ഇരിട്ടി: ബൈക്ക് നിയന്ത്രണം വിട്ട് മരത്തിലിടിച്ച് മറിഞ്ഞ് വിദ്യാർഥി മരിച്ചു. കീഴൂർ കൂളിചെമ്പ്രയിൽ കാഞ്ഞിരത്തിങ്കൽ ഹൗസിൽ ആൽബർട്ട് ലൂക്കാസ് (19) ആണ് മരിച്ചത്. ചൊവ്വാഴ്ച രാത്രി 11 ഓടെ പെരുവംപറമ്പ് കപ്പച്ചേരി വളവിൽവെച്ചായിരുന്നു അപകടം.
കൂട്ടുകാർക്കൊപ്പം പടിയൂരിലെ ക്ഷേത്രത്തിലെ ഉത്സവ പരിപാടി കഴിഞ്ഞ് മടങ്ങുകയായിരുന്ന ആൽബർട്ട് ലുക്കാസ് സഞ്ചരിച്ച ബൈക്ക് കപ്പച്ചേരിയിൽവെച്ച് നിയന്ത്രണം വിട്ട് റോഡരികിലെ മരത്തിലിടിച്ച് മറിയുകയായിരുന്നു.
ഗുരുതര പരിക്കേറ്റ് സമീപത്തെ കുറ്റിക്കാട്ടിലേക്ക് തെറിച്ചുവീണ ആൽബർട്ടിനെയും സഹയാത്രികൻ ആൽബിയെയും (18) നാട്ടുകാരും മറ്റ് കൂട്ടുകാരും ചേർന്ന് ഇരിട്ടിയിലും പിന്നീട് കണ്ണൂരിലെ സ്വകാര്യ ആശുപത്രിയിലുമെത്തിച്ചെങ്കിലും ആൽബർട്ട് ലൂക്കാസിനെ രക്ഷിക്കാനായില്ല.
രാജസ്ഥാൻ ജയ്പൂർ നിംസ് യൂനിവേഴ്സിറ്റിയിൽ ബി.എ സൈക്കോളജി വിഭാഗം ഒന്നാം വർഷ വിദ്യാർഥിയായ ആൽബർട്ട് ലൂക്കാസ് ക്രിസ്മസ് അവധിക്കായി നാട്ടിലെത്തിയതായിരുന്നു. അടുത്ത ദിവസം കോളജിലേക്ക് തിരിച്ചു പോകാനിരിക്കെയാണ് ദുരന്തം.
കാഞ്ഞിരത്തിങ്കൽ കെ.വി. സിൽജുവിന്റെയും കെ.വി. സിൽജയുടെയും മകനാണ്. സഹോദരൻ: ജെറാൾഡ് (തെറപ്പിസ്റ്റ്, തണൽ റീഹാബിലിറ്റേഷൻ സെന്റർ, കുടുക്കിമൊട്ട)
സംസ്കാരം വ്യാഴാഴ്ച രാവിലെ 10 ന് ഇരിട്ടിതന്തോട് സെന്റ് ജോസഫ് പള്ളി സെമിത്തേരിയിൽ.
