പാലേരി: കേരള കർഷക തൊഴിലാളി ഫെഡറേഷൻ (എസ്.ടി.യു) കോഴിക്കോട് ജില്ല പ്രസിഡൻറും മുസ്ലിം ലീഗ് നേതാവുമായ കെ.സി കുഞ്ഞബ്ദുല്ല മൗലവി (75) നിര്യാതനായി. ചങ്ങരോത്ത് ഗ്രാമ പഞ്ചായത്ത്‌ മുൻ അംഗമാണ്. എസ്.ടി.യു പേരാമ്പ്ര മണ്ഡലം പ്രസിഡൻറ്, മുസ്ലിം ലീഗ് ജില്ല കൗൺസിലർ, പേരാമ്പ്ര മണ്ഡലം പ്രവർത്തക സമിതി അംഗം, മുസ്ലിം ലീഗ് ചങ്ങരോത്ത് പഞ്ചായത്ത്‌ വൈസ് പ്രസിഡൻറ്, കന്നാട്ടി മഹല്ല് ജനറൽ സെക്രട്ടറി, സുന്നി മഹല്ല് ഫെഡറേഷൻ പഞ്ചായത്ത്‌ വൈസ് പ്രസിഡൻറ് തുടങ്ങിയ പദവികൾ വഹിച്ചിരുന്നു. പാലേരി, കന്നാട്ടി, കക്കാട്, കടിയങ്ങാട് എന്നിവിടങ്ങളിൽ പതിറ്റാണ്ടുകളോളം മദ്റസ അധ്യാപകനായിരുന്നു. ഭാര്യ: അനന്തൻകുന്നുമ്മൽ കുഞ്ഞാമി വേളം. മക്കൾ: സൗദ (ചോയിമഠം), ഫൗസിയ (കന്നാട്ടി), സാജിദ (തിരുവള്ളൂർ), കെ.സി. മുഹമ്മദ്‌ ഷാഫി (മുസ്ലിം ലീഗ് കന്നാട്ടി ശാഖ ജനറൽ സെക്രട്ടറി), കെ.സി റഷീദ്. (കുവൈത്ത്), പരേതയായ ഹഫ്സ. മരുമക്കൾ: സലാം ഇടിവെട്ടി, അസീസ് ചാലിൽ (ചോയിമഠം), വി.പി. അലി (കന്നാട്ടി), അബ്ദുറഹ്മാൻ (തിരുവള്ളൂർ), റുബീന (ഏരത്ത് മുക്ക്), ജസീല (കൈപ്രം).
