നാലുവർഷ ബിരുദ പഠനം കോഴ്​സ്​ ഘടന അടിമുടി മാറും

തി​രു​വ​ന​ന്ത​പു​രം: സം​സ്ഥാ​ന​ത്ത്​ മു​ഴു​വ​ൻ സ​ർ​വ​ക​ലാ​ശാ​ല​ക​ളി​ലും കോ​ള​ജു​ക​ളി​ലും അ​ടു​ത്ത​വ​ർ​ഷം മൂ​ന്നു​ വ​ർ​ഷ ബി​രു​ദ കോ​ഴ്​​സു​ക​ൾ നാ​ലു​വ​ർ​ഷ ഓ​ണേ​ഴ്​​സ്​ രീ​തി​യി​ലേ​ക്ക്​ മാ​റു​ന്ന​ത്​ ഘ​ട​ന​യി​ൽ വ​ൻ അ​ഴി​ച്ചു​പ​ണി​യോ​ടെ. ഇ​തി​ന​നു​സൃ​ത​മാ​യ പാ​ഠ്യ​പ​ദ്ധ​തി ച​ട്ട​ക്കൂ​ടാ​ണ്​ ഉ​ന്ന​ത വി​ദ്യാ​ഭ്യാ​സ ക​രി​ക്കു​ലം ക​മ്മി​റ്റി രൂ​പ​പ്പെ​ടു​ത്തി സ​ർ​വ​ക​ലാ​ശാ​ല​ക​ൾ​ക്ക്​ കൈ​മാ​റി​യ​ത്.

ബി​രു​ദ പ​ഠ​ന​ത്തി​ന്​ ചേ​രു​ന്ന വി​ദ്യാ​ർ​ഥി​ക്ക്​ ഒ​രു വി​ഷ​യ​ത്തി​ൽ മാ​ത്രം ബി​രു​ദം ല​ഭി​ക്കു​ന്ന രീ​തി​ക്കു​​പ​ക​രം പ്ര​ധാ​ന ഐ​ച്ഛി​ക വി​ഷ​യ​ത്തി​ൽ മേ​ജ​ർ ബി​രു​ദ​വും തെ​ര​ഞ്ഞെ​ടു​ക്കു​ന്ന മ​റ്റ്​ വി​ഷ​യ​ങ്ങ​ളി​ൽ മൈ​ന​ർ ബി​രു​ദ​വും ല​ഭി​ക്കു​ന്ന രീ​തി​യി​ലാ​ണ്​ കോ​ഴ്​​സി​ന്‍റെ ഘ​ട​ന​യി​ൽ മാ​റ്റം.

ഇ​തി​നു​പു​റ​മെ, ഇ​ര​ട്ട മേ​ജ​ർ (ഡ​ബി​ൾ മെ​യി​ൻ) ബി​രു​ദം, ഇ​ന്‍റ​ർ ഡി​സി​പ്ലി​ന​റി മേ​ജ​ർ എ​ന്നി​ങ്ങ​നെ​യു​ള്ള രീ​തി​യി​ലും വി​ദ്യാ​ർ​ഥി​ക്കു ത​ന്നെ കോ​ഴ്​​സ്​ രൂ​പ​പ്പെ​ടു​ത്തി ബി​രു​ദ പ​ഠ​നം പൂ​ർ​ത്തി​യാ​ക്കാ​ൻ സൗ​ക​ര്യ​മൊ​രു​ങ്ങും. പ​ഠ​ന​ത്തി​നി​ടെ, നി​ശ്ചി​ത സ​മ​യം ഇ​ട​വേ​ള​യെ​ടു​ക്കാ​നും തി​രി​കെ വ​ന്ന്​ കോ​ഴ്​​സ്​ പൂ​ർ​ത്തി​യാ​ക്കാ​നും അ​വ​സ​ര​മു​ണ്ടാ​കും.

