കൊയിലാണ്ടി: കുറുവങ്ങാട് ലീല സദനിൽ ഉണ്ണ്യേപ്പൻകണ്ടി ദാമോദരൻ അടിയോടി (78) നിര്യാതനായി. നഗരസഭ വൈസ് ചെയർമാൻ, കുറുവങ്ങാട് സൗത് യു.പി സ്കൂൾ പ്രധാന അധ്യാപകൻ, സി.പി.എം ഏരിയ കമ്മറ്റി അംഗം, കെ.പി.ടി.യു ജില്ല സെക്രട്ടറി, കെ.എസ്.ടി.എ സംസ്ഥാന കമ്മിറ്റി അംഗം, ജില്ല പ്രസിഡന്റ്, കർഷക സംഘം ജില്ല കമ്മിറ്റി അംഗം, കുറുവങ്ങാട് മാവിൻചുവട് റസിഡൻസ് അസോസിയേഷൻ പ്രസിഡൻറ്, താലൂക്ക് കാർഷിക ഭൂപണയ സഹകരണ ബാങ്ക് വൈസ് പ്രസിഡന്റ് എന്നീ നിലകളിൽ പ്രവർത്തിച്ചു. നിലവിൽ സി.പി.എം കുറുവങ്ങാട് സൗത് ബ്രാഞ്ച് അംഗമാണ്‌.
എളാട്ടേരിയിലെ ഉണ്ണ്യേപ്പൻ കണ്ടിയിൽ പരേതരായ നാരായണൻ നായരുടെയും കുഞ്ഞിയമ്മയുടെയും മകനാണ്. ഭാര്യ: കെ. ലീല (റിട്ട. അധ്യാപിക കുറുങ്ങാട് സൗത് യു.പി സ്കൂൾ). മക്കൾ: അനിത (കൊടിയത്തൂർ ഹൈസ്കൂൾ), അഖില (അഭിഭാഷക, കൊയിലാണ്ടി), അജിന (ഡെന്റൽ സർജൻ പേരാമ്പ്ര). മരുമക്കൾ: മനോജ് (റിട്ട. ഡി.ഇ.ഒ കോഴിക്കോട്), വിജയകൃഷ്ണൻ (അഭിഭാഷകൻ കൊയിലാണ്ടി), സുനിൽ (ഡെന്റൽ സർജൻ പേരാമ്പ്ര).
