യേ​ശു​ദാ​സി​ന്റെ അ​ഭി​ന​യം; സ​ലി​ൽ ചൗ​ധ​രി​യു​ടെ ആ​ഗ​മ​നം

'മ​ണ​വാ​ട്ടി', 'കാ​ത്തി​രു​ന്ന നി​ക്കാ​ഹ്' എ​ന്നീ ചി​ത്ര​ങ്ങ​ൾ​ക്കു ശേ​ഷം ത​ങ്കം മൂ​വീ​സി​ന്റെ ബാ​ന​റി​ൽ രാ​ജു എം. ​മാ​ത്ത​ൻ നി​ർ​മി​ച്ച മൂ​ന്നാ​മ​ത്തെ ചി​ത്ര​മാ​ണ് 'ക​ല്യാ​ണ​രാ​ത്രി​യി​ൽ', എം. ​കൃ​ഷ്ണ​ൻ നാ​യ​രാ​ണ് ചി​ത്രം സം​വി​ധാ​നം ചെ​യ്ത​ത്. എ​സ്.​എ​ൽ പു​രം സ​ദാ​ന​ന്ദ​ൻ തി​ര​ക്ക​ഥ​യും സം​ഭാ​ഷ​ണ​വും ര​ചി​ച്ച ഈ ​ചി​ത്ര​ത്തി​ലും അ​വ​രു​ടെ ര​ണ്ടു മു​ൻ ചി​ത്ര​ങ്ങ​ളി​ലു​മെ​ന്ന​പോ​ലെ വ​യ​ലാ​റും ദേ​വ​രാ​ജ​നും ചേ​ർ​ന്നാ​ണ് പാ​ട്ടു​ക​ൾ ഒ​രു​ക്കി​യ​ത്. എ​സ്. ജാ​ന​കി, പി. ​ലീ​ല, ജ​യ​ച​ന്ദ്ര​ൻ, എ​ൽ.​ആ​ർ. ഈ​ശ്വ​രി എ​ന്നി​വ​ർ ഗാ​ന​ങ്ങ​ൾ പാ​ടി. ദേ​വ​രാ​ജ​ൻ മാ​സ്റ്റ​ർ ആ​ദ്യ​കാ​ല​ത്ത് ത​ന്റെ ഇ​ഷ്ട​ഗാ​യി​ക​യാ​യി ക​ണ്ടി​രു​ന്ന​ത് പി. ​സു​ശീ​ല​യെ​യാ​ണ്. എ​ന്നാ​ൽ, 'ക​ല്യാ​ണ​രാ​ത്രി​യി​ൽ' എ​ന്ന സി​നി​മ​യി​ൽ അ​ദ്ദേ​ഹം എ​സ്. ജാ​ന​കി​ക്കാ​ണ് മി​ക​ച്ച ഗാ​ന​ങ്ങ​ൾ ന​ൽ​കി​യ​ത്. ര​ച​ന​യി​ലും സം​ഗീ​ത​ത്തി​ലും ശാ​ലീ​ന​സൗ​ന്ദ​ര്യം തി​ക​ഞ്ഞ ''അ​ല്ലി​യാ​മ്പ​ൽ​പ്പൂ​വു​ക​ളേ...'' എ​ന്ന യു​ഗ്മ​ഗാ​നം ജ​യ​ച​ന്ദ്ര​നും എ​സ്. ജാ​ന​കി​യും ചേ​ർ​ന്നാ​ണു പാ​ടി​യി​രി​ക്കു​ന്ന​ത്.

''അ​ല്ലി​യാ​മ്പ​ൽ​പ്പൂ​വു​ക​ളേ/​അ​ർ​ധ​ന​ഗ്ന​ഗാ​ത്രി​ക​ളേ/​നി​ലാ​വി​ന്റെ നീ​ന്ത​ൽ​പ്പൊ​യ്ക​യി​ൽ / നീ​രാ​ടും തോ​ഴി​ക​ളേ'' എ​ന്നു തു​ട​ങ്ങു​ന്ന ഈ ​പ്ര​ശ​സ്ത ഗാ​ന​ത്തി​ന്റെ തു​ട​ർ​ന്നു​ള്ള വ​രി​ക​ളും പ​ല്ല​വി​പോ​ലെത​ന്നെ മ​നോ​ഹ​ര​ങ്ങ​ളാ​ണ്. ''നി​ങ്ങ​ടെ ക​ട​വി​ൽ ച​ന്ദ​ന​പ്പ​ട​വി​ൽ/​ഞ​ങ്ങ​ൾ​ക്ക് കു​ളി​ക്കാ​നി​ട​മു​ണ്ടോ/ നി​ങ്ങ​ടെ​ക​യ്യി​ലെ കു​ളി​രി​ല​ക്കു​മ്പി​ളി​ൽ/ ഞ​ങ്ങ​ൾ​ക്ക് ചൂ​ടാ​ൻ പൂ​വു​ണ്ടോ..? /മാ​റി​ൽ നി​ങ്ങ​ൾ വാ​രി​ചൂ​ടി​യൊ-/ രീ​റ​ൻ പൂ​ഞ്ചേ​ല/ മാ​റി​യു​ടു​ക്കാ​ൻ ഞ​ങ്ങ​ൾ​ക്ക് ത​രു​മോ/​മ​ഞ്ഞി​ന്റെ പൂ​ഞ്ചേ​ല...'' എ​ന്നി​ങ്ങ​നെ​യു​ള്ള വ​രി​ക​ളി​ൽ വ​ഴി​ഞ്ഞൊ​ഴു​കു​ന്ന​ത് ക​റ​യ​റ്റ കാ​വ്യ​സൗ​ന്ദ​ര്യംത​ന്നെ​യാ​ണ്. എ​സ്. ജാ​ന​കി ത​ന്നെ പാ​ടി​യ ര​ണ്ടു മി​ക​ച്ച പാ​ട്ടു​ക​ൾ​കൂ​ടി ഈ ​സി​നി​മ​യി​ൽ ഉ​ണ്ടാ​യി​രു​ന്നു. ''മാ​ത​ള​പ്പൂ​ങ്കാ​വി​ലി​ന്ന​ലെ/ മ​ല​ർ നു​ള്ളാ​ൻ ചെ​ന്നൂ ഞാ​ൻ/​ചൂ​ടാ​നൊ​രു പൂ ​ചോ​ദി​ച്ച​വ​നോ​ടി വ​ന്നു /പി​റ​കേ​യാ​വ​നോ​ടി​വ​ന്നു...'' എ​ന്ന പാ​ട്ടി​ലും ''ആ​ദ്യ​ത്തെ രാ​​ത്രിയി​ലെ​ന്റെ മ​ന​സ്സി​ന്റെ /അ​ന്തഃ​പു​ര​ങ്ങ​ൾ തു​റ​ന്ന​വ​നേ/ കാ​ണാ​ത്ത നി​ധി​ക​ൾ കാ​ണി​ച്ചു​ത​യേ​ശു​ദാ​സി​ന്റെ അ​ഭി​ന​യം;

സ​ലി​ൽ ചൗ​ധ​രി​യു​ടെ ആ​ഗ​മ​നംന്നി​ട്ടും/ ക​ള്ള​നു പ​രി​ഭ​വ​മാ​ണോ...'' എ​ന്ന പാ​ട്ടി​ലും പ്ര​ണ​യ​ത്തി​ൽ ലൈം​ഗി​ക​ത​യു​ടെ മാ​ദ​ക​ഭാ​വം ഒ​ളി​ച്ചു​വെ​ക്കു​ന്ന വ​യ​ലാ​റി​ന്റ ര​ച​നാ​കൗ​ശ​ലം കാ​ണാം. യു​വ​ഹൃ​ദ​യ​ങ്ങ​ൾ ആ​രാ​ധ​ന​യോ​ടെ സ്വീ​ക​രി​ച്ച​താ​ണ് ഈ ​കൗ​ശ​ല​ത്തി​ന്റെ ഭം​ഗി. ''മാ​ത​ള​പ്പൂ​ങ്കാ​വി​ലി​ന്ന​ലെ...'' എ​ന്ന ഗാ​ന​ത്തി​ലെ ''ക​ണ്മു​ന​യാ​ലേ മേ​ലാ​സ​ക​ലം/​വെ​ണ്മ​ണി​ശ്ലോ​ക​ങ്ങ​ളെ​ഴു​തി'' എ​ന്ന വ​രി​ക​ൾ ഉ​ദാ​ഹ​ര​ണം.

