അതൃപ്തരായ ആത്മാക്കൾ -4

ഇ​നി​യും ഇ​ത്ത​രം ഒ​രു​പാ​ട് ക​ഥ​ക​ൾ ഡെ​ൽ​ഫി പ​റ​ഞ്ഞ​താ​യു​ണ്ട്. പ​ക്ഷേ, മി​ക്ക​തും പ​ല സ്ത്രീ​ക​ളും പ​റ​ഞ്ഞു​ കേ​ട്ടി​ട്ടു​ള്ള സാ​ധാ​ര​ണ അ​നു​ഭ​വ​ങ്ങ​ൾ ത​ന്നെ​യാ​ണ്. അ​ഞ്ചാ​മ​ത്തെ വ​യ​സ്സി​ൽ അ​യൽ​വാ​സി​യാ​യ ഒ​രു ചേ​ട്ട​ൻ മ​ടി​യി​ൽ ക​യ​റ്റി​യി​രു​ത്തി ഉ​മ്മ​വെ​ക്കു​ക​യും വേ​ണ്ടാ​ത്തി​ട​ത്ത് തൊ​ടു​ക​യും ചെ​യ്തു; ടൂ​ർ പോ​യ​പ്പോ​ൾ ബ​ന്ധുവായ ഒ​രാ​ൾ അ​ടു​ത്ത സീ​റ്റി​ലി​രു​ന്ന് പാ​വാ​ട പൊ​ക്കി കാ​ലി​ൽ ത​ട​കി​യ​ത്; ക​ല്യാ​ണവീ​ട്ടി​ൽ വെ​ച്ച് ത​ലേ​ന്ന് രാ​ത്രി ഇ​രു​ട്ടി​ൽ നെ​ഞ്ചി​ൽ ക​യ​റിപ്പി​ടി​ച്ച​ത്; അ​ടു​ത്ത ബ​ന്ധു​വി​ന്റെ വീ​ട്ടി​ൽ ഉ​റ​ങ്ങാ​ൻ കി​ട​ന്ന​പ്പോ​ൾ അ​യാ​ൾ ഉ​ട​ുപ്പു​ പൊ​ക്കി ടോ​ർ​ച്ച​ടി​ച്ചു നോ​ക്കി​യ​ത്. പി​ന്നെ മൊ​ബൈ​ൽ ഫോ​ണി​ൽ വ​ന്ന പ​ഞ്ചാ​ര കോ​ളു​ക​ൾ, അ​ശ്ലീ​ല വീഡി​യോ​ക​ൾ...

ആ​ദ്യ​മൊ​ക്കെ ഇ​തൊ​ക്കെ കേ​ൾ​ക്കു​മ്പോ​ൾ എ​നി​ക്ക് ഒ​രു ച​മ്മ​ലും അ​ത്ഭു​ത​വു​മു​ണ്ടാ​യി​രു​ന്നു. ആ​ദ്യ​മാ​യാ​ണ് ഒ​ര​ന്യ സ്ത്രീ​യു​മാ​യി ഇ​ത്ത​രം കാ​ര്യ​ങ്ങ​ൾ സം​സാ​രി​ക്കു​ന്ന​ത്. പ​ക്ഷേ, ഡെ​ൽ​ഫി​ക്ക​ങ്ങ​നെ​യൊ​രു സ​ങ്കോ​ച​മു​ള്ള​താ​യി തോ​ന്നി​യി​ട്ടി​ല്ലെ​നി​ക്ക്.

ഡെ​ൽ​ഫി​യെ കു​റി​ച്ചു​ള്ള ആ​ളു​ക​ളു​ടെ പ്ര​ധാ​ന പ​രാ​തി അ​വ​ർ എ​പ്പോ​ളും ഫോ​ൺവി​ളി​യാ​ണ് എ​ന്നാ​ണ് ഡെ​ൽ​ഫി പ​റ​യു​ന്ന​ത്. അ​തി​നു​ള്ള കാ​ര​ണ​മാ​യി ഡെ​ൽ​ഫി പ​റ​ഞ്ഞ അ​തീ​വ ര​ഹ​സ്യ​മാ​യ ഒ​രു കാ​ര്യ​മു​ണ്ട്. അ​തി​പ്പോ​ൾ എ​ഴു​തു​ന്നി​ല്ല. അ​വ​സ​രം വ​രു​മ്പോ​ൾ എ​ഴു​താം. ക​ടു​ത്ത ഏ​കാ​ന്ത​ത​യും വി​ര​സ​ത​യു​മാ​ണ് മ​റ്റു കാ​ര​ണ​ങ്ങ​ൾ. പ​ല ഫോ​ൺവി​ളി​ക​ളി​ലേ​ക്കും ഡെ​ൽ​ഫി അ​വ​ര​റി​യാ​തെ വ​ലി​ച്ചി​ഴ​ക്ക​പ്പെ​ടു​ക​യാ​യി​രു​ന്നു. അ​വ​ർ​ക്ക് ഒ​രു കൂ​ട്ടു​കാ​രി കു​റെ ചെ​റു​പ്പ​ക്കാ​രു​ടെ ഫോ​ൺന​മ്പ​റു​ക​ൾ കൊ​ടു​ത്തു. ഡെ​ൽ​ഫി അ​തി​ലേ​ക്കൊ​ന്നും വി​ളി​ക്കാ​താ​യ​പ്പോ​ൾ ആ ​കൂ​ട്ടു​കാ​രി ചെ​റു​പ്പ​ക്കാ​ർ​ക്ക് ഡെ​ൽ​ഫി​യു​ടെ ഫോ​ൺന​മ്പ​ർ കൊ​ടു​ത്തു.

ഡെ​ൽ​ഫി​യോ​ടു​ള്ള സ്നേ​ഹ​ക്കൂ​ടു​ത​ലും സ​ഹ​താ​പ​വുംകൊ​ണ്ടാ​ണ് ആ ​പ്ര​വൃ​ത്തി ചെ​യ്ത​തെ​ന്ന് കൂ​ട്ടു​കാ​രി ഡെ​ൽ​ഫി​യോ​ട് പ​റ​ഞ്ഞു. പ​ക്ഷേ, ഡെ​ൽ​ഫി​ക്ക​ത് ഭ​യ​ങ്ക​ര കു​രി​ശാ​യി മാ​റി പി​ന്നീ​ട്. കൂ​ട്ടു​കാ​രി ന​മ്പ​ർ കൊ​ടു​ത്ത എ​ത്ര​പേ​രെ​യാ​​െണ​ന്നോ ഡെ​ൽ​ഫി​ക്ക് പ​റ​ഞ്ഞൊ​ഴി​വാ​ക്കേ​ണ്ടി​വ​ന്ന​ത്. സൗ​ഹൃ​ദം മാ​ത്രം ല​ക്ഷ്യ​മി​ട്ട് വി​ളി​ക്കു​ന്ന ഒ​രു​ത്ത​ൻ പോ​ലു​മി​ല്ലെ​ന്നാ​ണ് ഡെ​ൽ​ഫി ദുഃ​ഖ​ത്തോ​ടെ പ​റ​യു​ന്ന​ത്.

