അടക്കം -വി. ഷിനിലാലിന്റെ കഥ

പ്ല​ക് പ്ല​ക്

പ്ല​ക് പ്ല​ക് പ്ല​ക്.

കൃ​ത്യ​മാ​യ താ​ള​ത്തി​ൽ കൈ​കൊ​ട്ട് കേ​ട്ടു​കൊ​ണ്ടാ​ണ് ഞാ​ൻ കോ​ളജി​ൽ എ​ത്തി​ച്ചേ​ർ​ന്ന​ത്. കോ​ള​ജി​ന്റെ ഗേ​റ്റ് ക​ട​ന്ന് ഞാ​ൻ കാ​ർ നി​ർ​ത്തി. അ​പ്പോ​ൾ​ത​ന്നെ ര​ണ്ട് എ​ൻ.​എ​സ്.​എ​സ് വ​ള​ന്റി​യ​ർ​മാ​ർ ഓ​ടിവ​ന്നു. ഒ​രാ​ൾ ഡോ​ർ തു​റ​ന്നുത​ന്നു. ര​ണ്ടാ​മ​ത്തെ​യാ​ൾ, ഒ​രു പെ​ൺ​കു​ട്ടി, എ​ന്നെ ബൊ​ക്കെ ത​ന്നു സ്വീ​ക​രി​ച്ചു. കൃ​ത്യ​മാ​യി വെ​ട്ടി​യൊ​തു​ക്കി​യ പൂ​ക്ക​ളും ഇ​ല​ക​ളും വൃ​ത്തി​യു​ള്ള പ്ലാ​സ്റ്റി​ക്കു കൊ​ണ്ട് പൊ​തി​ഞ്ഞ ബൊ​ക്കെ. ആ​ൺ​കു​ട്ടി​യും പെ​ൺ​കു​ട്ടി​യും വ​ടി​വൊ​ത്ത യൂ​നി​ഫോം ധ​രി​ച്ചി​രി​ക്കു​ന്നു. തി​ള​ങ്ങും വി​ധ​ത്തി​ൽ ഷൂ​സ് പോ​ളി​ഷ് ചെ​യ്തി​രി​ക്കു​ന്നു. അ​തി​വി​ശി​ഷ്ടാ​തി​ഥി​യെ എ​ന്ന​പോ​ലെ അ​വ​ർ എ​ന്നെ ഹാ​ളി​നു​ള്ളി​ലേ​ക്ക് ആ​ന​യി​ച്ചു കൊ​ണ്ടു​പോ​യി.

‘‘നി​ങ്ങ​ൾ എം.​എ ക്ലാ​സി​ൽത​ന്നെ​യ​ല്ലേ പ​ഠി​ക്കു​ന്ന​ത്?’’, ഞാ​ൻ ചോ​ദി​ച്ചു.

‘‘അ​തെ സാ​ർ. ഞാ​ൻ എം.​എ പൊ​ളി​റ്റി​ക്ക​ൽ സ​യ​ൻ​സ്. അ​വ​ൻ എ​ക്ക​ണോ​മി​ക്സ്.’’

ന​ഗ​ര​ത്തി​ലെ പ്ര​ശ​സ്ത​മാ​യ സ്വ​കാ​ര്യ കോ​ള​ജാ​ണ്. ഹാ​ളി​ലേ​ക്ക് ന​ട​ക്കു​മ്പോ​ൾ, പു​ല്ല് വെ​ട്ടി​ക്കൊ​ണ്ടി​രു​ന്ന മീ​ശ​ക്കാ​ര​ൻ എ​ന്നെ​ക്ക​ണ്ട് എ​ണീ​റ്റുനി​ന്നു. രാ​കി മി​നു​ക്കി​യ ക​ത്രി​ക താ​ഴ്ത്തി​പ്പി​ടി​ച്ച് അ​യാ​ൾ ഭ​വ്യ​ത​യോ​ടെ ഒ​ന്നു കു​നി​ഞ്ഞു. ഞാ​ൻ മു​ന്നോ​ട്ട് ന​ട​ന്ന​തും അ​നു​സ​ര​ണ​ക്കേ​ട് കാ​ട്ടി​യ പു​ൽ​ത്ത​ല​പ്പു​ക​ളെ അ​രി​ഞ്ഞൊ​തു​ക്കു​ന്ന പ​ണി​യി​ലേ​ക്ക് അ​യാ​ൾ മ​ട​ങ്ങി​പ്പോ​യി. നേ​ര​ത്തേ കേ​ട്ട താ​ള​ത്തി​ൽ പു​ല്ല് വെ​ട്ടാ​ൻ തു​ട​ങ്ങി.

