സ്നേഹം കൊണ്ടും വിശ്വാസം കൊണ്ടും പണിത ത്രാസുകൾ

ക്രി​സ്​​മ​സും ന്യൂ ​ഇ​യ​റും ഒ​ക്കെ ക​ഴി​ഞ്ഞാ​ണ് അ​ക്കാ​ര്യം ഞാ​ൻ അ​റി​യു​ന്ന​ത്. 'ഇ​സ്​​മാ​യി​ൽ ഹാ​ജി (78) നി​ര്യാ​ത​നാ​യി' എ​ന്ന ആ ​നോ​ട്ടീ​സ്​ കോ​ർ​പ​റേ​ഷ​ൻ വാ​ർ​ത്ത​ക​ൾ ഒ​ട്ടി​ക്കു​ന്ന വാ​ർ​ത്താ​പ​ല​ക​യി​ൽ മാ​ത്ര​മേ ഉ​ണ്ടാ​യി​രു​ന്നു​ള്ളൂ. അ​തും ഒ​രു നൂ​റു​കൂ​ട്ടം നോ​ട്ടീ​സു​ക​ൾ​ക്കി​ട​യി​ലാ​യി ഒ​രു മൂ​ല​യി​ൽ! അ​റി​ഞ്ഞി​ല്ലെ​ന്ന് മാ​ത്ര​മ​ല്ല, 'ഇ.​എ​ച്ച്. വേ​സ്റ്റ്പേ​പ്പ​ർ ക​ട' എ​ന്ന ഒ​ട്ടും അ​ല​ങ്കാ​ര​ങ്ങ​ളി​ല്ലാ​ത്ത ആ ​ആ​ക്രി​ക്ക​ട​യു​ടെ പ​രു​ക്ക​ൻ തൂ​ണു​ക​ളി​ലൊ​ന്നി​ൽ​പ്പോ​ലും ഹാ​ജ്യാരു​ടെ ഒ​രു ചി​ത്രം പ​തി​ക്കു​ക​യോ അ​വി​ടെ ഒ​രു ക​റു​ത്ത​തു​ണി കെ​ട്ടു​ക​യോ ചെ​യ്തി​രു​ന്നി​ല്ല. പ​ക​രം ക്രി​സ്​​മ​സ്​ അ​വ​ധി​ക്ക് ഒ​ന്നോ​ര​ണ്ടോ ദി​വ​സം കൂ​ടു​ത​ൽ ക​ട അ​ട​ച്ചി​ടു​ന്ന​തു​പോ​ലെ തോ​ന്നി​പ്പി​ക്കു​ക മാ​ത്ര​മേ ചെ​യ്തു​ള്ളൂ... അ​തു​കൊ​ണ്ടാ​ണ് ആ ​മ​ര​ണം അ​റി​യു​മ്പോ​ൾ, ''ചി​ല​ർ അ​വ​രു​ടെ തൊ​ഴി​ൽ​പോ​ലെ അ​ന്ത്യ​ത്തേ​യും വ​ര​ച്ചു​വ​യ്ക്കും'' എ​ന്നെ​നി​ക്ക് തോ​ന്നി​യ​ത്.

ഏ​റ​ക്കു​റെ ഞ​ങ്ങ​ളു​ടെ ന​ഗ​ര​ത്തി​ലെ സ്​​ഥി​ര​താ​മ​സ​ക്കാ​ർ പാ​ലാ, കോ​ത​മം​ഗ​ലം, കു​ട്ടി​ക്കാ​നം, തൊ​ടു​പു​ഴ തു​ട​ങ്ങി​യ ദേ​ശ​ങ്ങ​ളി​ൽനി​ന്ന് റ​ബ​ർ​പ​ണ​വു​മാ​യി ന​ഗ​രം ക​യ​റി​യ ക്രി​സ്​​ത്യാ​നി​ക​ൾ ആ​യ​തി​നാ​ൽ ക്രി​സ്​​മ​സ്​ അ​വ​ധി​യു​ടെ ദി​ന​ങ്ങ​ളി​ൽ പ്ര​ത്യേ​കി​ച്ച് ക​ട​തു​റ​ന്നു​വെ​ച്ചി​ട്ട് കാ​ര്യ​മൊ​ന്നു​മി​ല്ലെ​ന്ന് അ​റി​യാ​വു​ന്ന ഇ​സ്​​മാ​യി​ൽ ഹാ​ജി വ​ർ​ഷ​ങ്ങ​ളാ​യി ഒ​ന്നോ ര​ണ്ടോ ദി​വ​സം വ​ർ​ഷാ​ന്ത്യ​ത്തി​ൽ ക​ട അ​ട​ച്ചി​ടാ​റു​ണ്ട്. എ​ന്നാ​ലോ, ക​ച്ച​വ​ടം ന​ട​ക്കു​മെ​ങ്കി​ൽ, പെ​രു​ന്നാ​ളി​​​ന്റ​ന്നു​പോ​ലും ക​ട​തു​റ​ന്നി​ട്ടു​ള്ള പാ​ര​മ്പ​ര്യ​വും അ​ദ്ദേ​ഹ​ത്തി​നു​ണ്ട്. പ​ട​ച്ചോ​ൻ പി​ഴ​പ്പ് ക​ഴി​ഞ്ഞു​ള്ള ആ​ഘോ​ഷ​ങ്ങ​ൾ മ​തി, എ​ന്നാ​ണ് പ​റ​ഞ്ഞി​ട്ടു​ള്ള​തെ​ന്ന് ഹാ​ജ്യാ​ര് ഖു​ർ​ആ​നി​ൽ​നി​ന്നും ഏ​താ​നും ആ​യ​ത്തു​ക​ൾ ചൊ​ല്ലി സ​മ​ർ​ഥി​ക്കു​ക​യും ചെ​യ്യും.

