അരൂർ: ദക്ഷിണ കേരള ജംഇയ്യതുൽ ഉലമ ആലപ്പുഴ ജില്ല ട്രഷറർ എൻ.കെ. അബ്ദുൽ മജീദ് മൗലവി (63) അന്തരിച്ചു. ദക്ഷിണ കേരള ഇസ്ലാംമത വിദ്യാഭ്യാസ ബോർഡ് സെക്രട്ടറിയും പാഠപുസ്തക പരിഷ്കരണ കമ്മിറ്റി ജനറൽ കൺവീനറും ചന്തിരൂർ മില്ലിയ്യ അറബിക് കോളജ് വൈസ് പ്രിൻസിപ്പലുമാണ്. കായംകുളം ജാമിഅ ഹസനിയ്യ, വർക്കല മന്നാനിയ്യ, കാഞ്ഞിരപ്പള്ളി ഹിദായത്തുൽ ഇസ്ലാം എന്നിവിടങ്ങളിൽ മുദരിസായി ജോലി ചെയ്തിരുന്നു. ആലുവ തായിക്കാട്ടുകര മുസ്ലിം ജമാഅത്ത്, കുഞ്ഞുണ്ണിക്കര മുസ്ലിം ജമാഅത്ത് എന്നിവിടങ്ങളിൽ ദീർഘകാലം ഖത്തീബായും മുദരിസായും സേവനം ചെയ്തിട്ടുണ്ട്. ദക്ഷിണ കേരള ജംഇയ്യതുൽ ഉലമ മുൻ പ്രസിഡന്‍റ് പരേതനായ ചേലക്കുളം അബുൽ ബുഷ്റ മൗലവിയുടെ മകൾ ഷമീമയാണ് ഭാര്യ. മക്കൾ: ഷാക്കിറ, നഈം, തമീം, ലൂബാബ, മുഫീദ. മരുമക്കൾ: മുനീർ, അനസ് മൗലവി, നാജിയ. സഹോദരങ്ങൾ: അഹമ്മദ്കുട്ടി, അബ്ദുൽ ഖാദർ, ഷെരീഫ്, യൂസുഫ്, ഫാത്തിമ മക്കാർ, ഹബീബ ഇല്യാസ്, ജമീല അബ്ദുൽ ഖാദർ.