ഈ ക​ഥ​ക​ളൊ​ക്കെ തീ​ർ​ത്തും അ​പ​രി​ചി​ത​നാ​യ എ​ന്നോ​ടി​ങ്ങ​നെ വി​സ്ത​രി​ച്ചു പ​റ​യാ​ൻ ഡെ​ൽ​ഫി​ക്ക് എ​ങ്ങ​നെ ക​ഴി​യു​ന്നു എ​ന്ന് ഞാ​നോ​ർ​ക്കും. അ​പ​രി​ചി​ത​നാ​ണ് എ​ന്ന​തൊ​രു കാ​ര​ണം ത​ന്നെ​യാ​യി​രി​ക്കാം. എ​ഴു​ത്തു​കാ​ര​നാ​ണെ​ന്ന​ത് ഒ​രു കാ​ര​ണ​മാ​കാം. സ്വ​ന്തം ജീ​വി​തക​ഥ ഒ​രു നോ​വ​ലാ​യി​ട്ട് വാ​യി​ക്കാ​ൻ ഒ​ട്ടു​മി​ക്ക​വ​ർ​ക്കും താ​ൽ​പ​ര്യ​മാ​ണ്. ത​ന്റെ സ്വ​കാ​ര്യലോ​കം ലോ​ക​ത്തി​ന് മു​ന്നി​ൽ വെ​ളി​പ്പെ​ടു​ന്ന​തി​ലെ അ​പ​ക​ട​വും മാ​ന​ക്കേ​ടും എ​ത്ര മോ​ശ​പ്പെ​ട്ട കാ​ര്യ​മാ​ണെ​ന്ന് പ​ല​രും ചി​ന്തി​ക്കു​ന്നി​ല്ല. ശു​ദ്ധ​ഗ​തി​യും അ​ൽ​പം പൊ​ട്ട​ത്ത​ര​വു​മൊ​ക്കെ ​െഡ​ൽ​ഫി​യു​ടെ സ്വ​ഭാ​വ​ത്തി​ലു​ള്ള​തു​കൊ​ണ്ടാ​ണ് പി​ന്നെ​യും പി​ന്നെ​യും ഒ​ന്നി​ന് പി​റ​കെ ഒ​ന്നാ​യി ഇ​തു​പോ​ലു​ള്ള തി​ക്താ​നു​ഭ​വ​ങ്ങ​ൾ വ​ന്നു​ചേ​രു​ന്ന​തെ​ന്ന് ഉ​പ​ദേ​ശി​ക്ക​ണ​മെ​ന്ന് ഞാ​ൻ വി​ചാ​രി​ക്കും. പ​ക്ഷേ, ഡെ​ൽ​ഫി​ക്ക​ത് ഇ​ഷ്ട​മാ​യി​ല്ലെ​ങ്കി​ലോ എ​ന്ന് ക​രു​തി ഞാ​ന​തു വേ​ണ്ടെ​ന്ന് വെ​ക്കും. വെ​റു​തെ പോ​കു​ന്ന വ​യ്യാ​വേ​ലി​ക​ൾ വ​ലി​ച്ചു​വെ​ക്കു​ന്ന​തി​ന് ഉ​ദാ​ഹ​ര​ണ​മാ​യി ഒ​രു ബാ​ബു​വി​ന്റെ ക​ഥ പ​റ​ഞ്ഞ​ത് പ​റ​യാം. ഡെ​ൽ​ഫി നേ​ര​ത്തേ പ​റ​ഞ്ഞ സം​ഗ​തി​യു​ണ്ട​ല്ലോ. മു​ഴു​വ​നാ​യി അ​വ​രു​ടെ ക​ഥ കേ​ൾ​ക്കേ​ണ്ടി​വ​രു​ന്ന​വ​ർ​ക്ക് ആ​പ​ത്തു വ​രു​മെ​ന്ന കാ​ര്യം. അ​തി​ന്റെ ഒ​രു ഇ​ര​കൂ​ടി​യാ​ണ് ഈ ​ബാ​ബു. ഗു​ണ്ടാ ബാ​ബു​വി​ന്റെ ക​ഥ കേ​ട്ടു​ക​ഴി​യു​മ്പോ​ൾ ഞാ​ൻ ചി​ല​പ്പോ​ൾ ഈ ​കേ​ൾ​വി പ​രി​പാ​ടി നി​ർ​ത്തി​യേ​ക്കു​മെ​ന്ന് ഡെ​ൽ​ഫി പ​റ​ഞ്ഞു. ഗു​ണ്ടാ ബാ​ബു​വി​ന്റെ മ​ര​ണ​ത്തോ​ടെ​യാ​ണ് ഡെ​ൽ​ഫി​ക്ക് ഈ ​സം​ശ​യം തോ​ന്നി​ത്തു​ട​ങ്ങി​യ​ത്. ഈ ​സം​ഗ​തി ഡെ​ൽ​ഫി പ​റ​ഞ്ഞി​രി​ക്കു​ന്ന​ത് എ​ന്നോ​ട് മാ​ത്ര​​മാ​ണെ​ന്ന് ഡെ​ൽ​ഫി പ​റ​യു​ന്നു. എ​നി​ക്ക് ഒ​രു മു​ന്ന​റി​യി​പ്പു​ത​ന്നി​ല്ലെ​ങ്കി​ൽ അ​ത് മ​ഹാ അ​പ​രാ​ധ​മാ​കു​മെ​ന്ന വി​ചാ​രംകൊ​ണ്ട്.

ഗു​ണ്ടാ ബാ​ബു എ​ന്ന് വി​ളി​ക്കു​മെ​ങ്കി​ലും അ​വ​നൊ​രു പാ​വ​മാ​യി​രു​ന്ന​​േത്ര. പ​ള്ളു​രു​ത്തി​യിലാ​ണ് വീ​ട്. ഒ​രി​ക്ക​ൽ അ​വി​ടെ ഒ​ര​ടി​പി​ടി​യു​ണ്ടാ​ക്കി ഒ​രാ​ളെ ത​ല്ലി അ​വ​ശ​നാ​ക്കി​യ​തി​നാ​ൽ നാ​ട്ടി​ൽ​നി​ന്ന് കു​റ​ച്ചു​കാ​ലം ഒ​ളി​ച്ചു​മാ​റി നി​ൽ​ക്കാ​നാ​യി കൂ​ട്ടു​കാ​ര​നാ​യ ജെ​ർ​സ​ന്റെ വീ​ട്ടി​ൽ താ​മ​സ​ത്തി​നെ​ത്തി​യ​താ​ണ്. ജെ​ർ​സ​ന​ന്ന് അ​പ​കടം പ​റ്റി​യി​ട്ടി​ല്ല. യ​ഹോ​വാ സാ​ക്ഷി​യി​ലും ചേ​ർ​ന്നി​ട്ടി​ല്ല. ഒ​ന്നോ ര​ണ്ടോ മാ​സ​ത്തേ​ക്ക് ബാ​ബു​വി​ന് ഇ​വി​ടെ​യൊ​രു വീ​ട് വാ​ട​ക​ക്ക് വേ​ണം. ബാ​ബു ഒ​റ്റ​ക്കാ​യി​രു​ന്നി​ല്ല. അ​വ​ന്റെ ഭാ​ര്യ പ്ര​മീ​ള​യും കൂ​ടെ​യു​ണ്ട്. വീ​ട് അ​ന്വേ​ഷി​ച്ചിട്ട് അ​വ​ർ​ക്ക് ഒ​ര​ിട​ത്തും കി​ട്ടു​ന്നി​ല്ല. ഒടു​ക്കം​ ഡെ​ൽ​ഫി​യാ​ണ് ജെ​ർ​സ​നോ​ട് പ​റ​ഞ്ഞ​ത്, ര​ണ്ടു മാ​സ​ത്തേ​ക്ക​ല്ലേ അ​വ​രീ വീ​ട്ടി​ൽ താ​മ​സി​ച്ചോ​ട്ടേ എ​ന്ന്.

