ആ​ൾ​ക്കൂ​ട്ട അ​പ​ക​ട​ങ്ങ​ൾ

കു​സാ​റ്റി​ൽ ന​വം​ബ​ർ 26ന് ​തി​ക്കി​ലും തി​ര​ക്കി​ലും മൂ​ന്ന് വി​ദ്യാ​ർ​ഥി​ക​ള​ട​ക്കം നാ​ലുപേ​ർ മ​രി​ച്ച സം​ഭ​വം ഇ​നി​യെ​ങ്കി​ലും നാ​ടി​ന്റെ ക​ണ്ണ് തു​റ​പ്പി​ക്കേ​ണ്ട​താ​ണ്. അ​പ​ക​ട​ത്തി​ൽ 66 പേ​ർ​ക്കാ​ണ് പ​രി​ക്കേ​റ്റ​ത്. സം​ഗീ​തനി​ശ ന​ട​ക്കു​ന്നി​ട​ത്തേ​ക്ക് മ​ഴ വ​ന്ന​പ്പോ​ൾ ആ​ളു​ക​ൾ ത​ള്ളി​ക്ക​യ​റി​യ​പ്പോ​ഴാ​ണ് അ​പ​ക​ടം. സം​ഘാട​ന​ത്തി​ൽ ഗു​രു​ത​ര​മാ​യ പാ​ളി​ച്ച ഉ​ണ്ടാ​യി എ​ന്ന് വ്യ​ക്തം. അ​തി​ൽ കു​സാ​റ്റി​ലെ ഭ​ര​ണനി​ർ​വ​ഹ​ണ ത​ല​ത്തി​ൽ സം​ഭ​വി​ച്ച വീ​ഴ്ച​ക്കും പ​ങ്കു​ണ്ട്. കേ​ര​ള​ത്തി​ലെ ക​ലാ​ല​യ കാ​മ്പ​സി​ൽ ഇ​തു​പോ​ലെ ഒ​രു ദു​ര​ന്തം മു​മ്പു​ണ്ടാ​യി​ട്ടി​ല്ല.

ആ​ൾ​ക്കൂ​ട്ട​ങ്ങ​ൾ വി​കാ​രാ​വേ​ശ​ത്തോ​ടെ തി​ങ്ങി​ക്കൂ​ടു​ന്ന​താ​ണ് ഉ​ത്സ​വ​ങ്ങ​ളി​ല​ട​ക്കം കേ​ര​ള​ത്തി​ന്റെ പ​തി​വ്. ഗാ​ന​മേ​ള​ക​ളും പൂ​ര​ങ്ങ​ളു​മാ​കു​മ്പോ​ൾ പ​റ​ഞ്ഞ​റി​യി​ക്കാ​ൻ ക​ഴി​യാ​ത്തയ​ത്ര അ​ളു​ക​ൾ ത​ടി​ച്ചുകൂ​ടും. ആ​ൾ​ക്കൂ​ട്ട നി​യ​ന്ത്ര​ണ സം​വി​ധാ​നം ഫ​ല​​പ്രദ​മാ​യി ഒ​രി​ട​ത്തും ന​ട​ക്കാ​റി​ല്ല. തൃ​ശൂ​ർപൂ​രം പോ​ലെ കൈ​വി​ര​ലി​ലെ​ണ്ണാ​വു​ന്ന ഇ​ട​ങ്ങ​ളി​ൽ മാ​ത്ര​മാ​ണ് ഭ​ര​ണ​കൂ​ട​വും ജാ​ഗ​രൂ​ക​മാ​കാ​റ്.

ഹൈകോ​ട​തി​യു​ടെ 2015 ഒ​ക്ടോ​ബ​ർ 20ലെ ​ഉ​ത്ത​ര​വ് കോ​ള​ജ് കാ​മ്പ​സി​ൽ പു​റ​ത്തുനി​ന്നു​ള്ള ഏ​ജ​ൻ​സി​ക​ളു​ടെ ഡി.​ജെ​ക്കും സം​ഗീ​തപ​രി​പാ​ടി​ക്കും വി​ല​ക്കു​ണ്ട്. തി​രു​വ​ന​ന്ത​പു​രം എ​ൻജി​നീ​യ​റിങ് കോ​ള​ജി​ൽ വി​ദ്യാ​ർ​ഥി​ക​ൾ സം​ഘ​ടി​പ്പി​ച്ച ആ​ഘോ​ഷ​ങ്ങ​ൾ​ക്കി​ടെ ഒ​രു വി​ദ്യാ​ർ​ഥി​നി ജീ​പ്പി​ടി​ച്ച് മ​രി​ച്ച സം​ഭ​വ​ത്തെ തു​ട​ർ​ന്നാ​യി​രു​ന്നു ഹൈ​കോ​ട​തി ഉ​ത്ത​ര​വ് വ​ന്ന​ത്. ഈ ​സംഭ​വ​ത്തി​നു പി​ന്നാ​ലെ സ​ർ​ക്കാ​ർ ഒ​രു സ​ർ​ക്കു​ല​റും ഇ​റ​ക്കി​യി​രു​ന്നു. അ​ത​നു​സ​രി​ച്ച് കാ​മ്പ​സി​ലെ ആ​ഘോ​ഷ പ​രി​പാ​ടി​ക​ൾ പൊ​ലീ​സി​നെ മു​ൻ​കൂ​ട്ടി അ​റി​യി​ക്ക​ണം. ഇ​തെ​ല്ലാം കു​സാ​റ്റി​ൽ ലം​ഘി​ക്ക​പ്പെ​ട്ടു​വെ​ന്നാ​ണ് മ​ന​സ്സി​ലാ​വു​ന്ന​ത്.

