നിലമ്പൂർ: ഇന്ത്യ പെന്തക്കോസ്ത് ദൈവസഭയിലെ സീനിയർ ശുശ്രൂഷകനും ഐ.പി.സി നിലമ്പൂർ സൗത്ത് സെന്‍റർ പാസ്റ്ററുമായ ചെങ്ങന്നൂർ പുത്തൻതെരുവ് വെട്ടുകുഴിയിൽ പാസ്റ്റർ വി.ജെ. ജോർജ് (തട്ടയിൽ പാപ്പച്ചൻ - 96) നിര്യാതനായി. സംസ്കാരം ജൂൺ ഒന്നിന് രാവിലെ ഒമ്പതിന് ന്യൂ ഹോപ് ബൈബിൾ കോളജ് ചാപ്പലിലെ ശുശ്രൂഷകൾക്ക് ശേഷം കോളജ് കാമ്പസിൽ. മലബാറിന്‍റെ അപ്പോസ്തലൻ എന്നാണ് അറിയപ്പെട്ടിരുന്നത്. പ്രേഷിത പ്രവർത്തനത്തിൽ 72 വർഷത്തോളം 20ലധികം സഭകളിലും തിരുവല്ല, ആലുവ, നിലമ്പൂർ സെന്‍ററുകളുടെ ചുമതലയിലും സേവനം ചെയ്തു. ഭാര്യ: പരേതയായ ഏലിയാമ്മ ജോർജ്, നാരകത്താനി മുക്കുഴിക്കൽ കുടുംബാംഗമാണ്. മക്കൾ: പാസ്റ്റർ ജോൺ ജോർജ് (ഐ.പി.സി മലബാർ മേഖല പ്രസിഡന്‍റ്, നിലമ്പൂർ ന്യൂ ഹോപ് ബൈബിൾ കോളജ് ഡയറക്ടർ), മേരിയമ്മ ജോയി, ഡോ. ജേക്കബ് ജോർജ് (യു.എസ്), എലിസബത്ത് കുര്യൻ. മരുമക്കൾ: സാറാമ്മ ജോർജ് (യു.എസ്), വത്സല ജേക്കബ് (യു.എസ്), പാസ്റ്റർ ബാബു തലവടി (ഐ.പി.സി സ്റ്റേറ്റ് കൗൺസിൽ അംഗം), പരേതനായ റവ. ജോയി കുളക്കട.