ര​ണ്ടു കു​ട്ടി​ക​ളു​ടെ അ​മ്മ​യാ​യി​രു​ന്നു പ്ര​മീ​ള. പ​ക്ഷേ, കു​ട്ടി​ക​ൾ പ്ര​മീ​ള​യു​ടെ കൂ​ടെ​യി​ല്ല. അ​വ​രു​ടെ ശ​രി​ക്കു​ള്ള അ​പ്പ​നാ​യ ആ​ദ്യ കെ​ട്ടി​യ​വ​ന്റെ ഒ​പ്പ​മാ​ണ്.

ആ​ദ്യ​ത്തെ കെ​ട്ടി​യ​വ​ന്റെ ക​ള്ളു​കു​ടി നി​ർ​ത്താ​ൻ പ്ര​മീ​ള അ​യാ​ളെ​യുംകൂ​ട്ടി പോ​ട്ട​ ധ്യാ​നകേ​ന്ദ്ര​ത്തി​ൽ പോ​യ​താ​ണ്. ആ ​സ​മ​യ​ത്ത് ത​ന്നെ​യാ​ണ് ഗു​ണ്ടാ ജീ​വി​ത​ത്തി​ൽ​നി​ന്നും ര​ക്ഷ​പ്പെ​ട്ട് മ​ര്യാ​ദ​ക്കാ​ര​നാ​യി മാ​റാ​ൻ ബാ​ബു​വും അ​വി​ടെ​യെ​ത്തി​യ​ത്. ധ്യാ​നകേ​ന്ദ്ര​ത്തി​ൽ​വെ​ച്ച് പ്ര​മീ​ള​യും ബാ​ബു​വും ത​മ്മി​ൽ ഇ​ഷ്ട​ത്തി​ലാ​യി. ബാ​ബു ഒ​രു മ​ര​പ്പ​ണി​ക്കാ​ര​നാ​ണ്. പ​ക്ഷേ, പ​ണി​ക്ക് പോ​കി​ല്ല. എ​റ​ണാ​കു​ള​ത്തെ ഒ​രു തു​ണി​ക്ക​ട​യി​ൽ പ്ര​മീ​ള ജോ​ലി​ക്ക് പോ​കു​ന്നു​ണ്ട്. അ​വി​ടെ​നി​ന്ന് കി​ട്ടു​ന്ന ശ​മ്പ​ളംകൊ​ണ്ടാ​ണ് അ​വ​ർ ക​ഴി​ഞ്ഞു​കൂ​ടു​ന്ന​ത്. പ്ര​മീ​ള ജോ​ലി​ക്ക് പോ​യി​ക്ക​ഴി​ഞ്ഞാ​ൽ മു​ഴു​വ​ൻ നേ​ര​വും ബാ​ബു വീ​ട്ടി​ൽ വെ​റു​തെ​യി​രി​പ്പാ​ണ്. രാ​വി​ലെ ച​ര​ൽ വാ​രാ​ൻ പോ​കു​ന്ന ജെ​ർ​സ​ന്റെ​യൊ​പ്പം മി​ക്ക ദി​വ​സ​ങ്ങ​ളി​ലും ബാ​ബു കൂ​ട്ടു​പോ​കും. വെ​റു​തെ വ​ഞ്ചി​യി​ൽ ഇ​രി​ക്കു​ക​യേ ഉ​ള്ളൂ എ​ന്നാ​ണ് ജെ​ർ​സ​ൻ പ​റ​ഞ്ഞി​ട്ടു​ള്ള​ത്. പി​ന്നെ പ​ക​ൽ മു​ഴു​വ​നും ര​ണ്ടു​പേ​രും കൂ​ടി വീ​ട്ടി​ല​ിരു​ന്ന് ക​ള്ളു​കു​ടി​യും വ​ർ​ത്ത​മാ​ന​വു​മാ​ണ്.

അ​ക്കാ​ല​ത്താ​ണ് ഷു​ഗ​ർ കൂ​ടി​യ​തി​നാ​ൽ ബാ​ബു​വി​ന്റെ കാ​ലി​ൽ ഒ​രു കു​രു വ​ന്ന് പ​ഴു​ത്ത​ത്. അ​ത് പ​ണി​ക്ക് പോ​കാ​തി​രി​ക്കാ​ൻ ബാ​ബു​വി​ന് ഒ​രു കാ​ര​ണ​മാ​യി. ജെ​ർ​സ​നി​ല്ലാ​ത്ത അ​പൂ​ർ​വം സ​മ​യ​ങ്ങ​ളി​ൽ ഡെ​ൽ​ഫി ബാ​ബു​വി​നോ​ട് അ​വ​രു​ടെ ക​ഥ​ക​ളും കോ​മ​ഡി​ക​ളു​മൊ​ക്കെ പ​റ​യും. ബാ​ബു​വി​ന് അ​ത് വ​ലി​യ ഇ​ഷ്ട​മാ​യി​രു​ന്നു

പ്ര​മീ​ള ശ​മ്പ​ളം കി​ട്ടി ​ജോ​ലിസ്ഥ​ല​ത്തു നി​ന്ന് വ​രു​മ്പോ​ൾത​ന്നെ ബാ​ബു അ​വ​ളു​ടെ ബാ​ഗ് പി​ടി​ച്ചു​വാ​ങ്ങി അ​തി​ൽ​നി​ന്ന് പൈ​സ എ​ടു​ക്കാ​ൻ ശ്ര​മി​ക്കും. പ്ര​മീ​ള​യാ​ക​ട്ടെ ബാ​ഗ് കൊ​ടു​ക്കാ​തി​രി​ക്കാ​ൻ ആ​വ​ത് ശ്ര​മി​ക്കും. ബാ​ഗി​ൽ​നി​ന്ന് ബാ​ബു എ​ടു​ക്കു​ന്ന പ​ണം മു​ഴു​വ​നും മ​ദ്യ​പി​ക്കാ​നാ​ണെ​ന്ന് പ്ര​മീ​ള​ക്ക​റി​യാം. പ്ര​മീ​ള ബാ​ഗും കൊ​ണ്ടോ​ടു​മ്പോ​ൾ ബാ​ബു പി​റ​കെ ഓ​ടും. പി​ന്നെ വീ​ടി​ന് ചു​റ്റും കി​ട​ന്ന് ര​ണ്ടു​പേ​രും പൊ​രി​ഞ്ഞ ഓ​ട്ട​മാ​ണ്. വ​ഴ​ക്കു​മു​റു​കു​മ്പോ​ൾ സ​ഹി​കെ​ട്ട് പ്ര​മീ​ള പ​ല​ത​വ​ണ പു​ഴ​യി​ൽ ചാ​ടി​ച്ചാ​കാ​ൻ ശ്ര​മി​ച്ചി​ട്ടു​ണ്ട്. ഒ​രു ക​ണ​ക്കി​നാ​ണ് പു​ഴ​ക്ക​ട​വി​ലേ​ക്കോ​ടു​ന്ന പ്ര​മീ​ള​യെ ഡെ​ൽ​ഫി പി​ന്തി​രി​പ്പി​ച്ചു തി​രി​ച്ചു​കൊ​ണ്ടു​വ​രു​ന്ന​ത്. അ​വ​ർ​ക്കൊ​പ്പം ആ ​വീ​ട്ടി​ൽ താ​മ​സി​ക്കു​മ്പോ​ൾ പ്ര​മീ​ള​ക്കെ​ന്തെ​ങ്കി​ലും സം​ഭ​വി​ച്ചാ​ൽ പൊ​ലീ​സ് സ്റ്റേ​ഷ​നി​ൽ ക​യ​റി​യി​റ​ങ്ങേ​ണ്ടി വ​രു​മെ​ന്നോ​ർ​ത്ത് ഡെ​ൽ​ഫി കു​റെ ടെ​ൻ​ഷ​ന​നു​ഭ​വി​ച്ചി​ട്ടു​ണ്ട്. അ​ക്കാ​ല​ത്ത് ജെ​ർ​സ​ന്റെ വീ​ട്ടു​കാ​രും അ​യ​ൽ​ക്കാ​രും ഡെ​ൽ​ഫി​യെ ഉ​പ​ദേ​ശി​ക്കാ​നും പി​ണ​ങ്ങാ​നും തു​ട​ങ്ങി. ഒ​രു കാ​ര്യ​വു​മി​ല്ലാ​തെ ഇ​ക്കൂ​ട്ട​രെ ഇ​വി​ടെ​യി​ങ്ങ​നെ കൊ​ണ്ടു​വ​ന്നു താ​മ​സി​പ്പി​ക്കു​ന്ന​തി​ന് എ​ന്തു കാ​ര​ണ​മാ​ണു​ള്ള​തെ​ന്ന് ആ​ഞ്ചി ഡെ​ൽ​ഫി​യെ വി​ളി​ച്ചു​ ചോ​ദി​ച്ചു. മാ​ത്ര​മ​ല്ല, ബാ​ബു​വി​നൊ​പ്പ​മു​ള്ള ജെ​ർ​സ​ന്റെ മ​ദ്യ​പാ​നം അ​തി​രുവിടു​ന്ന​തും ഡെ​ൽ​ഫി​ക്ക് കാ​ണേ​ണ്ടി​വ​ന്നു. പ്ര​മീ​ള​യോ​ടും ബാ​ബു​വി​നോ​ടും ഉ​ട​ൻ​ത​ന്നെ വീ​ട്ടി​ൽ​നി​ന്ന് താ​മ​സം മാ​റ്റ​ണ​മെ​ന്ന് ഡെ​ൽ​ഫി ആ​വ​ശ്യ​പ്പെ​ട്ടു. അ​വ​ർ മ​റ്റെ​വി​ടേ​ക്കോ മാ​റു​ക​യും ചെ​യ്തു.