ഓ​ണേ​ഴ്​​സ്​ ബി​രു​ദ​ത്തി​ന്​ 177 ക്രെ​ഡി​റ്റ്​; മൂ​ന്നു​​വ​ർ​ഷ​ത്തി​ന്​ 133

നാ​ലു​വ​ർ​ഷ ഓ​ണേ​ഴ്​​സ്​ ബി​രു​ദം നേ​ടാ​ൻ ആ​ർ​ജി​ക്കേ​ണ്ട​ത്​​ 177 ക്രെ​ഡി​റ്റാ​ണ്​. മൂ​ന്നു​വ​ർ​ഷം പൂ​ർ​ത്തി​യാ​ക്കി പു​റ​ത്തു​പോ​കാ​ൻ (എ​ക്സി​റ്റ്) 133 ക്രെ​ഡി​റ്റും. 177 ക്രെ​ഡി​റ്റ്​ പൂ​ർ​ത്തി​യാ​ക്കു​ന്ന​വ​ർ​ക്ക്​ അ​വ​രു​ടെ വി​ഷ​യ മേ​ഖ​ല​യി​ൽ ഓ​ണേ​ഴ്​​സ്​ ബി​രു​ദം ല​ഭി​ക്കും. 133 ക്രെ​ഡി​റ്റ്​ പൂ​ർ​ത്തി​യാ​ക്കു​ന്ന​വ​ർ​ക്ക്​ നി​ല​വി​ലു​ള്ള സാ​ധാ​ര​ണ ബി​രു​ദ​വും ല​ഭി​ക്കും.

ഒ​രു ക്രെ​ഡി​റ്റ്​ ല​ഭി​ക്കാ​ൻ വി​ദ്യാ​ർ​ഥി ഒ​രു സെ​മ​സ്റ്റ​റി​ൽ 15 മ​ണി​ക്കൂ​ർ ലെ​ക്​​ച​ർ/ ട്യൂ​ട്ടോ​റി​യ​ൽ ക്ലാ​സി​ൽ പ​​ങ്കെ​ടു​ക്കു​ക​യും 30 മ​ണി​ക്കൂ​ർ പ​ഠ​ന​വു​മാ​യി ബ​ന്ധ​പ്പെ​ട്ട മ​റ്റ്​ പ്ര​വ​ർ​ത്ത​ന​ങ്ങ​ൾ ചെ​യ്യു​ക​യും വേ​ണം. ക്ലാ​സ്​ റൂം ​പ്ര​വ​ർ​ത്ത​ന​ങ്ങ​ൾ​ക്കു​പു​റ​മെ, വി​ദ്യാ​ർ​ഥി​ക​ൾ പ​​ങ്കെ​ടു​ക്കു​ന്ന ക​ല, കാ​യി​ക പ്ര​വ​ർ​ത്ത​ന​ങ്ങ​ൾ, സാ​മൂ​ഹി​ക ​പ്ര​വ​ർ​ത്ത​ന​ങ്ങ​ൾ എ​ന്നി​വ​ക്കും ക്രെ​ഡി​റ്റ്​ ല​ഭി​ക്കും. ചു​രു​ങ്ങി​യ​ത്​ 60 മ​ണി​ക്കൂ​റെ​ങ്കി​ലും ഒ​രു സെ​മ​സ്റ്റ​റി​ൽ ഇ​ത്ത​രം പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​വ​ർ​ക്കാ​ണ്​ ഒ​രു ക്രെ​ഡി​റ്റ്​ ല​ഭി​ക്കു​ക.

