തപോമയിയുടെ അച്ഛൻ

പോ​യ വ​ര്‍ഷ​ത്തി​ന്‍റെ അ​വ​സാ​നം, ക്രി​സ്മ​സി​ന് ഒ​ന്നോ ര​ണ്ടോ ദി​വ​സം ക​ഴി​ഞ്ഞ്, ഒ​രു ആ​ശം​സാ​ കാ​ര്‍ഡ് എ​നി​ക്കു ത​പാ​ലി​ല്‍ കി​ട്ടി. സ​ന്തോ​ഷ​ക​ര​മാ​യ പു​തു​വ​ര്‍ഷം നേ​ര്‍ന്നു​കൊ​ണ്ടു​ള്ള ഒ​ന്ന്.

അ​തി​ലെ​ന്താ​ണ് ഇ​ത്ര അ​സാ​ധാ​ര​ണ​മാ​യി​ട്ടു​ള്ള​ത് എ​ന്ന​ല്ലേ? ഒ​ന്ന​ല്ല, ര​ണ്ടു കാ​ര്യ​ങ്ങ​ള്‍ പ​റ​യാം. ഒ​ന്നാ​മ​താ​യി ഒ​രു കാ​ര്‍ഡ് കി​ട്ടു​ന്നു എ​ന്ന​തുത​ന്നെ. ഇ​ക്കാ​ല​ത്ത് ആ​രെ​ങ്കി​ലും പ്രി​ന്‍റ് ചെ​യ്ത ആ​ശം​സാ​ കാ​ര്‍ഡു​ക​ള്‍ അ​യ​ക്കാ​റു​ണ്ടോ? എ​ഴു​ത്തു​കു​ത്തു​ക​ള്‍ ത​ന്നെ ഇ​ല്ലാ​താ​യ​ല്ലോ. പി​ന്നെ​യ​ല്ലേ കാ​ര്‍ഡു​ക​ള്‍! കാ​ലം മാ​റു​ന്നു.–ത​പോ​മ​യി ബ​റു​വ അ​യ​ച്ച​താ​യി​രു​ന്നു അ​ത്.

ഏ​താ​യാ​ലും കു​റെ കാ​ല​ങ്ങ​ള്‍ക്കുശേ​ഷം അ​ച്ച​ടി​ച്ച ഒ​രു സ​ന്ദേ​ശം വ​ന്നു​ചേ​ര്‍ന്ന​തി​ല്‍ കൗ​തു​ക​മു​ണ്ടാ​യി​രു​ന്നു. ഭം​ഗി​യു​ള്ള ഒ​രു ക​വ​റി​ലി​ട്ട് ആ​ദ്യം പ​ശകൊ​ണ്ടും അ​തി​നു​മീ​തേ ഇ​ന്‍സു​ലേ​ഷ​ന്‍ ടേ​പ്പു​കൊ​ണ്ടും ഒ​ട്ടി​ച്ചി​ട്ടാ​ണ് ത​പോ​മ​യി കാ​ര്‍ഡ​യ​ച്ചി​രി​ക്കു​ന്ന​ത്. അ​തും ര​ജി​സ്റ്റ​ര്‍ ചെ​യ്ത സ്പീ​ഡ് പോ​സ്റ്റി​ല്‍. ആ​കക്കൂ​ടി ഒ​രു ര​സം തോ​ന്നി. പു​തു​വ​ത്സ​രാ​ശം​സ​ക​ള​യ​ക്കു​ന്ന​തി​ന് ഇ​ത്ര​യേ​റെ മു​ന്‍ക​രു​ത​ലു​ക​ള്‍ ആ​വ​ശ്യ​മു​ണ്ടോ? ഇ​തു​പോ​ലു​ള്ള കാ​ര്‍ഡു​ക​ളൊ​ക്കെ വെ​റു​തേ ഒ​ന്നെ​ടു​ത്തു​നോ​ക്കി അ​വി​ടെ​ത്ത​ന്നെ വെക്കു​ക​യ​ല്ലേ ന​മ്മ​ള്‍ ചെ​യ്യു​ക? പ​ല​രും അ​തി​ലെ​ഴു​തി​യി​രി​ക്കു​ന്ന​തു വാ​യി​ക്കു​ക പോ​ലു​മി​ല്ല. പി​ന്നെ, ആ​രു വാ​യി​ച്ചാ​ലും ഇ​തി​ലൊ​ക്കെ ഒ​ളി​പ്പി​ക്കാ​ന്‍മാ​ത്രം എ​ന്തു സ്വ​കാ​ര്യ​ത! വാ​ക്യ​ങ്ങ​ള്‍ എ​ങ്ങ​നെ മാ​റി​യാ​ലും ആ​ശം​സ​ക​ള്‍ ആ​ശം​സ​ക​ള്‍ത​ന്നെ​യാ​ണ​ല്ലോ.

ത​പോ​മ​യി​യു​ടെ ആ​ശം​സാ​ കാ​ര്‍ഡി​ല്‍ തെ​ളി​ഞ്ഞുനി​ൽക്കുന്ന​ത് അ​യാ​ളു​ടെ ഫോ​ട്ടോ​യാ​ണ്. ഒ​പ്പം, ഇ​പ്പോ​ള്‍ ജീ​വി​ച്ചി​രി​പ്പി​ല്ലാ​ത്ത അ​യാ​ളു​ടെ അ​മ്മ​യും അ​ച്ഛ​നു​മു​ണ്ട്. കു​റ​ച്ചു​ വ​ര്‍ഷ​ങ്ങ​ള്‍ക്കുമു​മ്പ് ഏ​തോ അ​വ​ധി​ക്കാ​ലം ചെ​ല​വ​ഴി​ക്കാ​ന്‍ പോ​യ സ​മ​യ​ത്ത് എ​ടു​ത്ത​താ​യി​രി​ക്ക​ണം. പ​ശ്ചാ​ത്ത​ല​ത്തി​ല്‍ ഒ​രു മ​ല​മ്പ്ര​ദേ​ശ​വും, കു​റ​ച്ചു​ ദൂ​രെ​യാ​യി ഒ​രു ബു​ദ്ധ​ക്ഷേ​ത്ര​ത്തി​ന്‍റെ ക​വാ​ട​വും ക​ണ്ടു. മ​ഞ്ഞു​കാ​ല​ത്തെ സൂ​ചി​പ്പി​ച്ചു​കൊ​ണ്ട് ഇ​ല​പൊ​ഴി​ഞ്ഞ മ​ര​ങ്ങ​ള്‍. പേ​ടി പ​റ്റി​യ​തു​മാ​തി​രി, അ​പ്ര​സ​ന്ന​മാ​യ വെ​ളി​ച്ചം.

ത​പോ​മ​യി കൂ​ടു​ത​ല്‍ ചെ​റു​പ്പ​മാ​യി​രു​ന്നു അ​ന്ന്. അ​സാ​മാ​ന്യ​മാ​യ ഉ​യ​രം. തോ​ള​റ്റ​ത്തോ​ളം വീ​ണു​കി​ട​ക്കു​ന്ന മു​ടി. അ​യ​ഞ്ഞ, പ​രു​ക്ക​ന്‍ വ​സ്ത്ര​ങ്ങ​ള്‍. തി​ള​ക്ക​മു​ള്ള ക​ണ്ണു​ക​ള്‍. അ​യാ​ളു​ടെ അ​ച്ഛ​ന്‍ പ​ക്ഷേ, ഞാ​ന്‍ കാ​ണു​ന്ന കാ​ല​ത്തു​ള്ള​തുപോ​ലെ​ത്ത​ന്നെ. കു​റ​ച്ചു കൂ​നി​ക്കൂ​ടി​യ നി​ൽപ്, മു​ഖ​ത്തു ചു​ളി​വു​ക​ള്‍, ഒ​തു​ക്ക​മി​ല്ലാ​ത്ത, ന​ര​ച്ച മു​ടി, ശൂ​ന്യ​മാ​യ അ​തേ നോ​ട്ടം. ഒ​രു ഘ​ട്ടം ക​ഴി​ഞ്ഞ​പ്പോ​ള്‍ അ​ദ്ദേ​ഹ​ത്തെ നി​ത്യ​മാ​യ ഒ​രു വാ​ർധ​ക്യം ബാ​ധി​ച്ചു. പി​ന്നെ മ​ര​ണം​വ​രെ അ​തു​പോ​ലെ​ത്ത​ന്നെ തു​ട​ര്‍ന്നു​പോ​യ​താ​വ​ണം.