അ​തി​നു ശേ​ഷ​വും ബാ​ബു ഇ​ട​ക്കി​ടെ ഡെ​ൽ​ഫി​യെ വി​ളി​ക്കു​മാ​യി​രു​ന്നു. പ്ര​മീ​ള വി​ളി​ക്കു​ന്ന​തി​നേ​ക്കാ​ൾ കൂ​ടു​ത​ൽ. ജെ​ർ​സ​ന് അ​പ​ക​ടം സം​ഭ​വി​ച്ച​പ്പോ​ൾ ബാ​ബു ഓ​ടി​വ​ന്നു. ആ​ശു​പ​ത്രി​യി​ലും വീ​ട്ടി​ലും കാ​ണാ​ൻ വ​രു​ക​യും കു​റെ സ​ഹാ​യ​ങ്ങ​ൾ ചെ​യ്തു​ത​രി​ക​യും ചെ​യ്തു. ദീ​ർ​ഘ​നാ​ളാ​യു​ള്ള പ​രി​ച​യ​വും ഫോ​ൺ​വി​ളി​ക​ളും കാ​ര​ണ​മാ​ണെ​ന്ന് തോ​ന്നു​ന്നു ബാ​ബു​വി​ന് അ​വ​രോ​ട് എ​ന്തോ ഒ​രു പ്ര​ത്യേ​ക ഇ​ഷ്ടം ഉ​ണ്ടാ​യി​വ​രു​ന്നു​ണ്ടെ​ന്ന് ഡെ​ൽ​ഫി​ക്ക് സം​ശ​യം തോ​ന്നിത്തു​ട​ങ്ങി​യി​രു​ന്നു. അ​ത്ര​ക്ക് ഉ​റ​പ്പി​ല്ലാ​ത്ത​തി​നാ​ലും ഒ​രി​ക്ക​ലും അ​തി​ര് വി​ടാ​ഞ്ഞ​തി​നാ​ലും ഡെ​ൽ​ഫി ബാ​ബു​വു​മാ​യു​ള്ള ച​ങ്ങാ​ത്തം വി​ട്ടി​ല്ല. ഇ​പ്പോ​ൾ എ​ന്നോ​ടെ​ന്ന​തി​നേ​ക്കാ​ൾ അ​ധി​ക​മാ​യി എ​ല്ലാ സം​ഭ​വ​ങ്ങ​ളും ഡെ​ൽ​ഫി ബാ​ബു​വി​നോ​ട് പ​റ​യും. ഒ​ടു​വി​ൽ ഡെ​ൽ​ഫി​യു​ടെ ജീ​വി​ത​ത്തി​ലു​ണ്ടാ​യ ക്ലൈ​മാ​ക്സ് എ​ന്ന് വി​ശേ​ഷി​പ്പി​ക്കാ​വു​ന്ന ആ ​സം​ഭ​വ​ത്തെ കു​റി​ച്ചു​വ​രെ എ​ന്നാ​ണ് ഡെ​ൽ​ഫി അ​തി​നെ കു​റി​ച്ച് പ​റ​ഞ്ഞ​ത്.

അ​തി​ന്റെ പി​റ്റേ​ന്നു​ത​ന്നെ​യാ​ണ് ഡെ​ൽ​ഫി​ക്ക് പ്ര​മീ​ള​യു​ടെ ഫോ​ൺവി​ളി വ​ന്ന​ത്; ബാ​ബു ഒ​രു ബൈ​ക്ക​പ​ക​ടം സം​ഭ​വി​ച്ച് എ​റ​ണാ​കു​ളം മെ​ഡി​ക്ക​ൽ ട്ര​സ്റ്റ് ആ​ശു​പ​ത്രി​യി​ലാ​ണെ​ന്ന് പ​റ​ഞ്ഞു​കൊ​ണ്ട്. വീ​ട്ടി​ൽ ആ ​നേ​ര​ത്ത് ഡെ​ൽ​ഫി പ​പ്പ​ടം മു​ള​കി​ട്ടു വ​റു​ത്ത​തും കൂ​ട്ടി ജെ​ർ​സ​ന് ചോ​റു​വാ​രി​ക്കൊ​ടു​ക്കു​ക​യാ​യി​രു​ന്നു. മ​ക​ൻ ബി​നോ​യി വീ​ട്ടി​ലു​ണ്ടാ​യി​രു​ന്ന​തു​കൊ​ണ്ട് ജെ​ർ​സ​നെ നോ​ക്കാ​ൻ അ​വ​നെ ഏ​ൽ​പ്പി​ച്ചു​കൊ​ണ്ട് ഡെ​ൽ​ഫി ആ​ശു​പ​ത്രി​യി​ലെ​ത്തി.

ബാ​ബു​വി​ന്റെ ബൈ​ക്കി​ന് മു​ന്നി​ൽ ഒ​രു ക​റു​ത്ത പ​ട്ടി വ​ട്ടം ചാ​ടി​യ​താ​ണ് അ​പ​ക​ട​ത്തി​ന് കാ​ര​ണം. ദേ​ഹ​ത്തെ​ങ്ങും ഒ​രു പ​രി​ക്കു​മി​ല്ല. ത​ല​യു​ടെ പി​ൻ​ഭാ​ഗ​ത്ത് ചെ​റി​യൊ​രു ച​ത​വു​ മാ​ത്രം. വാ​ട​കവീ​ട്ടി​ലേ​ക്ക് കൊ​ണ്ടു​വ​ന്ന​പ്പോ​ൾ ഡെ​ൽ​ഫി ബാ​ബു​വി​ന്റെ മൃ​ത​ദേ​ഹം ക​ണ്ടു. ജീ​വ​നു​ള്ള ഒ​രാ​ൾ ഉ​റ​ങ്ങി​ക്കി​ട​ക്കു​ന്ന​തു​പോ​ലെ ത​ന്നെ എ​ന്ന​വ​ർ​ക്ക് തോ​ന്നി.

