പരപ്പനങ്ങാടി: വീട്ടിൽനിന്ന് വൈദ്യുതാഘാതമേറ്റ് ഗൃഹനാഥൻ മരിച്ചു. പാലത്തിങ്ങൽ കൊട്ടന്തല സ്വദേശി പാലത്തിങ്ങൽ വലിയപീടിയേക്കൽ ഹബീബ് റഹ്മാനാണ് (48) ഷോക്കടിച്ച് മരിച്ചത്. തിങ്കളാഴ്ച ഉച്ചക്ക് 12ഓടെ വീട്ടിൽ വെച്ചാണ് സംഭവം.
നിലത്ത് വീണുകിടക്കുകയായിരുന്ന ഹബീബിനെ ഉടൻ തിരൂരങ്ങാടി താലൂക്ക് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. പരപ്പനങ്ങാടി പൊലീസ് ഇൻക്വസ്റ്റ് നടത്തിയ മൃതദേഹം മഞ്ചേരി മെഡിക്കൽ കോളജ് ആശുപത്രി മോർച്ചറിയിൽ പോസ്റ്റുമോർട്ടം നടത്തി.
പിതാവ്: പരേതനായ മൂസക്കുട്ടി. മാതാവ്: പാത്തുമ്മു. ഭാര്യ: ശബ്ന. മക്കൾ: മുഹമ്മദ് റിദിൽ, ഫാത്തിമ റുഷ്ദ, റിസ, റഹ്‌സിൻ. സഹോദരങ്ങൾ: അബ്ദുൽ നാസർ, അഷ്റഫ്, സുലൈഖ, ആയിഷ, ജുബൈരിയ, പരേതനായ മുഹമ്മദ്. ഖബറടക്കം ചൊവ്വാഴ്ച രാവിലെ ഒമ്പതിന് കൊട്ടന്തല ജുമാമസ്ജിദ് ഖബർസ്ഥാനിൽ.