പ്ല​ക് പ്ല​ക്

പ്ല​ക് പ്ല​ക് പ്ല​ക്.

എ.​സി ഹാ​ളാ​യി​രു​ന്നു. അ​ന​വ​ധിപേ​രെ ഒ​ന്നി​ച്ച് അ​ട​ക്കാ​വു​ന്ന വ​ലി​യൊ​രു ശ​വ​പേ​ട​കംപോ​ലെ ആ ​ഹാ​ൾ. ഞാ​ൻ ഉ​ള്ളി​ലേ​ക്ക് ക​ട​ന്ന​തും അ​തി​നു​ള്ളി​ൽ ഉ​ണ്ടാ​യി​രു​ന്ന നൂ​റ്റി​യൊ​ന്നു കു​ട്ടി​ക​ളും എ​ണീ​റ്റു​നി​ന്നു. അ​ച്ച​ട​ക്ക​ത്തോ​ടെ കൈ​യ​ടി​ക്കാ​ൻ തു​ട​ങ്ങി. നീ​ണ്ട പ​രി​ശീ​ല​നം കൊ​ണ്ടാ​വ​ണം, അ​പ​താ​ള​മേ​ൽ​ക്കാ​തെ കൃ​ത്യ​മാ​യി​രു​ന്നു ആ ​കൈ​യ​ടി. എ​ൻ.​എ​സ്.​എ​സ് കോഓ​ഡി​നേ​റ്റ​റാ​യ അ​ധ്യാ​പ​ക​ൻ ഒ​രു മ്യൂ​സി​ക് ക​േമ്പാ​സ​റെപ്പോ​ലെ കൈ​ക​ൾ ഉ​യ​ർ​ത്തു​ക​യും താ​ഴ്ത്തു​ക​യും ചെ​യ്യു​ന്ന​ത് പി​ന്നീ​ടാ​ണ് ശ്ര​ദ്ധി​ച്ച​ത്. അ​യാ​ൾ സ്വാ​ഗ​തം പ​റ​യു​മ്പോ​ൾ ഞാ​ൻ മ​റ്റൊ​രു കാ​ല​ത്തി​ലേ​ക്ക് ഊ​ണ്ടു​പോ​യി. കോ​ട്ട കെ​ട്ടി മ​റ​ച്ച ഈ ​കോ​ള​ജി​ലേ​ക്ക് സ​മ​ര​വു​മാ​യി ഞാ​ൻ വ​ന്നി​ട്ടു​ണ്ട്. സ​മൃ​ദ്ധ​വും മി​നു​സ​വു​മാ​യ ശ​രീ​ര​ങ്ങ​ളും ഏ​റ്റ​വും പു​തി​യ വ​സ്ത്ര​ങ്ങ​ളും ധ​രി​ച്ച ഇ​വി​ട​ത്തെ സു​ന്ദ​രി​മാ​രെ കാ​ണു​ക മാ​ത്ര​മാ​യി​രു​ന്നു എ​ന്റെ ഉ​ദ്ദേ​ശ്യം. അ​ന്നൊ​ക്കെ പൊ​ലീ​സി​ന്റെ ലാ​ത്തി​യ​ടി​യും ഏ​റ്റി​ട്ടു​ണ്ട്. അ​യാ​ൾ സ്വാ​ഗ​തം അ​വ​സാ​നി​പ്പി​ച്ചു.

പ്ല​ക് പ്ല​ക്

പ്ല​ക് പ്ല​ക് പ്ല​ക്.

കൈ​യ​ടി ഞാ​ൻ പ്ര​സം​ഗം ആ​രം​ഭി​ക്കു​ന്ന​തു വ​രെ തു​ട​ർ​ന്നു.