എ​ൽ.​ആ​ർ. ഈ​ശ്വ​രി പാ​ടി​യ ''ചി​ല​മ്പൊ​ലി...​ചി​ല​മ്പൊ​ലി'' എ​ന്ന നൃ​ത്ത​ഗാ​ന​വും ''വ​ൺ...​ടു...​ത്രീ...​ഫോ​ർ...​ന​മ്പ​ർ സി​ക്സ്റ്റി ഫോ​ർ...​ഓ​ർ​മ വേ​ണം... ഓ​ർ​മ​വേ​ണം...​പീ​രു​മേ​ട്ടി​ൽ വ​രു​മ്പോ​ഴീ മേ​ൽ​വി​ലാ​സം'' എ​ന്നു തു​ട​ങ്ങു'​ന്ന ത​ട്ടു​പൊ​ളി​പ്പ​ൻ പാ​ട്ടും വ്യ​ത്യ​സ്ത ജ​നു​സ്സി​ൽപെ​ട്ട​വ​യാ​ണ്. ''ന​ദി​ക​ൾ ന​ദി​ക​ൾ ന​ദി​ക​ൾ/ നാ​ണം​കു​ണു​ങ്ങി​ക​ൾ ന​ദി​ക​ൾ /സ​ഖി​ക​ൾ സ​ഖി​ക​ൾ സ​ഖി​ക​ൾ / സ​ർ​വാം​ഗ സു​ന്ദ​രി​ക​ൾ സ​ഖി​ക​ൾ/​രാ​ഗം-​താ​നം-​പ​ല്ല​വി പാ​ടും വാ​ന​മ്പാ​ടി​ക​ൾ'' എ​ന്ന ല​ളി​ത​സു​ന്ദ​ര​മാ​യ ഗാ​നം പി. ​ലീ​ല​യാ​ണ് ആ​ല​പി​ച്ച​ത്. പ്രേം​ന​സീ​ർ, വി​ജ​യ​നി​ർ​മ​ല, മു​ത്ത​യ്യ, കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​ർ, അ​ടൂ​ർ ഭാ​സി, ഫി​ലോ​മി​ന, ക​ടു​വാ​ക്കു​ളം ആ​ന്റ​ണി തു​ട​ങ്ങി​യ​വ​ർ അ​ഭി​ന​യി​ച്ച 'ക​ല്യാ​ണരാ​ത്രി​യി​ൽ' എ​ന്ന ചി​ത്രം 1966 ജൂ​ലൈ 29നു ​പു​റ​ത്തു​വ​ന്നു.

പി.​എ. തോ​മ​സ് സം​വി​ധാ​നം​ചെ​യ്ത 'കാ​യം​കു​ളം കൊ​ച്ചു​ണ്ണി' എ​ന്ന സി​നി​മ​ക്ക് ര​ണ്ടു പ്ര​ത്യേ​ക​ത​ക​ൾ ഉ​ണ്ടാ​യി​രു​ന്നു. ഒ​ന്ന്, കാ​യം​കു​ളം കൊ​ച്ചു​ണ്ണി​യാ​യി സ​ത്യ​ൻ അ​ഭി​ന​യി​ച്ചു. ര​ണ്ട്, മ​ല​യാ​ളി​ക​ളു​ടെ ഹൃ​ദ​യം ക​വ​ർ​ന്ന യു​വ​ഗാ​യ​ക​നാ​യ യേ​ശു​ദാ​സ് ചി​ത്ര​ത്തി​ലെ റൊ​മാ​ന്റി​ക് ഹീ​റോ ആ​യി. അ​ങ്ങ​നെ ത​ന്റെ പി​താ​വാ​യ അ​ഗ​സ്റ്റി​ൻ ജോ​സ​ഫി​നെ​പ്പോ​ലെ അ​ദ്ദേ​ഹ​വും സി​നി​മ​യി​ൽ പാ​ടി അ​ഭി​ന​യി​ക്കു​ന്ന ഗാ​യ​ക​ന​ട​നാ​യി.

ഒ​രു സു​റു​മ വി​ൽ​പ​ന​ക്കാ​ര​ന്റെ വേ​ഷ​ത്തി​ലാ​ണ് യേ​ശു​ദാ​സ് അ​ഭി​ന​യി​ച്ച​ത്. മ​ല​യാ​ള​സി​നി​മ​യി​ൽ ഉ​ഷാ​കു​മാ​രി എ​ന്ന പേ​രി​ൽ അ​റി​യ​പ്പെ​ടു​ന്ന വെ​ണ്ണി​റ ആ​ടൈ നി​ർ​മ​ല​യാ​ണീ സി​നി​മ​യി​ൽ യേ​ശു​ദാ​സി​ന്റെ കാ​മു​കി​യാ​യി അ​ഭി​ന​യി​ച്ച​ത്. യേ​ശു​ദാ​സ് പാ​ടി​യ ''കു​ങ്കു​മ​പ്പൂ​വു​ക​ൾ പൂ​ത്തു -എ​ന്റെ ത​ങ്ക​ക്കി​നാ​വി​ൻ താ​ഴ്വ​ര​യി​ൽ'' എ​ന്ന അ​തി​മ​നോ​ഹ​ര​മാ​യ ഗാ​നം അ​ദ്ദേ​ഹം ത​ന്നെ സി​നി​മ​യി​ൽ പാ​ടി അ​ഭി​ന​യി​ച്ചി​രി​ക്കു​ന്നു. ബി.​എ. ചി​ദം​ബ​ര​നാ​ഥ് സം​ഗീ​ത​സം​വി​ധാ​നം നി​ർ​വ​ഹി​ച്ച ഈ ​ചി​ത്ര​ത്തി​ൽ പി. ​ഭാ​സ്ക​ര​നാ​ണ് ഗാ​ന​ങ്ങ​ൾ എ​ഴു​തി​യ​ത്. 'പ​ക​ൽ​ക്കി​നാ​വ്' എ​ന്ന ചി​ത്ര​ത്തി​നു ശേ​ഷം ചി​ദം​ബ​ര​നാ​ഥി​ന്റെ എ​ല്ലാ ഈ​ണ​ങ്ങ​ളും ഹി​റ്റ്ചാ​ർ​ട്ടി​ൽ ഇ​ടം​പി​ടി​ച്ച സി​നി​മ​യാ​ണ് 'കാ​യം​കു​ളം കൊ​ച്ചു​ണ്ണി'. പി. ​ഭാ​സ്ക​ര​ൻ എ​ഴു​തി​യ എ​ല്ലാ പാ​ട്ടു​ക​ളും ഒ​ന്നി​നൊ​ന്നുമെ​ച്ച​മാ​യി​രു​ന്നു. പ്ര​ണ​യ​വും ത​ത്ത്വ​ചി​ന്ത​യും ന​ർ​മ​വും എ​ല്ലാം ത​ന്റെ തൂ​ലി​ക​ക്കു വ​ഴ​ങ്ങുമെ​ന്ന് അ​ദ്ദേ​ഹം ഒ​രി​ക്ക​ൽ​കൂ​ടി ഉ​ച്ച​ത്തി​ൽ പ്ര​ഖ്യാ​പി​ച്ച സി​നി​മകൂ​ടി​യാ​ണ് 'കാ​യം​കു​ളം കൊ​ച്ചു​ണ്ണി'.