അ​ത് ക​ണ്ട​പ്പോ​ൾ മു​ത​ൽ ഡെ​ൽ​ഫി​ക്ക് ആ​കെ ഷോ​ക്കാ​യതു പോ​ലെ ഭ​യ​ങ്ക​ര പ​നി​യും വി​റ​യ​ലു​മാ​യി​രു​ന്നു. ക​ുറെ ദി​വ​സ​ങ്ങ​ളെ​ടു​ത്തു അ​തൊ​ന്നു​ മാ​റി​വ​രാ​ൻ.

ഒ​രു ജോ​ണ​പ്പ​നെ കു​റി​ച്ച് ഡെ​ൽ​ഫി ഒ​രി​ക്ക​ൽ​ പ​റ​ഞ്ഞു. ഡെ​ൽ​ഫി​യു​ടെ അ​ക​ന്ന ബ​ന്ധ​ത്തി​ൽപെ​ട്ട ഒ​രു ചെ​റു​പ്പ​ക്കാ​ര​നാ​ണ്. ജ​നി​ച്ച​പ്പോ​ൾ​ത​ന്നെ അ​ൽ​പം ശാ​രീ​രി​ക വൈ​ക​ല്യ​മു​ണ്ടാ​യി​രു​ന്നു. കൈ​യും കാ​ലു​മൊ​ക്കെ നേ​ർ​ത്ത്.

ഉ​ള്ള ബ​ന്ധംവെ​ച്ച് ജോ​ണ​പ്പ​ൻ ഇ​ട​ക്ക് ഡെ​ൽ​ഫി​യു​ടെ വീ​ട്ടി​ൽ വ​രും. കു​റെ​ നേ​രം വ​ർ​ത്ത​മാ​നം പ​റ​ഞ്ഞി​രി​ക്കും. ജെ​ർ​സ​ന് അ​പ​ക​ടം പ​റ്റി​യ​തി​ന് ശേ​ഷ​മാ​ണ് ഈ ​വ​ര​വ് തു​ട​ങ്ങി​യ​ത്. ഡെ​ൽ​ഫി​യു​ടെ വ​ർ​ത്ത​മാ​നം ജോ​ണ​പ്പ​നും വ​ലി​യ ഇ​ഷ്ട​മാ​യി​രു​ന്ന​​േത്ര. വീ​ട്ടി​ൽത​ന്നെ​യി​രു​ന്ന് ബോ​റ​ടി​ക്കു​ന്ന​ത​ല്ലേ, കു​റ​ച്ചു​നേ​രം പു​റ​ത്തേ​ക്കി​റ​ങ്ങി ന​ട​ക്കാ​മെ​ന്ന് ജോ​ണ​പ്പ​ൻ പ​റ​യും. സ​ന്ധ്യാ​സ​മ​യ​മാ​യി​രി​ക്കും. ആ​ദ്യ​മൊ​ക്കെ ജോ​ണ​പ്പ​ന് ക​ഥ കേ​ൾ​ക്കു​ന്ന​തി​ന​പ്പു​റം മ​റ്റൊ​രു​ദ്ദേ​ശ്യ​മു​ണ്ടാ​യി​രു​ന്ന​താ​യി ഡെ​ൽ​ഫി​ക്ക് തോ​ന്നി​യി​രു​ന്നി​ല്ല. എ​ന്നാ​ൽ, ന​ട​ത്ത​ത്തി​നി​ട​യി​ൽ ചി​ല ദി​വ​സ​ങ്ങ​ളി​ൽ ജോ​ണ​പ്പ​ൻ ഡെ​ൽ​ഫി​യു​ടെ ദേ​ഹ​ത്ത് മു​ട്ടി​യു​രു​മ്മാ​നും ബ​ല​മാ​യി കൈ​യി​ൽ പി​ടി​ച്ചു മൃ​ദു​വാ​യി അ​മ​ർ​ത്താ​നും തു​ട​ങ്ങി. ഡെ​ൽ​ഫി​ക്ക് ജോ​ണ​പ്പ​നോ​ട് ഒ​ട്ടും എ​തി​ർ​ത്ത് പ​റ​യാ​ൻ ക​ഴി​ഞ്ഞി​ല്ല. അ​വ​ർ​ക്ക് അ​തി​ഷ്ട​പ്പെ​ട്ടി​ല്ലെ​ങ്കി​ൽകൂ​ടി. ജോ​ണ​പ്പ​ന്റെ വി​ക്രി​യ​ക​ൾ അ​സ​ഹ്യ​മാ​യി തോ​ന്നി​യ ഒ​രുദി​വ​സം; ബി​നോ​യി കാ​ത്തി​രി​ക്കു​ന്നു​ണ്ടാ​കും, നേ​രം ഇ​രു​ട്ടി​ത്തു​ട​ങ്ങി. വൈ​കി​യാ​ൽ അ​വ​നി​ഷ്ട​മാ​കി​ല്ല. ന​മു​ക്ക് പോ​കാം എ​ന്നു​പ​റ​ഞ്ഞ​വ​ർ വേ​ഗം വീ​ട്ടി​ലെ​ത്തി. അ​തി​നുശേ​ഷം പ​ല​ത​വ​ണ ജോ​ണ​പ്പ​ൻ ന​ട​ക്കാ​ൻ വി​ളി​ച്ചെ​ങ്കി​ലും ഡെ​ൽ​ഫി പോ​യി​ല്ല. ക്ര​മേ​ണ ജോ​ണ​പ്പ​ന്റെ വ​ര​വ് നി​ന്നു. ഫോ​ൺവി​ളി മാ​ത്ര​മാ​യി.

ഒ​രുദി​വ​സം​ ഡെ​ൽ​ഫി​ക്ക് ഒ​രു ഫോ​ൺ വ​ന്നു. ജോ​ണ​പ്പ​ൻ മ​രി​ച്ചു​പോ​യ​​േത്ര! ഒ​റ്റ​ക്ക് താ​മ​സി​ച്ചി​രു​ന്ന ജോ​ണ​പ്പ​ൻ വീ​ടി​ന​ക​ത്ത് കി​ട​ന്നു​റ​ങ്ങു​മ്പോ​ൾ ആ​രോ വീ​ട് പു​റ​ത്തു​നി​ന്ന് പൂ​ട്ടി​ക്ക​ള​ഞ്ഞു. ഉ​ണ​ർ​ന്ന​പ്പോ​ൾ വീ​ട് തു​റ​ക്കാ​ൻ ക​ഴി​യാ​തെ പേ​ടി​ച്ചാ​ണ് ജോ​ണ​പ്പ​ൻ മ​രി​ച്ച​ത്.

ജോ​ണ​പ്പ​ന് ഒ​രു​പാ​ട് ആ​ഗ്ര​ഹ​ങ്ങ​ളു​ണ്ടാ​യി​രു​ന്നെ​ന്ന് ഡെ​ൽ​ഫി​ക്ക​റി​യാം. ഡെ​ൽ​ഫി​യെ പ്രേ​മി​ക്ക​ണ​മെ​ന്നും കെ​ട്ടി​പ്പി​ടി​ക്ക​ണ​മെ​ന്നു​മൊ​ക്കെ. പ​ക്ഷേ, അ​യാ​ളു​ടെ സൗ​ന്ദ​ര്യ​വും ആ​രോ​ഗ്യ​വു​മൊ​ക്കെ വെ​ച്ചു​നോ​

ക്ക​ുമ്പോ​ൾ അ​തൊ​ക്കെ സാ​ധ്യ​മാ​കാ​ൻ പ്ര​യാ​സ​മാ​ണ്.