‘‘വ​ലി​യ പോ​രാ​ട്ട​ങ്ങ​ൾ ന​ട​ന്ന ന​ഗ​ര​മാ​ണി​ത്. അ​ധി​കാ​ര​ത്തി​ന്റെ വ​ലി​യ എ​ടു​പ്പു​ക​ൾ​ക്കും അ​ഹ​മ്മ​തി​ക​ൾ​ക്കും എ​തി​രെ ഈ ​ന​ഗ​ര​ത്തി​ലെ മ​നു​ഷ്യ​ർ കൂ​റ്റ​ൻ പ്ര​തി​ഷേ​ധ​ങ്ങ​ൾ ന​ട​ത്തി​യി​ട്ടു​ണ്ട്. ലോ​ക​ത്തി​ന്റെ ഏ​തെ​ങ്കി​ലും കോ​ണി​ൽ മ​നു​ഷ്യാ​ന്ത​സ്സി​ന് അ​പ​മാ​നം നേ​രി​ട്ട​പ്പോ​ഴൊ​ക്കെ ഈ ​ന​ഗ​ര​ത്തി​ലെ മ​നു​ഷ്യ​ർ പോ​രാ​ട്ടം ന​ട​ത്തി​യി​ട്ടു​ണ്ട്. വ​ർ​ണ​ങ്ങ​ൾ​ക്കും രാ​ജ്യാ​തി​ർ​ത്തി​ക​ൾ​ക്കും അ​പ്പു​റം മ​നു​ഷ്യ​നെ ഉ​യ​ർ​ത്തി​പ്പി​ടി​ച്ച വ​ലി​യ മ​നു​ഷ്യ​ർ പോ​രാ​ടി മ​രി​ച്ചു​പോ​യ ന​ഗ​ര​മാ​ണി​ത്.’’

ആ​മു​ഖ​മാ​യി പ​റ​ഞ്ഞ​ശേ​ഷം ഞാ​ൻ സ​ദ​സ്സി​ലേ​ക്ക് നോ​ക്കി. ക​ഠി​ന​മാ​യ കാ​യി​ക പ​രി​ശീ​ല​ന​ത്തി​ലൂ​ടെ​യും കൃ​ത്യ​മാ​യ ഡ​യ​റ്റി​ങ്ങി​ലൂ​ടെ​യും പ്രോ​ട്ടീ​ൻ മി​നു​ങ്ങു​ന്ന പേ​ശി സ്വ​ന്ത​മാ​ക്കി​യ​വ​രാ​യി​രു​ന്നു ആ​ൺ​കു​ട്ടി​ക​ൾ ഏ​റെ​യും. യൂ​റോ​പ്യ​ൻ മു​ഖ​ച്ഛാ​യ​യി​ലേ​ക്ക് ഏ​കീ​ക​രി​ക്ക​പ്പെ​ട്ട പെ​ൺ​കു​ട്ടി​ക​ളും.

എ​നി​ക്ക് അ​മി​ത​മാ​യി ത​ണു​ക്കാ​ൻ തു​ട​ങ്ങി. ‘‘എ.​സി ഒ​ന്ന് കു​റ​ക്കാ​മോ?’’, ഞാ​ൻ ചോ​ദി​ച്ചു. മു​ൻ​സീ​റ്റി​ലി​രു​ന്ന് എ​ന്റെ പ്ര​സം​ഗം നോ​ട്ട് ബു​ക്കി​ൽ കു​റി​ച്ചെ​ടു​ക്കു​ക​യാ​യി​രു​ന്ന വി​ദ്യാ​ർ​ഥി ചാ​ടി​യെ​ണീ​റ്റു.

‘‘സാ​ർ, 16 ഡി​ഗ്രി ഇ​വി​ടെ ഫി​ക്സ്ഡാ​ണ്. മാ​ത്ര​മ​ല്ല, അ​ത് നി​യ​ന്ത്രി​ക്കാ​നു​ള്ള റി​മോ​ട്ട് ക​ൺ​ട്രോ​ൾ പ്രി​ൻ​സി​പ്പാ​ളി​ന്റെ കൈ​യി​ലു​മാ​ണ്.’’

