അലനല്ലൂർ: റോഡ് മുറിച്ചുകടക്കുന്നതിനിടയിൽ ഓട്ടോ ഇടിച്ച് പരിക്കേറ്റയാൾ ചികിത്സയിലിരിക്കെ മരിച്ചു. കാട്ടുകുളത്തെ പരേതനായ ആലി ഹാജിയുടെ മകൻ വട്ടത്തൊടി യൂസുഫ് ഹാജി (76) ആണ് മരിച്ചത്.
ശനിയാഴ്ച വൈകീട്ട് ആറിന് കോടത്തക്കരിങ്കറയിലായിരുന്നു അപകടം. പെരിന്തൽമണ്ണയിലെ സ്വകാര്യ ആശുപത്രിയിൽ ഞായറാഴ്ച പുലർച്ചയാണ് മരിച്ചത്.
ഭാര്യ: കാര്യവട്ടത്തെ പരേതനായ ചക്കിക്കുളത്തിൽ മുഹമ്മദിന്റെ മകൾ ഖദീജ. മക്കൾ: അബ്ദുന്നാസർ (ഫുജൈറ), യൂനുസ് അലി (സന ബസ് ഉടമ), ഫാരിജ. മരുമക്കൾ: സലൂജ കല്ലടി (പള്ളിക്കുറുപ്പ്), ഷഫ്ന ഷെറിൻ നെച്ചിയിൽ (മാട് റോഡ് മാനത്ത്മംഗലം), ഹംസ ആശാരിത്തൊടി (പാണ്ടിക്കാട്).
സഹോദരങ്ങൾ: ആമിന, കോയ ഹാജി, മുഹമ്മദ് കുട്ടി (റിട്ട. ജില്ല റജിസ്ട്രാർ), പാത്തുമ്മ, ആസ്യ, റുഖിയ്യ, പരേതനായ മരക്കാർ ഹാജി. പോസ്റ്റ്മോർട്ടത്തിന് ശേഷം മുണ്ടത്ത് പള്ളി ഖബർസ്ഥാനിൽ മറവ് ചെയ്തു.