ന്യൂഡൽഹി: സി.ബി.എസ്.ഇ 10,12 ക്ലാസുകളുടെ ആദ്യ ടേം പരീക്ഷാ തീയതികൾ പ്രഖ്യാപിച്ചു. പത്താം ക്ലാസ് പരീക്ഷ നവംബർ 30നും 12ാം ക്ലാസ് പരീക്ഷ ഡിസംബർ ഒന്നിനും തുടങ്ങും. പ്രധാന (മേജർ)വിഷയങ്ങളുടെ പരീക്ഷാ തീയതിയാണ് പ്രഖ്യാപിക്കുന്നതെന്നും മൈനർ വിഷയങ്ങളുടെ തീയതി സ്കൂളുകൾക്ക് പ്രത്യേകമായി അയക്കുമെന്നും പരീക്ഷാ കൺേട്രാളർ സന്യം ഭരദ്വാജ് പറഞ്ഞു.
10,12 ക്ലാസുകളിലെ മൈനർ വിഷയങ്ങളുടെ പരീക്ഷ യഥാക്രമം നവംബർ 17നും നവംബർ 16നും തുടങ്ങും. കോവിഡ് സാഹചര്യത്തിൽ രണ്ട് ടേമുകളായാണ് പരീക്ഷ. ഇക്കാര്യം ജൂലൈയിൽ തന്നെ സി.ബി.എസ്.ഇ പ്രഖ്യാപിച്ചിരുന്നു. ഓഫ്ലൈനായി നടത്തുന്ന പരീക്ഷ ഒബ്ജക്ടീവ് രീതിയിലായിരിക്കും. ഒന്നര മണിക്കൂറായിരിക്കും സമയം. മഞ്ഞുകാലം കണക്കിലെടുത്ത് 11.30നായിരിക്കും പരീക്ഷ തുടങ്ങുക. കൂടുതൽ വിവരങ്ങൾ cbse.nic.in
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.