ശ​വ​മ​ട​ക്ക് ക​ഴി​ഞ്ഞ് വ​ന്ന​തു​മു​ത​ൽ ഓ​രോ​ന്നോ​ർ​ത്ത് ഡെ​ൽ​ഫി​ക്ക് ഡി​പ്ര​ഷ​ൻ തു​ട​ങ്ങി.

ഡെ​ൽ​ഫീ, അ​ല്ലെ​ങ്കി​ൽ​ത​ന്നെ സ്വ​ന്ത​മാ​യി നി​ങ്ങ​ൾ​ക്ക് ഒ​രു​പാ​ട് വി​ഷ​മ​ങ്ങ​ൾ വേ​റെ​യു​ണ്ട​ല്ലോ.​ പി​ന്നെ​യെ​ന്തി​നാ​ണ് അ​തി​ന്റെ കൂ​ടെ അ​തു​മി​തു​മൊ​ക്കെ ആ​ലോ​ചി​ച്ചു കൂ​ട്ടു​ന്ന​തെ​ന്ന് ഞാ​ൻ ഡെ​ൽ​ഫി​യെ ആ​ശ്വ​സി​പ്പി​ക്കാ​ൻ ശ്ര​മി​ച്ചു.

ജോ​ണ​പ്പ​ൻ മ​രി​ച്ചി​ട്ട് അ​യാ​ളു​ടെ ആ​ത്മാ​വി​ന്റെ അ​ട​യാ​ള​ങ്ങ​ളൊ​ന്നും വെ​ളി​പ്പെ​ട്ടി​ല്ല​ല്ലോ എ​ന്നോ​ർ​ത്ത് അ​ന്നു​ മു​ഴു​വ​ൻ ഡെ​ൽ​ഫി സ​ങ്ക​ട​പ്പെ​ട്ടു. പ​ക്ഷേ, അ​ന്ന് രാ​ത്രി ഡെ​ൽ​ഫി കി​ട​ന്നു​റ​ങ്ങാ​ൻ തു​ട​ങ്ങു​ന്ന സ​മ​യ​ത്ത് ജോ​ണ​പ്പ​ൻ വ​ന്ന് ഡെ​ൽ​ഫി​യു​ടെ ദേ​ഹ​ത്തേ​ക്ക് അ​മ​ർ​ന്നു കി​ട​ന്ന് നെ​റ്റി​യി​ൽ ഉ​മ്മ​വെ​ക്കു​ന്ന​താ​യി അ​നു​ഭ​വ​പ്പെ​ട്ട​​േത്ര. അ​യാ​ളു​ടെ നേ​ർ​ത്ത വി​യ​ർ​പ്പി​ന്റെ മ​ണംപോ​ലും ഡെ​ൽ​ഫി​ക്ക​നു​ഭ​വി​ക്കാ​ൻ ക​ഴി​ഞ്ഞു. ശ​രി​ക്കും ഉ​റ​ക്ക​മാ​ണോ ഉ​ണ​ർ​വാ​ണോ എ​ന്ന​റി​യാ​ത്ത ഒ​രു നേ​ര​ത്താ​ണ​തു​ണ്ടാ​യ​ത്. രാ​വി​ലെ അ​ടു​ക്ക​ള​യി​ൽ പു​ട്ട് പു​ഴു​ങ്ങു​ന്ന നേ​ര​ത്തും ത​യ്യ​ൽ മി​ഷ്യ​നി​ലി​രി​ക്കു​മ്പോ​ഴും ആ​രോ പി​ന്നി​ൽ പ​റ്റി​ച്ചേ​ർ​ന്ന് നി​ൽ​ക്കു​ന്ന​തു​പോ​ലൊ​ര​നു​ഭ​വ​മു​ണ്ടാ​യി. പി​ൻ​ക​ഴു​ത്തി​ൽ ജോ​ണ​പ്പ​ന്റെ വാ​ട​യു​ള്ള ഉ​ച്ഛ്വാ​സ​വാ​യു ത​ട്ടു​ന്ന​തു​പോ​ലെ​യു​ള്ള ചൂ​ട് ശ​രി​ക്കു​മ​റി​ഞ്ഞു. ഡെ​ൽ​ഫി​യു​ടെ ഡി​പ്ര​ഷ​ന് കു​റ​വു​ണ്ടാ​യ​ത് ഈ ​സം​ഭ​വ​ങ്ങ​ൾ​ക്ക് ശേ​ഷം മാ​ത്ര​മാ​ണ്.

ഡെ​ൽ​ഫി​യു​ടെ ചേ​ച്ചി പേ​ളി​യു​ടെ കെ​ട്ടി​യ​വ​ന്റെ ഒ​രു കൂ​ട്ടു​കാ​ര​നു​ണ്ടാ​യി​രു​ന്നു; ഫെ​ലി​ക്സ്. എ​റ​ണാ​കു​ള​ത്ത് സ​ർ​ക്കാ​രാ​ഫീസി​ൽ ക്ലർ​ക്കാ​യി​രു​ന്നു. വീ​ട്ടി​ലെ എ​ല്ലാ ആ​വ​ശ്യ​ങ്ങ​ൾ​ക്കും ചേ​ട്ട​ൻ ഫെ​ലി​ക്സി​നെ വി​ളി​ക്കു​മാ​യി​രു​ന്നു. അ​യാ​ൾ അ​ന്നൊ​ക്കെ വ​ന്നി​ട്ടു​മു​ണ്ടാ​യി​രു​ന്നു. പ​ക്ഷേ, ഡെ​ൽ​ഫി ക​ണ്ടി​ട്ടി​ല്ല. ഫെ​ലി​ക്സി​ന് ഡെ​ൽ​ഫി​യു​ടെ അ​തേ പ്രാ​യ​മാ​യി​രു​ന്നു. ഒ​രി​ക്ക​ൽ ഡെ​ൽ​ഫി​യു​ടെ ഫോ​ണി​ലേ​ക്ക് അ​റി​യാ​ത്ത ന​മ്പ​റി​ൽ​നി​ന്ന് ഒ​രു വി​ളി​വ​ന്നു. ഏ​ത് ന​മ്പ​റി​ൽ​നി​ന്ന് വി​ളി​വ​ന്നാ​ലും ഡെ​ൽ​ഫി ആ​ദ്യം അ​റ്റ​ൻഡ് ചെ​യ്യും. പി​ന്നെ മാ​ത്ര​​മേ വേ​ണ്ടി​വ​ന്നാ​ൽ ഒ​ഴി​വാ​ക്കു​ക​യോ ബ്ലോ​ക്ക് ചെ​യ്യു​ക​യോ ചെ​യ്യൂ.

