ആനക്കര: തൃത്താല വി.കെ കടവ് കള്ളിവളപ്പില്‍ സെയ്തുമുഹമ്മദ് (91) നിര്യാതനായി. തൃത്താല പഞ്ചായത്ത് ആദ്യകാല ഭരണസമിതിയില്‍ 17 വര്‍ഷക്കാലം പ്രസിഡന്‍റായിരുന്നു.
തൃത്താല ബ്ലോക്ക് ഡെവലപ്മെന്‍റ് കമ്മിറ്റി (ബി.ഡി.എസ്) ചെയര്‍മാന്‍, തൃത്താല കെ.ബി. മേനോന്‍ മെമ്മോറിയല്‍ ഹൈസ്കൂള്‍ മാനേജര്‍ എന്നീ പദവികള്‍ വഹിച്ചിട്ടുണ്ട്. വി.കെ കടവ് ജി.എം.എല്‍.പി സ്കൂളിന്‍റെ രക്ഷാകർതൃ സമിതിയിലും, വി.കെ കടവ് ജുമുത്ത് പള്ളി കമ്മിറ്റി പ്രസിഡന്‍റായും പ്രവര്‍ത്തിച്ചു. ആദ്യകാല ബസ് സര്‍വിസായ തൃത്താല മോട്ടോര്‍ സര്‍വിസിന്‍റെ (ടി.എം.എസ്) ഉടമസ്ഥരിലൊരാളായിരുന്നു. ഭാര്യ: പരേതയായ റാബിയ. മക്കള്‍: മൊയ്തീന്‍കുട്ടി, പാത്തുമ്മ, ജമീല, സുബൈദ, നസീറ, നദീറ.
മരുമക്കൾ: കുഞ്ഞാലൻകുട്ടി (തലക്കടത്തുർ), അബ്ദുറഹ്മാൻ (ചാവക്കാട്). സഹോദരങ്ങള്‍: കെ.പി.സി.സി അംഗവും തൃത്താല സഹകരണ ബാങ്ക് പ്രസിഡന്‍റുമായ കെ.വി മരക്കാര്‍, യൂസഫ്, കുഞ്ഞുമോള്‍, കുഞ്ഞാമിന, ആയിശ.
