം​സ്ഥാ​നം. റ​സ്റ്റാറ​ന്റു​ക​ളി​ൽനി​ന്നും ത​ട്ടു​ക​ട​ക​ളി​ൽനി​ന്നും ട്രെ​യി​നു​ക​ളി​ൽനി​ന്നും വി​ത​ര​ണംചെ​യ്യ​പ്പെ​ടു​ന്ന വൃ​ത്തി​ഹീ​ന​മാ​യ ഭ​ക്ഷ​ണം പൊ​തു​ജ​നാ​രോ​ഗ്യ​ത്തെ ​െത​ല്ലൊ​ന്നു​മ​ല്ല ദോ​ഷ​ക​ര​മാ​യി ബാ​ധി​ക്കു​ന്ന​ത്.

ഭ​ക്ഷ​ണം തയാ​റാ​ക്കു​ന്ന അ​ടു​ക്ക​ള​ക​ളും റ​സ്റ്റാറ​ന്റു​ക​ളും ത​ട്ടു​ക​ട​ക​ളും പ​രി​ശോ​ധി​ച്ചാ​ൽ ഇ​ക്കാ​ര്യം വ്യ​ക്ത​മാ​കും. വൃ​ത്തി​യും വെ​ടി​പ്പു​മി​ല്ലാ​ത്ത പാ​ച​ക​ക്കാ​ർ ത​യാ​റാ​ക്കു​ന്ന ഭ​ക്ഷ​ണ​ത്തിൽ മാ​യം ക​ല​ർ​ത്തി അ​മി​തവി​ല ഈ​ടാ​ക്കി പൊ​തു​ജ​ന​ങ്ങ​ളെ ചൂ​ഷ​ണംചെ​യ്യു​ന്ന​തും സ​ർ​വസാ​ധാ​ര​ണ​മാ​ണ്. ഇ​ത് ത​ട​യാ​നോ നി​യ​ന്ത്രി​ക്കാ​നോ ന​മ്മു​ടെ നാ​ട്ടി​ൽ നി​യ​മസം​വി​ധാ​ന​ങ്ങ​ളി​ല്ല. ഉ​ണ്ടെ​ങ്കി​ൽ ത​ന്നെ അ​തെ​ല്ലാം തീ​ർ​ത്തും പ​രാ​ജ​യ​മാ​ണ്. പൊ​തു​ജ​നാ​രോ​ഗ്യം ന​ശി​ക്കു​ന്നി​ട​ത്താ​ണ് ആ​തുരാ​ല​യ​ങ്ങ​ളും അ​നു​ബ​ന്ധ സ്ഥാ​പ​ന​ങ്ങ​ളും വ​ള​ർ​ന്നു​വ​രു​ന്ന​ത് എ​ന്നോ​ർ​ക്കു​ക.

രോ​ഗി​ക​ൾ​ക്ക് ആ​ശ്വാ​സ​വും സ​മാ​ധാ​ന​വും ന​ൽ​കേ​ണ്ട ഭി​ഷ​ഗ്വ​ര​ന്മാ​രും ആ​തുരാ​ല​യ​ങ്ങ​ളും അ​വ​രെ പി​ഴി​ഞ്ഞ് ത​ടി​ച്ചുകൊ​ഴു​ക്കു​ക​യാ​ണ്. യോ​ഗ്യ​തയി​ല്ലാ​ത്ത​വ​രും വ്യാ​ജ​ന്മാ​രു​മാ​യ ഡോ​ക്ട​ർ​മാ​രും അ​ക്യു​പ​ങ്ചർ ന​ട​ത്തി​പ്പു​കാ​രും ചേ​ർ​ന്ന് ആ​രോ​ഗ്യമേ​ഖ​ല​യെ ന​ശി​പ്പി​ച്ചു​കൊ​ണ്ടി​രി​ക്കു​ന്നു. ഇ​ത്ത​രം മു​റി​വൈ​ദ്യ​ന്മാ​രു​ടെ ഉ​പ​ദേ​ശ​ങ്ങ​ളി​ൽ​പ്പെ​ട്ട് ധാ​രാ​ളം ആ​ളു​ക​ൾ മ​ര​ിച്ചുകൊ​ണ്ടി​രി​ക്കു​ന്നു.

എ​ന്നി​ട്ടും ന​മ്മു​ടെ സ​ർ​ക്കാ​റും പൊ​തു​സ​മൂ​ഹ​വും വേ​ണ്ട​ത്ര ജാ​ഗ്ര​ത പു​ല​ർ​ത്തു​ന്നി​ല്ല. രോ​ഗ​മു​ണ്ടാ​കു​മ്പോ​ൾ ചി​കി​ത്സ നി​ഷേ​ധി​ക്കു​ക​യും നി​രു​ത്സാ​ഹ​പ്പെ​ടു​ത്തു​ക​യും മ​ന്ത്ര​വാ​ദ​ങ്ങ​ളി​ലും മ​റ്റു അ​ന്ധ​വി​ശ്വാ​സ​ങ്ങ​ളി​ലും അ​ഭ​യം തേ​ടു​ക​യും ചെ​യ്യു​ന്ന​വ​രു​മു​ണ്ട്. അ​വ​രെ ചൂ​ഷ​ണംചെ​യ്യാ​നാ​യി മ​ത​ത്തി​ന്റെ​യും ജാ​തി​യു​ടെ​യും മ​റ​വി​ൽ ധാ​രാ​ളം ച​തി​ക്കു​ഴി​ക​ളു​മു​ണ്ട്. രോ​ഗചി​കി​ത്സ​ക്ക് പ​ക​രം മ​ന്ത്ര​വാ​ദം മ​തി​യെ​ന്ന് പ​ര​സ്യ​മാ​യി പ്ര​ഖ്യാ​പ​നം ന​ട​ത്തു​ന്ന നൂ​റു ശ​ത​മാ​നം സാ​ക്ഷ​ര​ത നേ​ടി​യ സം​സ്ഥാ​ന​മാ​ണ് ന​മ്മു​ടേ​ത് എ​ന്നുകൂ​ടി ഓ​ർ​ക്കു​മ്പോ​ഴാ​ണ് ഇ​ത്ത​രം പ​തി​പ്പുക​ൾ​ക്ക് പ്ര​സ​ക്തി​യേ​റു​ന്ന​ത്.

(സു​ബൈ​ർ കു​ന്ദ​മം​ഗ​ലം)