ചേര്‍ത്തല: ചേര്‍ത്തല ബാർ അസോസിയേഷന്‍ മുന്‍ പ്രസിഡന്റും കോണ്‍ഗ്രസ് നേതാവുമായ തണ്ണീര്‍മുക്കം കൊക്കോതമംഗലം ചേന്നോത്ത് കക്കാട്ടുചിറയില്‍ അഡ്വ.ജോസ് സിറിയക്(61) നിര്യാതനായി. ചേര്‍ത്തല കാര്‍ഡ്ബാങ്ക് ഭരണ സമിതിയംഗവും ലയണ്‍സ് ക്ലബ് മേഖലാ കോര്‍ഡിനേറ്ററുമാണ്.ആലപ്പുഴ ഡി.സി.സി അംഗം, ചേര്‍ത്തല ലയണ്‍സ് ക്ലബ് പ്രസിഡന്റ് എന്നീ നിലകളിലും പ്രവര്‍ത്തിച്ചിരുന്നു.
അമ്മ: കുറവിലങ്ങാട് നിധീരി ആര്യപ്പള്ളില്‍ കുടുംബാംഗം കുട്ടിയമ്മ. ഭാര്യ: മാന്നാനം പെരുമാലില്‍ കുടുംബാംഗം മിന്നി ലൂക്ക്(റിട്ട.ഹെഡ്മിസ്ട്രസ്,സെന്റ് ആന്റണീസ് ജി.എച്ച്.എസ്, ആലപ്പുഴ). മക്കള്‍: അഡ്വ.കുര്യന്‍ കെ.ജോസ്(സിറിയക് ആന്‍ഡ് സിറിയക് അസോസിയേറ്റ്‌സ്,കേരള ഹൈകോടതി), അഡ്വ. ലൂക്ക് കെ.ജോസ് (എ.ഇസഡ്.ബി ആന്‍ഡ് പാർട്നേഴ്‌സ് മുംബൈ).
മരുമകള്‍: അഡ്വ.അക്ഷയ സുരേഷ്. മൃതദേഹം ശനിയാഴ്ച രാവിലെ മുതല്‍ വീട്ടില്‍ പൊതുദര്‍ശനത്തിന്വെക്കും. സംസ്കാരം വൈകിട്ട് നാലിന് കൊക്കോതമംഗലം മാര്‍ത്തോമ ദേവാലയ സെമിത്തേരിയില്‍.