വ​ർ​ത്ത​മാ​നം പ​റ​ഞ്ഞു​തു​ട​ങ്ങി​​യ​പ്പോ​ളാ​ണ് ഡെ​ൽ​ഫി അ​റി​ഞ്ഞ​ത്. അ​ത് ചേ​ട്ട​ന്റെ കൂ​ട്ടു​കാ​ര​നാ​ണെ​ന്ന്. ഫെ​ലി​ക്സ് പ​റ​ഞ്ഞ​തും മ​റ്റാ​രെ​യോ വി​ളി​ച്ച​പ്പോ​ൾ ന​മ്പ​ർ തെ​റ്റി​യ​താ​ണെ​ന്നാ​ണ്. ഡെ​ൽ​ഫി​ക്ക​തി​ൽ ചി​ല സം​ശ​യ​ങ്ങ​ളു​ണ്ടാ​യി​രു​ന്നു. ഫെ​ലി​ക്സ് അ​വി​വാ​ഹി​ത​നാ​ണ്. അ​തി​നു​ള്ള കാ​ര​ണം പ​ല​ത​വ​ണ ചോ​ദി​ച്ചി​ട്ടും അ​യാ​ൾ പ​റ​ഞ്ഞി​രു​ന്നി​ല്ല. അ​തി​നു​ശേ​ഷം അ​വ​ർ എ​പ്പോ​ഴും ഏ​റെ​നേ​രം ​ഫോ​ണി​ൽ സം​സാ​രി​ക്കും. ഫെ​ലി​ക്സാ​ണ് മി​ക്ക​പ്പോ​ഴും വി​ളി​ക്കു​ക.

ഒ​രുദി​വ​സം ഫെ​ലി​ക്സ് ഡെ​ൽ​ഫി​യോ​ട് പ​റ​ഞ്ഞു. അ​വ​ർ ഏ​തെ​ങ്കി​ലു​മൊ​രു ദി​വ​സം എ​റ​ണാ​കു​ള​ത്ത് വ​രു​ന്നു​ണ്ടെ​ങ്കി​ൽ പ​റ​യ​ണം വെ​റു​തെ​യൊ​ന്നു കാ​ണാ​നാ​ണ് എ​ന്ന്. മ​ട്ടാ​ഞ്ചേ​രി​യി​ലെ പ്രാ​ന്ത​ൻ കു​ര്യ​ച്ച​ന്റെ​യ​ടു​ത്ത് പ്രാ​ർ​ഥി​ക്കാ​ൻ പോ​കു​ന്ന​തി​ന് തീ​രു​മാ​നി​ച്ച ഒ​രു വെ​ള്ളി​യാ​ഴ്ച ഡെ​ൽ​ഫി ഫെ​ലി​ക്സി​നോ​ട് വേ​ണ​മെ​ങ്കി​ൽ അ​ന്ന് ത​മ്മി​ൽ കാ​ണാ​മെ​ന്ന് പ​റ​ഞ്ഞു. ഹൈ​കോ​ട​തി ജങ്ഷ​നി​ലെ ഒ​രു റ​സ്റ്റോ​റ​ന്റി​ന്റെ പേ​രു​ പ​റ​ഞ്ഞി​ട്ട് ​ഡെ​ൽ​ഫി വ​രു​ന്ന സ​മ​യ​ത്ത് അ​വി​ടെ​യു​ണ്ടാ​കു​മെ​ന്ന് ഫെ​ലി​ക്സ് അ​റി​യി​ച്ചു.

ഫെ​ലി​ക്സി​നെ നേ​രി​ൽ ക​ണ്ട ഡെ​ൽ​ഫി അ​ത്ഭുത​പ്പെ​ട്ടു​പോ​യി. ആ​രും നോ​ക്കി​നി​ന്നു​പോ​കു​ന്ന​ത്ര ആ​രോ​ഗ്യ​വും സൗ​ന്ദ​ര്യ​വും ഒ​ത്തി​ണ​ങ്ങി​യ ഒ​രാ​ൾ. പെ​രു​മാ​റ്റ​ത്തി​ലും വ​ശ്യ​ത​യും ആ​ക​ർ​ഷ​ണവും തോ​ന്നും.

ഡെ​ൽ​ഫി അ​ങ്ങ​നെ​യാ​ണ്. പു​രു​ഷ​ന്മാ​രെ​യും ല​ജ്ജ​യി​ല്ലാ​തെ കൊ​തി​യോ​ടെ​യും സൂ​ക്ഷ്മ​മാ​യും വ​ർ​ണി​ച്ചു​ക​ള​യും. ഫെ​ലി​ക്സി​ന്റെ മേ​ൽ​ ചു​ണ്ടു​മൂ​ടു​ന്ന ക​ട്ടി​മീ​ശ​പോ​ലും എ​ത്ര അ​ത്ഭു​ത​ത്തോ​ടെ വ​ർ​ണി​ച്ചെ​ന്നോ. ഇ​ങ്ങ​നെ പു​രു​ഷ​ന്മാ​രെ കൊ​തി​യോ​ടെ വ​ർ​ണി​ക്കു​ന്ന സ്ത്രീ​ക​ളെ ഞാ​ന​ധി​കം ക​ണ്ടി​ട്ടി​ല്ല.

അ​വ​രി​രു​വ​രും ഓ​രോ ചി​ക്ക​ൻറോ​ളും ബ്രൂ​ കാ​പ്പി​യും ക​ഴി​ച്ചു. ഫെ​ലി​ക്സാ​ണ് ബി​ല്ല് പേ ​ചെ​യ്ത​ത്. കു​റ​ച്ചു​നേ​രം വ​ർ​ത്ത​മാ​നം പ​റ​ഞ്ഞി​രു​ന്ന അ​വ​ർ പി​രി​യു​ന്ന​തി​ന് മു​മ്പ് ക​പ്പ​ൽ​പ​ള്ളി​യെ​ന്നും ന​ടു​വി​ലെ പ​ള്ളി​യെ​ന്നും വി​ളി​ക്കു​ന്ന ആ ​പ​ള്ളി​യി​ൽ ക​യ​റി. അ​തി​ന്റെ പ​ടി​ക​ളി​ൽ​വെ​ച്ച് ഫെ​ലി​ക്സ് പ​റ​ഞ്ഞു: ജെ​ർ​സ​ൻ വ​യ്യാ​ണ്ടി​രി​ക്കു​ക​യ​ല്ലേ. എ​ന്നെ​ങ്കി​ലും ജെ​ർ​സ​ന്റെ കാ​ലം ക​ഴി​യു​മ​ല്ലോ. അ​തെ​ത്ര വൈ​കി​യാ​ണെ​ങ്കി​ലും, അ​തി​നു​ശേ​ഷം ന​മു​ക്ക് ര​ണ്ടു​പേ​ർ​ക്കും ഒ​രു​മി​ച്ചു ജീ​വി​ക്ക​ണം ഡെ​ൽ​ഫീ. എ​ന്നി​ട്ട് ഒ​രു​പാ​ട് വി​ദേ​ശരാ​ജ്യ​ങ്ങ​ളി​ലേ​ക്ക് ന​മു​ക്ക് യാ​ത്ര പോ​ക​ണം. അ​വി​ടെ​യൊ​ക്കെ പോ​കു​മ്പോ​ൾ ഡെ​ൽ​ഫി ഇ​ങ്ങ​നെ സാ​രി മാ​ത്ര​മ​ല്ല ഉ​ടു​ക്കേ​ണ്ട​ത്. ന​ല്ല മോ​ഡേ​ൺ ഡ്ര​സ്സൊ​ക്കെ ഇ​ട​ണം. ഭ​ക്ഷ​ണ​മൊ​ക്കെ ന​ന്നാ​യി ക​ഴി​ച്ച് ഒ​ന്നു​കൂ​ടി വ​ണ്ണംവെ​ക്ക​ണം.