''കു​ങ്കു​മ​പ്പൂ​വു​ക​ൾ പൂ​ത്തു -എ​ന്റെ /ത​ങ്ക​ക്കി​നാ​വി​ൻ താ​ഴ​വ​ര​യി​ൽ /കു​ങ്കു​മ​പ്പൂ​വു​ക​ൾ പൂ​ത്തു...'' എ​ന്ന ഗാ​നം ഇ​ന്നും മ​ല​യാ​ളി​ക​ളു​ടെ ഓ​ർ​മ​ക​ളി​ൽ അ​മൃ​തം വ​ർ​ഷി​ക്കു​ന്ന ഗാ​ന​മാ​ണ്. യേ​ശു​ദാ​സും എ​സ്. ജാ​ന​കി​യും ചേ​ർ​ന്നാ​ണ് ഈ ​യു​ഗ്മ​ഗാ​നം പാ​ടി​യ​ത്.

''മാ​ന​സ​മാം മ​ണി​മു​ര​ളി -ഇ​ന്നു/​മാ​ദ​ക​സം​ഗീ​ത​മ​രു​ളി /പ്ര​ണ​യ​സാ​മ്രാ​ജ്യ​ത്തി​ൻ അ​ര​മ​ന ത​ന്നി​ൽ/ ക​ന​ക​ത്താ​ൽ തീ​ർ​ത്തൊ​രു /ക​ളി​ത്തേ​രി​ലേ​റി /രാ​ജ​കു​മാ​ര​ൻ വ​ന്നു ചേ​ർ​ന്നു...'' യേ​ശു​ദാ​സ് പാ​ടി​യ ''ആ​റ്റു​വ​ഞ്ചി​ക്ക​ട​വി​ൽവെ​ച്ച്...'' എ​ന്ന ഗാ​ന​മാ​ണ് മ​റ്റൊ​ന്ന്. ''ആ​റ്റു​വ​ഞ്ചി​ക്ക​ട​വി​ൽ​വെ​ച്ച് /അ​ന്ന് നി​ന്നെ ഞാ​ൻ ക​ണ്ട​പ്പോ​ൾ/പാ​ട്ടു വ​ന്ന​ത് പ​വി​ഴ​ച്ചു​ണ്ടി​ൽ/പാ​തി നി​ർ​ത്തി​യ​തെ​ന്താ​ണ്...'' എ​ന്ന പ്രേ​മ​ഗാ​ന​ത്തി​ലെ ഓ​രോ വ​രി​യും സു​ന്ദ​ര​വും ഹൃ​ദ​യാ​വ​ർ​ജ​ക​വു​മാ​ണ്. യേ​ശു​ദാ​സ് പാ​ടി​യ ''സു​റു​മ... ന​ല്ല സു​റു​മ...'' എ​ന്ന പാ​ട്ട് ന​ർ​മ​ബോ​ധ​ത്തി​ന്റെ ഉ​യ​ര​ങ്ങ​ൾ ന​മു​ക്ക് കാ​ട്ടി​ത്ത​രു​ന്നു. ''വി​ല തു​ച്ഛ​മ​ല്ലോ... ഗു​ണം മെ​ച്ച​മ​ല്ലോ മ​ണ​വും മെ​ച്ച​മ​ല്ലോ'' എ​ന്ന വി​രു​ത്ത​ത്തി​ൽ ആ​രം​ഭി​ച്ച് അ​തി​മ​നോ​ഹ​ര​മാ​യ ഒ​രു വി​ൽ​പ​ന​പ്പാ​ട്ടാ​യി വ​ള​രു​ന്ന ഈ ​ഗാ​ന​ത്തി​ലെ വ​രി​ക​ളി​ൽ നി​റ​യു​ന്ന​ത് വെ​റും ഹാ​സ്യം മാ​ത്ര​മ​ല്ല. ''മ​ദ​ന​നെ മ​യ​ക്കു​ന്ന മി​ഴി​യി​ൽ -ഇ​ളം /മാ​ത​ള​മ​ല​രു​ക​ൾ വി​രി​യാ​ൻ/​മു​ന്നി​ലെ​ത്തും പു​രു​ഷ​ന്റെ/ ക​ണ്ണു​കെ​ട്ടി ഞൊ​ടി​ക്കു​ള്ളി​ൽ/​പെ​ണ്ണു​കെ​ട്ട​ൽ ന​ട​ത്തി​ക്കും സു​റു​മ'' എ​ന്നി​ങ്ങ​നെ അ​ക്ഷ​ര​ങ്ങ​ളു​ടെ താ​ള​വും ന​ർ​മ​ത്തി​ന്റെ മ​ധു​ര​വും ഒ​രു​പോ​ലെ ല​യി​പ്പി​ക്കു​ന്ന പി. ​ഭാ​സ്ക​ര​ൻ മാ​സ്റ്റ​ർ അ​ദ്ദേ​ഹ​ത്തി​ന്റെ പി​ന്നാ​ലെ വ​ന്ന​വ​ർ​ക്കെ​ല്ലാം ഒ​രു​ത​ര​ത്തി​ൽ അ​ല്ലെ​ങ്കി​ൽ മ​റ്റൊ​രു​ത​ര​ത്തി​ൽ വ​ഴി​കാ​ട്ടി​യാ​യി​ട്ടു​ണ്ട് എ​ന്ന കാ​ര്യ​ത്തി​ൽ സം​ശ​യം വേ​ണ്ട. ''ഒ​രു പ​ല്ലു