പ​ക്ഷേ, കാ​ര്‍ഡി​ന്‍റെ ഏ​റ്റ​വും ചു​വ​ടെ, ചി​ത്ര​ങ്ങ​ള്‍ക്കു താ​ഴെ പേ​ന​കൊ​ണ്ട് എ​ഴു​തി​യി​രി​ക്കു​ന്ന​തു (?) ക​ണ്ട് ഞാ​നൊ​ന്ന് അ​മ്പ​ര​ന്നു. ഇ​ങ്ങ​നെ​യാ​യി​രു​ന്നു അ​തി​ല്‍:

ഇ​തെ​ന്താ​ണ്, കു​ട്ടി​ക​ള്‍ വ​ര​ച്ചു​ക​ളി​ക്കു​ന്ന​തു​പോ​ലെ എ​ന്തോ ഒ​ന്ന​ല്ലേ എ​ന്നു കാ​ണു​ന്ന​വ​ര്‍ക്കു തോ​ന്നാം. സം​ഗ​തി അ​ത​ല്ല. ഗൂ​ഢ​മാ​യ ഒ​രു ചി​ഹ്ന​ഭാ​ഷ​യി​ലെ​ഴു​തി​യി​രി​ക്കു​ന്ന ഒ​രു സ​ന്ദേ​ശ​മാ​യി​രു​ന്നു അ​ത്. ഞാ​ന്‍ത​ന്നെ അ​തു വാ​യി​ക്ക​ണമെ​ന്ന് ഒ​രുപ​ക്ഷേ, ഏ​റക്കു​റെ നി​ർബ​ന്ധ​പൂ​ർവം എ​ഴു​തി​യു​ണ്ടാ​ക്കി​യ ഒ​ന്ന്. അ​തു​കൊ​ണ്ടാ​ണ് ത​പോ​മ​യി ഇ​ത്ര​മാ​ത്രം മു​ന്‍ക​രു​ത​ലു​ക​ള്‍ എ​ടു​ത്തി​രി​ക്കു​ന്ന​തെന്ന് എ​നി​ക്കു തെ​ളി​ഞ്ഞു.

എ​ന്നാ​ല്‍, ആ ​സ​മ​യ​ത്ത് എ​ന്നെ കു​ഴ​ക്കി​യ പ്ര​ശ്നം ആ ​ര​ഹ​സ്യ​ഭാ​ഷ​യാ​യി​രു​ന്നി​ല്ല. ഒ​രു​പാ​ടു കാ​ല​മാ​യി അ​ത്ത​രം വി​ചി​ത്ര​ലി​പി​ക​ളു​മാ​യി പ​രി​ച​യ​പ്പെ​ട്ടി​ട്ടു​ള്ള ഒ​രാ​ള്‍ എ​ന്നനി​ല​യി​ല്‍ എ​ന്നെ​ സം​ബ​ന്ധി​ച്ചി​ട​ത്തോ​ളം തു​ലോം നി​സ്സാ​ര​മാ​യി​രു​ന്നു ആ ​സ​ന്ദേ​ശം. അ​തേ​സ​മ​യം, ഇ​ത് ത​പോ​മ​യിത​ന്നെ എ​ഴു​തി അ​യ​ച്ച​തോ എ​ന്ന സം​ശ​യം എ​ന്നെ ഒ​രു പ്ര​തി​സ​ന്ധി​യി​ല​ക​പ്പെ​ടു​ത്തു​ക​യാ​ണെ​ന്നു തോ​ന്നി. കു​റ​ച്ചു​നേ​രം ഞാ​ന​തി​ലേ​ക്കു​ത​ന്നെ നോ​ക്കി​നി​ന്നു. അ​ങ്ങ​നെ നോ​ക്കി​നി​ൽക്കേ, ക​ണ്ടു​മ​റ​ന്ന ഒ​രു ച​ല​ച്ചി​ത്ര​ത്തി​ല്‍നി​ന്നെ​ന്നപോ​ലെ ഒ​രു വി​ദൂ​ര​ദൃ​ശ്യം എ​ന്‍റെ ഓ​ർമ​യി​ലെ​ത്തു​ന്നു.

ദൃ​ശ്യ​ത്തി​ല്‍, പു​ക​യും മ​ഞ്ഞും വേ​ര്‍തി​രി​ച്ച​റി​യാ​നാ​വാ​ത്ത​വി​ധം കൂ​ടി​ക്ക​ല​ര്‍ന്നു കി​ട​ന്നി​രു​ന്ന ഒ​രു വൈ​കു​ന്നേ​രം പ​ഴ​യ ദി​ല്ലി​യി​ലെ ഇ​ടു​ങ്ങി​യ തെ​രു​വു​ക​ളി​ലൂ​ടെ അ​യാ​ള്‍ക്കൊ​പ്പം ഞാ​ന്‍ ന​ട​ന്നു​പോ​വു​ക​യാ​യി​രു​ന്നു. അ​യാ​ള്‍ സം​സാ​രി​ക്കു​ന്നു​ണ്ട്, പ​ക്ഷേ ചു​റ്റു​പാ​ടു​മു​ള്ള കോ​ലാ​ഹ​ല​ങ്ങ​ള്‍ക്കി​ട​യി​ല്‍ അ​തൊ​ന്നും അ​ത്ര വ്യ​ക്ത​മ​ല്ല. പ​ക്ഷേ, സ്വാ​ഭാ​വി​ക​മാ​യും എ​നി​ക്കൂ​ഹി​ക്കാം: ലോ​ക​ത്തെ​യും ജീ​വി​ത​ത്തെ​യും കു​റി​ച്ചു​ള്ള ചി​ല പ്ര​തീ​ക്ഷ​ക​ള്‍ ത​പോ​മ​യി എ​ന്നോ​ടു പ​ങ്കു​വെക്കുക​യാ​ണ്, മ​നു​ഷ്യ​രി​ലു​ള്ള ത​ന്‍റെ വി​ശ്വാ​സം ഉ​റ​പ്പി​ക്കു​ക​യാ​ണ്. ഇ​ട​ക്കി​ടെ സം​സാ​രി​ക്കു​ന്ന​തു നി​ര്‍ത്തി, ഭൂ​മി​യി​ലേ​ക്കു​ത​ന്നെ ഏ​റ്റ​വും മ​നോ​ഹ​ര​മാ​യൊ​രു ചി​രി​കൊ​ണ്ട് താ​ന്‍ പ​റ​ഞ്ഞ​തി​നെ​യെ​ല്ലാം സാ​ധൂ​ക​രി​ക്കു​ക​യാ​ണ്.

–അ​സാ​ധാ​ര​ണം എ​ന്നു മു​മ്പു സൂ​ചി​പ്പി​ച്ച ആ ​ര​ണ്ടാ​മ​ത്തെ കാ​ര്യം അ​താ​ണ്; ആ ​ര​ഹ​സ്യ​ഭാ​ഷ​യി​ലെ എ​ഴു​ത്ത്.

അ​ത്ത​രം ചി​ഹ്ന​ഭാ​ഷ എ​നി​ക്കു പ​രി​ചി​ത​മാ​യി​രു​ന്നു. ഏ​റക്കു​റെ തെ​റ്റി​ല്ലാ​തെ ഞാ​ന​തു വാ​യി​ക്കു​ക​യും ചെ​യ്യും. ഇ​വി​ടെ എ​ഴു​തി​യി​രി​ക്കു​ന്ന​തി​ന്‍റെ കാ​ര്യ​മെ​ടു​ത്താ​ല്‍ അ​തി​ല്‍ വ​ലു​താ​യി​ട്ടൊ​ന്നു​മി​ല്ല: ഒ​രു H​appy N​ew Y​e​ar. അ​ത്രമാ​ത്രം.

അ​തെ​ങ്ങ​നെ ഞാ​ന്‍ വാ​യി​ച്ചു എ​ന്നു വി​ശ​ദീ​ക​രി​ച്ചാ​ല്‍ സ​ക​ല​രും ചി​രി​ക്കും, അ​ത്ര നി​സ്സാ​ര​മാ​യ നി​ഗൂ​ഢ​ത​യേ അ​തി​ലു​ള്ളൂ. ഒ​രു തു​ട​ക്ക​ക്കാ​ര​ന്‍ പൂ​ര്‍ത്തി​യാ​ക്കു​ന്ന ഒ​രു ഹ്ര​സ്വ​സ​ന്ദേ​ശം. ത​പോ​മ​യി അ​ത്ത​രം എ​ഴു​ത്തു​ക​ള്‍ പ​രി​ച​യ​പ്പെ​ട്ടു തു​ട​ങ്ങി എ​ന്ന​ർഥം.

എ​ന്നാ​ല്‍, ഇ​ത്ത​രം കാ​ര്യ​ങ്ങ​ളി​ലൊ​ന്നും അ​ങ്ങ​നെ പ​രി​ച​യ​മി​ല്ലാ​ത്ത ഒ​രാ​ളാ​ണെ​ന്നു​ണ്ടെ​ങ്കി​ല്‍ ആ​രം​ഭ​ത്തി​ൽത​ന്നെ വാ​യ​ന തെ​റ്റും. കൂ​ടു​ത​ല്‍ ക​ണി​ശ​മാ​യി പ​റ​ഞ്ഞാ​ല്‍, വാ​യ​ന​യു​ടെ ദി​ശ തെ​റ്റും.

