മീൻ വിഭവങ്ങളിൽ ഏറെ രുചികരമായതാണ് കൊച്ചിയിലെ തിരുത മീൻ കറി. തേങ്ങാപാൽ ചേർത്ത് കുടംപുളിയിട്ട് തയാറാക്കുന്ന മീൻ കറിയുടെ സ്വാദ് ഒന്നുവേറെ തന്നെയാണ്.
മുളകുപൊടിയും മഞ്ഞൾപൊടിയും അര കപ്പ് വെള്ളം ചേർത്ത് മിക്സ് ചെയ്ത് പേസ്റ്റാക്കി മാറ്റിവെക്കുക. ഒരു മൺച്ചട്ടിയിലേക്ക് 3-4 ടേബ്ൾ സ്പൂൺ വെളിച്ചെണ്ണ ഒഴിച്ച് ചൂടായ ശേഷം കടുകും ഉലുവയുമിട്ട് പൊട്ടിക്കുക. ഇതിലേക്ക് കറിവേപ്പില, ചുമന്നുള്ളി, പച്ചമുളക്, വറ്റൽമുളക് എന്നിവ ചേർത്ത് നന്നായി വഴറ്റുക. ആവശ്യമെങ്കിൽ കുറച്ചുകൂടി വെളിച്ചെണ്ണ ചേർക്കാം.
നന്നായി വഴറ്റിയ ശേഷം മുളകുപൊടി, മഞ്ഞൾപൊടി പേസ്റ്റ് കൂടി ചേർത്ത് ചെറിയ തീയിൽ ഇളക്കുക. ആവശ്യമെങ്കിൽ കുറച്ച് വെള്ളം കൂടി ചേർക്കാം. എണ്ണ തെളിഞ്ഞ് വരുന്നതോടെ മീൻ കക്ഷണങ്ങൾ മൂടി കിടക്കാൻ ആവശ്യമായ വെള്ളവും (രണ്ട് കപ്പ്) ഉപ്പ് പാകത്തിനും ചേർക്കുക. ഒപ്പം കഴുകിവെച്ച കുടംപുളിയും ഇടുക. കറി തിളച്ചു വരുമ്പോൾ കുറച്ചു കൂടി കറിവേപ്പില ഇടുക.
ഇതിലേക്ക് മീൻ കക്ഷണങ്ങൾ ചേർക്കുക. ചെറിയ തീയിൽ മീൻ 10 മിനിറ്റ് വേവിക്കുക. നന്നായി വറ്റിവരുമ്പോൾ പിഴിഞ്ഞു വെച്ചിരുന്ന തേങ്ങാപാൽ (ഒന്നാം പാൽ) ഒഴിച്ചു കൊടുക്കുക. വീണ്ടും ചെറിയ തീയിൽ കറി ഒന്നുകൂടി വറ്റണം. 5, 6 മിനിട്ടുകൾ കഴിയുമ്പോൾ തിരുത കറി കുറുകി കട്ടിയായി വരും.
1. പുളി കൂടിയിട്ടുണ്ടെങ്കിൽ കുടംപുളി നീക്കം ചെയ്യണം.
2. ആവശ്യമെങ്കിൽ ഉപ്പ് വീണ്ടും ചേർക്കാം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.