ഇ​സ്​​മാ​യി​ൽ ഹാ​ജി​യും ശേ​ഷ​ക്കാ​ര​ൻ ഷൗ​ക്ക​ത്തും ചേ​ർ​ന്ന് ന​ട​ത്തു​ന്ന ഒ​രേ​യൊ​രു ആ​ക്രി​ക്ക​ട​യൊ​ഴി​ച്ചാ​ൽ പ​ണ്ടു​മു​ത​ലേ, ഞ​ങ്ങ​ളു​ടെ പ​രി​സ​ര​ങ്ങ​ളി​ലൊ​ന്നും മു​സ്‍ലിം കു​ടും​ബ​ങ്ങ​ളോ അ​വ​ർ ന​ട​ത്തു​ന്ന ക​ട​ക​ളോ ഇ​ല്ലെ​ന്നു​ത​ന്നെ പ​റ​യാം.

അ​ങ്ങ​നെ ഞ​ങ്ങ​ളു​ടെ നാ​ട്ടി​ൽ ഏ​ത് പ​ത്രം വാ​യി​ക്കു​ന്ന​വ​ർ​ക്കും ഏ​ത് പ​ഴ​യ സാ​ധ​ന​ങ്ങ​ൾ വി​ൽ​ക്കു​ന്ന​വ​ർ​ക്കും അ​തെ​ല്ലാം ഉ​പേ​ക്ഷി​ക്കാ​നോ കൊ​ടു​ത്തൊ​ഴി​യാ​നോ ഉ​ള്ള ഏ​ക പോം​വ​ഴി ഇ​സ്​​മാ​യേ​ൽ ഹ​സ്സ​ൻ എ​ന്ന പേ​രി​ൽ​നി​ന്നും ജാ​തി​യോ മ​ത​മോ തി​രി​ച്ച​റി​യാ​നാ​കാ​ത്ത​വി​ധം ഊരി​യെ​ടു​ത്ത ഇ.​എ​ച്ച് എ​ന്ന പേ​രി​ലു​ള്ള ആ​ക്രി​ക്ക​ട മാ​ത്ര​മാ​യി​രു​ന്നു.

തു​രു​മ്പു​ ക​യ​റി​യ ഒ​രു പ​ഴ​യ സൈ​ക്കി​ളി​ലാ​ണ് അ​യാ​ൾ ആ​ദ്യം പേ​പ്പ​റും ത​ക​ര​വും ഒ​ക്കെ വാ​ങ്ങാ​ൻ വ​ന്നി​രു​ന്ന​ത്. പി​ന്നീ​ട് വ​ണ്ടി ഓ​ടി​ക്കാ​ൻ പ​ഠി​ച്ച് ഒ​രു എം.​എ​യ്റ്റി സ്​​കൂ​ട്ട​റി​ൽ നാ​ടാ​കെ ചു​റ്റാ​ൻ തു​ട​ങ്ങി. മീ​ൻ ക​ച്ച​വ​ട​ക്കാ​രെ​ല്ലാം ഉ​പ​യോ​ഗി​ച്ചി​രു​ന്ന ആ ​വാ​ഹ​നം പി​ന്നീ​ട് അ​വ​രെ​ല്ലാം ഉ​പേ​ക്ഷി​ച്ചെ​ങ്കി​ലും ഹാ​ജ്യാ​ര് ഉ​പേ​ക്ഷി​ച്ചി​ല്ല. ആ ​വ​ണ്ടി​യു​ടെ ചി​ത​റി​യ ഹോ​ൺ കേ​ൾ​ക്കു​മ്പോ​ൾ​ത​ന്നെ ചി​ല വ​ലി​യ വീ​ടു​ക​ളി​ലെ നാ​യ​ക​ൾ വാ​രി​യെ​ല്ലു​ക​ൾ ഇ​ള​ക്കി ഉ​ശി​രോ​ടെ കു​ര​ക്കു​മാ​യി​രു​ന്നു. പ്ര​മീ​ള​യാ​ണെ​ങ്കി​ൽ, ''അ​താ, നി​ങ്ങ​ടെ സാ​യി​പ്പ് വ​രു​ന്നു​ണ്ട്...'' എ​ന്ന് അ​ത്ര ര​സി​ക്കാ​ത്തമ​ട്ടി​ലും പ​റ​യും. അ​വ​ളു​ടെ ചി​ല ആ​വ​ശ്യ​ങ്ങ​ളോ​ട് ഒ​ട്ടും പൊ​രു​ത്ത​പ്പെ​ട്ടി​രു​ന്നി​ല്ല ഹാ​ജ്യാ​ര്.