പോ​യ കി​ഴ​വി -ക​ണ്ണി​ൽ/​തെ​ല്ലു സു​റു​മ​യെ​ഴു​തി/ മ​ധു​ര​യൗ​വ​നം നേ​ടി -ഒ​രു / മാ​ര​നെ വീ​ണ്ടും നേ​ടി...'' എ​ന്ന വ​രി​ക​ളി​ലും ''കോ​ട്ട​യ​ത്ത് പ​ണ്ടൊ​രി​ക്ക​ൽ/​സു​റു​മ വി​ൽ​ക്കാ​ൻ പോ​യി –ഒ​രു/ കോ​ങ്ക​ണ്ണി പെ​ണ്ണെ​ന്റെ/​സു​റു​മ വാ​ങ്ങി​ച്ചു / കു​ണ്ടാ​യ ക​ണ്ണി​ലി​തു /ര​ണ്ട്ദി​ന​മെ​ഴു​തി​യ​പ്പോ​ൾ / ത​ണ്ടു​ല​യും താ​മ​ര​ക​ൾ /ക​ണ്ടു ക​ണ്ണി​ലാ​കെ...'' എ​ന്ന വ​രി​ക​ളി​ലും തു​ളു​മ്പു​ന്ന അ​തി​ശ​യോ​ക്തി ആ ​പാ​ട്ടി​ന് അ​ല​ങ്കാ​ര​മാ​യി വ​ർ​ത്തി​ക്കു​ന്നു. ബി. ​വ​സ​ന്ത പാ​ടി​യ ''കാ​ർ​ത്തി​ക​വി​ള​ക്കു ക​ണ്ടു​പോ​രു​മ്പോ​ൾ -എ​ന്നെ/കാ​മ​ദേ​വ​ൻ ക​ണ്മു​ന​യാ​ൽ എ​യ്ത​ല്ലോ /കോ​വി​ലി​ന്ന​രി​ക​ത്തെ ഏ​ഴി​ലം​പാ​ല​യാ​ൽ /കോ​മ​ള​യാ​മി​നി താ​ലം ചൂ​ടി'' എ​ന്ന പാ​ട്ടും ഇ​ന്നും ഓ​ർ​മ​യി​ലു​ണ്ട്. എ​സ്. ജാ​ന​കി പാ​ടി​യ ''വി​റ​വാ​ല​ൻ​കു​രു​വീ ഞാ​നൊ​രു/​കു​റി​മാ​നം ത​ന്നെ​ങ്കി​ൽ /മ​റ്റാ​രും കാ​ണാ​തെ നീ / ​മ​ണി​മാ​ര​നു ന​ൽ​കാ​മോ...'' എ​ന്ന പാ​ട്ടും സി​നി​മ​യി​ലെ ക​ഥ ന​ട​ക്കു​ന്ന കാ​ല​ഘ​ട്ട​ത്തി​നു തി​ക​ച്ചും അ​നു​യോ​ജ്യ​മാ​ണ്.​ക​മു​ക​റ പു​രു​ഷോ​ത്ത​മ​ൻ പാ​ടി​യ ''പ​ട​ച്ച​വ​ൻ പ​ട​ച്ച​പ്പോ​ൾ...'' എ​ന്ന ഗാ​ന​മാ​ക​ട്ടെ അ​ങ്ങേ​യ​റ്റം ചി​ന്തോ​ദ്ദീ​പ​ക​വും കൊ​ച്ചു​ണ്ണി എ​ന്ന മ​നു​ഷ്യ​ന്റെ ഉ​ൾ​മ​ന​സ്സ് കാ​ട്ടി​ത്ത​രു​ന്ന​തു​മാ​ണ്. ''പ​ട​ച്ച​വ​ൻ പ​ട​ച്ച​പ്പോ​ൾ മ​നു​ഷ്യ​രെ പ​ട​ച്ചു /മ​നു​ജ​ന്മാ​ർ മ​ന്നി​തി​ൽ പ​ണ​ക്കാ​രെ പ​ട​ച്ചു /പ​ണ​ക്കാ​ര​ൻ പാ​രി​ലാ​കെ പാ​വ​ങ്ങ​ളെ പ​ട​ച്ചു/​പാ​വ​ങ്ങ​ളെ​ന്ന​വ​രെ ക​ളി​യാ​ക്കി ചി​രി​ച്ചു...'' എ​ന്ന പ്ര​ശ​സ്ത ഗാ​ന​ത്തി​ലെ അ​വ​സാ​ന​ത്തെ വ​രി​ക​ളി​ൽ ക​ള്ള​നാ​യ കൊ​ച്ചു​ണ്ണി എ​ങ്ങ​നെ ന​ല്ല​വ​നാ​യി​ത്തീ​രു​ന്നു എ​ന്നു സൂ​ചി​പ്പി​ക്കു​ന്നു. ''പ​ഠി​പ്പി​ല്ലാ​ത്തൊ​രു​വ​ൻ പാ​മ​ര​നെ​ങ്കി​ലും /കൊ​ടു​ക്കു​ന്ന ക​യ്യാ​ണ​വ​ന്റേ​തെ​ങ്കി​ൽ/​അ​ല്ലാ​വി​ൻ പ്രി​യ​പു​ത്ര​ന​വ​നാ​ണ​ല്ലോ /സ്വ​ർ​ലോ​ക​ക്കൊ​ട്ടാ​രം അ​വ​ന്റേ​ത​ല്ലോ...''

