മൺചട്ടിയിൽ പാകം ചെയ്ത് ചട്ടിയോടെ തന്നെ വിൽക്കുന്നത് വഴി പേരുകേട്ട പത്തനംതിട്ടയിലെ 'അമ്മച്ചി സ്പെഷൽ ചട്ടി മീൻകറി' തയാറാക്കാം...
മൺചട്ടി ചൂടാക്കി അതിലേക്ക് വെളിച്ചെണ്ണ ഒഴിക്കണം. വെളിച്ചെണ്ണ ചൂടാക്കി കടുക് ചേർക്കുക. കടുക് പൊട്ടുമ്പോൾ ഇതിലേക്ക് ഇഞ്ചി, വെളുത്തുള്ളി ചേർക്കണം. വെളുത്തുള്ളി–ഇഞ്ചിപേസ്റ്റ് അൽപം ചേർത്ത് ചുവന്നു വരുമ്പോൾ ആവശ്യത്തിന് പിരിയൻ, പാണ്ടി മുളകുപൊടികൾ സമം ചേർന്ന് വഴറ്റണം. ഇതിലേക്ക് കുടംപുളി അല്ലികളും ആവശ്യത്തിന് വെള്ളവും ചേർക്കുക.
വെള്ളം കുറുകുമ്പോൾ മീൻകഷണം ഇടുക. വറ്റിവന്നാൽ ആവശ്യത്തിന് വെള്ളമൊഴിച്ച് ഉപ്പും ചേർത്ത് മൺചട്ടി അടച്ചുവെക്കണം. അൽപസമയം കഴിഞ്ഞ് തിളച്ചു കഴിയുമ്പോൾ ഉലുവപ്പൊടി, കായപ്പൊടി, വെളിച്ചെണ്ണ, കറിവേപ്പില എന്നിവ ചേർത്ത് അടച്ചുവെക്കാം. ഒരു കിലോ മീനിന് അഞ്ച് ടീസ്സ്പൂൺ പിരിയൻ മുളകിന്‍റെയും മൂന്ന് ടീസ്സ്പൂൺ പാണ്ടി മുളകിന്‍റെയും പൊടി ചേർക്കണം. മറ്റുള്ളവ ആവശ്യാനുസരണം ചേർക്കണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.