മേ​ജ​ർ, ഡ​ബി​ൾ മേ​ജ​ർ, മൈ​ന​ർ ബി​രു​ദ​ങ്ങ​ൾ

വി​ദ്യാ​ർ​ഥി​ക​ൾ​ക്ക്​ അ​വ​രു​ടെ താ​ൽ​പ​ര്യ​പ്ര​കാ​ര​മു​ള്ള കോ​ഴ്​​സു​ക​ൾ തെ​ര​ഞ്ഞെ​ടു​ക്കാ​മെ​ന്ന​താ​ണ്​ പു​തി​യ സ​മ്പ്ര​ദാ​യ​ത്തി​ന്‍റെ പ്ര​ത്യേ​ക​ത. ബി​രു​ദ പ​ഠ​ന​ത്തി​ന്​ ഏ​ത്​ ഐ​ച്ഛി​ക വി​ഷ​യം തെ​ര​ഞ്ഞെ​ടു​ത്ത വി​ദ്യാ​ർ​ഥി​യും ആ​ദ്യ മൂ​ന്ന്​ സെ​മ​സ്റ്റ​റു​ക​ളി​ൽ പ്ര​ധാ​ന​മാ​യും ഫൗ​ണ്ടേ​ഷ​ൻ കോ​ഴ്​​സു​ക​ളി​ലാ​ണ്​ ഊ​ന്ന​ൽ ന​ൽ​കേ​ണ്ട​ത്​.

ഈ ​സ​മ​യം ഭാ​ഷാ​പ​ര​മാ​യ ക​ഴി​വ്​ വ​ർ​ധി​പ്പി​ക്കു​ന്ന കോ​ഴ്​​സു​ക​ൾ, നൈ​പു​ണ്യ വി​ക​സ​ന കോ​ഴ്​​സു​ക​ൾ, മ​ൾ​ട്ടി ഡി​സി​പ്ലി​ന​റി കോ​ഴ്​​സു​ക​ൾ, വി​ഷ​യാ​ധി​ഷ്ഠി​ത ഫൗ​ണ്ടേ​ഷ​ൻ കോ​ഴ്​​സു​ക​ൾ എ​ന്നി​വ പൂ​ർ​ത്തീ​ക​രി​ക്ക​ണം.

ആ​ദ്യ ര​ണ്ട്​ സെ​മ​സ്റ്റ​റു​ക​ൾ​ക്കു​ ശേ​ഷം പ്ര​ധാ​ന ഐ​ച്ഛി​ക വി​ഷ​യം (മേ​ജ​ർ), പു​തി​യ ഐ​ച്ഛി​ക വി​ഷ​യം (മൈ​ന​ർ) രീ​തി​യി​ൽ തെ​ര​ഞ്ഞെ​ടു​ക്കാം. അ​ടു​ത്ത മൂ​ന്ന്​ സെ​മ​സ്റ്റ​റു​ക​ൾ പൂ​ർ​ണ​മാ​യും മേ​ജ​ർ, മൈ​ന​ർ വി​ഷ​യ​ങ്ങ​ളി​ൽ പ്രാ​വീ​ണ്യം നേ​ടാ​ൻ വി​നി​യോ​ഗി​ക്ക​ണം. ഒ​രു വി​ഷ​യ​ത്തി​ൽ മേ​ജ​ർ ല​ഭി​ക്ക​ണ​മെ​ങ്കി​ൽ ആ​കെ നേ​ടി​യ ക്രെ​ഡി​റ്റി​ൽ പ​കു​തി​യും ആ ​വി​ഷ​യ മേ​ഖ​ല​യി​ൽ​നി​ന്നാ​യി​രി​ക്ക​ണം.

മേ​ജ​ർ വി​ഷ​യ​ത്തി​ന്​ നേ​ടി​യ ക്രെ​ഡി​റ്റി​ന്‍റെ പ​കു​തി​യോ​ളം വേ​റെ ഏ​തെ​ങ്കി​ലും വി​ഷ​യ​ത്തി​ൽ​നി​ന്ന്​ ആ​ർ​ജി​ച്ചാ​ൽ ആ ​വി​ഷ​യ​ത്തി​ൽ ഒ​രു മൈ​ന​ർ ബി​രു​ദം കൂ​ടി ല​ഭി​ക്കും. താ​ൽ​പ​ര്യ​മ​നു​സ​രി​ച്ച്​ സിം​ഗി​ൾ മേ​ജ​ർ, ഇ​ന്‍റ​ർ ഡി​സി​പ്ലി​ന​റി മേ​ജ​ർ, ഡ​ബി​ൾ മേ​ജ​ർ, മേ​ജ​ർ വി​ത്ത്​ മൈ​ന​ർ തു​ട​ങ്ങി​യ രീ​തി​യി​ൽ വി​ദ്യാ​ർ​ഥി​ക​ൾ​ക്കു ത​ന്നെ ബി​രു​ദം രൂ​പ​പ്പെ​ടു​ത്തി​യെ​ടു​ക്കാ​ൻ ക​ഴി​യു​ന്ന രീ​തി​യി​ൽ വ​ഴ​ക്ക​മു​ള്ള​താ​ണ്​ പു​തി​യ ക​രി​ക്കു​ലം ച​ട്ട​ക്കൂ​ട്.