ഒ​രു വീ​ട്ടു​കാ​ര​ത്തി​യെ​ന്ന​നി​ല​യി​ൽ അ​വ​ൾ അ​ടു​ക്ക​ള​പ്പു​റ​ത്തു​നി​ന്നും ഒ​ഴി​വാ​ക്കാ​ൻ ആ​ഗ്ര​ഹി​ക്കു​ന്ന എ​ല്ലാ സാ​ധ​ന​ങ്ങ​ളും സ്വീ​ക​രി​ക്കാ​ൻ ഹാ​ജ്യാ​ര് ത​യാ​റാ​യി​രു​ന്നി​ല്ല. മ​റ്റൊ​ന്നു​മ​ല്ല, അ​ത്ത​രം സാ​ധ​ന​ങ്ങ​ളൊ​ന്നും വേ​റൊ​രി​ട​ത്ത് മ​റി​ച്ച​​ു​വി​ൽ​ക്കാ​ൻ ക​ഴി​യി​ല്ല, എ​ന്ന​താ​യി​രു​ന്നു കാ​ര​ണം. പി​ന്നെ വേ​ണ​മെ​ങ്കി​ൽ വീ​ട്ടു​കാ​രെ തൃ​പ്തി​പ്പെ​ടു​ത്താ​ൻ അ​തെ​ല്ലാം വാ​രി​യെ​ടു​ത്ത് ആ​ളൊ​ഴി​ഞ്ഞ ഏ​തെ​ങ്കി​ലും പ​റ​മ്പു​ക​ളി​ലോ ഓ​ട​ക​ളി​ലോ കൊ​ണ്ട് വ​ലി​ച്ചെ​റി​യാ​മാ​യി​രു​ന്നു; അ​യാ​ൾ​ക്കും. ആ​രും അ​റി​യി​ല്ല! എ​ന്തി​ന് കോ​ർ​പ​റേ​ഷ​നു​ക​ളി​ലെ ഉ​ത്ത​ര​വാ​ദി​ത്ത​മു​ള്ള ജീ​വ​ന​ക്കാ​ർ​പോ​ലും അ​ങ്ങ​നെ​യൊ​ക്കെ ചെ​യ്യാ​റു​ണ്ട്! പ​ക്ഷേ, ഹാ​ജ്യാ​ര് അ​തൊ​ന്നും ചെ​യ്യി​ല്ല, പ​ണ്ടും ഇ​ന്നും. അ​ങ്ങ​നെ ചെ​യ്യാ​നാ​ണെ​ങ്കി​ൽ പി​ന്നെ മു​ട​ങ്ങാ​തെ പ​ള്ളി​യി​ൽ പോ​കു​ന്ന​തെ​ന്തി​നെ​ന്ന് അ​യാ​ൾ ചോ​ദി​ക്കും.

അ​ച്ഛ​​ന്റെ കാ​ലം മു​ത​ലേ ഉ​ള്ള പ​രി​ച​യ​മാ​ണെ​ങ്കി​ലും ഞാ​നും ഹാ​ജ്യാ​രു​മാ​യു​ള്ള ബ​ന്ധം തു​ട​ങ്ങു​ന്ന​ത് ചി​ല കൊ​ടു​ക്ക​ൽ വാ​ങ്ങ​ലു​ക​ളി​ലൂ​ടെ​യാ​ണ്. മ​റ്റൊ​ന്നു​മ​ല്ല, അ​ത് പു​സ്​​ത​ക​ങ്ങ​ളാ​യി​രു​ന്നു. പ്ര​ധാ​ന​മാ​യും പ​ഴ​യ പു​സ്​​ത​ക​ങ്ങ​ൾ. ഒ​രി​ക്ക​ൽ ആ​രു​ടെ​യൊ​ക്കെ​യോ ഭ​വ​ന​ങ്ങ​ളെ, ഓ​ഫീ​സ്​​മു​റി​ക​ളെ, ഏ​റ്റ​വും പ്രി​യ​പ്പെ​ട്ട ഇ​ട​ങ്ങ​ളെ അ​ല​ങ്ക​രി​ച്ചി​രു​ന്ന വി​ഖ്യാ​ത​ങ്ങ​ളാ​യ എ​ത്ര​യെ​ങ്കി​ലും കൃ​തി​ക​ൾ എ​​ന്റെ ശേ​ഖ​ര​ത്തി​ലേ​ക്ക് വ​ന്നി​ട്ടു​ള്ള​ത് ഇ​സ്​​മാ​യി​ൽ ഹാ​ജി വ​ഴി​യാ​ണ്. ഹാ​ജ്യാ​ര് പു​സ്​​ത​ക​ങ്ങ​ൾ​ക്ക് വി​ല​പ​റ​യു​ന്ന​ത് അ​തി​​ന്റെ തൂ​ക്കം നോ​ക്കി​യാ​ണ്. അ​തി​നു​ള്ളി​ലെ ആ​ത്മ​സം​ഘ​ർ​ഷ​ങ്ങ​ളോ പൊ​ട്ടി​ത്തെ​റി​ക​ളോ ഒ​ന്നും അ​ദ്ദേ​ഹ​ത്തി​ന് പ​രി​ഗ​ണ​നാ​വി​ഷ​യ​ങ്ങ​ളേ​യ​ല്ല! അ​വി​ടെ തൂ​ക്ക​വും ക​ന​വും ഉ​ള്ള പു​സ്​​ത​ക​ങ്ങ​ളാ​ണ് വ​ലി​യ പു​സ്​​ത​ക​ങ്ങ​ൾ.

ഹാ​ജ്യാ​രു​ടെ ആ​ക്രി​ക്ക​ട​യി​ൽ​നി​ന്നും ഒ​രാ​ൾ ഒ​രു പു​സ്​​ത​കം വാ​ങ്ങു​മ്പോ​ൾ അ​യാ​ൾ ഒ​രു ജ​ഡ​മാ​ണോ വാ​ങ്ങു​ന്ന​തെ​ന്ന് ഞാ​ൻ പ​ല​പ്പോ​ഴും സം​ശ​യി​ച്ചി​ട്ടു​ണ്ട്. വി.​ഐ.​പി സ്യൂ​ട്ടി​ൽ വി​മാ​നം ക​യ​റി​പ്പോ​യി​ട്ടൊ​ടു​വി​ൽ, ഭാ​രം അ​ള​ന്ന് ജ​ഡ​മാ​യി ല​ഗേ​ജു​ക​ളു​ടെ കൂ​ട്ട​ത്തി​ൽ മ​ട​ങ്ങു​ന്ന​തു​പോ​ലെ, ഉ​ട​മ​സ്​​ഥ​ർ ഇ​ല്ലാ​താ​കു​മ്പോ​ൾ എ​ത്ര മ​ഹ​ത്താ​യ പു​സ്​​ത​ക​വും പ​റു​ദീ​സ​യി​ൽ​നി​ന്നും ജ​ഡ​മാ​യി ആ​ക്രി​ക്ക​ട​ക​ളു​ടെ ആ​ഴ​ത്തി​ലേ​ക്ക് നി​പ​തി​ക്കു​ന്നു.