ഒ​രു​പ​ക്ഷേ, കൂ​ടു​ത​ൽ ത​ണു​ത്ത കാ​ലാ​വ​സ്ഥ​യു​ള്ള ഒ​രു ദേ​ശ​ത്തേ​ക്ക് കു​ടി​യേ​റാ​നു​ള്ള പ​രി​ശീ​ല​നം കൂ​ടി മാ​നേ​ജ്മെ​ന്റ് ഉ​ദ്ദേ​ശി​ക്കു​ന്നു​ണ്ടാ​വാം. ഞാ​ൻ പ്ര​സം​ഗം തു​ട​ർ​ന്നു: ‘‘നി​ങ്ങ​ൾ​ക്ക​റി​യാ​മോ എ​ന്ന​റി​യി​ല്ല, സ്വാ​തി​ തി​രു​നാ​ളി​നെ ‘തി​രു​വി​താം​കൂ​ർ നീ​ച​ൻ’ എ​ന്നു വി​ളി​ച്ച ഒ​രു ധീ​ര​ൻ ഇ​വി​ടെ ജീ​വി​ച്ചി​രു​ന്നു. വ​ലി​യൊ​രു ജാ​ഥ ന​യി​ച്ച് ന​ഗ​രം വ​ള​ഞ്ഞു ആ ​മ​നു​ഷ്യ​ൻ. അ​യ്യാ വൈ​കു​ണ്ഠ​സ്വാ​മി. ജ​യി​ലി​ലാ​യി. വീ​ര​നെ​പ്പോ​ലെ മ​രി​ച്ചു.’’ ഞാ​ൻ ഒ​ന്നു നി​ർ​ത്തി. സ​ദ​സ്സി​നെ നോ​ക്കി. ത​ണു​പ്പ് അ​വ​രെ​യും ബാ​ധി​ച്ചി​രി​ക്കു​ന്നു എ​ന്ന് തോ​ന്നി. എ​ന്നാ​ൽ, അ​ടു​ത്ത നി​മി​ഷ​ത്തി​ൽ എ​ന്നെ അ​ത്ഭു​ത​പ്പെ​ടു​ത്തി​ക്കൊ​ണ്ട് സ​ദ​സ്സ് ഒ​ന്നാ​കെ എ​ണീ​റ്റ് നി​ന്നു.

പ്ല​ക് പ്ല​ക്

പ്ല​ക് പ്ല​ക് പ്ല​ക്.

മൂ​ന്ന് പ്രാ​വ​ശ്യം കൈ​യ​ടി​ച്ചശേ​ഷം അ​വ​ർ അ​ച്ച​ട​ക്ക​ത്തോ​ടെ ഇ​രു​ന്നു.

‘‘നി​ങ്ങ​ൾ​ക്ക് പൊ​ന്ന​റ ശ്രീ​ധ​റെ അ​റി​യു​മാ​യി​രി​ക്കും. ഈ ​ന​ഗ​ര​ത്തി​ന്റെ ഉ​ഗ്ര​ശാ​സ​ന​യാ​യി​രു​ന്നു അ​ണ്ണ​ൻ. ചൂ​ടു​പി​ടി​ച്ച സ​മ​ര​ശാ​ല​യി​ലേ​ക്ക് അ​ണ്ണ​ൻ ചാ​ടി​യി​റ​ങ്ങി​യ​ത് ഇ​തു​പോ​ലൊ​രു പാ​ഠ​ശാ​ല​യി​ൽനി​ന്നു​മാ​യി​രു​ന്നു. ഇ​രു​പ​ത്ത​ഞ്ച് ജ​യി​ൽ​വാ​സ​ങ്ങ​ളും അ​സം​ഖ്യം മ​ർ​ദന​ങ്ങ​ളും ഏ​റ്റു​വാ​ങ്ങി. ഭ​ഗ​ത് സി​ങ്ങി​ന്റെ നൗ​ജ​വാ​ൻ സ​ഭ സ്ഥാ​പി​ച്ച് തി​രു​വി​താം​കൂ​ർ രാ​ജ്യ​ത്തെ വെ​ല്ലു​വി​ളി​ച്ചു. ഓ​ർ​മ വേ​ണം. ഈ ​ന​ഗ​ര​ത്തി​ന്റെ ശ​ബ്ദ​മാ​യി​രു​ന്നു.’’