മ​ല​യാ​ള സി​നി​മ​ക്ക് ആ​ദ്യ​ത്തെ സ്വ​ർ​ണ​മെ​ഡ​ൽ നേ​ടി​ത്ത​ന്ന 'ചെ​മ്മീ​ൻ' എ​ന്ന അ​വി​സ്മ​ര​ണീ​യ ചി​ത്രം 1966 ആ​ഗ​സ്റ്റ് 19ാം തീ​യ​തി​യാ​ണ് തി​യ​റ്റ​റു​ക​ളി​ൽ എ​ത്തി​യ​ത്. ബാ​ബു എ​ന്ന ധ​നി​ക​നാ​യ യു​വാ​വ് ക​ണ്മ​ണി ഫി​ലിം​സി​ന്റെ പേ​രി​ൽ ത​ക​ഴി​യു​ടെ പ്ര​ശ​സ്ത നോ​വ​ലി​നെ അ​ടി​സ്ഥാ​ന​മാ​ക്കി നി​ർ​മി​ച്ച 'ചെ​മ്മീ​ൻ' എ​ന്ന ചി​ത്രം സം​വി​ധാ​നം ചെ​യ്ത​ത് രാ​മു കാ​ര്യാ​ട്ട് ആ​ണ്. ത​ക​ഴി​യു​ടെ ക​ഥ​ക്ക് തി​ര​ക്ക​ഥ​യും സം​ഭാ​ഷ​ണ​വും എ​ഴു​തി​യ​ത് എ​സ്.​എ​ൽ പു​രം സ​ദാ​ന​ന്ദ​നാ​ണ്. 'ചെ​മ്മീ​ൻ' എ​ന്ന ചി​ത്ര​ത്തി​ലൂ​ടെ രാ​മു കാ​ര്യാ​ട്ട് മാ​ർ​ക്ക​സ് ബാ​ർ​ട്ട് ലി ​എ​ന്ന ഛായാ​ഗ്രാ​ഹ​ക​നെ​യും ഇ​ന്ത്യ​ൻ സി​നി​മ​യി​ലെ ഒ​ന്നാം​കി​ട ഫി​ലിം എ​ഡി​റ്റ​റാ​യ ഋ​ഷി​കേ​ശ് മു​ഖ​ർ​ജി​യെ​യും ഹി​ന്ദി​യി​ലും ബം​ഗാ​ളി​യി​ലും പ്ര​ശ​സ്ത​നാ​യ സം​ഗീ​ത​സം​വി​ധാ​യ​ക​ൻ സ​ലി​ൽ ചൗ​ധ​രി​യെ​യും മ​ല​യാ​ള സി​നി​മ​യി​ൽ അ​വ​ത​രി​പ്പി​ച്ചു. ബി. ​നാ​ഗ​റെ​ഡ്ഢി സ്ഥാ​പി​ച്ച വാ​ഹി​നി സ്റ്റു​ഡി​യോ​യി​ൽ അ​തി​ന്റെ തു​ട​ക്ക​ക്കാ​ല​ത്ത് കാ​മ​റാ​വി​ഭാ​ഗം ത​ല​വ​നാ​യി​രു​ന്നു മാ​ർ​ക്ക​സ് ബാ​ർ​ട്ട് ലി. '​നീ​ല​ക്കു​യി​ൽ' അ​ട​ക്ക​മു​ള്ള ആ​ദ്യ​കാ​ല മ​ല​യാ​ള​ചി​ത്ര​ങ്ങ​ൾ അ​ധി​ക​വും ഷൂ​ട്ട് ചെ​യ്തി​രു​ന്ന​ത് വാ​ഹി​നി സ്റ്റു​ഡി​യോ​യി​ലാ​ണ്. അ​തു​കൊ​ണ്ട് മാ​ർ​ക്ക​സ്സ് ബാ​ർ​ട്ട് ലി​ക്ക് മ​ല​യാ​ള സി​നി​മാ​വേ​ദി​യി​ലെ പ്ര​ധാ​ന നി​ർ​മാ​താ​ക്ക​ളും ന​ടീ​ന​ട​ന്മാ​രും മ​റ്റും അ​പ​രി​ചി​ത​രാ​യി​രു​ന്നി​ല്ല. ചെ​മ്മീ​ൻ എ​ന്ന നോ​വ​ലി​ലെ ക​ഥാ​പാ​ത്ര​ങ്ങ​ളെ​യും ചി​ത്ര​ത്തി​ലെ ന​ടീ​ന​ട​ന്മാ​രെ​യും മ​ല​യാ​ളി​ക​ൾ​ക്ക് പ​രി​ച​യ​പ്പെ​ടു​ത്തേ​ണ്ട കാ​ര്യ​മി​ല്ല. മ​ധു​വി​ന്റെ പ​രീ​ക്കു​ട്ടി​യും സ​ത്യ​ന്റെ പ​ള​നി​യും ഷീ​ല​യു​ടെ ക​റു​ത്ത​മ്മ​യും കൊ​ട്ടാ​ര​ക്ക​ര​യു​ടെ ചെ​മ്പ​ൻ​കു​ഞ്ഞും 'ചെ​മ്മീ​ൻ' എ​ന്ന സി​നി​മ​യി​ലൂ​ടെ നി​ത്യ​ഹ​രി​ത ക​ഥാ​പാ​ത്ര​ങ്ങ​ളാ​യി മാ​റി. മ​ല​യാ​ള​ത്തി​ൽ സ​ലി​ൽ ചൗ​ധ​രി​യു​ടെ ഈ​ണ​ങ്ങ​ൾ​ക്ക​നു​സ​രി​ച്ച് വ​രി​ക​ൾ എ​ഴു​താ​നു​ള്ള അ​വ​സ​രം ആ​ദ്യ​മാ​യി ല​ഭി​ച്ച​ത് വ​യ​ലാ​ർ രാ​മ​വ​ർ​മ​ക്കാ​ണ്. 'നീ​ല​ക്കു​യി​ലി'​ൽ ഒ​രു​മി​ച്ചു​നി​ന്ന പി. ​ഭാ​സ്ക​ര​നും രാ​മു കാ​ര്യാ​ട്ടും സം​വി​ധാ​ന​ക​ർ​മ​ത്തി​ൽ സ്വ​ത​ന്ത്ര​രാ​യി മാ​റി​യെ​ങ്കി​ലും പി​ന്നീ​ട് രാ​മു കാ​ര്യാ​ട്ട് സം​വി​ധാ​നം​ചെ​യ്ത 'മി​ന്നാ​മി​നു​ങ്ങ്', 'മു​ടി​യ​നാ​യ പു​ത്ര​ൻ', 'മൂ​ടു​പ​ടം' തു​ട​ങ്ങി​യ ചി​ത്ര​ങ്ങ​ളി​ലെ​ല്ലാം പി.