ചി​ല​പ്പോ​ൾ ചി​രി​വ​രും; ഷേ​ക്സ്​​പി​യ​റും ഷെ​ല്ലി​യും കീ​റ്റ്സും ഒ​ക്കെ തൂ​ങ്ങു​ന്ന അ​തേ ത്രാ​സി​ൽ ത​ന്നെ കൊ​യ് ലോ​യും മു​റാ​കാ​മി​യും ഖു​ശ്‍വ​ന്ത്സി​ങ്ങു​മൊ​ക്കെ തൂ​ങ്ങു​ന്ന​ത് കാ​ണു​മ്പോ​ൾ! ഒ​രി​ക്ക​ൽ ഞാ​ൻ പ​റ​ഞ്ഞു:

''ഹാ​ജ്യാ​രേ... നി​ങ്ങ​ൾ അ​ക്കൂ​ട്ട​ത്തി​ൽ​നി​ന്ന് അ​രു​ന്ധ​തി​റാ​യി​യെ​യും ചേ​ത​ൻ ഭ​ഗ​തി​നെ​യു​മെ​ല്ലാം എ​ടു​ത്തു​മാ​റ്റി​യി​ട്ട് വ​ട​ക്കേ​മൂ​ല​യി​ൽ കി​ട​ക്കു​ന്ന കു​മാ​ര​നാ​ശാ​​ന്റെ ചി​ന്താ​വി​ഷ്​​ട​യാ​യ സീ​ത എ​ടു​ത്ത് ത്രാ​സി​ൽ വ​യ്ക്ക്...​എ​നി​ക്ക് വേ​ണ്ട തൂ​ക്കം അ​പ്പോ​ൾ ശ​രി​യാ​കും.''

മു​ഖ​ച്ച​ട്ട കീ​റി​യ ദാ​രി​ദ്യ്രം പ​റ​യു​ന്ന ഏ​തോ പ്ര​സി​ൽ​നി​ന്നും പു​റ​ത്തി​റ​ങ്ങി​യ ഒ​രു കൊ​ച്ചു​പു​സ്​​ത​ക​മാ​യി​രു​ന്നു അ​ത്. പ​ത്തു കി​ലോ​യു​ടെ തൂ​ക്കു​ക​ട്ടി​യെ​ടു​ത്ത് ഇ​ട​ത്തേ ത​ട്ടി​ലേ​ക്ക് വെ​ക്കു​ന്ന​തി​നി​ട​യി​ൽ അ​യാ​ൾ ഇ​രു​മ്പ് മ​ണ​മു​ള്ള ഒ​രു ചു​മ​യോ​ടെ ചോ​ദി​ച്ചു:

''ആ​ശാ​നാ​യാ​ലെ​ന്ത്? ശി​ഷ്യ​നാ​യാ​ൽ എ​ന്ത്? തൂ​ക്കം തി​ക​ഞ്ഞാ​ൽ പോ​രെ പു​ള്ളേ?''

''ഇ​ല്ല, സാ​യി​പ്പേ, ചി​ല​ത് താ​ഴെ ഇ​രി​ക്കാ​നു​ള്ള​തും ചി​ല​ത് മു​ക​ളി​ൽ ഇ​രി​ക്കാ​നു​മു​ള്ള​താ​ണ്. അ​ത് ജീ​വ​നു​ള്ള​പ്പോ​ഴും ജ​ഡ​മാ​യി തീ​ർ​ന്നാ​ലും...''

തേ​ഞ്ഞ​ പ​ല്ലു​ക​ൾ കാ​ട്ടി ഹാ​ജ്യാ​ര് അ​ന്നേ​രം ത​ല​കു​ലു​ക്കി.

എ​ത്ര വ​ലി​യ സാ​ധ​ന​ങ്ങ​ളാ​ണേ​ലും കാ​ഴ്ച​യി​ൽ അ​തി​​ന്റെ തൂ​ക്കം അ​ള​ന്ന് പ​റ​യാ​നു​ള്ള ഒ​രു അ​പൂ​ർ​വ​സി​ദ്ധി ഹാ​ജ്യാ​ർ​ക്ക് ഉ​ണ്ടാ​യി​രു​ന്നു. ഒ​രൊ​റ്റ നോ​ട്ടം​കൊ​ണ്ട് പ​ഴ​യ ഗ്യാ​സ്​ സ്റ്റൗ​വി​നും ഇ​ല​ക്ട്രി​ക് ഓ​വ​നും കാ​ലൊ​ടി​ഞ്ഞ ക​സേ​ര​ക്കു​മെ​ല്ലാം ആ ​മ​ന​സ്സി​ലൊ​രു തൂ​ക്ക​മ​ങ്ങ് തൂ​ങ്ങും. അ​തി​നു​ള്ളി​ൽ എ​ല്ലാം ഉ​ണ്ടാ​കും, അ​യാ​ളു​ടെ ന്യാ​യ​മാ​യ ലാ​ഭ​വും തു​രു​മ്പും എ​ല്ലാം.

