പാനൂർ: പ്രവാസി ലീഗ് കണ്ണൂർ ജില്ല ട്രഷറർ കുന്നോത്തുപറമ്പിലെ കൂളിച്ചാൽ കെ.സി. കുഞ്ഞബ്ദുല്ല ഹാജി (62) നിര്യാതനായി. പ്രവാസി ലീഗ് കണ്ണൂർ ജില്ല പ്രസിഡന്‍റായും ദീർഘകാലം കൂത്തുപറമ്പ് മണ്ഡലം പ്രസിഡന്‍റായും പ്രവർത്തിച്ചിട്ടുണ്ട്. സംസ്ഥാന മുസ്‍ലിംലീഗ് കൗൺസിൽ അംഗം, കൂത്തുപറമ്പ് മണ്ഡലം മുസ്‍ലിം ലീഗ് പ്രവർത്തക സമിതി അംഗം, എസ്.എം പൂക്കോയ തങ്ങൾ ചാരിറ്റബ്ൾ ട്രസ്റ്റ് ചെയർമാൻ, കുന്നോത്ത്പറമ്പ് മഹല്ല് ജമാഅത്ത് കമ്മിറ്റി വൈസ് പ്രസിഡന്‍റ് തുടങ്ങിയ നിലകളിൽ പ്രവർത്തിച്ചിട്ടുണ്ട്. പാറാട്ടെ പൗരപ്രമുഖനുമായിരുന്നു. അസുഖബാധിതനായി കോഴിക്കോട്ടെ സ്വകാര്യ ആശുപത്രിയിൽ ചികിത്സയിലായിരുന്നു. ഭാര്യ: കെ.സി. സുലൈഖ. മക്കൾ: നസീറ, നസീബ, നജാസ് അബ്ദുല്ല (കുട്ടു), നദീറ, നദീബ. മരുമക്കൾ: ഷെമിം, ഡോ. ഗഫൂർ, ഫർഹത്ത്, ഷഫീഖ്, ജംഷീർ.