​ ഭാ​സ്ക​ര​ൻത​ന്നെ​യാ​ണ് പാ​ട്ടു​ക​ൾ എ​ഴു​തി​യ​ത്. രാ​മു കാ​ര്യാ​ട്ട് പി. ​ഭാ​സ്ക​ര​നെ ഒ​ഴി​വാ​ക്കി ആ ​സ്ഥാ​ന​ത്ത് വ​യ​ലാ​ർ രാ​മ​വ​ർ​മ​യെ കൊ​ണ്ടു​വ​ന്ന പ്ര​ഥ​മ​ചി​ത്രം എ​ന്ന പ്ര​ത്യേ​ക​ത​യും 'ചെ​മ്മീ​ൻ' എ​ന്ന പ​ട​ത്തി​നു​ണ്ട്. മ​ല​യാ​ള​ത്തി​ലെ ആ​ദ്യ​കാ​ല ചി​ത്ര​ങ്ങ​ളി​ൽ സം​ഗീ​ത​സം​വി​ധാ​നം എ​ന്ന പ്ര​ക്രി​യത​ന്നെ ഒ​ട്ടും സ്വ​ത​ന്ത്ര​മാ​യി​രു​ന്നി​ല്ല എ​ന്നും അ​ന്ന​ത്തെ ഹി​ന്ദി​ഗാ​ന​ങ്ങ​ളു​ടെ​യും അ​പൂ​ർ​വം തെ​ലു​ങ്ക് ഗാ​ന​ങ്ങ​ളു​ടെ​യും ഈ​ണ​ങ്ങ​ളി​ലാ​ണ് പാ​ട്ടു​ക​ൾ ഒ​രു​ക്കി​യ​തെ​ന്നും ആ​ദ്യ​ത്തെ അ​ധ്യാ​യ​ങ്ങ​ളി​ൽ വ്യ​ക്ത​മാ​ക്കി​യി​ട്ടു​ണ്ട്. എ​ന്നാ​ൽ, അ​മ്പ​തു​ക​ളു​ടെ ഉ​ത്ത​രാ​ർ​ധം മു​ത​ൽ പു​രോ​ഗ​മ​ന​വാ​ദി​ക​ളാ​യ ക​വി​ക​ളു​ടെ​യും സം​ഗീ​ത​ജ്ഞ​രു​ടെ​യും വ​ര​വോ​ടു​കൂ​ടി മ​ല​യാ​ള സി​നി​മ​ക്ക് മ​ല​യാ​ള​ സം​സ്കാ​ര​ത്ത​നി​മ​യു​ള്ള വ​രി​ക​ളും ഈ​ണ​ങ്ങ​ളും ല​ഭി​ച്ചു.​ ആ​ദ്യം കവി ഗാ​ന​മെ​ഴു​തു​ന്നു. പി​ന്നീ​ട് സം​ഗീ​ത​സം​വി​ധാ​യ​ക​ൻ ആ ​വ​രി​ക​ൾ​ക്ക് യോ​ജി​ക്കു​ന്ന ഈ​ണം ക​ണ്ടെ​ത്തു​ന്നു. ഈ ​രീ​തി സ​ർ​വാ​ത്മ​നാ അം​ഗീ​ക​രി​ക്ക​പ്പെ​ട്ട സ​മ​യ​ത്താ​ണ് മ​ല​യാ​ള​ഭാ​ഷ വ​ശ​മി​ല്ലാ​ത്ത ബം​ഗാ​ളി​യാ​യ സ​ലി​ൽ ചൗ​ധ​രി​യു​ടെ വ​ര​വ്. ബം​ഗാ​ളി ഭാ​ഷ​യി​ൽ ഗാ​ന​ങ്ങ​ൾ എ​ഴു​തു​ന്ന ക​വികൂ​ടി​യാ​ണ് സ​ലി​ൽ ചൗ​ധ​രി. ബി​മ​ൽ റോ​യ് എ​ന്ന പ്ര​ശ​സ്ത​സം​വി​ധാ​യ​ക​ന്റെ വി​ഖ്യാ​ത​ചി​ത്ര​മാ​യ 'ദോ ​ബീ​ഗാ സ​മീ​ൻ' എ​ന്ന ഹി​ന്ദി​സി​നി​മ​യു​ടെ ക​ഥാ​കൃ​ത്ത് സ​ലി​ൽ ചൗ​ധ​രി​യാ​ണ്. ബം​ഗാ​ളി​യി​ലും ഹി​ന്ദി​യി​ലും സം​ഗീ​ത​സം​വി​ധാ​നം തു​ട​ങ്ങു​ന്ന കാ​ല​ത്തു​ത​ന്നെ ആ​ദ്യം ഈ​ണം സൃ​ഷ്ടി​ച്ച​തി​നുശേ​ഷം ആ ​ഈ​ണ​ങ്ങ​ൾ​ക്ക​നു​സ​രി​ച്ച് വ​രി​ക​ൾ എ​ഴു​തു​ന്ന രീ​തി​യാ​ണ് സ​ലി​ൽ ചൗ​ധ​രി അ​വ​ലം​ബി​ച്ചി​രു​ന്ന​ത്. അ​തു​കൊ​ണ്ടാ​ണ് ഇ​ന്ത്യ​യി​ലെ അ​ന​വ​ധി പ്രാ​ദേ​ശി​ക​ഭാ​ഷ​ക​ളി​ലു​ള്ള സി​നി​മ​ക​ളു​ടെ സം​ഗീ​ത​സം​വി​ധാ​യ​ക​നാ​കാ​ൻ അ​ദ്ദേ​ഹ​ത്തി​ന് സാ​ധി​ച്ച​ത്. ഒ​രേ ഈ​ണം​ത​ന്നെ അ​ന​വ​ധി ഭാ​ഷ​ക​ളി​ൽ അ​ദ്ദേ​ഹം ഉ​പ​യോ​ഗി​ച്ചി​ട്ടു​ണ്ട്. അ​ങ്ങ​നെ 'ചെ​മ്മീ​ൻ' എ​ന്ന സി​നി​മ​യി​ലൂ​ടെ ഈ​ണ​ത്തി​ന​നു​സ​രി​ച്ച് വ​രി​ക​ൾ എ​ഴു​തു​ന്ന രീ​തി മ​ല​യാ​ള​ത്തി​ൽ വീ​ണ്ടും തു​ട​ങ്ങി. മ​ന്നാ​ഡെ പാ​ടി​യ ''മാ​ന​സ​മൈ​നേ വ​രൂ...'', യേ​ശു​ദാ​സ് പാ​ടി​യ ''ക​ട​ലി​ന​ക്ക​രെ പോ​ണോ​രെ... കാ​ണാ​പ്പൊ​ന്നി​നു പോ​ണോ​രെ ...പോ​യ് വ​രു​മ്പോ​ഴെ​ന്തു കൊ​ണ്ടു​വ​രും...'', പി. ​ലീ​ല​യും യേ​ശു​ദാ​സും സം​ഘ​വും പാ​ടി​യ ''പെ​ണ്ണാ​ളേ...​പെ​ണ്ണാ​ളേ...​ക​രി​മീ​ൻ ക​ണ്ണാ​ളേ...'', യേ​ശു​ദാ​സും കെ.​പി. ഉ​ദ​യ​ഭാ​നു​വും പി. ​ലീ​ല​യും സം​ഘ​വും പാ​ടി​യ ''പു​ത്ത​ൻ വ​ല​ക്കാ​രേ പു​ന്ന​പ്പു​റ​ക്കാ​രേ, പു​റ​ക്കാ​ട്ടു ക​ട​പ്പു​റ​ത്ത് ചാ​ക​ര...​ചാ​ക​ര...​ചാ​ക​ര...'' എ​ന്നി​ങ്ങ​നെ നാ​ല് ഗാ​ന​ങ്ങ​ൾ മ​ല​യാ​ളി​ക​ളു​ടെ നി​ത്യ​ഹ​രി​ത ഗാ​ന​ങ്ങ​ളാ​യി മാ​റി.

