വാ​തി​ലു​ക​ൾ തു​റ​ക്ക​ട്ടെ

എ​ന്താ​വും പു​തു​വ​ർ​ഷം? അ​നി​ശ്ചി​ത​ത്വ​വും ആ​ശ​ങ്ക​യും ഏ​റെ. ഭ​ര​ണ​കൂ​ട ന​യ​ങ്ങ​ൾ മു​ത​ൽ ന​മ്മെ വ​രി​ഞ്ഞു​മു​റു​ക്കു​ന്ന വി​ല​ക്ക​യ​റ്റം​വ​രെ പ്ര​ശ്ന​ങ്ങ​ൾ നി​ര​വ​ധി. എ​ങ്കി​ലും പ്ര​തീ​ക്ഷ​ക​ൾ​ക്ക് വ​ക​യു​ണ്ട്. ചെ​റു​പ്പം പ​ല​തും മാ​റ്റി​യെ​ഴു​തികൊണ്ടിരിക്കുകയാണ്, തി​രു​ത്തി​ക്കു​റി​ക്കുകയാണ്. അത് വലിയ ഊർജവും ​പ്രസരിപ്പും സമ്മാനിക്കുന്നുണ്ട്. ​ചെ​റു​പ്പ​ത്തി​ന്റെ, യു​വ​ത്വ​ത്തി​​ന്റെ തു​ടി​പ്പു​ക​ൾ അ​റി​യാ​നാ​ണ് ഈ ​പു​തു​വ​ർ​ഷ​പ്പ​തി​പ്പ്. ആ തെളിച്ചം നമ്മളിലേക്കും പടരട്ടെ.

വാ​തി​ലു​ക​ൾ തു​റ​ക്കൂ എ​ന്ന് ഇ​പ്പോ​ൾ ആ​വ​ർ​ത്തി​ച്ച് പ​റ​യേ​ണ്ട​തു​ണ്ട്. കാ​റ്റും​ വെ​ളി​ച്ച​വും ക​ട​ക്ക​ട്ടെ. വാ​യ​ന​യി​ൽ മാ​ത്ര​മ​ല്ല, എ​ല്ലാ ഇ​ട​ങ്ങ​ളി​ലും വാ​തി​ലു​ക​ൾ തു​റ​ക്കേ​ണ്ട​തു​ണ്ട്. അ​തി​ലേ​ക്ക് ഈ ​പു​തു​വ​ർ​ഷ​പ്പ​തി​പ്പ് ന​യി​ച്ചാ​ൽ സ​ന്തോ​ഷം. വ്യ​ത്യ​സ്ത ധാ​ര​ക​ളി​ലെ ചി​ന്ത​ക​ളും എ​ഴു​ത്തും നി​ല​പാ​ടു​ക​ളും അ​ണി​നി​ര​ത്താ​ൻ പു​തു​വ​ർ​ഷ​പ്പ​തി​പ്പ് ശ്ര​മി​ച്ചി​ട്ടു​ണ്ട്.

ഠ​ഠ​ഠ

വ​ർ​ഷം അ​വ​സാ​നി​ക്കു​മ്പോ​ൾ ദുഃ​ഖ​ക​ര​മാ​യ വാ​ർ​ത്ത​ക​ളു​ണ്ട്. ആ​ഴ്ച​പ്പ​തി​പ്പി​ന്റെ അ​ടു​ത്ത സു​ഹൃ​ത്തു​ക്ക​ളാ​യ സം​വി​ധാ​യ​ക​നും മ​നു​ഷ്യാ​വ​കാ​ശ പ്ര​വ​ർ​ത്ത​ക​നു​മാ​യ കെ.​പി. ശ​ശി​യും, ചി​ന്ത​ക​നും ഗ​വേ​ഷ​ക​നും സാ​മ്പ​ത്തി​ക കാ​ര്യ വി​ദ​ഗ്ധ​നും എ​ഴു​ത്തു​കാ​ര​നും ‘മാ​സ് ലൈ​ൻ’ മു​ൻ പ​ത്രാ​ധി​പ​രു​മാ​യി​രു​ന്ന ടി.​ജി. ജേ​ക്ക​ബും വി​ട​വാ​ങ്ങി​യി​രി​ക്കു​ന്നു. ഇ​രു​വ​രു​ടെ​യും വി​യോ​ഗം വേ​ദ​ന​ തീ​ർ​ക്കു​ന്നു.

ഠ​ഠ​ഠ

അ​ച്ച​ടി ക​ട​ലാ​സി​ന്റെ വി​ല കു​ത്ത​നെ ഉ​യ​ർ​ന്നു​കൊ​ണ്ടി​രി​ക്കു​ന്ന അ​വ​സ്ഥ​യാ​ണി​പ്പോ​ൾ. അ​ത​നു​സ​രി​ച്ച് അ​ച്ച​ടി​യു​ടെ​യും വി​ത​ര​ണ​ത്തി​​ന്റെ​യും മ​റ്റെ​ല്ലാ മേ​ഖ​ല​ക​ളി​ലും ചെ​ല​വ് വ​ർ​ധി​ച്ചു​കൊ​േ​ണ്ട​യി​രി​ക്കു​ന്നു. ഈ ​സാ​ഹ​ച​ര്യ​ത്തി​ൽ ആ​ഴ്ച​പ്പ​തി​പ്പി​ന്റെ വി​ല അ​ടു​ത്ത ല​ക്കം മു​ത​ൽ 30 രൂ​പ​യാ​യി​രി​ക്കും. എ​ന്നും ആ​ഴ്ച​പ്പ​തി​പ്പി​ന്റെ ക​രു​ത്ത് വാ​യ​ന​ക്കാ​രാ​ണ്. വാ​യ​ന​യെ ഒ​രു സാ​മൂ​ഹി​ക-​രാ​ഷ്ട്രീ​യ പ്ര​വ​ർ​ത്ത​ന​മാ​യി ന​മു​ക്ക് മു​ന്നോ​ട്ട് കൊ​ണ്ടു​പോ​യേ തീ​രൂ.