എ​ന്നെ സം​ബ​ന്ധി​ച്ചി​ട​ത്തോ​ളം അ​തൊ​രു പ്ര​ശ്ന​മാ​യി​രു​ന്നി​ല്ല. കു​ലു​ങ്ങി ചി​രി​ച്ച് കു​റേ നാ​ട്ടു​വ​ർ​ത്ത​മാ​ന​ങ്ങ​ളൊ​ക്കെ പ​റ​ഞ്ഞ്, ഒ​ന്നോ ര​ണ്ടോ കു​ട്ടി​ച്ചാ​ക്കു​ക​ളി​ൽ എ​ല്ലാം വാ​രി​നി​റ​ച്ച് ഹാ​ജ്യാ​ര് മ​ട​ങ്ങു​മ്പോ​ൾ: ''നി​ങ്ങ​ളെ​ന്താ, ഒ​രു ക​ണ​ക്കും വ​ഴ​ക്കു​മൊ​ന്നും ഇ​ല്ലാ​തെ സാ​ധ​ന​ങ്ങ​ളെ​ല്ലാം പെ​റു​ക്കി​ക്കൊ​ടു​ത്ത് വ​ലി​യ കു​ബേ​ര​നാ​കാ​ൻ ശ്ര​മി​ക്കു​ക​യാ​ണോ?'' എ​ന്ന് ചോ​ദി​ച്ചു​കൊ​ണ്ട് പ്ര​മീ​ള ചാ​ടി​ക്ക​ടി​ക്കാ​ൻ വ​രും. അ​വ​ൾ​ക്ക് പ്ര​ശ്നം ഹാ​ജ്യാ​ര് മാ​റ്റി​യി​ട്ട തേ​ഞ്ഞ ചെ​രി​പ്പു​ക​ളും പ​ല​കാ​ല​ങ്ങ​ളി​ലാ​യി വാ​ങ്ങി​യ മ​രു​ന്ന് ബോ​ട്ടി​ലു​ക​ളു​മൊ​ക്കെ ഇ​നി എ​വി​ടെ കൊ​ണ്ടു​ക​ള​യും എ​ന്ന വേ​വ​ലാ​തി​യാ​ണെ​ന്ന് എ​നി​ക്ക​റി​യാം.

''ഒ​രാ​ൾ അ​യാ​ളു​ടെ തൊ​ഴി​ലി​നോ​ട് കാ​ണി​ക്കു​ന്ന നീ​തി​യെ, സ​ത്യ​സ​ന്ധ​ത​യെ അ​ഹ​ങ്കാ​ര​മെ​ന്നോ ധി​ക്കാ​ര​മെ​ന്നോ കാ​ണ​രു​ത് പ്ര​മീ​ളേ... ന​മു​ക്ക് ഈ ​സാ​ധ​ന​ങ്ങ​ളൊ​ക്കെ കോ​ർ​പ​റേ​ഷ​ൻ പ​ഴ​യ​സാ​ധ​ന​ങ്ങ​ൾ ശേ​ഖ​രി​ക്കു​ന്ന ഇ​ട​ങ്ങ​ളു​ണ്ട​ല്ലോ, അ​വി​ടെ കൊ​ണ്ടു​ക്കൊ​ടു​ക്കാം, ഒ​ന്ന് സ​മാ​ധാ​ന​പ്പെ​ട്!''

''എ​നി​ക്ക് സ​മാ​ധാ​ന​ക്കേ​ടൊ​ന്നും ഇ​ല്ല. നി​ങ്ങ​ൾ അ​തി​നു​ള്ള സ​മ​യ​മാ​കു​മ്പോ​ൾ ഓ​ർ​ത്ത് ചെ​യ്താ​ൽ മ​തി. പി​ന്നെ ഇ​യാ​ൾ​ക്ക് മാ​ത്ര​മേ, എ​ന്നും സാ​ധ​ന​ങ്ങ​ൾ കൊ​ടു​ക്കൂ എ​ന്ന തീ​രു​മാ​ന​ത്തി​ൽ​നി​ന്നെ​ല്ലാം നി​ങ്ങ​ൾ മാ​റ​ണം. അ​ച്ഛ​ന​പ്പൂ​പ്പ​ന്മാ​രു​ടെ കാ​ല​മൊ​ക്കെ ക​ഴി​ഞ്ഞി​ല്ലേ? ലോ​ക​ക്ര​മ​ങ്ങ​ൾ മാ​റി​യി​ല്ലേ? പ​റ​യ്, ഇ​ന്ന​ത്തെ​ക്കാ​ല​ത്ത് ആ​രാ​ണ് ഇ​ങ്ങ​നെ ഒ​രു ക​ണ​ക്കും വ​ഴ​ക്കൊ​ന്നും ഇ​ല്ലാ​തെ തൂ​ക്കു​ന്ന​ത്?''

''എ​ടീ... ഇ​തി​ലൊ​ന്നും ഒ​രു ക​ള്ള​വു​മി​ല്ല; എ​ല്ലാം ഒ​രു പ​ഴ​യ വ​ഴ​ക്ക​മാ​ണ്. ഇ​ത്ര​യും കാ​ലം ഈ ​തൊ​ഴി​ൽ ചെ​യ്ത് ജീ​വി​ച്ച​തി​​ന്റെ...​ അ​ങ്ങ​നെ​യു​ള്ള​വ​രു​ടെ മ​ന​സ്സി​ൽ ഒ​രു വ​ലി​യ ത്രാ​സ്​ ഉ​ണ്ടാ​കും. ഒ​രി​ക്ക​ലും അ​ത് തെ​റ്റി​ല്ല!''

''ഒ​ന്നും പ​റ​യ​ണ്ട, നി​ങ്ങ​ൾ​ക്ക് അ​യാ​ൾ കു​റേ ച​ത്ത പു​സ്​​ത​ക​ങ്ങ​ൾ ത​രു​ന്ന​തി​​ന്റെ സ്​​നേ​ഹ​മ​ല്ലേ? എ​ന്നാ​ൽ, അ​തെ​ല്ലാം വെ​റു​തെ തൂ​ക്കാ​തെ​യാ​ണോ ത​രു​ന്ന​ത്?''

''പു​സ്​​ത​ക​ങ്ങ​ൾ എ​​ന്റെ ആ​വ​ശ്യ​മാ​ണ്. അ​തി​​ന്റെ തൂ​ക്കം അ​യാ​ളു​ടേ​തും. അ​ക്കാ​ര്യ​ത്തി​ൽ ന​മു​ക്ക് ത​മ്മി​ൽ ഒ​രു ത​ർ​ക്കം വേ​ണ്ട...''