വ​യ​ലാ​ർ രാ​മ​വ​ർ​മ​യും എം.​എ​സ്. ബാ​ബു​രാ​ജും ചേ​ർ​ന്ന് ഗാ​ന​ങ്ങ​ളൊ​രു​ക്കി​യ എ​ക്സ​ൽ പ്രൊ​ഡ​ക്ഷ​ൻ​സി​ന്റെ (ഉ​ദ​യാ സ്റ്റു​ഡി​യോ) 'അ​നാ​ർ​ക്ക​ലി' എ​ന്ന ചി​ത്ര​ത്തി​ൽ പ​ന്ത്ര​ണ്ടു പാ​ട്ടു​ക​ൾ ഉ​ണ്ടാ​യി​രു​ന്നു. പ്രേ​ന​സീ​റും കെ.​ആ​ർ. വി​ജ​യ​യും യ​ഥാ​ക്ര​മം സ​ലിം രാ​ജ​കു​മാ​ര​നും അ​നാ​ർ​ക്ക​ലി​യു​മാ​യി അ​ഭി​ന​യി​ച്ച ചി​ത്ര​ത്തി​ൽ സ​ത്യ​നാ​യി​രു​ന്നു അ​ക്ബ​ർ ച​ക്ര​വ​ർ​ത്തി. തി​ക്കു​റി​ശ്ശി​യും കൊ​ട്ടാ​ര​ക്ക​ര ശ്രീ​ധ​ര​ൻ നാ​യ​രും എ​സ്.​പി. പി​ള്ള​യും അ​ടൂ​ർ ഭാ​സി​യും ഈ ​സി​നി​മ​യി​ൽ അ​ഭി​ന​യി​ച്ചു. ചി​ത്ര​ത്തി​ലെ ആ​റു പാ​ട്ടു​ക​ൾ പാ​ടി​യ​ത് പി. ​സു​ശീ​ല​യാ​ണ്. അ​ക്ബ​റി​ന്റെ ദ​ർ​ബാ​റി​ലെ ര​ണ്ടു പ്ര​ശ​സ്ത ഗാ​യ​ക​രാ​യി യേ​ശു​ദാ​സും ഗാ​യ​ക​നും സം​ഗീ​ത​സം​വി​ധാ​യ​ക​നു​മാ​യ എ​ൽ.​പി.​ആ​ർ. വ​ർ​മ​യും അ​ഭി​ന​യി​ച്ചു. യേ​ശു​ദാ​സാ​യി​രു​ന്നു താ​ൻ​സ​ന്റെ വേ​ഷ​ത്തി​ൽ. എ​ന്നാ​ൽ, യേ​ശു​ദാ​സി​നു​വേ​ണ്ടി പി​ന്ന​ണി​യി​ൽ പാ​ടി​യ​ത് പി.​ബി. ശ്രീ​നി​വാ​സ് ആ​യി​രു​ന്നു. ഇ​ന്ന് ഈ ​അ​റി​വ് പ​ല​ർ​ക്കും അ​ത്ഭു​ത​മാ​യി തോ​ന്നാം. എ​ന്നാ​ൽ, എ​ല്ലാ വ​ലി​യ ക​ലാ​കാ​ര​ന്മാ​രു​ടെ​യും വ​ള​ർ​ച്ച​യു​ടെ വ​ഴി​ക​ളി​ൽ ഇ​തു​പോ​ലെ​യു​ള്ള ചി​ല ദുഃ​ഖ​രേ​ഖ​ക​ൾ മ​ങ്ങ​ലേ​റ്റു കി​ട​ക്കു​ന്നു​ണ്ടാ​വും. യേ​ശു​ദാ​സ് പാ​ടി​യ ''ന​ദി​ക​ളി​ൽ സു​ന്ദ​രി യ​മു​ന...'', പി. ​സു​ശീ​ല പാ​ടി​യ ''ഏ​ഴു ചി​റ​കു​ള്ള തേ​ര്...'', ''പ്ര​ണ​യ​ഗാ​നം പാ​ടു​വാ​നാ​യ്...'', ''മാ​ത​ള​പ്പൂ​വേ...'' എ​ന്നീ ഗാ​ന​ങ്ങ​ളും ഡോ. ​എം. ബാ​ല​മു​ര​ളീ​കൃ​ഷ്ണ​യും പി.​ബി. ശ്രീ​നി​വാ​സും ചേ​ർ​ന്നു പാ​ടി​യ ''സ​പ്ത​സ്വ​ര​സു​ധാ സാ​ഗ​ര​മേ...'' എ​ന്ന ഗാ​ന​വു​മാ​ണ് മു​ന്നി​ൽനി​ന്ന​ത്. ''ന​ദി​ക​ളി​ൽ സു​ന്ദ​രി യ​മു​ന...​യ​മു​ന...​യ​മു​ന / സ​ഖി​ക​ളി​ൽ സു​ന്ദ​രി അ​നാ​ർ​ക്ക​ലി... /അ​ര​മ​ന​പ്പൊ​യ്ക ത​ൻ ക​ട​വി​ൽ / അ​മൃ​ത​മു​ന്തി​രി​ക്കു​ടി​ലി​ൽ / ച​ഷ​ക​വു​മാ​യ് ^മ​ധു​ച​ഷ​ക​വു​മാ​യ് / ഒ​മ​ർ​ഖ​യാ​മി​ൻ നാ​ട്ടി​ലെ ന​ർ​ത്ത​കി /ഒ​രു​ങ്ങി​യൊ​രു​ങ്ങി​യൊ​രു​ങ്ങി വ​രൂ... പ്രി​യ​സ​ഖീ പ്രി​യ​സ​ഖീ...'' എ​ന്ന ഗാ​ന​മാ​ണ് യേ​ശു​ദാ​സ് ആ​ല​പി​ച്ച​ത്. പി. ​സു​ശീ​ല പാ​ടി​യ ''ഏ​ഴു ചി​റ​കു​ള്ള തേ​ര് -ഏ​ഴു ചി​റ​കു​ള്ള തേ​ര് /മാ​ന​ത്തു​ണ്ടൊ​രു തേ​ര് -തേ​രി​നു / മ​ഴ​വി​ല്ലെ​ന്നാ​ണ് പേ​ര്...'' തു​ട​ർ​ന്നു​ള്ള വ​രി​ക​ളി​ൽ ''തെ​രു​വി​ൽ​നി​ന്നൊ​രു നൃ​ത്ത​ക്കാ​രി​യെ തേ​രി​ലെ​ടു​ത്തു പ​റ​ന്ന'' ഒ​രു രാജകുമാരന്റെ ക​ഥ​യാ​ണ് പ​റ​യു​ന്ന​ത്.​ ഇ​വി​ടെ അ​നാ​ർ​ക്ക​ലി​യു​ടെ അ​ന്ത്യ​ത്തി​ന് ആ​മു​ഖംപോ​ലെ​യാ​കു​ന്നു വ​യ​ലാ​റി​ന്റെ വ​രി​ക​ൾ. ''പോ​യി​ട്ട​വ​ളെ ക​ണ്ടി​ല്ല -ഇ​നി /തേ​ടാ​നെ​ങ്ങും തെ​രു​വി​ല്ല /നൂ​പു​ര​ശി​ഞ്ജി​തം അ​ക​ലെ/​കേ​ട്ടു/​ഗോ​പു​ര​വാ​തി​ല​ട​ഞ്ഞു...'' പി. ​സു​ശീ​ലത​ന്നെ പാ​ടി​യ ''മാ​ത​ള​പ്പൂ​വേ മാ​ത​ള​പ്പൂ​വേ/​മ​ദ​ന​ന്റെ ക​ളി​പ്പൂ​വേ / മ​ധു​പ​ൻ വ​രു​മോ മ​ധു​രം ത​രു​മോ... / മാ​ത​ള​പ്പൂ​വേ...