അ​തി​ന്‍റെ കാ​ര​ണം, മി​ക്ക ആ​ളു​ക​ളും പ​തി​വു​പോ​ലെ ഇ​ട​ത്തു​നി​ന്നും വ​ല​ത്തേ​ക്കാ​ണ് വാ​യി​ക്കാ​ന്‍ നോ​ക്കു​ക. അ​ത​ല്ല, ഇ​വി​ട​ത്തെ വ​ഴി. അ​റ​ബി ഭാ​ഷ​യി​ല്‍, അ​ല്ലെ​ങ്കി​ല്‍ ആ​ദി​മ​മാ​യ ചി​ല നാ​ഗ​രി​ക​ത​ക​ളു​ടെ ഭാ​ഷ​ക​ളി​ലെ​ന്ന​വ​ണ്ണം വ​ല​തു​വ​ശ​ത്തു​നി​ന്നു ഇ​ട​ത്തോ​ട്ടു​വേ​ണം വാ​യി​ക്കാ​ന്‍. അ​തെ​ങ്ങ​നെ എ​നി​ക്കു മ​ന​സ്സി​ലാ​യി എ​ന്ന​ല്ലേ? വ​ല​ത്തേ അ​റ്റ​ത്തെ 3 എ​ന്ന അ​ക്കം ത​ന്നെ അ​തി​ന്‍റെ സൂ​ച​ന. ആ ​മൂ​ന്നി​ന് ഇ​വി​ടെ മ​റ്റൊ​രു അ​ർഥ​വു​മി​ല്ല: മൂ​ന്നു വാ​ക്കു​ക​ള്‍ എ​ന്നുമാ​ത്രം. അ​താ​യ​ത് മൂ​ന്നു വാ​ക്കു​ക​ളു​ള്ള ഒ​രു സ​ന്ദേ​ശ​മാ​ണ് ഇ​ത്.

ഇ​നി, തൊ​ട്ട് ഇ​ട​തു​ഭാ​ഗ​ത്തു​ള്ള വൃ​ത്താ​കൃ​തി​യു​ള്ള ചി​ത്ര​ങ്ങ​ള്‍ നോ​ക്കൂ. അ​വ തീ​ര്‍ച്ച​യാ​യും ഈ ​സോ​ഷ്യ​ല്‍ മീ​ഡി​യ​ക്കാ​ല​ത്ത് ഏ​വ​ര്‍ക്കു​മ​റി​യാം; സ്മൈ​ലി​ക​ളാ​ണ്. സ​ന്തോ​ഷം സൂ​ചി​പ്പി​ക്കു​ന്ന​ത്. അ​താ​യ​ത് H​appy. പി​ന്നെ അ​തി​ന് തൊ​ട്ടു​കി​ട​ക്കു​ന്ന ഇ​ട​തു​ഭാ​ഗ​ത്തു​ള്ള അ​ക്ഷ​ര​ത്തി​ന്‍റെ കാ​ര്യ​മെ​ടു​ക്കാം. ആ ​അ​ക്ഷ​ര​വും മൂ​ന്നു​ത​വ​ണ ആ​വ​ര്‍ത്തി​ച്ചി​രി​ക്കു​ന്നു. ആ ​അ​ക്ഷ​രം ഏ​താ​ണ്? ഒ​റ്റ​നോ​ട്ട​ത്തി​ല്‍ ഇം​ഗ്ലീ​ഷി​ലെ v ആ​ണ്, ഏ​റക്കു​റെ. പ​ക്ഷേ, v എ​ന്ന അ​ക്ഷ​ര​ത്തി​ന് എ​ന്തു സാം​ഗ​ത്യം? മ​ന​സ്സി​ലാ​ക്കാ​ന്‍ ക​ഴി​യാ​ത്ത​തു​കൊ​ണ്ട് ത​ൽക്കാ​ലം അ​ത​വി​ടെ നി​റു​ത്തി അ​ടു​ത്ത വാ​ക്കി​ലേ​ക്ക്, അ​താ​യ​ത് ഏ​റ്റ​വും ഇ​ട​തു​ഭാ​ഗ​ത്തു​ള്ള​തി​ലേ​ക്കു പോ​വു​ക. അ​തൊ​രു ചെ​വി​യു​ടെ ചി​ത്ര​മ​ല്ലേ! E​ar. അ​പ്പോ​ള്‍ H​appy...​ E​ar എ​ന്നാ​വും. നി​ങ്ങ​ള്‍ക്ക​റി​യാ​മോ, പ​ല​പ്പോ​ഴും ഉ​ച്ചാ​ര​ണം കൂ​ടിെവ​ച്ചാ​ണ് നി​ഗൂ​ഢ സ​ന്ദേ​ശ​ങ്ങ​ള്‍ ത​യാ​റാ​ക്കു​ന്ന​ത്. ഈ ​പ​രി​പാ​ടി​യെ re​bus me​tho​d എ​ന്നാ​ണ് ലി​ഖി​ത​ങ്ങ​ളെ​ക്കു​റി​ച്ചു പ​ഠി​ക്കു​ന്ന ഗ​വേ​ഷ​ക​ര്‍ വി​ളി​ക്കു​ക. അ​തു​കൊ​ണ്ട് H​appy E​ar എ​ന്നാ​ല്‍ H​appy Y​e​ar ത​ന്നെ.

അ​പ്പോ​ള്‍ ന​ടു​ക്കു​ള്ള അ​ക്ഷ​രം ഊ​ഹി​ക്കാ​വു​ന്ന​ത് N​ew എ​ന്നാ​ണ​ല്ലോ. എ​ന്നാ​ല്‍, വെ​റു​തെ ഊ​ഹം മാ​ത്ര​മ​ല്ല, അ​തി​നൊ​രു കാ​ര​ണ​വു​മു​ണ്ട്. വാ​സ്ത​വ​ത്തി​ല്‍ ആ​ളു​ക​ള്‍ വി​ചാ​രി​ക്കു​ന്ന​തു​പോ​ലെ v എ​ന്ന ഇം​ഗ്ലീ​ഷ് അ​ക്ഷ​ര​മ​ല്ല അ​ത്. മ​റി​ച്ച് ഗ്രീ​ക് അ​ക്ഷ​ര​മാ​യ ‘ന്യൂ’ (​Nu) ആ​ണ്. ക​ണ​ക്കും മ​റ്റു ശാ​സ്ത്ര​വി​ഷ​യ​ങ്ങ​ളും പ​ഠി​ക്കു​ന്ന വി​ദ്യാ​ർഥിക​ള്‍ ആ ​അ​ക്ഷ​രം എ​ളു​പ്പം ഓ​ര്‍ക്കും. അ​തു​കൊ​ണ്ട് ഇ​വി​ടെ അ​തു​ച്ച​രി​ക്കു​ന്ന ശ​ബ്ദ​മ​നു​സ​രി​ച്ച് N​ew എ​ന്ന് ഇം​ഗ്ലീ​ഷി​ല്‍ എ​ടു​ക്കാം. അ​തു മൂ​ന്നു​ത​വ​ണ ആ​വ​ര്‍ത്തി​ച്ചി​രി​ക്കു​ന്നു. വാ​സ്ത​വ​ത്തി​ല്‍ ആ ​ആ​വ​ര്‍ത്ത​നം വെ​റു​തേ​യാ​ണ്. മ​റ്റെ​ല്ലാം മൂ​ന്നു​ത​വ​ണ എ​ഴു​തി​യി​രി​ക്കു​ന്നു​ണ്ട​ല്ലോ, ആ ​ഒ​രു​മ​യു​ടെ ഭം​ഗി​ക്കു​വേ​ണ്ടി മാ​ത്രം. അ​ങ്ങ​നെ മൊ​ത്ത​ത്തി​ല്‍ വാ​യി​ക്കു​മ്പോ​ള്‍ H​appy N​ew Y​e​ar... എ​ളു​പ്പ​മ​ല്ലേ? ഒ​രു ‘എ​ലി​മെ​ന്‍റ​റി, മൈ ​ഡി​യ​ര്‍ വാ​ട്സ​ണ്‍!’ എ​ന്നുപ​റ​യാ​ന്‍ തോ​ന്നു​ന്നി​ല്ലേ?

അ​ല്ലെ​ങ്കി​ൽത​ന്നെ, പു​തു​വ​ര്‍ഷ​ത്തി​നു വ​രു​ന്ന ഒ​രു കാ​ര്‍ഡി​ല്‍ മ​റ്റെ​ന്താ​ണെ​ഴു​തു​ക! അ​ത​വി​ടെ നി​ൽക്ക​ട്ടെ. നേ​ര​ത്തേ പ​റ​ഞ്ഞ​തു​പോ​ലെ, ഞാ​ന്‍ അ​മ്പ​ര​ന്ന​ത് അ​ക്കാ​ര്യ​ത്തി​ല​ല്ല. എ​ളു​പ്പ​മു​ള്ള​താ​ണെ​ങ്കി​ലും ത​പോ​മ​യി​ക്കെ​ങ്ങ​നെ ഈ ​നി​ഗൂ​ഢ​ലി​പി​ക​ളി​ല്‍ എ​ഴു​താ​ന്‍ ക​ഴി​ഞ്ഞു? എ​ന്നെ അ​ല​ട്ടി​യ പ്ര​ശ്നം അ​തൊ​ന്നാ​യി​രു​ന്നു. ഒ​രുപ​ക്ഷേ, ഇ​തു പ​ഴ​യൊ​രു ഗ്രീ​റ്റിങ് കാ​ര്‍ഡാ​യി​രി​ക്കു​മോ? ത​പോ​മ​യി​യു​ടെ അ​ച്ഛ​ന്‍ ജീ​വി​ച്ചി​രി​ക്കു​ന്ന കാ​ല​ത്തു​ത​ന്നെ വാ​ങ്ങി​​െവ​ച്ച കാ​ര്‍ഡു​ക​ളി​ല്‍ ബാ​ക്കി​യു​ള്ള ഏ​തെ​ങ്കി​ലു​മൊ​ന്ന്? പ​ക്ഷേ, അ​ങ്ങ​നെ​യ​ല്ല. കാ​ര​ണം, പു​തി​യ വ​ര്‍ഷ​ത്തി​ന്‍റെ സ്ഥാ​ന​ത്ത് 2024 എ​ന്ന് വ്യ​ക്ത​മാ​യി കാ​ര്‍ഡി​ല്‍ പ്രി​ന്‍റ് ചെ​യ്തി​ട്ടു​ണ്ട്.

