കാഞ്ഞിരപ്പള്ളി: കാഞ്ഞിരപ്പള്ളി കുന്നുംഭാഗത്ത് കെട്ടിട നിര്‍മാണത്തിനിടെ വീണ് പരിക്കേറ്റ് ചികിത്സയിലിരുന്ന മധ്യവയസ്കൻ മരിച്ചു. ആനക്കല്ല് വെട്ടുവേലി തുണ്ടിയില്‍ ടി. സാബുവാണ് (53) മരിച്ചത്. കഴിഞ്ഞ 17നാണ് 20 അടി താഴ്ചയിലേക്ക് സാബു വീണത്. കോട്ടയം മെഡിക്കല്‍ കോളജില്‍ ചികിത്സയിലായിരുന്നു.
വ്യാഴാഴ്ച രാവിലെ എട്ടോടെ മരണപ്പെട്ടു. ഭാര്യ: കാഞ്ഞിരപ്പള്ളി പുളിമാവ് ചക്കാലമണ്ണില്‍ കുടുംബാംഗം കൊച്ചുറാണി. മക്കള്‍: സോണി (അധ്യാപകന്‍, മദര്‍ തെരേസ ഇംഗ്ലീഷ് മീഡിയം സ്‌കൂള്‍, ബോര്‍ഗാവ്, ഛത്തിസ്ഗഢ്), റോണി (എയര്‍ടെല്‍ ഡി.ടി.എച്ച്, കാഞ്ഞിരപ്പള്ളി), ഡോണി (വിദ്യാര്‍ഥി, സെൻറ് ഡൊമിനിക്‌സ് കോളജ്, കാഞ്ഞിരപ്പള്ളി). സംസ്കാരം വെള്ളിയാഴ്ച വൈകീട്ട് മൂന്നിന് കാഞ്ഞിരപ്പള്ളി സെൻറ് ഡൊമിനിക്‌സ് കത്തീഡ്രല്‍ സെമിത്തേരിയിൽ.