ഞാ​ൻ നി​ർ​ത്തി. കൈ​യ​ടി​ക്ക് വേ​ണ്ടി​യാ​വ​ണം ഞാ​ൻ നി​ർ​ത്തി​യ​തെ​ന്ന് തെ​റ്റി​ദ്ധ​രി​ച്ചി​ട്ടു​ണ്ടാ​വും. സ​ദ​സ്സ് ഒ​ന്നാ​കെ എ​ണീ​റ്റ് നി​ന്നു. ഇ​ള​തെ​ങ്കി​ലും ക​ന​ത്ത പേ​ശി​ക​ൾ തു​ടി​ക്കു​ന്ന കൈ​ക​ൾകൊ​ണ്ട് അ​വ​ർ കൈ​യ​ടി​ച്ചു.

പ്ല​ക് പ്ല​ക്

പ്ല​ക് പ്ല​ക് പ്ല​ക്.

ഹാ​ളി​ലെ ത​ണു​പ്പ് അ​നു​നി​മി​ഷം വ​ർ​ധിച്ചുവ​ന്നു. ക്ര​മേ​ണ അ​ത് മ​ര​വി​പ്പാ​യി മാ​റു​ന്ന​താ​യി എ​നി​ക്ക് തോ​ന്നി. മ​ര​വി​പ്പ് എ​ന്ന വാ​ക്കി​ന്റെ ശ​ബ്ദ​താ​രാ​വ​ലി​യി​ലെ സ്ഥാ​നം മ​ര​ണം എ​ന്ന വാ​ക്കി​ൽനി​ന്നും ഏ​റെ അ​ക​ലെ​യ​ല്ലാ​തെ​യാ​ണ​ല്ലോ എ​ന്ന് ഞാ​ന​പ്പോ​ൾ ഓ​ർ​ത്തു. ഞാ​നു​ൾ​പ്പെ​ടെ ഈ ​ഹാ​ളി​ലു​ള്ള സ​ക​ല മ​നു​ഷ്യ​രും ഇ​ങ്ങ​നെ ശൈ​ത്യ​ത്തി​ന്റെ കൊ​ടും ക​ടി​യേ​റ്റ് മ​രി​ച്ച് മ​ര​വി​ച്ചുപോ​കു​മാ​യി​രി​ക്കും. അ​പ്പോ​ഴും ഞ​ങ്ങ​ളെ ക​ണ്ടാ​ൽ ജീ​വ​നു​ണ്ടെ​ന്നുത​ന്നെ തോ​ന്നും. ചി​രി​ച്ചു​കൊ​ണ്ടും ചി​ന്തി​ച്ചു​കൊ​ണ്ടും കേ​ട്ടു​കൊ​ണ്ടും നി​ശ്ച​ല​രാ​യി ഇ​രി​ക്കു​ന്നെ​ന്ന്.

പ​റ​യു​ന്നെ​ങ്കി​ൽ ഒ​രു​പാ​ടു​ണ്ട്. ഈ ​ന​ഗ​ര​ത്തോ​ട് ചേ​ർ​ന്നു കി​ട​ക്കു​ന്ന ഒ​രു ഗ്രാ​മ​ത്തി​ൽനി​ന്നാ​ണ് ഞാ​ൻ വ​രു​ന്ന​ത്. നാ​ൽ​പ​തു​ക​ളി​ൽ സ്ഥാ​പി​ച്ച ഒ​രു വാ​യ​ന​ശാ​ല ഉ​ണ്ട​വി​ടെ. യു​നൈറ്റ​ഡ് ലൈ​ബ്ര​റി. ഈ​യി​ടെ ഞാ​ൻ അ​വി​ട​ത്തെ പ​ഴ​യ ഗ്ര​ന്ഥ​ശേ​ഖ​ര​ങ്ങ​ൾ ത​പ്പു​ക​യാ​യി​രു​ന്നു. കൂ​ട്ട​ത്തി​ൽ ഒ​രു​കെ​ട്ട് കൈ​യെ​ഴു​ത്ത് മാ​സി​ക​ക​ൾ കൈ​യി​ൽ ത​ട​ഞ്ഞു. ഇ​പ്പോ​ഴും മ​ഷി മ​ങ്ങാ​ത്ത, അ​ന​വ​ധി ചി​ത്ര​ങ്ങ​ളും ക​വി​ത​ക​ളും അ​നു​ഭ​വ​ങ്ങ​ളും കൂ​ട്ടി​ച്ചേ​ർ​ത്ത ആ ​മാ​സി​ക​ക​ളി​ലൊ​ന്ന് ഞാ​ൻ തു​റ​ന്നുനോ​ക്കി. ഇ​ന്ന് ജീ​വ​നോ​ടെ​യി​ല്ലാ​ത്ത അ​ന്ന​ത്തെ ചെ​റു​പ്പ​ക്കാ​രു​ടെ ഭാ​വ​ന​ക​ളാ​യി​രു​ന്നു അ​ത് നി​റ​യെ.