എ​നി​ക്ക​ന്നേ​രം ആ ​വ​ർ​ത്ത​മാ​നം അ​വ​സാ​നി​പ്പി​ക്കു​വാ​നു​ള്ള തി​ടു​ക്കം ഉ​ണ്ടാ​യി​രു​ന്നു.

എ​ന്താ​യാ​ലും അ​ന്ന​ത്തെ ആ ​സം​ഭ​വ​ത്തി​നു​ശേ​ഷം പി​ന്നീ​ട് ഹാ​ജ്യാ​ര് വ​ന്നി​ട്ടി​ല്ല. വി​ളി​ച്ച​പ്പോ​ൾ, ഷാ​ജി​യെ​ന്നോ ജാ​ഫ​റെ​ന്നോ പേ​രു​ള്ള ഒ​രു പ​യ്യ​നെ ഒ​രു പു​ത്ത​ൻ ത്രാ​സും കൊ​ടു​ത്ത് ആ​ക്ടി​വ സ്​​കൂ​ട്ട​റി​ൽ പ​റ​ഞ്ഞു​വി​ട്ടു. അ​വ​നാ​ണെ​ങ്കി​ൽ വ​ർ​ത്ത​മാ​നം പോ​യി​ട്ട് നേ​രെ മു​ഖ​ത്തു​പോ​ലും നോ​ക്കി​യി​ല്ല! മാ​ത്ര​മ​ല്ല, അ​ധി​കം തൂ​ങ്ങി​യ നാ​ല​ഞ്ച് ചെ​റി​യ പേ​പ്പ​റി​​ന്റെ ചി​ല്ലി​ക്കാ​ശു​പോ​ലും പ​ഴ്സ്​ ത​പ്പി ത​ന്നി​ട്ടേ മ​ട​ങ്ങി​യു​ള്ളൂ.

അ​വ​ൻ ആ ​പു​തി​യ ത്രാ​സി​ൽ സാ​ധ​ന​ങ്ങ​ൾ എ​ടു​ത്തു​വെ​ക്കു​മ്പോ​ൾ, അ​തി​നോ​ടൊ​പ്പം ക​ണ്ണി​പൊ​ട്ടി​യ ഒ​രു പ​ഴ​യ​ത്രാ​സും തൂ​ങ്ങു​ന്ന​താ​യി എ​നി​ക്ക് തോ​ന്നി.

ഏ​താ​നും ചി​ല വീ​ക്കി​ലി​ക​ളും എ​ടു​ത്താ​ണ് ഞാ​ൻ പി​ന്നീ​ട് അ​വി​ടേ​ക്ക് ചെ​ന്ന​ത്. ഒ​രു ഇ​രു​മ്പ് ക​സേ​ര​യി​ൽ കൂ​നി​ക്കൂ​ടി ഇ​രി​ക്കു​ക​യാ​യി​രു​ന്നു, അ​യാ​ൾ. അ​ന്നേ​രം ക​ട തു​റ​ന്നി​ട്ടേ ഉ​ണ്ടാ​യി​രു​ന്നു​ള്ളൂ. എ​ന്നെ ക​ണ്ട​തും ചാ​ടി എ​ഴു​ന്നേ​റ്റു. വേ​ണ്ടെ​ന്ന് പ​റ​ഞ്ഞി​ട്ടും മ​ട​ക്കിവെ​ച്ചി​രു​ന്ന ഒ​രു ക​സേ​ര​യെ​ടു​ത്ത് നി​വ​ർ​ത്തി​യി​ട്ടു. അ​ന്നേ​ര​മാ​ണ് ഞാ​ന​ത് ശ്ര​ദ്ധി​ച്ച​ത്, അ​പ​രി​ചി​ത​രാ​യ അ​തി​ഥി​ക​ൾ​ക്കാ​യി അ​യാ​ൾ നീ​ക്കി​വെ​ച്ചി​രു​ന്ന ഒ​രു പു​തി​യ ക​സേ​ര​യാ​യി​രു​ന്നു, അ​ത്! കു​റെ​നേ​രം അ​ങ്ങ​നെ ഇ​രു​ന്നി​ട്ടും എ​ന്തോ, ഞ​ങ്ങ​ൾ​ക്കൊ​ന്നും സം​സാ​രി​ക്കാ​നാ​യി​ല്ല. അ​തി​ർ​ത്തി​ക​ളി​ൽ കാ​വ​ൽ നി​ൽ​ക്കു​ന്ന ര​ണ്ട് മ​നു​ഷ്യ​രെ​പ്പോ​ലെ എ​ത്ര ശ്ര​മി​ച്ചി​ട്ടും ഞ​ങ്ങ​ൾ​ക്കി​ട​യി​ൽ തോ​ക്കേ​ന്തി​യ ഒ​രു ഗൗ​ര​വം മു​ഴ​ച്ചു​നി​ന്നു.