​മാ​ത​ള​പ്പൂ​വേ /പൊ​ന്നേ​ല​സ്സു​ക​ൾ അ​ണി​യാ​തെ പ​വി​ഴ​ക്കൊ​ലു​സ്സു​ക​ൾ അ​ണി​യാ​തെ/ ന​ഗ്ന​പ​ദം -ന​ഗ്ന​പ​ദം നീ ​നൃ​ത്ത​മാ​ടു​മീ രാ​വി​ൽ/​നി​ന്റെ മു​ത്ത​ണി​ക്ക​വി​ളി​ൽ, മു​ന്തി​രി​യി​ത​ളി​ൽ/ ചി​ത്ര​ശ​ല​ഭ​മാ​യ് വ​രു​മോ... വ​രു​മോ...'' എ​ന്ന ഗാ​ന​വും സു​ന്ദ​ര​മാ​ണ്. ഡോ. ​എം. ബാ​ല​മു​ര​ളീ​കൃ​ഷ്ണ​യും പി.​ബി. ശ്രീ​നി​വാ​സും ചേ​ർ​ന്നു പാ​ടി​യ ''സ​പ്ത​സ്വ​ര​സു​ധാ സാ​ഗ​ര​മേ...'' എ​ന്ന​ത് ഉ​ത്ത​രേ​ന്ത്യ​ൻ സം​ഗീ​ത​ശൈ​ലി​യി​ൽ ചി​ട്ട​പ്പെ​ടു​ത്തി​യ ക്ലാ​സി​ക്ക​ൽ ഗാ​ന​മാ​ണ്. ഈ ​ഗാ​ന​രം​ഗ​ത്ത് അ​ഭി​ന​യി​ക്കു​ന്ന​വ​രും ര​ണ്ടു ഗാ​യ​ക​രാ​ണ്, എ​ൽ.​പി.​ആ​ർ. വ​ർ​മ​യും യേ​ശു​ദാ​സും. ''സ​പ്ത​സ്വ​ര​സു​ധാ​സാ​ഗ​ര​മേ/​സ്വ​ർ​ഗീ​യ​സം​ഗീ​ത​മേ / സ്വ​പ്നാ​ട​ക​രാ​യ് നി​ൻ തീ​ര​ങ്ങ​ളി​ൽ/​നി​ൽ​പ്പൂ ഗാ​യ​ക​ർ ഞ​ങ്ങ​ൾ/ നാ​ദ​ബ്ര​ഹ്മ​മേ നി​ന്നി​ലേ​ക്കൊ​ഴു​കും/ കാ​ല​മാം ഹി​മ​വാ​ഹി​നി​യി​ൽ /ജ​ല​ത​രം​ഗം വാ​യി​ക്കു​ന്നു ക​ല​യു​ടെ ക​ന​കാം​ഗു​ലി​ക​ൾ'' എ​ന്നി​ങ്ങ​നെ ഒ​ഴു​കു​ന്ന ഈ ​ഗാ​നം ഒ​രു രാ​ഗ​മാ​ലി​ക​യാ​ണ്. യേ​ശു​ദാ​സ് അ​ഭി​ന​യി​ക്കു​ന്ന രം​ഗ​മാ​യ​തി​നാ​ൽ ഈ ​ഗാ​നം ഡോ. ​എം. ബാ​ല​മു​ര​ളീ​കൃ​ഷ്ണ​യും യേ​ശു​ദാ​സും ചേ​ർ​ന്നു പാ​ടി​യി​രു​ന്നെ​ങ്കി​ൽ എ​ന്ന് 'അ​നാ​ർ​ക്ക​ലി' എ​ന്ന ചി​ത്രം ക​ണ്ടു​കൊ​ണ്ടി​രു​ന്ന​പ്പോ​ൾ ഞാ​ൻ ചി​ന്തി​ച്ചു​പോ​യി; പി.​ബി. ശ്രീ​നി​വാ​സ് അ​തി​മ​നോ​ഹ​ര​മാ​യി പാ​ടി​യി​ട്ടു​ണ്ടെ​ങ്കി​ലും...

പി. ​സു​ശീ​ല​യു​ടെ​ത​ന്നെ സ്വ​ര​ത്തി​ലു​ള്ള ''ഈ ​രാ​ത്രിത​ൻ വി​ജ​ന​ത​യി​ൽ/​ഈ ദുഃ​ഖഗാ​ന​ത്തി​ൻ ക​ര​യി​ൽ /ഇ​നി​യു​റ​ങ്ങൂ പ്രി​യ​ൻ ഇ​നി​യു​റ​ങ്ങൂ'' എ​ന്ന ഗാ​ന​വും ശോ​ക​നി​ർ​ഭ​ര​മാ​ണ്. ''മു​കി​ല​സിം​ഹ​മേ... മു​കി​ല​സിം​ഹ​മേ...'' എ​ന്ന് തു​ട​ങ്ങു​ന്ന ഗാ​ന​വും എ​ൽ.​ആ​ർ. ഈ​ശ്വ​രി പാ​ടി​യ ''അ​രു​തേ...​അ​രു​തേ...'' എ​ന്നാ​രം​ഭി​ക്കു​ന്ന ഗാ​ന​വും ''ച​ക്ര​വ​ർ​ത്തി​കു​മാ​രാ...'' എ​ന്ന ഗാ​ന​വും പി. ​സു​ശീ​ല ത​ന്നെ പാ​ടി​യ ''പ്ര​ണ​യ​ഗാ​നം പാ​ടു​വാ​നാ​യ് / പ്ര​മ​ദ​വ​ന​ത്തി​ൽ വ​ന്നു ഞാ​ൻ /വി​ര​ഹ​ഗാ​നം പാ​ടി​പ്പാ​ടി പി​രി​ഞ്ഞു​പോ​വു​ക​യാ​ണ് ഞാ​ൻ'' എ​ന്ന ഗാ​ന​വും കേ​ൾ​ക്കാ​നി​മ്പ​മു​ള്ള​താ​ണ്. അ​വ​ശേ​ഷി​ക്കു​ന്ന പാ​ട്ടു​ക​ൾ എം.​എ​സ്. ബാ​ബു​രാ​ജി​ന്റെ സം​ഗീ​ത​നി​ല​വാ​ര​ത്തി​ലേ​ക്ക് ഉ​യ​ർ​ന്നി​ല്ല, ചി​ത്ര​ത്തി​ന്റെ ക​ഥ ഉ​ത്ത​രേ​ന്ത്യ​ൻ സം​ഗീ​ത​വു​മാ​യി ബ​ന്ധ​മു​ള്ള​താ​യി​ട്ടും.

1966 ആ​ഗ​സ്റ്റ് ര​ണ്ടി​ന് റി​ലീ​സാ​യ 'അ​നാ​ർ​ക്ക​ലി' പ്ര​തീ​ക്ഷി​ച്ച നി​ല​വാ​ര​ത്തി​ലേ​ക്കു​യ​ർ​ന്നി​ല്ല. സാ​മ്പ​ത്തി​ക​മാ​യും ചി​ത്രം ഒ​രു ശ​രാ​ശ​രി​വി​ജ​യം മാ​ത്ര​മേ നേ​ടി​യു​ള്ളൂ.

മ​ല​യാ​ള സി​നി​മ വ​ർ​ഷം 1966 -ഉ​ത്ത​രാ​ർ​ധം ന​ൽ​കി​യ പു​തു​മ​ക​ളി​ൽ ഇ​വ​യും ഉ​ൾ​പ്പെ​ടു​ന്നു. 'കാ​യം​കു​ളം കൊ​ച്ചു​ണ്ണി' എ​ന്ന ചി​ത്ര​ത്തി​ലും 'അ​നാ​ർ​ക്ക​ലി' എ​ന്ന ചി​ത്ര​ത്തി​ലും ക​ണ്ട യേ​ശു​ദാ​സി​ന്റെ അ​ഭി​ന​യ​വും 'ചെ​മ്മീ​നി'​ലെ സ​ലി​ൽ ചൗ​ധ​രി​യു​ടെ സം​ഗീ​ത​വും.