സാ​ധാ​ര​ണ ഇം​ഗ്ലീ​ഷി​ല്‍ ഹാ​പ്പി ന്യൂ ​ഇ​യ​ര്‍ എ​ന്നും അ​ച്ച​ടി​ച്ചി​രി​ക്കു​ന്നു. ര​ഹ​സ്യ​ലി​പി മാ​ത്ര​മാ​ണ് പേ​ന​കൊ​ണ്ട് എ​ഴു​തി​യി​ട്ടു​ള്ള​ത്. അ​പ്പോ​ള്‍ അ​യാ​ള്‍ ത​ന്നെ എ​ഴു​തി​യ​താ​വ​ണ​മ​ല്ലോ. ഇ​തെ​ങ്ങ​നെ സം​ഭ​വി​ച്ചു!? ഇ​നി ചി​ല​പ്പോ​ള്‍ പ​ഴ​യ ഏ​തെ​ങ്കി​ലും സ​ന്ദേ​ശ​ങ്ങ​ളി​ല്‍നി​ന്നോ കു​റി​പ്പു​ക​ളി​ല്‍നി​ന്നോ വെ​റു​തെ പ​ക​ര്‍ത്തി വ​ര​ച്ച​താ​വു​മോ എ​ന്നാ​യി എ​ന്‍റെ സം​ശ​യം. അ​ങ്ങ​നെ​യാ​ണെ​ങ്കി​ല്‍ക്കൂ​ടി, പ​ക​ര്‍ത്താ​നാ​യി​ട്ടാ​ണെ​ങ്കി​ലും ഈ ​മൂ​ന്നു വാ​ക്കു​ക​ളെ​ങ്കി​ലും തി​രി​ച്ച​റി​യാ​ന്‍ പാ​ക​ത്തി​ലു​ള്ള ഒ​രു ധാ​ര​ണ അ​യാ​ള്‍ക്കു​ണ്ടാ​യി​രി​ക്ക​ണ​മ​ല്ലോ.

ഇ​ങ്ങ​നെ ഒ​രു സ​ന്ദേ​ശം കി​ട്ടു​മ്പോ​ള്‍ ഞാ​ന്‍ വ​ള​രെ സ​ന്തോ​ഷി​ക്കു​മെ​ന്നും അ​യാ​ളെ അ​ഭി​ന​ന്ദി​ക്കു​മെ​ന്നും ത​പോ​മ​യി തീ​ര്‍ച്ച​യാ​യും പ്ര​തീ​ക്ഷി​ക്കു​ന്നു​ണ്ട്. കാ​ര​ണം വ​ള​രെ​ക്കാ​ലം അ​യാ​ള്‍ അ​ത്ത​ര​മൊ​രു ചി​ഹ്ന​ഭാ​ഷ​യി​ല്‍നി​ന്നും മാ​റി​ന​ട​ക്കു​ക​യാ​യി​രു​ന്ന​ല്ലോ. മ​റു​പ​ടി​യാ​യി അ​തേ പോ​ലെ​യു​ള്ള ഒ​രു കാ​ര്‍ഡു ത​ന്നെ ഞാ​ന​യ​ച്ചേ​ക്കും എ​ന്നും അ​യാ​ള്‍ പ്ര​തീ​ക്ഷി​ക്കു​ന്നു​ണ്ടാ​വ​ണം. അ​താ​വും ഉ​ചി​തം. അ​തെ​ന്തോ, എ​നി​ക്കു ചെ​റി​യൊ​രു സ​ന്ദേ​ഹം തോ​ന്നി. വേ​ണോ വേ​ണ്ട​യോ എ​ന്നു വി​ചാ​രി​ച്ചു കു​റ​ച്ചു​ദി​വ​സം ഞാ​ന്‍ ഉ​ഴ​പ്പി. ഒ​രാ​ഴ്ച​യോ​ളം ക​ഴി​ഞ്ഞ​പ്പോ​ള്‍ അ​യാ​ളു​ടെ മ​റ്റൊ​രു സ​ന്ദേ​ശം എ​നി​ക്കു വാ​ട്സ്ആപ്പി​ല്‍ കി​ട്ടി: ‘‘ഞാ​നൊ​രു പു​തു​വ​ത്സ​ര​ക്കാ​ര്‍ഡ് അ​യ​ച്ചി​രു​ന്നു.

കി​ട്ടി​യി​ല്ലേ?’’ ‘‘കി​ട്ടി. വ​ള​രെ സ​ന്തോ​ഷം’’, എ​ളു​പ്പ​ത്തി​ല്‍ അ​യാ​ള്‍ക്ക് ന​ന്ദി പ​റ​ഞ്ഞു​കൊ​ണ്ട് ഞാ​ന്‍ തി​രി​ച്ചും ഒ​രു സ​ന്ദേ​ശം അ​യ​ച്ചു. കു​റേ വ​ര്‍ഷ​ങ്ങ​ള്‍ക്കു ശേ​ഷ​മാ​ണ് ഇ​ങ്ങ​നെ ‘തൊ​ട്ടു​നോ​ക്കാ​വു​ന്ന’ ഒ​രു ന​വ​വ​ത്സ​രാ​ശം​സ വ​ന്നു​ചേ​രു​ന്ന​ത് എ​ന്നു​കൂ​ടി മ​റു​പ​ടി​യി​ല്‍ പ​റ​ഞ്ഞി​രു​ന്നു. അ​യാ​ള്‍ വീ​ണ്ടും എ​ഴു​തി: ഞാ​ന്‍ ‘നി​ങ്ങ​ളു​ടെ’ ഭാ​ഷ പ​ഠി​ച്ച​തി​നെ​ക്കു​റി​ച്ച് ഒ​ന്നും പ​റ​ഞ്ഞി​ല്ല. ‘‘ഓ! ​ഗ്രേ​റ്റ്!’’ ഞാ​ന്‍ ഒ​രു വോ​യ്സ് ക്ലി​പ്പ് വി​ട്ടു. ‘‘ഇ​നി ന​മു​ക്ക് ആ ​ഭാ​ഷ​യി​ൽത​ന്നെ​യാ​വാം എ​ഴു​ത്തു​കു​ത്തു​ക​ള്‍.’’ ഇ​ത്ത​വ​ണ ഒ​രു സ്മൈ​ലി​യാ​യി​രു​ന്നു അ​യാ​ളു​ടെ മ​റു​പ​ടി.

ഓ​ര്‍ത്തു​ നോ​ക്കു​മ്പോ​ള്‍, ഏ​താ​ണ്ട് നാ​ല​ഞ്ചു​ കൊ​ല്ല​മാ​യി എ​നി​ക്ക് ത​പോ​മ​യി​യെ അ​റി​യാം. കൃ​ത്യ​മാ​യി പ​റ​ഞ്ഞാ​ല്‍ ര​ണ്ടാ​യി​ര​ത്തി പ​തി​നെ​ട്ട് ഒ​ക്ടോ​ബ​ര്‍ മാ​സം മു​ത​ല്‍. ദി​ല്ലി​യി​ല്‍, അ​ഭ​യാ​ർഥിക​ള്‍ക്കി​ട​യി​ല്‍ പ്ര​വ​ര്‍ത്തി​ക്കു​ന്ന ‘ഷെ​ല്‍ട്ട​ര്‍’ എ​ന്ന പേ​രി​ലു​ള്ള ഒ​രു സ​ന്ന​ദ്ധ​സം​ഘ​ട​ന​യു​ടെ ചു​മ​ത​ല​ക്കാ​ര​നാ​യി​രു​ന്നു അ​യാ​ള്‍. ഇ​പ്പോ​ഴും അ​തേ. കൂ​ടെ പ്ര​വ​ര്‍ത്തി​ക്കാ​ന്‍ കു​റ​ച്ചാ​ളു​ക​ള്‍ മാ​ത്ര​മു​ള്ള, വി​പു​ല​മാ​യ സം​വി​ധാ​ന​ങ്ങ​ളോ സ​മ്പ​ത്തോ ഒ​ന്നും ഇ​ല്ലാ​ത്ത ചെ​റി​യൊ​രു സം​ഘ​ട​ന.

ആ ​നി​ല​ക്ക്, ത​പോ​മ​യി ബ​റു​വ​യെ പ​രി​ച​യ​പ്പെ​ട്ട​ത് സ്വാ​ഭാ​വി​ക​മാ​യി​രു​ന്നു. അ​ന്ന​ത്തെ എ​ന്‍റെ സാ​ഹ​ച​ര്യ​ത്തി​ല്‍ അ​യാ​ളെ ക​ണ്ടു​മു​ട്ടാ​തി​രി​ക്കാ​നാ​വു​ക​യി​ല്ല. പ​ക്ഷേ, അ​യാ​ളു​ടെ അ​ച്ഛ​ന്‍? ശ​രി​യാ​ണ്, അ​ദ്ദേ​ഹ​ത്തെ പ​രി​ച​യ​പ്പെ​ട്ട​തി​ല്‍ തെ​ല്ലൊ​രു അ​ത്ഭു​ത​മു​ണ്ട്, ആ​ക​സ്മി​ക​ത​യും. അ​ക്കാ​ര്യം വ​ഴി​യേ വി​ശ​ദീ​ക​രി​ക്കാം.

