മാരാരിക്കുളം: ഇലക്ട്രിക് സ്കൂട്ടറിന്റെ പിന്നിൽ അമിത വേഗത്തിലെത്തിയ ബൈക്കിടിച്ച് വിമുക്തഭടൻ മരിച്ചു. മാരാരിക്കുളം തെക്ക് പഞ്ചായത്ത് 19ാം വാർഡ് കാട്ടൂർ അഴിയകത്ത് എ.ബി. വർക്കിയാണ് (84) മരിച്ചത്. കലവൂർ മങ്കടക്കാട് ജങ്ഷന് സമീപം തിങ്കളാഴ്ച രാവിലെ 8.30നായിരുന്നു അപകടം. ചെട്ടികാട് സാമൂഹികാരോഗ്യകേന്ദ്രത്തിലും തുടർന്ന് ആലപ്പുഴ മെഡിക്കൽ കോളജ് ആശുപത്രിയിലും എത്തിച്ചെങ്കിലും മരിച്ചു. ഭാര്യ: പി.ഡി. ലൈസ (റിട്ട. അധ്യാപിക, ഹോളി ഫാമിലി എച്ച്.എസ്.എസ് കാട്ടൂർ). മക്കൾ: റൂമ വർക്കി (ആശ്രയ് കൗൺസലിങ് സെന്‍റർ, ഇടക്കൊച്ചി), റെൻ വർക്കി (സഞ്ചരിക്കുന്ന മണ്ണുപരിശോധന കേന്ദ്രം, കൃഷി വകുപ്പ്, ആലപ്പുഴ), റീജ വർക്കി (അധ്യാപിക ടി.എം.പി സ്കൂൾ പ്രീതികുളങ്ങര). മരുമക്കൾ: ലോറൻ രെജു (ഹോട്ടൽ റോയൽ പാർക്ക്, ആലപ്പുഴ), മേരി മാർഗരറ്റ് (അധ്യാപിക, ഗവ. ഹൈസ്കൂൾ, പൊള്ളേത്തൈ ), സാജൻ ഫെലിക്സ് (ബിസിനസ്). സംസ്കാരം ചൊവ്വാഴ്ച വൈകീട്ട് മൂന്നിന് കാട്ടൂർ സെന്‍റ് മൈക്കിൾസ് ഫൊറോന ദേവാലയ സെമിത്തേരിയിൽ.
