എടക്കര: ചുങ്കത്തറ സെന്റ് മേരീസ് മലങ്കര കത്തോലിക്ക ദേവാലയ വികാരി ജോര്‍ജ് പൊക്കത്തായില്‍ (40) നിര്യാതനായി. എടക്കര മേഖല വൈദിക സെക്രട്ടറി, ശ്രേയസ് മേഖല ഡയറക്ടര്‍, നിര്‍മല ഹയര്‍ സെക്കന്‍ഡറി സ്കൂള്‍ ലോക്കല്‍ മാനേജര്‍ എന്നീ നിലകളില്‍ പ്രവര്‍ത്തിച്ചുവരുകയായിരുന്നു.
ബത്തേരി ഗുരുകുലം മൈനര്‍ സെമിനാരി റെക്ടറായും ഏനാന്തി, ചോക്കാട്, കാര്യമ്പാടി, കൊളഗപ്പാറ, മാണ്ടാട്, ചെറുപുഴ, നറുക്കലക്കാട്, എരുമമുണ്ട, കൈപ്പിനി തുടങ്ങിയ ദേവാലയങ്ങളിലും സേവനമനുഷ്ഠിച്ചിട്ടുണ്ട്. ഞായറാഴ്ച ഉച്ചക്ക് രണ്ട് മുതല്‍ അഞ്ചുവരെ ചുങ്കത്തറ സെന്റ് മേരീസ് ദേവാലയ അങ്കണത്തില്‍ പൊതുദര്‍ശനത്തിന് വെച്ച മൃതദേഹം തുടര്‍ന്ന് സ്വദേശമായ കണ്ണൂര്‍ അടക്കാത്തോട് ഭവനത്തില്‍ എത്തിച്ചു.
തിങ്കളാഴ്ച രാവിലെ ഒമ്പതിന് കേളകം ലിറ്റില്‍ ഫ്ലവര്‍ മലങ്കര കത്തോലിക്ക ദേവാലയത്തില്‍ സഭ തലവന്‍ കര്‍ദിനാള്‍ ക്ലീമിസ് കാതോലിക്ക ബാവയുടെയും ബത്തേരി രൂപതാധ്യക്ഷന്‍ ഡോ. ജോസഫ് മാര്‍ തോമസ് മെത്രാപ്പോലീത്തയുടെയും മുഖ്യകാര്‍മികത്വത്തില്‍ സംസ്കാരശുശ്രൂഷകള്‍ ആരംഭിക്കും. കേളകം അടക്കാത്തോട് പൊക്കത്തായില്‍ മാത്യുവാണ് പിതാവ്. മാതാവ്: ഏലിയാമ്മ. സഹോദരന്‍: അനീഷ്.