അ​ങ്ങ​നെ കു​റെ ആ​ഗ്ര​ഹ​ങ്ങ​ൾ പ​റ​ഞ്ഞാ​ണ് ഫെ​ലി​ക്സ് പി​രി​ഞ്ഞ​ത്. ഡെ​ൽ​ഫി അ​തെ​ല്ലാം ക്ഷ​മ​യോ​ടെ കേ​ട്ടു. നി​രു​ത്സാ​ഹ​പ്പെ​ടു​ത്തു​ക​യോ മ​റു​ത്തുപ​റ​യു​ക​യോ ചെ​യ്തി​ല്ല. ജെ​ർ​സ​ൻ മ​രി​ച്ച​തി​നുശേ​ഷം ത​ന്നെ കെ​ട്ടാ​മെ​ന്ന് പ​റ​ഞ്ഞ​തി​ലെ ക്രൂ​ര​ത​യും അ​വി​വേ​ക​വും അ​നൗ​ചി​ത്യ​വും ഡെ​ൽ​ഫി​ക്കി​ഷ്ട​പ്പെ​ട്ടി​ല്ല. ഫെ​ലി​ക്സി​ൽ​നി​ന്ന് അ​ത​വ​ർ പ്ര​തീ​ക്ഷി​ച്ചു​മി​ല്ല. മു​ന്നാ​ലോ​ച​ന​യി​ല്ലാ​തെ സ​ത്യ​സ​ന്ധ​ത​യും നി​ഷ്‍ക​ള​ങ്ക​ത​യും ഇ​ഷ്ട​ക്കൂ​ടു​ത​ലും കൊ​ണ്ട് പ​റ​ഞ്ഞു​പോ​യ​താ​കാ​മെ​ന്ന് ക​രു​തി ആ​ശ്വ​സി​ച്ചു. അ​തി​നുശേ​ഷം പ​ല​ത​വ​ണ വി​ളി​ച്ചെ​ങ്കി​ലും പി​ന്നീ​ടൊ​രി​ക്ക​ൽ​പോ​ലും ഒ​രു​മി​ച്ച് ജീ​വി​ക്കു​ന്ന കാ​ര്യം ഫെ​ലി​ക്സ് ഡെ​ൽ​ഫി​യോ​ട് പ​റ​ഞ്ഞി​ട്ടി​ല്ല. അ​തി​നുശേ​ഷം പ​ല​പ്പോ​ളാ​യി ഡെ​ൽ​ഫി അ​വ​രു​ടെ ജീ​വി​ത​ത്തി​ലെ ആ ​പ്ര​ധാ​ന സം​ഭ​വ​ങ്ങ​ൾ ഫെ​ലി​ക്സി​നോ​ട് പ​റ​ഞ്ഞു​തീ​ർ​ത്തു. അ​തു​ ക​ഴി​ഞ്ഞു​ള്ള കു​റെ ദി​വ​സ​ങ്ങ​ൾ ഫെ​ലി​ക്സ് ഡെ​ൽ​ഫി​യെ വി​ളി​ച്ചി​ല്ല. ഗു​ണ്ടാ ബാ​ബു​വി​ന്റെ​യും ജോ​ണ​പ്പ​ന്റെ​യും മ​ര​ണ​ത്തി​ന് മു​മ്പേ​യു​ള്ള സം​ഭ​വ​മാ​ണ്. ഫെ​ലി​ക്സ് ത​ന്നെ വി​ളി​ക്കാ​ത്ത​തി​ന്റെ കാ​ര​ണ​മെ​ന്തെ​ന്ന​റി​യാ​നാ​യി ഡെ​ൽ​ഫി ഫെ​ലി​ക്സി​ന്റെ ന​മ്പ​റി​ലേ​ക്ക് വി​ളി​ച്ചു. ഫോ​ണി​ന്റെ മ​റു​ത​ല​ക്ക​ൽ ഒ​ര​പ​രി​ചി​ത ശ​ബ്ദ​മാ​യി​രു​ന്നു. ഫെ​ലി​ക്സി​നെ ചോ​ദി​ച്ച​പ്പോ​ൾ അ​റി​ഞ്ഞി​ല്ലേ? എ​ന്നാ​ണ് അ​യാ​ൾ ആ​ദ്യം ചോ​ദി​ച്ച​ത്. എ​ന്ത്? എ​ന്ന് ചോ​ദി​ച്ച ഉ​ട​നെ എ​ടു​ത്ത​ടി​ച്ച​തു​പോ​ലെ അ​യാ​ൾ ​ഫെ​ലി​ക്സി​ന്റെ മ​ര​ണ​വാ​ർ​ത്ത അ​വ​രോ​ട് പ​റ​ഞ്ഞു. ആ​രാ​ണെ​ന്ന ചോ​ദ്യ​ത്തി​ന് സു​ഹൃ​ത്തെ​ന്നു മാ​ത്രം ഉ​ത്ത​രം പ​റ​ഞ്ഞ് ഡെ​ൽ​ഫി ഫോ​ൺ ക​ട്ട് ചെ​യ്തു. ഉ​ള്ളി​ലെ ആ​ഗ്ര​ഹ​ങ്ങ​ൾ പ​റ​ഞ്ഞെ​ങ്കി​ലും തീ​ർ​ത്തി​ട്ടാ​ണ​ല്ലോ ഫെ​ലി​ക്സ് പോ​യ​തെ​ന്നോ​ർ​ത്ത് ഡെ​ൽ​ഫി ആ​ശ്വാ​സംകൊ​ണ്ടു.

ഫെ​ലി​ക്സി​നെ കു​റി​ച്ചു​ള്ള ക​ഥ കൂ​ടി ​േക​ട്ട​തോ​ടെ എ​നി​ക്ക് ചെ​റി​യൊ​രു ഭ​യ​മൊ​ക്കെ​ തോ​ന്നി​ത്തു​ട​ങ്ങി. എ​ന്താ​ണി​ങ്ങ​നെ അ​പ്ര​തീ​ക്ഷി​ത മ​ര​ണ​ങ്ങ​ൾ ഡെ​ൽ​ഫി​യു​ടെ ജീ​വി​ത​ത്തി​ൽ സം​ഭ​വി​ക്കു​ന്ന​ത്. യു​ക്തികൊ​ണ്ട് എ​ത്ര ആ​ലോ​ചി​ച്ചി​ട്ടും ഉ​ത്ത​രം കി​ട്ടു​ന്നി​ല്ല. ഇ​നി ഡെ​ൽ​ഫി​യെ​ങ്ങാ​നും ഭാ​വ​ന​യി​ൽ മെ​ന​ഞ്ഞെ​ടു​ക്കു​ന്ന​താ​ണോ ഈ ​മ​ര​ണ​ങ്ങ​ളെ​ല്ലാം; എ​ന്നെ ഭ​യ​പ്പെ​ടു​ത്താ​നോ തെ​റ്റി​ദ്ധ​രി​പ്പി​ക്കാ​നോ എ​ന്നി​ലെ എ​ഴു​ത്തു​കാ​ര​ന് ഇ​ല്ലാ​ത്ത ക​ഥ​ക​ൾ പ​റ​ഞ്ഞു​ത​ന്ന് പ്രി​യം സ​മ്പാ​ദി​ക്കാ​നോ വേ​ണ്ടി.

ശ​രി​ക്കും ഡെ​ൽ​ഫി​യു​ടെ ക​ഥ​ കേ​ട്ടു മു​ഴു​വ​നാ​ക്കു​ന്ന​വ​ര​ല്ല മ​രി​ക്കു​ന്ന​ത്, അ​വ​രെ ഇ​ഷ്ട​പ്പെ​ടു​ക​യും സ്വ​ന്ത​മാ​ക്കാ​നാ​ഗ്ര​ഹി​ക്കു​ന്ന​വ​രു​മാ​ണ് മ​രി​ക്കു​ന്ന​ത്. ഇ​ക്കാ​ര്യം പ​ക്ഷേ, ഡെ​ൽ​ഫി​യോ​ട് പ​റ​യു​ന്ന​തെ​ങ്ങനെ​യെ​ന്നോ​ർ​ത്ത് ഞാ​ൻ കു​ഴ​ങ്ങി.