ചെർപ്പുളശ്ശേരി: ചളവറ മുണ്ടക്കോട്ടുകുറുശ്ശി ചീരാംകുന്നത്ത് കുഞ്ഞാലൻ മാസ്റ്റർ (78) നിര്യാതനായി. മുസ്ലിം ലീഗ് ഒറ്റപ്പാലം മണ്ഡലം പ്രസിഡന്‍റ്, ഷൊർണൂർ നിയോജക മണ്ഡലം പ്രസിഡന്‍റ്, സംസ്ഥാന കൗൺസിലർ, യു.ഡി.എഫ് നിയോജക മണ്ഡലം കമ്മിറ്റി അംഗം, കേരള അറബിക് ടീച്ചേഴ്സ് ഫെഡറേഷൻ (കെ.എ.ടി.എഫ്) സബ് ജില്ല കമ്മിറ്റി അംഗം, ചളവറ ഗ്രാമപഞ്ചായത്ത് അംഗം, പൊട്ടച്ചിറ അൻവരിയ്യ അറബിക് കോളജ് കമ്മിറ്റി അംഗം, ചെർപ്പുളശ്ശേരി ശംസുൽ ഉലമ ഇസ്ലാമിക് ഫൗണ്ടേഷൻ അംഗം, ചളവറ പി.ടി.എം ട്രസ്റ്റ് വൈസ് ചെയർമാൻ, മഹല്ല് കമ്മിറ്റി അംഗം തുടങ്ങി നിരവധി മേഖലകളിൽ പ്രവർത്തിച്ചു. നിരവധി കാലം ഇസ്ലാമിക കഥാപ്രസംഗ രംഗത്ത് കാഥികനായും ഗായകനായും പ്രവർത്തിച്ചിട്ടുണ്ട്. അറബി അധ്യാപകനായി ദീർഘകാലം സേവനം അനുഷ്ഠിച്ചു. ഭാര്യ: റുഖിയ ടീച്ചർ (ചളവറ ഗ്രാമപഞ്ചായത്ത് മുൻ അംഗം). മക്കൾ: നസീമ (പ്രഫസർ, അലീഗഢ് മുസ്ലിം യൂനിവേഴ്സിറ്റി), നജ്മുദ്ദീൻ (ബിസിനസ്), നൗഷാദ് (അബൂദബി), നൗഷിജ. മരുമക്കൾ: അബ്ദുൽ ഹകീം (പ്രധാനാധ്യാപകൻ), ഫാത്തിമ റൈഷിൻ, ഷഹന, അലി (അബൂദബി). ഖബറടക്കം ബുധനാഴ്ച രാവിലെ ഒമ്പതിന് മുണ്ടക്കോട്ടുകുറുശ്ശി ജുമാമസ്ജിദ് ഖബർസ്ഥാനിൽ.
