കൊടുങ്ങല്ലൂർ: കഴിഞ്ഞ പ്രളയകാലത്ത് മലബാറിൽ നിന്നുള്ള യുവാക്കളുടെ സംഘങ്ങൾ തൃശൂർ, എറണാകുളം ജില്ലകളിലെ വിവിധയി ടങ്ങളിൽ ദുരിതാശ്വാസ പുനരധിവാസ പ്രവർത്തനങ്ങൾക്ക് എത്തിയത് നന്ദിപൂർവം സ്മരിച്ച് ഇത്തവണ പ്രളയദുരിതത്തിൽപ െട്ട മലബാറിന് കൊടുങ്ങല്ലൂരിെൻറ കാരുണ്യ ഹസ്തം. രക്ഷാ പ്രവർത്തനത്തിനായി അഴീക്കോട് നിന്ന് മത്സ്യ തൊഴിലാളി സൈന്യം നിലമ്പൂരിലേക്ക് പുറപ്പെട്ടതിന് പിന്നാലെ പ്രളയകെടുതിയിൽ കുടുങ്ങിയ അവിടുത്തെ മനുഷ്യർക്ക് മറ്റ് സഹായങ്ങൾ എത്തിക്കാൻ കൊടുങ്ങല്ലൂർ മേഖലയിൽ തകൃതിയായി ശ്രമങ്ങളാരംഭിച്ചു.
കഴിഞ്ഞ പ്രളയകാലത്ത് കൊടുങ്ങല്ലൂർ മേഖലയിൽ വിപുലവും മാതൃകാപരവുമായ പ്രവർത്തനങ്ങൾക്ക് നേതൃതം നൽകിയ കൊടുങ്ങല്ലൂർ കൂട്ടായ്മയും മതിലകം വാർത്ത ഗ്രൂപ് ഉൾപ്പെടെയുളള കൂട്ടായ്മകളുമാണ് മലബാറിൽ ദുരിതം അനുഭവിക്കുന്നവർക്ക് കഴിയുന്ന സഹായവും എത്തിക്കാൻ പ്രയത്നം ആരംഭിച്ചത്.
മലബാറിലേക്ക് അത്യാവശ്യ സാധനങ്ങൾ ശേഖരിക്കാൻ മുഗൾ മാളിനു മുൻവശത്തെ പാർക്കിങ് സ്ഥലത്ത് കൊടുങ്ങല്ലൂർ കൂട്ടായ്മ കലക്ഷൻ സെൻറർ തുറന്നു. മലബാറിലേക്ക് 11ന് വൈകീട്ട് ആറിന് വാഹനം പുറപ്പെടുന്നതിനു മുമ്പ്, കഴിയാവുന്ന സാധനങ്ങൾ എത്തിക്കണമെന്ന് സംഘാടകർ അഭ്യർഥിച്ചു. പായ, പ്ലാസ്റ്റിക്ക് ഷീറ്റ്, കിടക്ക വിരി, പുതപ്പ്, ബ്ലാങ്കെറ്റ്, തീപ്പെട്ടി, കൊതുകുതിരി,പുതിയ വസ്ത്രങ്ങള്‍, സ്വെറ്ററുകൾ, മുതിര്‍ന്നവര്‍ക്കും കുട്ടികള്‍ക്കും ഉള്ളത് (പഴയത് വേണ്ട), പെെട്ടന്ന് കഴിക്കാവുന്ന ഭക്ഷണ സാധനങ്ങള്‍, പാല്‍പ്പൊടി, കുട്ടികളുടെ ഭക്ഷണം, കുട്ടികളുടെയും, സ്ത്രീകളുടെയും നാപ്കിന്‍, മരുന്നുകള്‍ (പാരെസറ്റമോള്‍, ഒ.ആര്‍.എസ്), ഡെറ്റോള്‍, ജലശുദ്ധീകരണ ടാബ്ലെറ്റുകൾ, തുടങ്ങിയ സാധനങ്ങളാണ് എത്തിക്കേണ്ടത്.
കൂടുതല്‍ വിവരങ്ങള്‍ക്ക്: യാസിർ: 9961723493, സലീൽ ഗിഫ്റ്റ്: 9633333196, റിജോയ്: 9946786210. പണം സ്വീകരിക്കുന്നതല്ല. സന്നദ്ധ പ്രവർത്തനത്തിന് താൽപര്യമുള്ള യുവതീ യുവാക്കളും സേവനത്തിെൻറ ഭാഗമായി സർവിസ് നടത്തുവാൻ താൽപര്യമുള്ള ടോറസ്/കണ്ടെയ്നർ വാഹനങ്ങൾ ഉള്ളവരും ബന്ധപ്പെടണമെന്ന് കൊടുങ്ങല്ലൂർ കൂട്ടായ്മ ഭാരവാഹികൾ അഭ്യർഥിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.