അ​ഭ​യാ​ർഥി​ക​ള്‍ക്കി​ട​യി​ല്‍ പ്ര​വ​ര്‍ത്തി​ക്കു​ന്ന ഒ​രാ​ളു​മാ​യി എ​നി​ക്കെ​ങ്ങ​നെ​യാ​ണ് സൗ​ഹൃ​ദം എ​ന്ന​ല്ലേ? നേ​ര​ത്തേ സൂ​ചി​പ്പി​ച്ച​തു​പോ​ലെ സ്വാ​ഭാ​വി​ക​മാ​യി​രു​ന്നു അ​ത്. എ​ന്‍റെ തൊ​ഴി​ലി​ന്‍റെ ഭാ​ഗം എ​ന്നു വേ​ണ​മെ​ങ്കി​ല്‍ പ​റ​യാം. അ​യാ​ള്‍ മാ​ത്ര​മ​ല്ല, സ​ന്ന​ദ്ധ​സം​ഘ​ട​ന​ക​ളി​ല്‍പ്പെ​ട്ട കു​റേ​യേ​റെ ആ​ളു​ക​ളു​മാ​യി അ​ക്കാ​ല​ത്ത് അ​ടു​പ്പ​മു​ണ്ടാ​യി​രു​ന്നു. ഇ​രു​പ​തും ഇ​രു​പ​ത്ത​ഞ്ചു​മൊ​ക്കെ വ​യ​സ്സുള്ള ചെ​റു​പ്പ​ക്കാ​രാ​യി​രു​ന്നു അ​ധി​ക​വും. സോ​ഷ്യ​ല്‍ വ​ര്‍ക്കി​ല്‍ ബി​രു​ദാ​ന​ന്ത​ര​ പ​ഠ​നം പൂ​ര്‍ത്തി​യാ​ക്കി​യ​വ​ര്‍.

ത​പോ​മ​യി​യെ​പ്പോ​ലെ നാ​ൽപതി​ലെ​ത്തി​യ​വ​ര്‍ കു​റ​വാ​ണ്. ആ ​യു​വാ​ക്ക​ളൊ​ക്കെ ഇ​പ്പോ​ള്‍ അ​തേ മേ​ഖ​ല​ക​ളി​ല്‍ പ്ര​വ​ര്‍ത്തി​ക്കു​ന്നു​ണ്ടാ​വു​മോ? അ​റി​ഞ്ഞു​കൂ​ടാ. പ​ല​ര്‍ക്കും അ​വ​യൊ​ക്കെ ഇ​ട​ത്താ​വ​ള​ങ്ങ​ള്‍ മാ​ത്ര​മാ​യി​രു​ന്നി​രി​ക്ക​ണം. മ​റ്റു ജോ​ലി​ക​ള്‍ കി​ട്ടി ആ ​ന​ഗ​ര​ത്തി​ല്‍നി​ന്നും –ഒ​രുപ​ക്ഷേ, രാ​ജ്യ​ത്തി​ല്‍നി​ന്നുത​ന്നെ​യും– പോ​യി​ക്കാ​ണാ​നി​ട​യു​ണ്ട്. അ​വ​രാ​രു​മാ​യും പി​ന്നീ​ട് ബ​ന്ധ​പ്പെ​ട്ടി​ട്ടി​ല്ല. അ​തേ​സ​മ​യം, ത​പോ​മ​യി ബ​റു​വ​യു​മാ​യു​ള്ള സൗ​ഹൃ​ദം ഞാ​നി​പ്പോ​ഴും തു​ട​രു​ന്നു. അ​ക്കാ​ര്യ​ത്തി​ലും ചെ​റി​യൊ​രു അ​ത്ഭു​ത​മി​ല്ലാ​തി​ല്ല.

ത​പോ​മ​യി​യെ ഞാ​ന്‍ ആ​ദ്യം കാ​ണു​ന്ന​ത് ഓ​ഫീ​സി​ല്‍ ​െവ​ച്ചാ​ണ്. ഒ​രുദി​വ​സം ഉ​ച്ച​സ​മ​യ​ത്ത് അ​യാ​ള്‍ എ​ന്‍റെ മു​റി​യി​ല്‍ വ​ന്നു. ഞാ​ന്‍ അ​വി​ടേ​ക്കു സ്ഥ​ലം​മാ​റ്റ​മാ​യി വ​ന്നി​ട്ട് ഒ​രുമാ​സം ആ​കു​ന്ന​തേ ഉ​ണ്ടാ​യി​രു​ന്നു​ള്ളൂ. ‘‘ഓ, ​മു​മ്പു​ണ്ടാ​യി​രു​ന്ന ആ​ള്‍ പോ​യി അ​ല്ലേ!’’ വാ​തി​ല്‍ തു​റ​ന്ന് അ​യാ​ള്‍ കു​റേ​ക്കാ​ല​മാ​യി പ​രി​ച​യ​മു​ള്ള ഒ​രാ​ളെ​പ്പോ​ലെ ചി​രി​ച്ചു. ‘‘പ​ക്ഷേ, വീ​ണ്ടും മ​ല​യാ​ളി! ഓ, ​യൂ മ​ല്ലൂ​സ് റോ​ക്ക് എ​വ​രി​വേ​ര്‍.’’ എ​നി​ക്കു മു​ന്നേ അ​തേ ക​സേ​ര​യി​ലി​രു​ന്നി​രു​ന്ന ആ​ളെ​ക്കു​റി​ച്ച് അ​യാ​ള്‍ സൂ​ചി​പ്പി​ക്കു​ക​യാ​യി​രു​ന്നു.

ഞാ​ന്‍ പൊ​തു​വേ ന​ല്ല ഉ​യ​ര​മു​ള്ള ഒ​രാ​ളാ​യാ​ണ് പ​രി​ഗ​ണി​ക്ക​പ്പെ​ടു​ന്ന​ത്. എ​ന്നാ​ല്‍ ഇ​താ, എ​ന്നേ​ക്കാ​ളും ഉ​യ​ര​മു​ള്ള ഒ​രാ​ള്‍! ന​ര​ച്ച ജീ​ന്‍സും കൈ​യി​റ​ക്കം കു​റ​ഞ്ഞ ടീ​ഷര്‍ട്ടും. നെ​റ്റി​യി​ലേ​ക്ക് വീ​ണു​കി​ട​ക്കു​ന്ന മു​ടി​യി​ഴ​ക​ളെ മ​റ​യ്ക്കാ​ന്‍ ശ്ര​മി​ച്ചു​കൊ​ണ്ട് മു​ഷി​ഞ്ഞ ഫ്ലാ​പ്പു​ള്ള ഒ​രു തൊ​പ്പി. പ്ര​കാ​ശി​ക്കു​ന്ന ക​ണ്ണു​ക​ള്‍. ക​ട്ടി​യു​ള്ള മീ​ശ. ഇ​ട​യി​ലി​ട​യി​ല്‍ ന​ര പ്ര​ത്യ​ക്ഷ​പ്പെ​ട്ടു​തു​ട​ങ്ങി​യ താ​ടി. ആ​രും പെ​ട്ടെ​ന്ന് ശ്ര​ദ്ധി​ക്കും. ആ​ദ്യ​മാ​യി കാ​ണു​ക​യാ​ണെ​ങ്കി​ലും ഓ​ഫീ​സി​ലെ നി​ത്യ​സ​ന്ദ​ര്‍ശ​ക​നാ​ണ് അ​യാ​ളെന്ന് അ​പ്പോ​ള്‍ എ​നി​ക്കു മ​ന​സ്സി​ലാ​യി

സാ​മൂ​ഹി​ക​സേ​വ​നം ചെ​യ്യു​ന്ന സം​ഘ​ട​ന​ക​ള്‍ക്കാ​യി കോ​ര്‍പ​റേ​റ്റു​ക​ള്‍ അ​വ​രു​ടെ ലാ​ഭ​ത്തി​ന്‍റെ നി​ശ്ചി​ത​ ശ​ത​മാ​നം ചെ​ല​വ​ഴി​ക്ക​ണം എ​ന്നൊ​രു നി​ബ​ന്ധ​ന​യു​ണ്ട​ല്ലോ. ര​ണ്ടു ശ​ത​മാ​ന​മാ​ണെ​ന്നാ​ണ് എ​ന്‍റെ ഓ​ർമ. കോ​ര്‍പ​റേ​റ്റ് സോ​ഷ്യ​ല്‍ റെ​സ്പോ​ണ്‍സി​ബി​ലി​റ്റി (C​S​R) എ​ന്നു പ​റ​യും. അ​ങ്ങ​നെ​യു​ള്ള സാ​മ്പ​ത്തി​ക​സ​ഹാ​യ​ങ്ങ​ള്‍ അ​ന്വേ​ഷി​ച്ച് പ​ല ഭാ​ഗ​ത്തു​നി​ന്നും പ​ല​വി​ധ​ത്തി​ലു​ള്ള സാ​മൂ​ഹി​ക​സം​ഘ​ങ്ങ​ള്‍ ഓ​ഫീ​സ് സ​ന്ദ​ര്‍ശി​ക്കു​മാ​യി​രു​ന്നു. ഞ​ങ്ങ​ളു​ടെ സ്ഥാ​പ​ന​ത്തി​ല്‍ ഈ ​സാ​മ്പ​ത്തി​ക സ​ഹാ​യ​പ​ദ്ധ​തി​ക​ള്‍ കൈ​കാ​ര്യം ചെ​യ്യു​ന്ന വ​കു​പ്പി​ന്‍റെ ചു​മ​ത​ല​യി​ലേ​ക്കാ​ണ് ഞാ​ന്‍ സ്ഥ​ലം​മാ​റി വ​ന്ന​ത്. അ​ത് ആ ​സെ​പ്റ്റം​ബ​ര്‍ മാ​സ​ത്തി​ലാ​യി​രു​ന്നു. വൈ​കാ​തെ​ത്ത​ന്നെ ത​പോ​മ​യി​യെ​പ്പോ​ലെ​യു​ള്ള പ്ര​വ​ര്‍ത്ത​ക​രി​ല്‍ പ​ല​രും ഓ​ഫീ​സി​ല്‍ എ​ന്നെ കാ​ണാ​ന്‍ വ​ന്നു.

