പടിഞ്ഞാറെ കൊല്ലം: മുതിര്‍ന്ന സി.പി.ഐ നേതാവ് ശക്തികുളങ്ങര തെങ്ങഴികത്ത് ‘പ്രശാന്തി’ല്‍ ഒ. ശങ്കരനാരായണപിള്ള (83) നിര്യാതനായി. സി.പി.ഐ ജില്ല കൗണ്‍സിലംഗം, കൊല്ലം മണ്ഡലം സെക്രട്ടറി, എ.ഐ.ടി.യു.സി വർക്കിങ് കമ്മിറ്റിയംഗം, ക്വയിലോണ്‍ താലൂക്ക് ടെക്‌സ്റ്റൈല്‍ ലേബര്‍ യൂനിയന്‍ (എ.ഐ.ടി.യു.സി) ജനറല്‍ സെക്രട്ടറി, ടെക്‌സ്റ്റൈല്‍ സ്റ്റാഫ് യൂനിയന്‍ ജനറല്‍ സെക്രട്ടറി, പടിഞ്ഞാറെ കൊല്ലം സര്‍വിസ് സഹകരണ ബാങ്ക് പ്രസിഡന്‍റ്, ജില്ല ബാങ്ക് വൈസ് പ്രസിഡന്‍റ് എന്നീ നിലകളില്‍ പ്രവര്‍ത്തിച്ചിട്ടുണ്ട്. പാര്‍വതി മില്ലിലെ ഹെഡ് ടൈംകീപ്പറായിരുന്നു. ഭാര്യ: ചന്ദ്രമതിയമ്മ (റിട്ട. കോളജ് വിദ്യാഭ്യാസ വകുപ്പ്). മക്കള്‍: മനോജ് (സിവില്‍ പൊലീസ് ഓഫിസര്‍, കായംകുളം), മഞ്ജു (ചീഫ് മാനേജര്‍, ഫെഡറല്‍ ബാങ്ക്, കതൃകടവ് ബ്രാഞ്ച്, എറണാകുളം). മരുമക്കള്‍: ആര്‍. നിഷ, ജി. ഉണ്ണികൃഷ്ണന്‍ (അസി. മാനേജര്‍, സിനര്‍ജി ഷിപ്പിങ് കോര്‍പറേഷന്‍, കൊച്ചി). സംസ്കാരം വെള്ളിയാഴ്ച രാവിലെ 10ന് വീട്ടുവളപ്പില്‍.
