വൈക്കം: കോളജിലേക്ക് സ്കൂട്ടറിൽ പോകുകയായിരുന്ന വിദ്യാർഥിക്ക് ടോറസ് ലോറിക്കടിയിൽപെട്ട് ദാരുണാന്ത്യം.
ചോറ്റി ചിറ്റടിപറമ്പിൽ വീട്ടിൽ റിട്ട. പഞ്ചായത്ത് സെക്രട്ടറി സതീഷ് ചന്ദ്രെൻറ മകൻ പി.എസ്. ഡയസാണ് (24) മരിച്ചത്.
വെള്ളിയാഴ്ച ഉച്ചക്ക് ഒന്നോടെ വടയാർ പാലത്തിനും തുറുവേലിക്കുന്നിനുമിടയിലുള്ള പാലത്തിലായിരുന്നു അപകടം. പിന്നിൽനിന്ന് വരുകയായിരുന്ന ടോറസ് ഡയസിെൻറ സ്കൂട്ടറിനെ മറികടക്കുന്നതിനിടെ സ്കൂട്ടറിലിടിക്കുകയും തെറിച്ചുവീണ ഡയസിെൻറ ശരീരത്തിലൂടെ കയറുകയുമായിരുന്നു. വൈക്കം താലൂക്ക് ആശുപത്രിയിലും തുടർന്ന് മെഡിക്കൽ കോളജ് ആശുപത്രിയിലും എത്തിെച്ചങ്കിലും രക്ഷിക്കാനായില്ല.
വൈക്കം ശ്രീമഹാദേവ കോളജിലെ ഒന്നാം വർഷ അധ്യാപക വിദ്യാർഥിയായ ഡയസ് പഠനഭാഗമായി വൈക്കം സത്യഗ്രഹത്തെക്കുറിച്ച് ഡോക്യുമെൻററി തയാറാക്കാൻ കോളജിലേക്ക് പോവുകയായിരുന്നു.
വട്ടക്കാവ് ഇഞ്ചിയാനി സെൻറ് സേവ്യേഴ്സ് എൽ.പി സ്കൂൾ പ്രഥമാധ്യാപിക ഡെയ്സമ്മ തോമസാണ് മാതാവ്.
സഹോദരങ്ങൾ: ഡെയ്സി, ഡെയ്സൻ.