മു​ൻ​കൂ​ട്ടി അ​നു​മ​തി വാ​ങ്ങിയ കാ​മ്പ​സി​ലും സ്വ​കാ​ര്യസ്ഥ​ല​ങ്ങ​ളി​ലും പ​രി​പാ​ടി​ക​ൾ ന​ട​ത്താ​വൂ എ​ന്ന​ത് ഒ​രു അ​പ​ക​ടസാ​ധ്യ​ത ഒ​ഴി​വാ​ക്ക​ൽ നി​ർ​ദേ​ശ​മാ​യി ഇ​പ്പോ​ൾ വി​വി​ധ കോ​ണു​ക​ളി​ൽനി​ന്ന് ഉ​യ​ർ​ന്നുവ​രു​ന്നു​ണ്ട്. അ​തൊ​രു ന​ല്ല നി​ർ​ദേ​ശ​മാ​യി പ​രി​ഗ​ണി​ക്കു​ക വ​യ്യ. അ​ത് ഫ​ല​ത്തി​ൽ ഭ​ര​ണ​കൂ​ട അ​മി​താ​ധി​കാ​ര​ത്തി​ന്റെ സ്വ​ഭാ​വ​മാ​ർ​ജി​ക്കും. അ​ത​ല്ല വേ​ണ്ട​ത്. അ​നു​മ​തി​യ​ല്ല അ​റി​യി​ക്ക​ലാ​വും ന​ല്ല​ത്. അ​തി​ലൂ​ടെ സു​ര​ക്ഷാ സം​വി​ധാ​നം മെ​ച്ച​പ്പെ​ടു​ത്താ​ൻ പൊ​ലീ​സി​നും മ​റ്റും ക​ഴി​യും.

വേ​ണ്ട​ത് സം​ഘാ​ട​കത​ല​ത്തി​ലെ സു​ര​ക്ഷാ മുന്നൊ​രുക്കങ്ങ​ളാ​ണ്. അ​പ​ക​ടം ഉ​ണ്ടാ​കാ​തി​രി​ക്കാ​നും ഉ​ണ്ടാ​യാ​ൽ ആ​ളു​ക​ൾ ര​ക്ഷ​പ്പെ​ടാ​നു​മു​ള്ള സം​വി​ധാ​ന​വും ക്ര​മ​വും ആ​ദ്യ​മേ ഒ​രു​ക്ക​ണം. തി​ക്കി​ലും തി​ര​ക്കി​ലുംപെ​ട്ടാ​ൽ ജീ​വ​ൻ ര​ക്ഷ​പ്പെ​ടു​ത്താ​നു​ള്ള അ​റി​വ് പ​ക​ർ​ന്ന് ബോ​ധ​വ​ത്ക​ര​ണം ന​ട​ത്തു​ക​യും വേ​ണം. ദു​ര​ന്ത​ത്തി​ന്റെ പ​ശ്ചാ​ത്ത​ല​ത്തി​ൽ സം​സ്ഥാ​ന​ത്ത് പ​രി​പാ​ടി​ക​ൾ ന​ട​ത്തു​മ്പോ​ൾ പാ​ലി​ക്കേ​ണ്ട മാ​ർ​ഗനി​ർ​ദേ​ശം പ​രി​ഷ്ക​രി​ക്കു​മെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ പ​റ​ഞ്ഞി​ട്ടു​ണ്ട്. ഓ​രോ ദു​ര​ന്ത​വും ന​ട​ക്കു​മ്പോ​ൾ മാ​ത്രം ഉ​ണ​രു​ന്ന പ​തി​വ് പ​രി​പാ​ടി​യാ​യി ഇ​ത് മാ​റ​രു​ത്. ശാ​സ്ത്രീ​യമാ​യ സു​ര​ക്ഷാസം​വി​ധാ​നം ഒ​രു​ക്കാ​ൻ സ​ർ​ക്കാ​റി​ന് ക​ഴി​യ​ണം. അ​തൊ​രി​ക്ക​ലും ജ​ന​ങ്ങ​ൾ​ക്കു മേ​ലു​ള്ള അ​മി​താ​ധി​കാ​ര പ്ര​യോ​ഗ​മാ​യി മാ​റ​രു​ത്.