പാലാ: എസ്.എ.ബി.എസ് സഭയുടെ ചീങ്കല്ലേൽ റോസ്ഭവൻ മഠാംഗം സിസ്റ്റർ മേരി റൊമാന മുളങ്ങാശ്ശേരിൽ (82) നിര്യാതയായി. പാതാമ്പുഴ മുളങ്ങാശ്ശേരിൽ തൊമ്മൻ - ത്രേസ്യ ദമ്പതികളുടെ മകളാണ്. കുന്നോനി, പൈക, അന്ത്യാളം, നെല്ലിയാനി, അരുവിത്തുറ, റോസ് ഭവൻ എന്നീ മഠങ്ങളിൽ അംഗമായിരുന്നു. മുട്ടുചിറ ഹോളിഗോസ്റ്റ് സ്കൂൾ ഓഫ് നഴ്സിങ്ങിൽ പ്രിൻസിപ്പൽ, വൈസ് പ്രിൻസിപ്പൽ, ട്യൂട്ടർ എന്നീ ചുമതലകളും പച്ച ലൂർദ്മാതാ സ്കൂൾ ഓഫ് നഴ്സിങ് പ്രിൻസിപ്പൽ, ചെത്തിപ്പുഴ സ്കൂൾ ഓഫ് നഴ്സിങ് ട്യൂട്ടർ, കൂത്താട്ടുകുളം ദേവമാത ആശുപത്രി സ്റ്റാഫ് നഴ്സ്, ക്ലിനിക്കൽ ഇൻസ്ട്രക്ടർ എന്നീ നിലകളിൽ പ്രവർത്തിച്ചിട്ടുണ്ട്. സഹോദരങ്ങൾ: ഏലിക്കുട്ടി ജോസഫ്, കുട്ടിയമ്മ ജേക്കബ് (യു.എസ്.എ), ജോസഫ് സേവ്യർ (യു.എസ്.എ), ജോയി സേവ്യർ, മോളിക്കുട്ടി സെബാസ്റ്റ്യൻ (യു.എസ്.എ). സംസ്കാരം ബുധനാഴ്ച ഉച്ചക്ക് രണ്ടിന് മഠം വക സെമിത്തേരിയിൽ.
