സർക്കാർ -ഗവർണർ പോരിൽ സ്ഥിരം വി.സിയില്ലാതെ ‘കേരള’ക്ക്​ ഒരു വർഷം

തി​രു​വ​ന​ന്ത​പു​രം: സ​ർ​ക്കാ​ർ -ഗ​വ​ർ​ണ​ർ പോ​രി​ൽ സ്ഥി​രം വൈ​സ്​​ചാ​ൻ​സ​ല​റി​ല്ലാ​തെ കേ​ര​ള സ​ർ​വ​ക​ലാ​ശാ​ല​ക്ക്​ ഒ​രു​ വ​ർ​ഷം. വൈ​സ്​​ചാ​ൻ​സ​ല​റാ​യി​രു​ന്ന ഡോ. ​വി.​പി മ​ഹാ​ദേ​വ​ൻ പി​ള്ള​യു​ടെ കാ​ലാ​വ​ധി പൂ​ർ​ത്തി​യാ​യ​ത് 2022 ഒ​ക്​​ടോ​ബ​ർ 24നാ​ണ്. തു​ട​ർ​ന്ന്​ വി.​സി​യു​ടെ താ​ൽ​ക്കാ​ലി​ക ചു​മ​ത​ല ന​ൽ​കി​യ ആ​രോ​ഗ്യ സ​ർ​വ​ക​ലാ​ശാ​ല വൈ​സ്​​ചാ​ൻ​സ​ല​ർ ഡോ. ​മോ​ഹ​ൻ കു​ന്നു​മ്മ​ലി​ന്​ കേ​ര​ള വി.​സി​യു​ടെ ചു​മ​ത​ല​യി​ൽ ഒ​രു വ​ർ​ഷ​വും പൂ​ർ​ത്തി​യാ​കു​ന്നു.

ഒ​രു വ​ർ​ഷം വ​രെ സ്ഥി​രം വി.​സി​യി​ല്ലാ​ത്ത സാ​ഹ​ച​ര്യം സ​ർ​വ​ക​ലാ​ശാ​ല​യു​ടെ ച​രി​ത്ര​ത്തി​ൽ അ​പൂ​ർ​വ​വു​മാ​ണ്. കേ​ര​ള​ക്ക്​ പി​ന്നാ​ലെ ആ​റു​ സ​ർ​വ​ക​ലാ​ശാ​ല​ക​ളി​ൽ കൂ​ടി സ​ർ​ക്കാ​ർ -ഗ​വ​ർ​ണ​ർ പോ​രി​ൽ സ്ഥി​രം വി.​സി​മാ​രി​ല്ലാ​ത്ത സാ​ഹ​ച​ര്യ​മാ​യി.

വി.​സി നി​യ​മ​ന​ങ്ങ​ളി​ൽ ബി.​​ജെ.​പി സ​മ്മ​ർ​ദ​ത്തി​ൽ ഗ​വ​ർ​ണ​ർ ഇ​ട​പെ​ടാ​ൻ തു​ട​ങ്ങി​യ​തോ​ടെ​യാ​ണ്​ സ​ർ​ക്കാ​റു​മാ​യു​ള്ള ഏ​റ്റു​മു​ട്ട​ലി​നു​ള്ള വ​ഴി​തു​റ​ന്ന​ത്. ഇ​തു പി​ന്നീ​ട്​ ഗ​വ​ർ​ണ​റെ സ​ർ​വ​ക​ലാ​ശാ​ല​ക​ളു​ടെ ചാ​ൻ​സ​ല​ർ സ്ഥാ​ന​ത്തു​നി​ന്ന്​ മാ​റ്റു​ന്ന നി​യ​മ​നി​ർ​മാ​ണം വ​രെ എ​ത്തി.