കൂ​ട്ട​ത്തി​ലൊ​രെ​ണ്ണം എ​ന്നെ വ​ല്ലാ​തെ അ​ഭി​മാ​നപു​ള​കി​ത​നാ​ക്കി. മ​നോ​ഹ​ര​മാ​യ കൈ​പ്പ​ട​യി​ൽ ത​യാ​റാ​ക്കി​യ ഒ​ന്ന്. അ​തി​ന്റെ ന​ടു​പ്പേ​ജി​ൽ വ​ലി​യ അ​ക്ഷ​ര​ങ്ങ​ളി​ൽ ക​ടും നീ​ലനി​റ​ത്തി​ൽ ഒ​രു​ഗ്ര​ശാ​സ​ന പ​തി​ച്ചി​ട്ടു​ണ്ടാ​യി​രു​ന്നു. അ​തി​ങ്ങ​നെ​യാ​യി​രു​ന്നു: യാ​ങ്കി​ക​ളേ ഏ​ഷ്യ വി​ടു​ക! ഞാ​ൻ പെ​ട്ടെ​ന്ന് അ​ത് എ​ഴു​തി​യ കാ​ലം മ​റി​ച്ചുനോ​ക്കി. 1968. ഹൊ! ​ആ കാ​ല​ത്തെ ക​ലു​ഷി​ത​മാ​യ ഏ​ഷ്യാ​ ഭൂ​ഖ​ണ്ഡം എ​ന്റെ മ​ന​സ്സി​ൽ മി​ന്നി​മ​റ​ഞ്ഞു. വി​യ​റ്റ്നാ​മി​ൽ യു.എ​സ് അ​ധി​നി​വേ​ശം ന​ട​ക്കു​ക​യാ​ണ്. ഈ ​നാ​ട്ടി​ലെ മ​നു​ഷ്യ​ർ അ​തി​നെ​തി​രെ ശ​ബ്ദി​ക്കു​ക​യാ​ണ്. തൊ​ട്ട​യ​ൽ​പ​ക്ക​ത്തെ ഗ്രാ​മ​ത്തി​ൽപോ​ലും വാ​യി​ക്കും എ​ന്നു​റ​പ്പി​ല്ലാ​ത്ത, മാ​ഞ്ഞുപോ​കാ​വു​ന്ന മ​ഷികൊ​ണ്ട് വി​ലകു​റ​ഞ്ഞ ക​ട​ലാ​സി​ലെ​ഴു​തി​ക്കൊ​ണ്ട് അ​വ​ർ ലോ​ക​ത്തി​ലെ ഏ​റ്റ​വും വ​ലി​യ ആ​യു​ധശ​ക്തി​യെ ശാ​സി​ക്കു​ക​യാ​ണ്: യാ​ങ്കി​ക​ളേ ഏ​ഷ്യ വി​ടു​ക!

ഞാ​ൻ പ്ര​സം​ഗം നി​ർ​ത്തി. ത​ണു​ത്തി​രു​ന്ന സ​ദ​സ്സ് പെ​ട്ടെ​ന്ന് ചാ​ടി​യെ​ണീ​റ്റു. യ​ന്ത്ര​കൃ​ത്യ​ത​യോ​ടെ കൈ​യ​ടി​ച്ചു:

പ്ല​ക് പ്ല​ക്

പ്ല​ക് പ്ല​ക് പ്ല​ക്.

എ​ന്നി​ട്ട് അ​ച്ച​ട​ക്ക​ത്തോ​ടെ സീ​റ്റു​ക​ളി​ൽ ഇ​രു​ന്നു.

