പിടികൂടിയ വസ്തുക്കൾ
കുവൈത്ത് സിറ്റി: രാജ്യത്ത് മയക്കുമരുന്നിനെതിരായ ശക്തമായ പരിശോധന തുടരുന്നു. കഴിഞ്ഞ ദിവസം വിവിധ ഇടങ്ങളിലായി നടത്തിയ പരിശോധനകളിൽ 14 വ്യത്യസ്ത കേസുകളിലായി 25 പേർ അറസ്റ്റിലായി. രാസവസ്തുക്കൾ, ഹാഷിഷ്, കഞ്ചാവ്, ഹെറോയിൻ എന്നിവയുൾെപ്പടെ ഏകദേശം 7,250 കിലോഗ്രാം മയക്കുമരുന്ന് പ്രതികളിൽ നിന്ന് പിടിച്ചെടുത്തു. ഏകദേശം 10,000 സൈക്കോട്രോപിക് ഗുളികകൾ, എട്ട് കഞ്ചാവ് തൈകൾ, ആറ് ലൈസൻസില്ലാത്ത തോക്കുകൾ, വെടിമരുന്ന്, മയക്കുമരുന്ന് വിൽപനയിൽ നിന്നുള്ള പണം എന്നിവയും പ്രതികളിൽ നിന്ന് കണ്ടെത്തി. ലഹരിവസ്തുക്കൾ വിൽപനക്കും വ്യക്തിഗത ഉപയോഗത്തിനും വേണ്ടി എത്തിച്ചതാണെന്ന് ചോദ്യം ചെയ്യലിൽ പ്രതി സമ്മതിച്ചു. പ്രതികളെയും പിടികൂടിയ വസ്തുക്കളും തുടർനടപടികൾക്കായി ബന്ധപ്പെട്ട അധികാരികൾക്ക് കൈമാറി. മയക്കുമരുന്ന് വിൽപന, കടത്ത്, ഉപയോഗം എന്നിവക്കെതിരെ ശക്തമായ നടപടി തുടരുമെന്ന് ആഭ്യന്തര മന്ത്രാലയം അറിയിച്ചു. പരിശോധന ഉദ്യോഗസ്ഥരുമായി സഹകരിക്കാനും നിയമലംഘകരെക്കുറിച്ച് വിവരം അറിയിക്കാനും അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.