ശ്രീകൃഷ്ണപുരം: അക്ഷരശ്ലോക കുലപതി മാടമ്പി ജാതവേദൻ നമ്പൂതിരി (അനിയേട്ടൻ-86) നിര്യാതനായി. വേദ/അക്ഷരശ്ലോക പണ്ഡിതനായ അന്തരിച്ച മാടമ്പി ശങ്കരൻ നമ്പൂതിരിയുടെ പുത്രനാണ്. സംസ്കാരം മണ്ണമ്പറ്റയിലെ സ്വവസതിയിൽ നടന്നു. ഭാര്യ: ഉമാദേവി അന്തർജനം (വയ്ക്കാക്കര മഹൾ). മക്കൾ: ശങ്കരൻ (വി.ടി.ബി കോളേജ് സൂപ്രണ്ട്), ശ്രീദേവി, സുധ. മരുമക്കൾ: സിന്ധു (പറവട്ടം), സുബ്രഹ്മണ്യൻ (ആറ്റൂർ മുണ്ടേര്), നാരായണൻ (പേര മന). കഥകളി സംഗീതാചാര്യൻ മാടമ്പി സുബ്രഹ്മണ്യൻ നമ്പൂതിരി, അഷ്ടമൂർത്തി നമ്പൂതിരി (ബോബെ), പരേതയായ ലീല അന്തർജനം (നരിക്കാട്ടിരി മന), പരേതയായ ശ്രീദേവി അന്തർജനം (മഴൂർ മന) എന്നിവർ സഹോദരങ്ങളാണ്. അക്ഷരശ്ലോക ആലാപനത്തിൽ സ്വന്തമായ ശൈലിക്ക് രൂപം നൽകി വിവിധ മത്സരവേദികളിൽ വിജയിച്ചിട്ടുണ്ട്. ശ്രീ ഗുരുവായൂരപ്പൻ സുവർണ മുദ്ര, നാരായണീയം സുവർണ മുദ്ര, ചാക്കോളാ സുവർണ മുദ്ര, കമലാകര മേനോൻ സുവർണ മുദ്ര, കൊടുങ്ങല്ലൂർ കുഞ്ഞിക്കുട്ടൻ തമ്പുരാൻ സുവർണ മുദ്ര തുടങ്ങിയ പുരസ്കാരങ്ങൾ നേടിയിട്ടുണ്ട്.