അ​യാ​ള്‍ സ്വ​യം പ​രി​ച​യ​പ്പെ​ടു​ത്തി. സ്ഥാ​പ​ന​ത്തി​ന്‍റെ പേ​രു പ​റ​ഞ്ഞു. ഞാ​ന്‍ ചി​ല ഫ​യ​ലു​ക​ളി​ല്‍ ആ ​പേ​ര് ക​ണ്ടി​ട്ടു​ള്ള​താ​യി ഓ​ര്‍ത്തു. മു​മ്പ് ചി​ല കാ​ര്യ​ങ്ങ​ളി​ല്‍ ഞ​ങ്ങ​ളു​ടെ സ്ഥാ​പ​നം ത​പോ​മ​യി​യു​ടെ സം​ഘ​ട​ന​ക്ക് ചി​ല സാ​മ്പ​ത്തി​ക​സ​ഹാ​യ​ങ്ങ​ള്‍ ചെ​യ്തു​കൊ​ടു​ത്തി​ട്ടു​ണ്ട്. അ​തു​കൊ​ണ്ടു​ത​ന്നെ, ഇ​ട​ക്കിടെ ക​ണ​ക്കു​ക​ള്‍ കാ​ണി​ക്കാ​നും പ്ര​വ​ര്‍ത്ത​ന​ങ്ങ​ള്‍ വി​ശ​ദീ​ക​രി​ക്കാ​നും അ​യാ​ള്‍ക്ക് ഓ​ഫീ​സി​ല്‍ വ​രേ​ണ്ട​തു​ണ്ടാ​യി​രു​ന്നു. ത​പോ​മ​യി വ​ന്ന​പ്പോ​ള്‍ എ​ന്‍റെ സ​ഹ​പ്ര​വ​ര്‍ത്ത​ക​രി​ല്‍ പ​ല​രും അ​ടു​ത്തു​വ​ന്ന് കു​ശ​ലം ചോ​ദി​ച്ചു.

സ​ന്ന​ദ്ധ​സം​ഘ​ട​ന​ക​ളി​ലെ ആ​ളു​ക​ള്‍ പൊ​തു​വേ ഓ​ഫീ​സി​ല്‍ എ​ല്ലാ​വ​രു​മാ​യും അ​ടു​പ്പം സൂ​ക്ഷി​ക്കു​ന്ന​വ​രാ​യി​രി​ക്കും. പ​ക്ഷേ, എ​ല്ലാം ഔ​ദ്യോ​ഗി​ക​മാ​യ ബ​ന്ധ​ങ്ങ​ള്‍. സ്ഥ​ലം മാ​റി​പ്പോ​യാ​ല്‍ പി​ന്നെ അ​ധി​ക​കാ​ല​മൊ​ന്നും അ​ത്ത​രം അ​ടു​പ്പ​ങ്ങ​ള്‍ നി​ല​നി​ൽക്കുക​യി​ല്ല. പു​തി​യ ആ​ളു​ക​ള്‍ വ​രും, ഫ​യ​ലു​ക​ള്‍ തു​ട​ര്‍ന്നു​പോ​കും. വ​ലി​യ ന​ഗ​ര​ങ്ങ​ളി​ലെ ഓ​ഫീ​സു​ക​ളി​ല്‍ അ​ങ്ങ​നെ വ്യ​ക്തി​ബ​ന്ധ​ങ്ങ​ള്‍ക്ക് സ്ഥാ​ന​മൊ​ന്നു​മി​ല്ല. അ​തു​കൊ​ണ്ടാ​ണ് അ​വി​ടെ​നി​ന്നു വി​ട്ടു​പോ​ന്നി​ട്ടും ത​പോ​മ​യി​യു​മാ​യു​ള്ള ബ​ന്ധം തു​ട​ര്‍ന്നു​പോ​രു​ന്ന​തി​ല്‍ അ​സാ​ധാ​ര​ണ​മാ​യി ചി​ല​തു​ണ്ടെ​ന്നു പ​റ​ഞ്ഞ​ത്.

ഞാ​ന്‍ ര​ണ്ടു​ വ​ര്‍ഷ​ത്തോ​ള​മേ അ​വി​ടെ​യു​ണ്ടാ​യി​രു​ന്നു​ള്ളൂ. പ​ക്ഷേ, വി​ട്ടു​പോ​ന്നി​ട്ടും ത​പോ​മ​യി കൂ​ടെ​യു​ണ്ട്. ഇ​ട​ക്കെ​ല്ലാം കു​ശ​ലം ചോ​ദി​ച്ചു​കൊ​ണ്ടു​ള്ള ഒ​രു ഫോ​ണ്‍കോ​ള്‍, അ​യാ​ളു​ടെ സം​ഘ​ട​ന​യു​ടെ പു​തി​യ പ്ര​വ​ര്‍ത്ത​ന​ങ്ങ​ള്‍ വി​വ​രി​ക്കു​ന്ന വീ​ഡി​യോ​യോ മ​റ്റോ, അ​ല്ലെ​ങ്കി​ല്‍ ഹോ​ളി​ക്കോ ദീ​പാ​വ​ലി​ക്കോ പു​തു​വ​ത്സ​ര​ത്തി​നോ ഒ​ക്കെ വ​രു​ന്ന ആ​ശം​സ​ക​ള്‍: ഈ ​മൂ​ന്നു വ​ര്‍ഷ​ത്തി​നു​ശേ​ഷ​വും അ​തെ​ല്ലാം നി​ല​നി​ൽക്കുന്നു. പ​ല​പ്പോ​ഴും ഞാ​ന്‍ മ​റു​പ​ടി അ​യ​ക്കു​ന്ന പ​തി​വു​മി​ല്ല. എ​ന്നാ​ലും അ​യാ​ള്‍ അ​തു തു​ട​രു​ന്നു. പി​ന്നീ​ടൊ​രി​ക്ക​ല്‍ ദി​ല്ലി​യി​ല്‍ പോ​യ​പ്പോ​ള്‍ അ​യാ​ള്‍ ഏ​തോ യാ​ത്ര​യി​ലാ​യി​രു​ന്നു, നേ​രി​ട്ടു ക​ണ്ടി​ല്ല. ഇ​ക്കാ​ല​യ​ള​വി​നു​ള്ളി​ല്‍ അ​യാ​ള്‍ കൂ​ടു​ത​ല്‍ തി​ര​ക്കു​ക​ളി​ലേ​ക്കു പോ​യി​ട്ടു​ണ്ടാ​വും എ​ന്നു ഞാ​നൂ​ഹി​ച്ചു. നേ​രേ മ​റി​ച്ച്, തി​ടു​ക്കം നി​റ​ഞ്ഞ ഒ​രു ഔ​ദ്യോ​ഗി​ക​മേ​ഖ​ല​യി​ല്‍നി​ന്നും ഒ​ഴി​ഞ്ഞ് ഏ​റക്കു​റെ ശാ​ന്ത​മാ​യ ഒ​രു ജീ​വി​ത​ത്തി​ലേ​ക്ക് ഞാ​ന്‍ കൂ​ടു​മാ​റി.

ത​പോ​മ​യി​യു​മാ​യി പ​രി​ച​യ​​െപ്പ​ട്ട കാ​ല​ത്തി​ലേ​ക്കു തി​രി​ച്ചു വ​രാം. ആ ​ഒ​ക്ടോ​ബ​ര്‍ അ​വ​സാ​നം: ന​ഗ​രം ത​ണു​പ്പു​കാ​ല​ത്തി​ലേ​ക്ക് പ​തി​യെ ചു​വ​ടു​വെക്കുന്ന സ​മ​യം. ത​പോ​മ​യി​യെ ക​ണ്ടു​മു​ട്ടി കു​റ​ച്ചു​നാ​ള്‍ ക​ഴി​ഞ്ഞ​പ്പോ​ള്‍ ത​ന്നെ അ​യാ​ളു​ടെ അ​ച്ഛ​നെ​യും പ​രി​ച​യ​പ്പെ​ട്ടു. അ​തു​പ​ക്ഷേ, തീ​ര്‍ത്തും അ​വി​ചാ​രി​ത​മാ​യി​രു​ന്നു. ആ​ലോ​ചി​ക്കു​മ്പോ​ള്‍ ജീ​വി​ത​ത്തി​ല്‍ ചി​ല നി​ഗൂ​ഢ​ത​ക​ളു​ണ്ട്.