കു​റ​ച്ച് ക​ഴി​ഞ്ഞ​തും ഹാ​ജ്യാ​ര് എ​ണീ​റ്റ് പോ​യി അ​ക​ത്തെ ഷെ​ൽ​ഫി​ൽ​നി​ന്നും ര​ണ്ട് പു​തി​യ പു​സ്​​ത​ക​ങ്ങ​ൾ എ​ടു​ത്തു​കൊ​ണ്ടു​വ​ന്നു. കാ​ഴ്ച​യി​ൽ പു​തി​യ​തെ​ന്ന് തോ​ന്നി​ച്ചെ​ങ്കി​ലും പ​ഴ​യ ര​ണ്ട് പു​സ്​​ത​ക​ങ്ങ​ളാ​യി​രു​ന്നു അ​ത്. പ​തി​നാ​റോ പ​തി​നേ​ഴോ നൂ​റ്റാ​ണ്ടി​ൽ ജീ​വി​ച്ചി​രു​ന്ന ഒ​രു ഭ​ക്ത​ക​വി​യു​ടെ​യും ഏ​താ​ണ്ട് അ​തേ​കാ​ല​ത്ത് രാ​ജ്യം ഭ​രി​ച്ചി​രു​ന്ന ഒ​രു ഭ​ര​ണാ​ധി​കാ​രി​യു​ടെ​യും അ​റി​യ​പ്പെ​ടാ​ത്ത ജീ​വി​ത​ങ്ങ​ളാ​യി​രു​ന്നു, ആ ​പു​സ്​​ത​ക​ങ്ങ​ൾ. ഹാ​ജ്യാ​ര് പ​തി​വു​പോ​ലെ അ​തി​​ന്റെ തൂ​ക്കം അ​ള​ക്കാ​ൻ ത്രാ​സി​ൽ വെ​ക്കു​മെ​ന്നാ​ണ് ഞാ​ൻ ക​രു​തി​യ​ത്. എ​ന്നാ​ൽ, അ​തി​​ന്റെ പു​റ​ത്തെ പൊ​ടി ത​ട്ടി​ക്ക​ള​ഞ്ഞ്, ഇ​ട​തു​വ​ശ​ത്തേ​ക്ക് ക​യ​റ്റി ഉ​ടു​ത്ത പു​ത്ത​ൻ വെ​ളു​ത്ത മു​ണ്ടി​​ന്റെ കോ​ന്ത​ല​കൊ​ണ്ട് പു​റ​മാ​കെ തു​ട​ച്ച്, അ​തെ​​ന്റെ കൈ​യി​ലേ​ക്ക് നേ​രെ വെ​ച്ചു​ത​ന്നു.

ഒ​രു നി​മി​ഷം ഞാ​ന​ത് തി​രി​ച്ചും മ​റി​ച്ചും നോ​ക്കി. ഒ​ട്ടും ശ്ര​ദ്ധ​കി​ട്ടാ​ത്ത ഒ​രി​ട​ത്ത്, തീ​രെ ചെ​റി​യ അ​ക്ഷ​ര​ങ്ങ​ളി​ലാ​യി​രു​ന്നു, അ​തി​​ന്റെ വി​ല രേ​ഖ​പ്പെ​ടു​ത്തി​യി​രു​ന്ന​ത്. വ​ള​ഞ്ഞ് പി​ന്നി​ലെ പോ​ക്ക​റ്റി​ൽ​നി​ന്നും ഞാ​ൻ പ​ഴ്സ്​ എ​ടു​ക്കാ​ൻ മു​തി​ർ​ന്നു.

അ​ന്നേ​രം മേ​ശ​പ്പു​റ​ത്ത് മ​റി​ഞ്ഞു​വീ​ണു​കി​ട​ന്ന ഒ​രു പ​ഴ​യ ഘ​ടി​കാ​ര​ത്തെ എ​ടു​ത്ത് ഉ​യ​ർ​ത്തിവെ​ച്ചു​കൊ​ണ്ട് ''വേ​ണ്ട, കൊ​ണ്ടു​പൊ​യ്ക്കോ...'' എ​ന്ന​യാ​ൾ പ​റ​ഞ്ഞു.

''ഇ​സ്​​മാ​യീ​ൽ ഹാ​ജ്യാ​രേ, ഇ​നി​വ​രു​മ്പോ​ൾ നി​ങ്ങ​ൾ ഒ​രു ത്രാ​സു​കൂ​ടി കൊ​ണ്ടു​വ​രീ​ൻ... ആ​റ്റി​ൽ ക​ള​ഞ്ഞാ​ലും അ​ള​ന്ന് ക​ള​യ​ണ​മെ​ന്നാ​ണ​ല്ലോ പ്ര​മാ​ണം..?''

പൊ​ള്ളു​ന്ന ഒ​രു മി​ന്ന​ലാ​യി ആ ​വാ​ക്കു​ക​ൾ അ​ന്നേ​രം എ​​ന്റെ പെ​രു​വി​ര​ലു​ക​ളി​ലൂ​ടെ പാ​ഞ്ഞു​ക​യ​റി. പു​റ​ത്ത് ഒ​രു സ്റ്റൂ​ളി​ലി​രു​ന്ന് മീ​ശ​യി​ലെ കു​ഞ്ഞ​ൻ ന​ര​ക​ളെ തു​ര​ത്തു​ക​യാ​യി​രു​ന്നു ഞാ​ൻ. ഹാ​ജ്യാ​ര് വ​ന്ന​പാ​ടെ തോ​ളി​ൽ കി​ട​ന്ന തോ​ർ​ത്തെ​ടു​ത്ത് വി​യ​ർ​ത്ത മു​ഖം തു​ട​ച്ച് പ​തി​വു​പോ​ലെ ഒ​ന്നാ​മ​ത്തെ ച​വി​ട്ടു​പ​ടി​യി​ൽ പ​ടി​യി​ൽ കാ​ലും നീ​ട്ടി ച​ട​ഞ്ഞി​രു​ന്നി​ട്ടേ ഉ​ണ്ടാ​യി​രു​ന്നു​ള്ളൂ... ഗേ​റ്റി​ൽ ഇ​രു​ന്ന് കാ​റി​വി​ളി​ച്ചു​കൊ​ണ്ടി​രു​ന്ന ഒ​രു ബ​ലി​കാ​ക്ക​യെ കൈ​വീ​ശി ഓ​ടി​ച്ചു​കൊ​ണ്ട് അ​വി​ടേ​ക്ക് പാ​ഞ്ഞു​വ​രു​ക​യാ​യി​രു​ന്നു പ്ര​മീ​ള.

