സംസ്ഥാന ഖജനാവിന് വൻ സാമ്പത്തിക ചെലവുവരുന്ന സിൽവർലൈൻ കേരളവികസനം ത്വരിതപ്പെടുത്തുന്ന അത്ഭുത പദ്ധതിയാണെന്ന പ്രചാരണം കൊണ്ടുപിടിച്ചുനടക്കുന്നു. പദ്ധതിയെ എതിർക്കുന്നവർ കേരള വികസനത്തിന് തുരങ്കം വെക്കുന്നവരാണെന്ന ആക്ഷേപവും പദ്ധതിയുടെ വക്താക്കൾ നടത്തുന്നു. എന്നാൽ, സിൽവർലൈൻ ഗുണകരവും ലാഭകരവുമാണെന്ന് സ്ഥാപിച്ചെടുക്കാൻ ഉയർത്തിക്കാണിക്കപ്പെടുന്ന സാധ്യതാപഠന റിപ്പോർട്ട് തന്നെ വ്യാജ കണക്കുകളാൽ നിർമിച്ചെടുത്തതാണെന്ന് ഇഴകീറി വാദിക്കുകയാണ് ധനതത്ത്വശാസ്ത്രജ്ഞനും ഗവേഷകനുമായ ലേഖകൻ