ഓ​ൺ​ലൈ​ൻ, വി​ദൂ​ര പ​ഠ​ന​ത്തി​ലൂ​ടെ​യും ക്രെ​ഡി​റ്റ്​

നി​ശ്ചി​ത ശ​ത​മാ​നം ക്രെ​ഡി​റ്റ്​ ഓ​ൺ​ലൈ​ൻ രീ​തി​യി​ലോ വി​ദൂ​ര വി​ദ്യാ​ഭ്യാ​സ പ​ഠ​ന രീ​തി​യി​ലോ പൂ​ർ​ത്തീ​ക​രി​ക്കാ​നും അ​വ​സ​ര​മു​ണ്ടാ​കും. മ​ധ്യ​വേ​ന​ൽ അ​വ​ധി​ക്കാ​ല​ത്ത്​ ഫാ​സ്റ്റ്​ ട്രാ​ക്ക്​ രീ​തി​യി​ൽ കൂ​ടു​ത​ൽ ക്രെ​ഡി​റ്റു​ക​ൾ നേ​ടാ​നു​ള്ള സൗ​ക​ര്യ​വും ക​രി​ക്കു​ലം മു​ന്നോ​ട്ടു​വെ​ക്കു​ന്നു.

ഭാ​ഷ പ​ഠ​ന​ത്തി​ലും മാ​റ്റം

ഭാ​ഷ പ​ഠ​നം നി​ല​വി​ലെ സാ​ഹി​ത്യ​പ​ഠ​ന​മെ​ന്ന നി​ല​യി​ൽ​നി​ന്ന്​ മാ​റി ഭാ​ഷ ന​ന്നാ​യി കൈ​കാ​ര്യം ചെ​യ്യാ​നു​ള്ള ക​ഴി​വ്​ വ​ർ​ധി​പ്പി​ക്കു​ന്ന രീ​തി​യി​ലേ​ക്ക്​ പു​നഃ​ക്ര​മീ​ക​രി​ക്കും. ഭാ​ഷ പ്ര​യോ​ഗി​ക്കാ​നു​ള്ള ശേ​ഷി, ആ​ശ​യ വി​നി​മ​യ ശേ​ഷി, എ​ഴു​താ​നു​ള്ള ശേ​ഷി തു​ട​ങ്ങി​യ​വ വി​ക​സി​പ്പി​ക്കു​ന്ന രീ​തി​യി​ൽ കോ​ഴ്​​സു​ക​ൾ ഉ​ണ്ടാ​ക​ണ​മെ​ന്നും ക​രി​ക്കു​ലം നി​ർ​ദേ​ശി​ക്കു​ന്നു.

ക്രെ​ഡി​റ്റ്​ സൂ​ക്ഷി​ക്കാം, കൈ​മാ​റ്റം ചെ​യ്യാം; പ​ഠ​ന​ത്തി​ന്​ ഇ​ട​വേ​ള​യും

വി​ദ്യാ​ർ​ഥി​ക​ൾ​ക്ക് വി​വി​ധ രീ​തി​യി​ൽ ​ ക്രെ​ഡി​റ്റ്​ ശേ​ഖ​രി​ക്കാ​ൻ ക​ഴി​യു​ന്ന​തോ​ടൊ​പ്പം മ​റ്റ്​ സ​ർ​വ​ക​ലാ​ശാ​ല​ക​ളു​മാ​യി ക്രെ​ഡി​റ്റ്​ കൈ​മാ​റ്റം ചെ​യ്യാ​നു​ള്ള അ​വ​സ​ര​വും ല​ഭി​ക്കും. മ​റ്റൊ​രു സ​ർ​വ​ക​ലാ​ശാ​ല​യി​ലേ​ക്ക്​ പ​ഠ​നം മാ​റാ​ൻ ആ​ഗ്ര​ഹി​ക്കു​ന്ന​വ​ർ​ക്ക്​ ഇ​ത്​ സ​ഹാ​യ​ക​മാ​കും.