ഓ​ഫീ​സി​ല്‍ വ​രു​ന്ന​വ​രു​മാ​യി സൗ​ഹൃ​ദ​മു​ണ്ടാ​കാ​മെ​ന്ന​ത് ഒ​രു പ​രി​ധിവ​രെ ശ​രി​യാ​ണെ​ന്നു​വ​രി​കി​ലും അ​വ​രു​ടെ വീ​ട്ടി​ലു​ള്ള ഒ​രാ​ളെ, അ​തും കാ​ല​ങ്ങ​ളാ​യി പു​റ​ത്തി​റ​ങ്ങാ​ത്ത ഒ​രു വ​യോ​വൃ​ദ്ധ​നെ പ​രി​ച​യ​പ്പെ​ടു​ക, പി​ന്നീ​ട് ഹ്ര​സ്വ​കാ​ല​മാ​ണെ​ങ്കി​ലും അ​ടു​ത്തബ​ന്ധം പു​ല​ര്‍ത്തു​ക എ​ന്ന​തെ​ല്ലാം ഇ​ന്നാ​ലോ​ചി​ക്കു​മ്പോ​ള്‍ ഒ​രു വി​സ്മ​യംപോ​ലെ തോ​ന്നു​ന്നു. അ​താ​ണ്, അ​ക്കാ​ര്യ​ത്തി​ല്‍ ഒ​രു ആ​ക​സ്മി​ക​തകൂ​ടി പ്ര​വ​ര്‍ത്തി​ച്ചി​ട്ടു​ണ്ടെ​ന്നു പ​റ​ഞ്ഞ​ത്. നേ​രേ​മ​റി​ച്ച്, ഞ​ങ്ങ​ള്‍ ത​മ്മി​ല്‍ പ​രി​ച​യ​പ്പെ​ടാ​നു​ള്ള സാ​ഹ​ച​ര്യം ഒ​രു​ങ്ങി​വ​ന്ന​ത് ത​ന്‍റെ ഒ​രു പി​ഴ​വി​ല്‍നി​ന്നാ​യി​രു​ന്നു എ​ന്നാ​ണ് ത​പോ​മ​യി പ​റ​യു​ക. ‘ഗൂ​ഢ​ഭാ​ഷ​യി​ല്‍ കൂ​ടോ​ത്രം ചെ​യ്യു​ന്ന​വ​രെ പ​രി​ച​യ​പ്പെ​ടു​ത്തേ​ണ്ടി​യി​രു​ന്നി​ല്ല!’ അ​യാ​ള്‍ ചി​രി​ക്കും. എ​ന്നാ​ല്‍, പി​ഴ​വി​നേ​ക്കാ​ളു​പ​രി, അ​യാ​ള്‍ക്കു സം​ഭ​വി​ച്ച ഒ​രു മ​റ​വി​യി​ല്‍നി​ന്നാ​ണ് സം​ഭ​വ​ങ്ങ​ളു​ടെ തു​ട​ക്കം. കൃ​ത്യ​മാ​യി പ​റ​ഞ്ഞാ​ല്‍ ത​പോ​മ​യി മ​റ​ന്നു​​െവ​ച്ച അ​യാ​ളു​ടെ അ​ച്ഛ​ന്‍റെ ഒ​രു മ​രു​ന്നു കു​റി​പ്പ​ടി​യി​ല്‍നി​ന്ന്.

–ഒ​ന്നു​കൂ​ടി വ്യ​ക്ത​മാ​ക്കി​യാ​ല്‍, കു​റി​പ്പ​ടി​യു​ടെ പി​ന്നി​ല്‍ അ​ച്ഛ​ന്‍ കോ​റി​വ​ര​ച്ചി​ട്ട ചി​ല ചി​ത്ര​ങ്ങ​ളി​ല്‍നി​ന്ന്.

ഗോ​പാ​ല്‍ ബ​റു​വ എ​ന്നാ​യി​രു​ന്നു അ​ദ്ദേ​ഹ​ത്തി​ന്‍റെ പേ​ര്. ഇ​പ്പോ​ഴും ത​പോ​മ​യി​യെ​ക്കു​റി​ച്ച് ഓ​ര്‍ക്കു​മ്പോ​ഴെ​ല്ലാം ഞാ​ന്‍ ഗോ​പാ​ല്‍ ബ​റു​വ​യെ​യും ഓ​ര്‍ക്കും. അ​ദ്ദേ​ഹ​വു​മാ​യി ചെ​ല​വ​ഴി​ച്ചി​രു​ന്ന ചി​ല സാ​യാ​ഹ്ന​ങ്ങ​ള്‍. നേ​ര​ത്തേ സൂ​ചി​പ്പി​ച്ച​തു​പോ​ലെ, ഞ​ങ്ങ​ള്‍ പ​ങ്കി​ട്ടി​രു​ന്ന ചി​ല സ​വി​ശേ​ഷ​മാ​യ ഇ​ഷ്ട​വി​ഷ​യ​ങ്ങ​ള്‍. വി​ഷ​യ​ങ്ങ​ള്‍ എ​ന്ന് ഒ​രാ​വേ​ശ​ത്തി​നു പ​റ​ഞ്ഞെ​ന്നേ​യു​ള്ളൂ, സം​ഗ​തി ബ​ഹു​വ​ച​ന​മ​ല്ല.

ശ​രി​ക്കും ഒ​രേ ഒ​രു വി​ഷ​യം. അ​തി​ല്‍ ദീ​ര്‍ഘ​കാ​ല​ത്തെ പ​ഠ​ന​ങ്ങ​ള്‍കൊ​ണ്ടും പ​രി​ശീ​ല​നംകൊ​ണ്ടും അ​ദ്ദേ​ഹം സ്വാ​യ​ത്ത​മാ​ക്കി​യി​രു​ന്ന അ​റി​വു​ക​ള്‍. ഒ​രി​ക്ക​ലും എ​നി​ക്കു മ​ന​സ്സി​ലാ​ക്കാ​നാ​വാ​തി​രു​ന്ന ചി​ല പ്ര​ശ്ന​ങ്ങ​ള്‍ അ​ദ്ദേ​ഹം എ​ളു​പ്പം, ഒ​റ്റ​നോ​ട്ട​ത്തി​ൽത​ന്നെ പ​രി​ഹ​രി​ച്ചു. നേ​രേ മ​റി​ച്ചു​ള്ള കാ​ര്യ​വും ശ​രി​യാ​ണ്. ഗോ​പാ​ല്‍ ബ​റു​വ​യു​ടെ മ​ര​ണ​ശേ​ഷം അ​ദ്ദേ​ഹ​ത്തി​ന്‍റെ ജീ​വി​ത​ത്തി​ലെ ചി​ല നി​ഗൂ​ഢ​ത​ക​ളെ ഇ​ഴ​പി​രി​ക്കാ​ന്‍ ഞാ​ന്‍ പ​രി​ശ്ര​മി​ച്ച​തും ഈ ​പ​രി​ശീ​ല​നംകൊ​ണ്ടാ​യി​രു​ന്നു. അ​ദ്ദേ​ഹം പ​റ​യാ​ന്‍ മ​ടി​ച്ചി​രു​ന്ന, അ​ല്ലെ​ങ്കി​ല്‍ ത​ന്നോ​ടൊ​പ്പം മ​ണ്ണ​ടി​ഞ്ഞു​പോ​വ​ട്ടെ എ​ന്നു ക​രു​തി​യി​രു​ന്ന ര​ഹ​സ്യ​ങ്ങ​ള്‍.

ഇ​പ്പോ​ള്‍ ത​പോ​മ​യി​യു​ടെ ആ​ശം​സാ​ കാ​ര്‍ഡ് കി​ട്ടി​യ​പ്പോ​ള്‍ ഞാ​ന​തെ​ല്ലാം ഓ​ര്‍ക്കു​ന്നു. എ​ങ്കി​ലും അ​ദ്ദേ​ഹം മ​റ​ന്നു​ക​ള​യാ​നാ​ഗ്ര​ഹി​ച്ച ഒ​രു ജീ​വി​ത​ത്തി​ന്‍റെ ഗു​ഹാ​ലി​ഖി​ത​ങ്ങ​ളി​ലേ​ക്കു​ള്ള ഒ​രു താ​ക്കോ​ല്‍വാ​ക്യം ഇ​പ്പോ​ള്‍ ത​പോ​മ​യി​യു​ടെ കൈ​യി​ലും ഉ​ണ്ട​ല്ലോ എ​ന്ന ചെ​റി​യൊ​രു ആ​ശ​ങ്ക എ​ന്നെ​യി​പ്പോ​ള്‍ കു​ഴ​ക്കു​ന്നു​ണ്ട്. ഒ​രുപ​ക്ഷേ, അ​യാ​ള്‍ അ​ത് എ​വി​ടെ​നി​ന്നെ​ങ്കി​ലും പ​ക​ര്‍ത്തി എ​ഴു​തി​യ​താ​വാമെ​ന്ന് ഞാ​ന്‍ ആ​ശ്വ​സി​ക്കാ​ന്‍ ശ്ര​മി​ച്ചു. ഒ​രു ചെ​റി​യ സ​ന്ദേ​ശ​ത്തി​ന​പ്പു​റ​ത്ത് കൂ​ടു​ത​ലൊ​ന്നും അ​യാ​ള്‍ എ​ഴു​തി​യി​ട്ടി​ല്ല​ല്ലോ എ​ന്ന ആ​ശ്വാ​സം. കു​റ​ച്ചു​കാ​ല​ത്തെ കൗ​തു​കം ക​ഴി​യു​മ്പോ​ള്‍ അ​തെ​ല്ലാം മ​റ​ന്നു​പോ​കാം. വി​ശേ​ഷി​ച്ചും ത​പോ​മ​യി​യെ​പ്പോ​ലെ ഇ​രി​ക്ക​പ്പൊ​റു​തി​യി​ല്ലാ​ത്ത വി​ധം തി​ര​ക്കു​ക​ളി​ല്‍ മു​ഴു​കു​ന്ന ഒ​രാ​ള്‍.