‘‘ഇ​രു​പ​ത്തേ​ഴ് വ​ർ​ഷം ജ​യി​ലി​ൽ കി​ട​ന്ന നെ​ൽ​സ​ൺ മ​ണ്ഡേ​ല​ക്ക് വേ​ണ്ടി ഈ ​ന​ഗ​രം സ്തം​ഭി​ച്ചി​ട്ടു​ണ്ട്. നൈ​ജീ​രി​യ​ൻ ഭ​ര​ണ​കൂ​ടം കെ​ൻ സാ​രോ വി​വ എ​ന്ന ക​വി​യെ തൂ​ക്കി​ക്കൊ​ന്ന​പ്പോ​ൾ ഇ​വി​ട​ത്തെ വി​ദ്യാ​ർ​ഥി​ക​ൾ പ്ര​തി​ഷേ​ധി​ച്ചി​ട്ടു​ണ്ട്. തൊ​ണ്ണൂ​റു​ക​ളി​ൽ ഇ​വി​ട​ത്തെ വൈ​സ് ചാ​ൻ​സ​ല​റു​ടെ ബി​രു​ദ​ത്തി​ന് എ​ന്തോ ത​ക​രാ​റു​ണ്ടെ​ന്ന​റി​ഞ്ഞ് മാ​സ​ങ്ങ​ൾ ഈ ​ന​ഗ​ര​ത്തി​ൽ ചോ​ര​പ്പു​ഴ ഒ​ഴു​കി​യി​ട്ടു​ണ്ട്. നി​ങ്ങ​ൾ​ക്ക​റി​യാ​മോ, 2006ൽ ​സ​ദ്ദാം ഹു​സൈ​നെ തൂ​ക്കി​ലേ​റ്റി​യ പു​ല​ർ​കാ​ല​ത്ത്, മൂ​ന്ന് മ​ണി​ക്ക് ഇ​വി​ട​ത്തെ നൂ​റുക​ണ​ക്കി​ന് വി​ദ്യാ​ർ​ഥി​ക​ൾ എം.​ജി റോ​ഡി​ൽ പ്ര​ക​ട​നം ന​ട​ത്തി. ഘോ​ര​മാ​യ ശ​ബ്ദ​ത്തി​ൽ മു​ദ്രാ​വാ​ക്യ​ങ്ങ​ൾ മു​ഴ​ക്കി. വ​ലി​യ സാ​മ്രാ​ജ്യ​ങ്ങ​ൾ അ​ത് കേ​ൾ​ക്കി​ല്ലെ​ന്ന​റി​ഞ്ഞുകൊ​ണ്ടു​ത​ന്നെ. വ​ലി​യ പ​ർ​വത​ങ്ങ​ളെ മ​ണ​ൽ​ത്ത​രി​കൊ​ണ്ട് എ​റി​ഞ്ഞ് പൊ​ള്ളി​ക്കു​ന്നപോ​ലെ അ​വ​ർ മു​ദ്രാ​വാ​ക്യം വി​ളി​ച്ചു.

കാ​ര​ണം, അ​വ​ർ ചെ​റു​പ്പ​മാ​യി​രു​ന്നു. ചെ​റു​പ്പ​ത്തി​ന്റെ ധീ​ര​ത എ​ന്നപോ​ലെ നി​ഷ്ക​ള​ങ്ക​ത​യും അ​വ​ർ​ക്കു​ണ്ടാ​യി​രു​ന്നു. അ​വ​ർ​ക്ക് ആ​രെ​യും ഭ​യ​മി​ല്ലാ​യി​രു​ന്നു.’’

ഹാ​ളി​ലെ ത​ണു​പ്പ് അ​സ​ഹ്യ​മാ​യി തു​ട​ങ്ങി. പ്ര​സം​ഗം ഇ​നി​യും നീ​ട്ടി​ക്കൊ​ണ്ട് പോ​കാ​നാ​വി​ല്ല എ​ന്നെ​നി​ക്ക് മ​ന​സ്സി​ലാ​യി. ഞാ​ൻ തു​ട​ർ​ന്നു.