വി​ദ്യാ​ർ​ഥി​ക​ൾ ആ​ർ​ജി​ച്ച ക്രെ​ഡി​റ്റ്​ സൂ​ക്ഷി​ച്ചു​വെ​ച്ച്​​ ഇ​ട​വേ​ള​​യെ​ടു​ത്ത്​ പു​റ​ത്തു​പോ​കാ​നും നി​ശ്ചി​ത സ​മ​യ​ത്തി​ന​കം തി​രി​ച്ചു​വ​ന്ന്​ ബാ​ക്കി ക്രെ​ഡി​റ്റു​ക​ൾ കൂ​ടി നേ​ടി പ​ഠ​നം പൂ​ർ​ത്തി​യാ​ക്കാ​നും അ​വ​സ​ര​വു​മു​ണ്ടാ​കും. അ​ധ്യാ​പ​ക​ർ​ക്ക്​ പ്രാ​വീ​ണ്യ​മു​ള്ള വി​ഷ​യ മേ​ഖ​ല​ക​ളി​ൽ സ്വ​ന്ത​മാ​യി കോ​ഴ്​​സു​ക​ൾ രൂ​പ​പ്പെ​ടു​ത്താ​നും അ​വ തെ​ര​ഞ്ഞെ​ടു​ത്ത്​ പ​ഠി​ക്കാ​വു​ന്ന ഇ​ല​ക്​​ടി​വ്​ പേ​പ്പ​റു​ക​ളാ​യി മ​റ്റ്​ സ്ഥാ​പ​ന​ങ്ങ​ളി​ലെ കു​ട്ടി​ക​ൾ​ക്ക​ട​ക്കം ന​ൽ​കാ​നും അ​വ​യു​ടെ പ​രീ​ക്ഷ​യും മൂ​ല്യ​നി​ർ​ണ​യം ന​ട​ത്താ​നു​മു​ള്ള സാ​ധ്യ​ത​യും പു​തി​യ ക​രി​ക്കു​ലം മു​ന്നോ​ട്ടു​വെ​ക്കു​ന്നു.

ഇ​ന്‍റേ​ണ​ൽ മാ​ർ​ക്ക്​ 40 ശ​ത​മാ​നം വ​രെ

കോ​ഴ്​​സു​ക​ളു​ടെ ലെ​വ​ൽ അ​നു​സ​രി​ച്ച് 30 മു​ത​ൽ​ 40 ശ​ത​മാ​നം വ​രെ മാ​ർ​ക്ക്​ നി​ര​ന്ത​ര മൂ​ല്യ​നി​ർ​ണ​യ​ത്തി​ലൂ​ടെ​യാ​കും (ഇ​ന്‍റേ​ണ​ൽ മാ​ർ​ക്ക്). പ്രാ​ക്ടി​ക്ക​ൽ, പ്രൊ​ജ​ക്ട്​ പ​രീ​ക്ഷ​യും മൂ​ല്യ​നി​ർ​ണ​യ​വും ബ​ന്ധ​പ്പെ​ട്ട കോ​ള​ജു​ക​ൾ ത​ന്നെ ന​ട​ത്ത​ണം. അ​വ​ശേ​ഷി​ക്കു​ന്ന 60 മു​ത​ൽ 70 ശ​ത​മാ​നം വ​രെ​യാ​യി​രി​ക്കും തി​യ​റി പ​രീ​ക്ഷ​ക്ക്​ പ​രി​ഗ​ണി​ക്കു​ക. നി​ല​വി​ലെ ബി​രു​ദ കോ​ഴ്​​സു​ക​ളി​ൽ ഇ​ത്​ 80:20 അ​നു​പാ​ത​ത്തി​ലാ​ണ്.