അ​ത്ര​യും പ​റ​യാ​ൻ ഇ​ക്കാ​ല​മ​ത്ര​യും ഓ​ങ്ങി​ന​ട​ന്ന​തി​​ന്റെ മു​ഴു​വ​ൻ ഊക്കോ​ടുംകൂ​ടി കു​നി​ഞ്ഞ് ഒ​രു ക​ല്ലെ​ടു​ത്തെ​റി​ഞ്ഞ് അ​വ​ൾ ആ ​കാ​ക്ക​യെ ഓ​ടി​ച്ചു. ശേ​ഷം അ​തേ വേ​ഗ​ത്തി​ൽ അ​ടു​ക്ക​ള​യി​ൽ പോ​യി ഒ​രു ചാ​യ​യു​മാ​യി വ​ന്നു. മു​ഖ​ത്തു നോ​ക്കാ​തെ, ഒ​രു കോ​പ്പ വി​ഷം വാ​ങ്ങു​ന്ന അ​റ​പ്പോ​ടെ ഹാ​ജ്യാ​ര് അ​ത് വാ​ങ്ങി മ​റി​ഞ്ഞു​വീ​ണേ​ക്കാ​വു​ന്ന വി​ധം മൂ​ന്നാ​മ​ത്തെ പ​ടി​യു​ടെ വി​ളു​മ്പി​ലേ​ക്ക് ഭ​യ​ത്തോ​ടെ നീ​ക്കി​വെ​ച്ചു. കാ​ക്ക അ​ടു​ത്ത മ​ര​ച്ചി​ല്ല​യി​ലേ​ക്ക് പ​റ​ന്നി​രു​ന്ന് കൂ​ടു​ത​ൽ ഒ​ച്ച​യെ​ടു​ത്ത് കാ​റി. ഹാ​ജ്യാ​ര് വെ​ച്ചി​ട്ടു​പോ​യ ചാ​യ​യി​ൽ പ​തി​നാ​യി​രം കാ​ലു​ക​ളു​ള്ള ഒ​രു ജീ​വി​യാ​യി അ​ന്തി​വെ​ളി​ച്ചം മ​ല​ർ​ന്നു​കി​ട​ന്ന് ഇ​ള​കു​ന്ന​ത് ഞാ​ൻ ക​ണ്ടു.

കൃ​ത്യ​മാ​യി സ​മ​യം കാ​ണി​ച്ചു​കൊ​ണ്ടി​രു​ന്ന, വീ​ട്ടി​ത്ത​ടി​കൊ​ണ്ട് പു​റം​ച​ട്ട പ​ണി​ത ആ ​വ​ലി​യ ഘ​ടി​കാ​രം ഒ​രി​ക്ക​ൽ അ​ച്ഛ​ൻ ഹാ​ജ്യാ​ർ​ക്ക് വെ​റു​തെ കൊ​ടു​ത്ത​താ​യി​രു​ന്നു. അ​തി​ലേ​ക്കും ആ ​ക​ണ്ണു​ക​ളി​ലേ​ക്കും ഞാ​ൻ മാ​റി മാ​റി നോ​ക്കി. ര​ണ്ടി​ട​ത്തും ആ ​പ​ഴ​യ ത്രാ​സ്​ തൂ​ങ്ങു​ന്നു​ണ്ടാ​യി​രു​ന്നു. ക​ണ്ണി​ക​ൾ ഇ​രു​ണ്ടി​ട്ടും ബ​ല​ത്തി​നൊ​ട്ടും കു​റ​വി​ല്ലെ​ന്ന് വി​ളി​ച്ചു​പ​റ​ഞ്ഞു​കൊ​ണ്ടി​രു​ന്ന... തു​റ​ന്നു​പി​ടി​ച്ച പ​ഴ്സി​​ന്റെ ഇ​ട​ത്തേ അ​റ​യി​ൽ ഇ​രു​ന്ന് അ​ച്ഛ​​ന്റെ ചി​ത്രം എ​ന്നെ തു​റി​ച്ചു​നോ​ക്കി. തെ​റ്റു​ക​ൾ കാ​ണു​മ്പോ​ൾ താ​ക്കീ​തോ​ടെ നോ​ക്കി​യി​രു​ന്ന അ​തേ കൂ​ർ​പ്പി​ച്ച നോ​ട്ടം!

നി​ര​ത്തി​ൽ വാ​ഹ​ന​ങ്ങ​ൾ അ​ന്നേ​രം തീ​രെ കു​റ​വാ​യി​രു​ന്നു. ഞാ​ൻ സാ​വ​ധാ​നം ന​ട​ന്നു. പ​ന്ത്ര​ണ്ട് മ​ണി വെ​യി​ൽ​ച്ചൂ​ടി​ലും ആ ​പു​സ്​​ത​ക​ങ്ങ​ളു​ടെ ക​വ​റി​ൽ, ഹാ​ജ്യാ​രു​ടെ വി​ര​ലു​ക​ളി​ൽ​നി​ന്നും പൊ​ടി​ഞ്ഞ നേ​ർ​ത്ത വി​യ​ർ​പ്പി​​ന്റെ ന​ന​വു​ണ്ടാ​യി​രു​ന്നു.

''അ​വ​ൾ അ​ങ്ങ​നെ പ​റ​ഞ്ഞ​പ്പോ​ൾ നീ ​അ​ന്നേ​രം​ത​ന്നെ അ​ത് തി​രു​ത്ത​ണ​മാ​യി​രു​ന്നു'' എ​ന്ന് ഉ​റ​ക്കെ പ​റ​യു​ന്ന അ​ച്ഛ​​ന്റെ ഒ​രു മി​ടി​പ്പ് ആ ​വ​ലി​യ ഘ​ടി​കാ​ര​ത്തി​ൽ​നി​ന്നും ഒ​രു കൊ​ടു​ങ്കാ​റ്റു​പോ​ലെ പി​ന്നാ​ലെ അ​ല​ച്ച് വ​രു​ന്ന​താ​യി എ​നി​ക്ക് തോ​ന്നി.