പാലക്കാട്: ആരംഭകാലം മുതലുള്ള പ്രമുഖ എം.ഇ.എസ് ഭാരവാഹിയും എം.ഇ.എസ് ജില്ല വൈസ് പ്രസിഡന്റും റിട്ട. ഹെൽത്ത്‌ ഇൻസ്‌പെക്ടറുമായ പുതുപ്പരിയാരം എഫ്.സി.ഐ റോഡ് അൽ ഹിലാൽ കോട്ടേജിൽ എസ്.എ. മുഹമ്മദ് യൂസഫ് (85) നിര്യാതനായി. ഒലവക്കോട് എം.ഇ.എസ് ഹയർ സെക്കൻഡറി സ്കൂൾ സ്ഥാപക ഭാരവാഹിയും നിലവിൽ വൈസ് ചെയർമാനുമാണ്. പുതുപ്പരിയാരം സർവിസ് സഹകരണ ബാങ്ക് ഡയറക്ടർ, ഒലവക്കോട് എം.ഇ.എസ് ഹയർ സെക്കൻഡറി സ്കൂൾ സെക്രട്ടറി, മുണ്ടൂർ എം.ഇ.എസ് സ്കൂൾ ചെയർമാൻ, എം.ഇ.എസ് യൂത്ത് വിങ് ജില്ല സെക്രട്ടറി, പെൻഷനേഴ്സ് യൂനിയൻ മലമ്പുഴ ബ്ലോക്ക് സെക്രട്ടറി, മെക്ക ജില്ല വൈസ് പ്രസിഡന്റ്‌ എന്നീ പദവികൾ വഹിച്ചിട്ടുണ്ട്.
ഭാര്യ: പരേതയായ എ.വി. സുബൈദ ബീവി. മക്കൾ: മുജീബ് റഹ്മാൻ (ദക്ഷിണ റെയിൽവേ, ഒലവക്കോട്), നൗഷാദ് ഖാൻ (ഷിഫ മെഡിക്കൽസ്), തൗഫീഖ് റഹ്മാൻ (രജിസ്ട്രേഷൻ വകുപ്പ്, പാലക്കാട്). മരുമക്കൾ: സലീന, ഷംസാദ് ബീഗം, റാഫിയ ബീവി. ഖബറടക്കം ഞായറാഴ്ച ഉച്ചക്ക് 11ന് പുതുപ്പരിയാരം ചിരട്ടക്കാട് ഖബർസ്ഥാനിൽ.