എ​ന്‍റെ സ്മ​ര​ണ​ക​ളി​ല്‍ ഇ​പ്പോ​ള്‍ നി​റ​യു​ന്ന​ത് തി​ര​ക്കു​ക​ള്‍ സാ​ന്ദ്ര​മാ​ക്കി​യ ആ ​ഒ​രു കാ​ല​മാ​ണ്, അ​ന്ന​ത്തെ അ​നു​ഭ​വ​ങ്ങ​ളാ​ണ്. അ​തി​ല്‍ ത​പോ​മ​യി നി​റ​ഞ്ഞു​നി​ൽക്കുന്നു. അ​തേ​സ​മ​യം, അ​യാ​ള്‍ മാ​ത്ര​മാ​യി​ട്ട​ല്ല. ത​പോ​മ​യി ഒ​പ്പം കൂ​ട്ടി​യ അ​ഭ​യാ​ർഥി​ക​ളു​ണ്ട്. അ​വ​രു​ടെ ജീ​വി​ത​വും അ​തി​ജീ​വ​ന​വു​മു​ണ്ട്. ഓ​ര്‍ത്തു​നോ​ക്കി​യാ​ല്‍, ഏ​റ്റ​വും വ​ലി​യൊ​രു അ​ഭ​യാ​ർഥി എ​ന്നു പ​റ​യാ​വു​ന്ന ഗോ​പാ​ല്‍ ബ​റു​വ​യു​ണ്ട്. അ​ദ്ദേ​ഹം വി​ട്ടു​പോ​ന്ന ദേ​ശ​ങ്ങ​ളും മ​നു​ഷ്യ​രും, അ​തു​പോ​ലെ​ത്ത​ന്നെ പി​ന്നീ​ട് എ​ത്തി​ച്ചേ​ര്‍ന്ന ദേ​ശ​ങ്ങ​ളും മ​നു​ഷ്യ​രു​മെ​ല്ലാം പ​ര​സ്പ​രം ഇ​ഴ​ചേ​ര്‍ന്നു നി​ൽക്കുന്നു.

അ​തി​നെ​ല്ലാ​മ​പ്പു​റ​ത്ത്, ആ​ത്മ​ഭാ​ഷ​ണ​ങ്ങ​ളെ​ന്നോ ആ​ത്മ​വി​ചാ​ര​ണ​ക​ളെ​ന്നോ ഒ​ക്കെ​പ്പ​റ​യാ​വു​ന്ന രീ​തി​യി​ലു​ള്ള ചി​ല​തെ​ല്ലാം എ​ഴു​തി​വെക്കാ​ന്‍ അ​ദ്ദേ​ഹം സ്വീ​ക​രി​ച്ച വി​ചി​ത്ര​മാ​യൊ​രു ഗൂ​ഢ​ഭാ​ഷ​യു​ടെ ക​ഥ​കൂ​ടി​യു​ണ്ട്. ഇ​പ്പോ​ള്‍ ത​പോ​മ​യി എ​നി​ക്ക​യ​ച്ച സ​ന്ദേ​ശ​ത്തി​ല്‍ ഉ​ള്ള​തു​പോ​ലെ പ​ല​ത​രം വി​ചി​ത്ര​ ചി​ഹ്ന​ങ്ങ​ള്‍...

–ഏ​തി​നും, ത​പോ​മ​യി​യു​മാ​യു​ള്ള എ​ന്‍റെ സൗ​ഹൃ​ദം ഒ​രു നി​മി​ത്ത​മാ​യി എ​ന്നേ പ​റ​യാ​നു​ള്ളൂ.

അ​തീ​വ​ശാ​ന്ത​നാ​യ ഒ​രു മ​നു​ഷ്യ​നാ​യി​രു​ന്നു ഗോ​പാ​ല്‍ദാ. ഉ​പ​യോ​ഗി​ച്ചു തേ​ഞ്ഞു​പോ​യ ഒ​രു ഉ​പ​മ എ​ടു​ത്താ​ല്‍ ബു​ദ്ധ​നെ​പ്പോ​ലെ ശാ​ന്ത​ന്‍. അ​ല്ലെ​ങ്കി​ല്‍ മ​ന​സ്സി​ലെ എ​ല്ലാ തി​ര​യി​ള​ക്ക​ങ്ങ​ളെ​യും നി​സ്സം​ഗ​മാ​യൊ​രു മു​ഖ​ഭാ​വംകൊ​ണ്ട് മ​റ​ച്ചു​പി​ടി​ക്കാ​ന്‍ കെ​ൽപുള്ള ഒ​രാ​ള്‍. ഞാ​നി​പ്പോ​ള്‍ എ​ത്ര​യോ ദൂ​രെ​യി​രു​ന്ന് ഭൂ​മി​യി​ല്‍നി​ന്നു​ത​ന്നെ​യും മ​റ​ഞ്ഞു​പോ​യ ഒ​രാ​ളെ​ക്കു​റി​ച്ചോ​ര്‍ക്കു​ന്നു. ഓ​ര്‍ക്കു​മ്പോ​ള്‍ എ​ന്‍റെ മ​ന​സ്സി​ല്‍ വ​രു​ന്ന​ത് ഒ​രു ദൃ​ശ്യ​മാ​ണ്. പു​രാ​ത​ന​മാ​യ ആ ​വീ​ടി​ന്‍റെ ചോ​ര്‍ന്നൊ​ലി​ക്കു​ന്ന വ​രാ​ന്ത​യി​ല്‍, ഒ​ര​റ്റ​ത്ത് ഒ​രു പ​ഴ​യ മ​ര​ക്ക​സേ​ര​യി​ലി​രു​ന്ന് മ​ഴ പെ​യ്യു​ന്ന​തു നോ​ക്കി​ക്കൊ​ണ്ടി​രി​ക്കു​ന്ന ഗോ​പാ​ല്‍ ബ​റു​വ. ഇ​ട​ക്കെ​ല്ലാം വെ​ള്ള​ത്തു​ള്ളി​ക​ള്‍ ആ ​ശ​രീ​ര​ത്തി​ല്‍ വീ​ണു​കൊ​ണ്ടി​രു​ന്നു.

അ​വ അ​ദ്ദേ​ഹ​ത്തി​ന്‍റെ അ​യ​ഞ്ഞ കു​പ്പാ​യ​ത്തി​ല്‍ ന​ന​വു​ള്ള ഭൂ​പ​ട​ങ്ങ​ള്‍ സൃ​ഷ്ടി​ച്ചു. പ​ക്ഷേ, അ​ദ്ദേ​ഹം ശ്ര​ദ്ധി​ച്ചി​ല്ല. ഈ ​പെ​യ്യു​ന്ന മ​ഴ​യ​ല്ല; പ​ക​രം പ​ഴ​യ, വ​ള​രെ പ്രാ​ചീ​ന​മാ​യൊ​രു മ​ഴ​യാ​ണ് താ​ന്‍ കാ​ണു​ന്ന​ത് എ​ന്നാ​യി​രു​ന്നു അ​ദ്ദേ​ഹം പ​റ​ഞ്ഞി​രു​ന്ന​ത്. വ​യ​സ്സു​ചെ​ന്ന ഒ​രാ​ള്‍ എ​ന്തെ​ങ്കി​ലും പ​റ​യു​ക​യാ​വു​മെ​ന്നേ ഞാ​ന്‍ അ​പ്പോ​ഴെ​ല്ലാം വി​ചാ​രി​ച്ചു​ള്ളൂ. പി​ന്നീ​ട്, അ​ദ്ദേ​ഹ​ത്തി​ന്‍റെ മ​ര​ണ​ശേ​ഷ​മാ​ണ് അ​തു സ​ത്യ​മാ​ണെ​ന്ന് എ​നി​ക്കു മ​ന​സ്സി​ലാ​യ​ത്.

–ശ​രി​ക്കും അ​തൊ​രു പ​ഴ​യ മ​ഴ ത​ന്നെ​യാ​യി​രു​ന്നി​ല്ലേ? മ​ന​സ്സി​ല്‍നി​ന്നും ഒ​രി​ക്ക​ലും തോ​ര്‍ന്നു​പോ​കാ​ത്ത, കാ​ലം ചെ​ല്ലു​ന്തോ​റും ക​ന​ത്തു​ ക​ന​ത്തു​ വ​രു​ന്ന അ​ശാ​ന്ത​മാ​യ മ​ഴ. നൂ​റു കു​ട ചൂ​ടി​യാ​ലും അ​തി​ല്‍ ഒ​രാ​ള്‍ക്ക് ചോ​ര്‍ന്നൊ​ലി​ക്കാ​തെ വ​യ്യ...

(തുടരും)