‘‘ഒ​രു ന​ഗ​ര​ത്തി​ൽ അ​നീ​തി ന​ട​ന്നാ​ൽ, സൂ​ര്യാ​സ്ത​മ​യ​ത്തി​ന് മു​മ്പ് അ​വി​ടെ ക​ലാ​പ​മു​ണ്ടാ​വ​ണം. ഇ​ല്ലെ​ങ്കി​ൽ ഇ​രു​ട്ടും മു​മ്പ് ആ ​ന​ഗ​രം ക​ത്തി​യ​മ​ര​ണം. ഈ ​വാ​ച​കം നി​ങ്ങ​ൾ കേ​ട്ടി​ട്ടു​ണ്ടാ​വും. ഇ​താ ഇ​വി​ടെ ഒ​ര​നീ​തി സം​ഭ​വി​ച്ചി​രി​ക്കു​ന്നു. ര​ണ്ട് പെ​ൺ​കു​ട്ടി​ക​ളെ പൂ​ർ​ണ ന​ഗ്ന​രാ​ക്കി നി​ങ്ങ​ളു​ടെ തെ​രു​വി​ലൂ​ടെ ന​ട​ത്തി​യി​രി​ക്കു​ന്നു. അ​ന​വ​ധി പു​രു​ഷ​ൻ​മാ​ർ ചേ​ർ​ന്ന് അ​വ​രെ കൂ​ട്ട​ബ​ലാ​ത്സം​ഗം ചെ​യ്തി​രി​ക്കു​ന്നു. ഞാ​ന​വ​സാ​നി​പ്പി​ക്കു​ക​യാ​ണ്. ഇ​ത്ര​യും ത​ണു​പ്പ് എ​നി​ക്ക് ശീ​ല​മ​ല്ല. എ​ല്ലാ​വ​ർ​ക്കും ന​ന്ദി.’’

സ​ദ​സ്സ് ഒ​ന്ന​ട​ങ്കം എ​ണീ​റ്റു നി​ന്നു. അ​ജ്ഞാ​ത​നാ​യ ഏ​തോ അ​ധി​കാ​രി ഏ​തോ കാ​ല​ത്തി​രു​ന്ന് ചി​ട്ട​പ്പെ​ടു​ത്തി​യ താ​ള​ത്തി​ൽ അ​വ​ർ അ​ച്ചി​ട്ട് നി​ര​ത്തി​യ​തുപോ​ലെ കൈ​യ​ടി​ക്കാ​ൻ തു​ട​ങ്ങി.

പ്ല​ക് പ്ല​ക്

പ്ല​ക് പ്ല​ക് പ്ല​ക്.

സ​ദ​സ്സ്, ആ​ൺ പെ​ൺ എ​ന്ന് ര​ണ്ടു വ​രി​യാ​യി പി​രി​ഞ്ഞു. അ​വ​രു​ടെ ന​ടു​വി​ൽ ഒ​രു പ്ര​ഭു​വി​നെ പോ​ലെ ഞാ​ൻ നി​ന്നു. ഓ​ട്ടോ​ഗ്രാ​ഫി​നാ​യി അ​വ​ർ പു​സ്ത​ക​ങ്ങ​ൾ നീ​ട്ടി. ഞാ​ൻ ‘ത​ണു​പ്പ് ത​ണു​പ്പ്’ എ​ന്ന് എ​ല്ലാ​ത്തി​ലും എ​ഴു​തി. കൈ​യ​ടി​ക​ളോ​ടെ അ​വ​ർ എ​ന്നെ കാ​റി​ലേ​ക്ക് ആ​ന​യി​ച്ചു. ഒ​രാ​ൾ എ​നി​ക്ക് ഡോ​ർ തു​റ​ന്നു ത​ന്നു. ഞാ​ൻ ഡ്രൈ​വി​ങ് സീ​റ്റി​ലി​രു​ന്നു. അ​പ്പോ​ഴും അ​വ​ർ കൈ​യ​ടി തു​ട​ർ​ന്നു.

ഞാ​ൻ കാ​ർ മു​ന്നോ​ട്ടെ​ടു​ത്തു. ഉ​ട​യാ​ത്ത യൂ​നിഫോം ധ​രി​ച്ച അ​വ​ർ അ​ച്ച​ട​ക്ക​ത്തോ​ടെ തി​രി​കെ ന​ട​ന്നുപോ​കു​ന്ന​ത് ഞാ​ൻ റി​യ​ർ​വ്യൂ മി​റ​റി​ൽ ക​ണ്ടു.