ന്യൂഡൽഹി: മെഡിക്കൽ പി.ജി പ്രവേശനത്തിനുള്ള നീറ്റ് പി.ജി പരീക്ഷക്കുള്ള തീയതി പ്രഖ്യാപിച്ചു. സെപ്തംബർ 11ന് പരീക്ഷ നടത്തുമെന്ന് ആരോഗ്യ കുടുംബക്ഷേമ മന്ത്രി മൻസുക് മാണ്ഡവ്യ അറിയിച്ചു. ഏപ്രിൽ 18ന് പരീക്ഷ നടത്താനായിരുന്നു നേരത്തെ നിശ്ചയിച്ചിരുന്നത്. എന്നാൽ, കോവിഡ് രണ്ടാം തരംഗത്തെ തുടർന്ന് പരീക്ഷ അനിശ്ചിതമായി നീട്ടുകയായിരുന്നു.
1.74 ലക്ഷം പേരാണ് നീറ്റ് പി.ജി പരീക്ഷക്കായി അപേക്ഷിച്ചത്. പരീക്ഷക്കുള്ള ഹാൾടിക്കറ്റുകൾ നേരത്തെ തന്നെ ലഭ്യമാക്കിയിരുന്നു. നാഷണൽ ബോർഡ് ഓഫ് എക്സാമിനേഷൻസാണ് പരീക്ഷ നടത്തുന്നത്. അതേസമയം, കോവിഡ് സമയത്ത് പരീക്ഷ നടത്തുന്നതിനെതിരെ ഒരു വിഭാഗം വിദ്യാർഥികൾ രംഗത്തെത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.