ചെന്നൈ: ഫ്രഞ്ച് സര്‍ക്കാറിന്‍റെ ഷെവലിയര്‍ പുരസ്കാരത്തിന് അര്‍ഹനായതില്‍ അഭിനന്ദിച്ച മുഖ്യമന്ത്രി പിണറായി വിജയന് നന്ദി അറിയിച്ച് സിനിമാ താരം കമല്‍ഹാസന്‍. അന്യസംസ്ഥാനത്തെ ഒരു മുഖ്യമന്ത്രി ആശംസയര്‍പ്പിക്കുന്നത് വലിയ കാര്യമാണെന്ന് തന്നോട് അഭിപ്രായപ്പെട്ട ഒരാളോട് പിണറായി എെൻറ മുഖ്യമന്ത്രിയാണെന്നും സിനിമ കാണുന്ന ഏത് മലയാളിയോട് ചോദിച്ചാലും താനേത് സംസ്ഥാനക്കാരനാണെന്ന് അറിയാമെന്ന് മറുപ‍ടി നല്‍കിയതായും കമല്‍ മുഖ്യമന്ത്രിക്കുള്ള കുറിപ്പില്‍ വ്യക്തമാക്കിയിട്ടുണ്ട്.
ഫ്രഞ്ച് സര്‍ക്കാറിന്‍റെ പരമോന്നത ബഹുമതി കരസ്ഥമാക്കിയതിനു ശേഷം ആ നേട്ടം തന്‍റെ ആരാധകര്‍ക്കായി സമര്‍പ്പിച്ചത് കമലിന്‍റെ വലിയ മനസിന്‍റെ സൂചനയാണെന്ന് അഭിനന്ദന കത്തില്‍ മുഖ്യമന്ത്രി പിണറായി വിജയന് ചൂണ്ടിക്കാട്ടിയിരുന്നു.
പിണറായി വിജയനും കമൽഹാസനും തമ്മിലുള്ള സൗഹൃദം വർഷങ്ങൾക്ക് മുമ്പ് തന്നെ തുടങ്ങിയതാണ്. സി.പി.എമ്മിെൻറ നിരവധി വേദികളിൽ കമൽഹാസൻ പങ്കെടുത്തിട്ടുണ്ട്. കമൽഹാസെൻറ വിശ്വരൂപം വിവാദത്തിലായപ്പോൾ പിന്തുണയുമായി ആദ്യം എത്തിയത് പിണറായിയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.