വി.​സി നി​യ​മ​ന​ത്തി​ൽ ഗ​വ​ർ​ണ​ർ​ക്ക്​ മേ​ൽ​കൈ ഉ​ണ്ടാ​യി​രു​ന്ന സെ​ർ​ച്​ ക​മ്മി​റ്റി​യു​ടെ ഘ​ട​ന മാ​റ്റി പ​ക​രം സ​ർ​ക്കാ​റി​ന്​ നി​യ​ന്ത്ര​ണ​മു​ള്ള അ​ഞ്ചം​ഗ സെ​ർ​ച്​ ക​മ്മി​റ്റി കൊ​ണ്ടു​വ​രാ​നു​ള്ള ബി​ല്ലാ​ണ്​ നി​യ​മ​സ​ഭ ആ​ദ്യം പാ​സാ​ക്കി​യ​ത്. 2022 സെ​പ്​​റ്റം​ബ​ർ മൂ​ന്നി​ന്​ അം​ഗീ​കാ​ര​ത്തി​ന​യ​ച്ച ബി​ല്ലി​ൽ ഇ​തു​വ​രെ ഗ​വ​ർ​ണ​ർ തീ​രു​മാ​ന​മെ​ടു​ത്തി​ട്ടി​ല്ല. കേ​ര​ള വി.​സി നി​യ​മ​ന​ത്തി​ന്​ മു​ന്നോ​ടി​യാ​യി സെ​ർ​ച്​ ക​മ്മി​റ്റി​യു​ടെ ഘ​ട​ന മാ​റ്റാ​നാ​യി​രു​ന്നു സ​ർ​ക്കാ​ർ നീ​ക്കം. ഇ​തി​നാ​യി സെ​ർ​ച്​ ക​മ്മി​റ്റി​യി​ലേ​ക്കു​ള്ള പ്ര​തി​നി​ധി​യെ ആ​വ​ശ്യ​പ്പെ​ട്ടെ​ങ്കി​ലും സ​ർ​വ​ക​ലാ​ശാ​ല ന​ൽ​കി​യി​ല്ല.

ഇ​തോ​ടെ സ​ർ​വ​ക​ലാ​ശാ​ല പ്ര​തി​നി​ധി​​യെ ഒ​ഴി​ച്ചി​ട്ട്​ യു.​ജി.​സി, ചാ​ൻ​സ​ല​ർ എ​ന്നി​വ​രു​ടെ പ്ര​തി​നി​ധി​ക​ളെ ഉ​ൾ​പ്പെ​ടു​ത്തി ഗ​വ​ർ​ണ​ർ സെ​ർ​ച്​ ക​മ്മി​റ്റി രൂ​പ​വ​ത്​​ക​രി​ച്ചു. ഗ​വ​ർ​ണ​റു​ടെ ന​ട​പ​ടി പി​ന്നീ​ട്​ കോ​ട​തി റ​ദ്ദാ​ക്കി. ഇ​തി​നി​ടെ കേ​ര​ള വി.​സി​യു​ടെ താ​ൽ​ക്കാ​ലി​ക ചു​മ​ത​ല ഡി​ജി​റ്റ​ൽ സ​ർ​വ​ക​ലാ​ശാ​ല വി.​സി ഡോ. ​സ​ജി ഗോ​പി​നാ​ഥി​ന്​ ന​ൽ​കാ​നു​ള്ള സ​ർ​ക്കാ​ർ ശി​പാ​ർ​ശ ഗ​വ​ർ​ണ​ർ നി​ര​സി​ച്ചു.

പ​ക​രം ആ​രോ​ഗ്യ സ​ർ​വ​ക​ലാ​ശാ​ല വി.​സി മോ​ഹ​ൻ കു​ന്നു​മ്മ​ലി​ന്​ ചു​മ​ത​ല ന​ൽ​കി. സാ​​ങ്കേ​തി​ക സ​ർ​വ​ക​ലാ​ശാ​ല വി.​സി​യാ​യി​രു​ന്ന ഡോ.​എം.​എ​സ്. രാ​ജ​ശ്രീ​യു​ടെ നി​യ​മ​നം റ​ദ്ദാ​ക്കി​യ സു​പ്രീം​കോ​ട​തി വി​ധി ആ​യു​ധ​മാ​ക്കി ഒ​മ്പ​ത്​ വി.​സി​മാ​ർ​ക്ക്​ ഗ​വ​ർ​ണ​ർ നോ​ട്ടീ​സ്​ ന​ൽ​കി​യ​ത്​ വി​വാ​ദ​മാ​വു​ക​യും കോ​ട​തി​യി​ലെ​ത്തു​ക​യും ചെ​യ്തി​രു​ന്നു.

കേ​ര​ള വി.​സി നി​യ​മ​നം അ​നി​ശ്ചി​ത​ത്വ​ത്തി​ലാ​യ​തോ​ടെ തു​ട​ർ​ന്ന്​ ഒ​ഴി​വു​വ​ന്ന സാ​​​ങ്കേ​തി​ക സ​ർ​വ​ക​ലാ​ശാ​ല, എം.​ജി, കു​സാ​റ്റ്, കാ​ർ​ഷി​കം, ഫി​ഷ​റീ​സ്, മ​ല​യാ​ളം സ​ർ​വ​ക​ലാ​ശാ​ല​ക​ളി​ലെ​ല്ലാം വി.​സി നി​യ​മ​നം പ്ര​തി​സ​ന്ധി​യി​ലാ​യി. ഈ ​സ​ർ​വ​ക​ലാ​ശാ​ല​ക​​ളെ​ല്ലാം ഇ​ൻ ചാ​ർ​ജ്​ വി.​സി ഭ​ര​ണ​ത്തി​ന്​ കീ​ഴി​ലാ​ണ്.